عاش عمر المختار 53 سنة تحت حكم العثمانيون و لم يطلق رصاصة واحده عليهم . إذا كان الحكم العثماني لليبيا إحتلالاً فلماذا لم يحاربهم عمر المختار ؟؟
بينما جاهد الطليان الفشست طيلة ما تبقي من حياته حتي أستشهد ؟؟ 🤔
السيسي و مصر مسيطرين علي اقليم برقة بالكامل من 6 سنوات ، حتي مسمار علي لوحة ما دقوه فيها
تركيا في اقل من شهر تعزز علاقاتها مع حكومة الوفاق المعترف بها دولياً و تقوم الأن بأنشاء اكبر ثلاث محطات لتوليد الكهرباء في تاريخ ليبيا .
#بلحه_يا_بلحه 😉
منهج المداخلة بأختصار :
لا يجوز الخروج علي الحاكم الظالم و إن جلد ظهرك وأخذ مالك ، أما إذا كان عادلاً فيجوز الخروج عليه لإعادة الحاكم الظالم ليجلد ظهرك و يأخذ مالك .
اجمل حاجة في أردوغان لما يطلع في اي محفل دولي .. يقول انا ندعم في احفاد عمر المختار
حتي التركي اللي بعيد علينا ، عارف الصادشيني من الأصلي .
توجع شويه لكن 100% 😉
الرئيس المصري جمال عبدالناصر خش في ثلاث حروب خسر منهن اربعة ، و خليفة حفتر خش في حربيـن خسر منهن خمسة ..
الله اكبر حفتر يتغلب علي عبدالناصر في الهزائم
#ليبيا_تنتصر🤣✌🏼
اكثر من 8 مليون تركي يشاهد في ليلة القدر الحلقة الأخيرة من مسابقة تلاوة القرآن في تركيا
و قناة MBC السعودية الأمارتية تعرض في نفس اللحظة برنامج رامز مجنون رسمي .😔
و ينصر الله من ينصره .. ☝🏼
في طرابلس بأمكانك و انت تشرب في قهوتك بأحد المقاهي أن تنتقد افعال السراج والمشري و هيثم التاجوري و اغنيوه و غيرهم .
و في بنغازي في حال تحكي ولو في سرك علي الأثنين مليار اللي سرقهن صدام حفتر من مصرف ليبيا المركزي تلاقي روحك يا مسجون في قرناده يا جثة في شارع الزيت
#ياعليك_موال 😏
مافيش داعي يا حافر حفتر و يازلم القذافي تسب و تشتم ثورة فبراير ، لأن إلي الأن مافيش حد في الساحة السياسية يمثل ثورة فبراير لا في البرلمان او الحكومة المؤقتة او حكومة الوفاق .
و اخر سياسي مثل فبراير هو السيد نوري بوسهمين ..
عاشت ليبيا و عاشت ثورة فبراير المجيدة 🇱🇾✌🏼
انا من قبيلة العبيدات اكبر قبائل الشرق .. القبيلة التي انجبت العميد "علي حدوث " شهيد فبراير رحمة الله عليه .
اشهد امام الله بأن رئيس البرلمان عقيلة صالح العبيدي بوه كان لقبه : صالح بوسويط ، علي خاطر كانت وظيفتة ضرب و تسويط المجاهدين في برقة ضد الأحتلال الفشستي الأيطالي
انا متوقع فايز السراج بعد شهر ياخذ حكومتة و يمشي بيهم للبيضاء و ياخذ مكان عبدالله الثني ..
و تقعد علاقتة بألامارات و مصر فقش مش تحت الطاولة زي توا .. 😏
للمرة المليون نعاود و نقول بأنك مستحيل تلاقي في تاريخ ليبيا الحديث و القديم بأن اقليم برقة نجح في إخضاع اقليم طرابلس و سيطر علي العاصمة وضواحيها بقوة السلاح ..
يا حفتر .. والله رااك قطعت شباب برقة في رهان خاسر 😏
حفتر شخصياً يطالب من اهالي بنغازي بأزالة صوره و صور السيسي من الشوارع .. !!
إذا كان خليفة حفتر نفسه عارف ان مشروعه الأنقلابي فشل ..
الأجتهاد في التطبيل و التمجيد من عندكم ليش ؟؟
هو ليش فتحي باشاغا الوحيد اللي محسوب علي حكومة الوفاق يحكي بالفم المليان علي التتدخل الأماراتي الغاشم في ليبيا؟
مش المفروض السراج ومستشاري يطلعوا علينا ويقولوا حتي ووووك علي فروخ زايد و دويلة الأمارات
هل باشاغا اشجع منكم او زعمك ما عنداش ملايين الدولارت في بنوك ابوظبي ودبي زيكم ؟
أخته ماتت يوم عرسها ، و خوه غرق امس في البحر
قصة قصيرة و واقعية حدثت مع حافر مغتصب منزل احد مهجرين #بنغازي
يقول صلي الله عليه وسلم :
اثنتان يعجلهما الله في الدنيا / البغي وعقوق الوالدين . ☝🏼
خليكم من الكلاب اللي تنـبح علي الفيسبوك ..
اغلب اهل برقة عارفين بأن حفتر خسر حرب طرابلس ، و جميعهم مستوعبين بأن حفتر و عياله فرسان غير علينا في برقة . و كلهم مستوعبين بأن نهاية مشروع حفتر في طرابلس هو نهايتة في برقة .
الخاسر لا مكان له دولياً ولا محلياً يا سيدي الأسير 😉
قصدي مش كنت تحارب في الأخوان المسلمين و الجماعة الليبية المقاتلة و الدواعش و الأرهابيين في طرابلس .؟؟
كيف الأن تطلب معهم المفاوضات و الحوار ؟؟
#السراج_لا_تصالح 🇱🇾
#الحوار_في_المحاور ✌🏼
بفلوس و دعم من #الإمارات تركب في حافلة مكيفه 500 كيلومترا من طبرق الي بنغازي شاملة الرحلة الأقامة و وجبة فطور و غداء و مصروف شخصي .. للمشاركة يوم السبت في مظاهرة مليونية في ساحة الكيش تنديداً للتدخل التركي .🤣
#اوباش
زعما من شروط الأنضمام الي موقع التويتر في ليبيا يكون اقل حاجة مستواك التعليمي ماجستير ؟؟
مش عارف ليش متابعين التويتر محترمين اكثر من الفيسبوك ؟
في حاجة غلط والله .. 🤔
الله اكبر ولله الحمد .. فشلت الثورة المضادة وعودة بواقي و ازلام القذافي للحكم في الغرب الليبي بالكامل .. و ضاعت اموال عيال زايد و احلام آل سعود و طموحات السيسي في السيطرة
و سيعود الشرق الليبي إلي حضن الوطن قريباً بأذن الله .. ✌🏼
#طرابلس_تنتصر
شكراً
@nbenotman
شكراً
@s_dogha
علي هذه الكلمات الطيبة في حقي .. طريق النضال طويل و شاق ولكن إرادة الشعب لا تقهر .. ✌🏼
#أنا_برقاوي_ونرفض_الحرب_على_طرابلس
بكل الحزن اقدم احر التعازي الي خالي الدكتور عبدالله المقيرحي الورفلي في استشهاد اخر ابنائه اليوم محمود و احمد ، الذين التحقوا بأشقائهم الثلاثة بعدما استشهدوا في معارك العز في بنغازي ..
و علي هكي خالي فقد 5 ابنائه ضد مشروع الكرامة الأماراتي المصري ..
الله اكبر و لله الحمد..✌🏼
يا اهلي و ناسي في شرق ليبيا
والله العظيم ازلام القذافي مسيطرين عليكم بالكامل ومسيطرين علي مفاصل حكومة الثني و قيادة حفتر و اعلامه
يا اهلي و ناسي يا من كان يضرب بكم المثل في عام 2011 بخروجكم علي اطغي طغات العصر . واليوم اصبحتم اضحوكة بين العالم و الشعوب . نوضوا من الغيبويه ارجوكم
يا قناة #الجزيرة عطوني سيجارو مارلبورو أبيض و طاسة مكياطة كريمة من غير سكر .. و طلعوني انا و محمود المصراتي في برنامج الأتجاة المعاكس .
و حقكم عليا بعد الحلقة يعلن التزامة و يلبس حجاب . 🤣
قبل هجومه علي طرابلس حفتر كان يقول الحوار في المحاور .. !
و اليوم من وسط القاهرة و برعاية السيسي يعلن مبادرة للحوار .
خوذ الكبيرة يا حفتر #لا_للحوار
#الحوار_في_المحاور 🇱🇾✌🏼
مالطا تقوم ب��صادرة مبلغ 1.1 مليار دولار من العملة الليبية المزيفة تم طبعها في روسيا مخصوصاً الي حفتر و حكومتة
هؤلاء عصابة و مافيا دولية مش جيش يا بوعجيله .. 😏
مدينة مصراتة في الثورة حاصروها كتائب معمر 6 شهور ، و ما صار منهم شي
يعني يا الخضر سامحني
انت مصراتة ما قدرتها مع ملك ملوك افريقيا القذافي ، تبي تقدرها مع أسير تشاد ؟؟
#مصراتة_نار_جمر
قصدي خلينا نحكوا بالفـقش!!
وين ثوار طرابلس والزاوية ومصراتة والجبل الغربي من أحمد معيتيق ؟
راهو الثورة المضادة لا تأتي فقط عن طريق بقايا العسكر وحفتر .
قد تأتي أيضاً عن طريق بدلة و قرواطة و شخص دمه ثقيل زي احمد امعيتيق 😌
ما ينفعش مشائخ وأعيان قبائل فلسطين يطالبوا بتفويض السيسي والجيش المصري لتحرير #القدس ؟؟ 🤔
و ما تقولش نفس السؤال موجهة لأردوغان و تركيا.!
لأن علي ما أظن حجة و ذريعة #مصر بالدخول الي #ليبيا خوفاً علي حدودهم كما يزعمون .
و علي ما أعتقد كذلك بأن فلسطين لديها حدود مع مصر ايضاً ..!
الملياردير الليبي الحاج هيثم التاجوري يطلق مبادرة #ليبيا_تستاهل ويتبرع بمبلغ 5مليون دولار دعما لوزارة الصحه لمجابهة الكورونا
ليذكرنا الحاج(اطال عمره)والمتواجد في الامارات بالبطل الاسطوري روبن هود قبل مئات السنين ، حيت كان يسرق في الاعتمادات من القلعه ويصرفها على مصابي الطاعون
نزلت بالطائرة يوم خميس لأثينا وكنت مستعد لصلاة الجمعة ثاني يوم.
توكلت علي الله الي المساجد المنتشرة في عاصمة اليونان
و لكن الصدمة كانت بأن جميع المساجد تحولت الي كنائس و متاحف
والصدمة الكبري أكتشفت بأن المسلمين يصلون في مخازن تحت الارض خوفاً من البوليس والحكومة
قتلي آيا صوفيا؟
يعني انت يا #السيسي تنازلت علي جزيرتي تيران وصنافير لأسرائيل ، و تنازلت علي مياه نهر النيل لأثيوبيا ، و تنازلت علي جزيرة الوراق في القاهرة للأمارات
طالع اليوم تحكي علي الجفرة و سرت في ليبيا ؟؟
بيني و بينك العتب مش عليك يا #بلحه
العتب علي حفتر إللي قال مصلحة مصر فوق من مصلحة ليبيا
الناس اللي تطلب مني الظهور في فيديو ونحكي علي انتصارات اليوم ضد حفتر وبقايا القذافي
انا اللي عندي حكيت عليها ليا 4سنوات،وعلي ما أعتقد بأن كلامي الأن جا بين عيونهم
الحاجة الوحيدة اللي نطلبها من ربي
بأن يسامحوني ثوار بنغازي و درنه في قبورهم لأن فعلاً مداركهم كانت اوسع من مفاهيمنا
الناطق العكسري لحفتر : احمد المسماري في احد فنادق ابوظبي وفي يده ساعة رولكس سعرها 10 الف دولار .
و قنونو : ناطق عملية بركان الغضب بين المقاتلين في الجبهة
زعمك من فيهم صاحب القضية ؟
شفت فيديو للمفتي الصادق الغرياني وهو يعطي في محاضرة دينية باللغة الأنجليزية وبطلاقه في احد مساجد بريطانيا
خطر عليا خليفة حفتر لما عاش20سنة في امريكا و مش عارف غير كلمة ok
تي ok يا أسير تشاد يا متاع طرابلس ، يلي مصلحة مصر فوق من مصلحة ليبيا
يلي عمرك ما فزت في إي حرب في حياتك🤣
و أخيراً مسك ليبيا شاب من مواليد 1976شاب تفرج معانا علي طاش ما طاش و لحن الحياة و هايدي . وعاش معانا أيام الياهو ماسنجر ومنتدي الكساد ، وعاش ذل الجمعيات والأسواق العامة ، وعارف بأن يلي ما يشجع في اليوفي في ليبيا معناها يا ميلان يا أنتر . وبأن في مكياطه كريمة وفي مكياطة نص بـنص✌🏼
المجاهد عمر المختار كان من اتباع الحركة الصوفية الجهادية و مدعوم بالسلاح و العتاد من الدولة العثمانية و يحارب تحت ايعاز ديني بحت ..
فهل كان سيقف اليوم في صف روسيا الملحدة و فرنسا الصليبية والأمارات الصهيونية ؟؟
انا استغرب من هلنا في طرابلس إللي يقولوا :
علاش هكي يا شراقة هاجمين علينا ؟
لا يا حبيبي اللي هاجمين عليكم بقيادة حفتر من فرنسا و روسيا و الأمارات و مصر .. و إللي كانوا ماسكينهم عليكم من 5 سنوات هم ثوار درنه و بنغازي رحمة الله عليهم.
لو كان دعمتوهم وقتها ، ما كان هذا حالنا .😏
اتمني لو لمره واحدة ان يخرج #حفتر في خطاب حماسي علي احدي المنصات في ساحة الكيش و يخاطب العرايا و الحفايا الذين كانوا و مازلوا بأنتظاره في الساحة من 6 سنوات ... 😎
#مساكين
زمان إي طالب شرقاوي يمشي يقرا عسكرية في طرابلس في كلية الشرطة او الجمارك .. يرجع بعد سنة في الشرق و يغير لهجته و يقول : والله أستحشتكم هلبا يا ولاد .
لذلك ما تزعلوش يا اهلنا في طرابلس راهم معجبين فيكم و مهووسين بيكم و الدليل يموتوا عندكم عشان ترجعوا تحكموهم بالعصا زي ما كانوا .
سبحان الله ، عمري ما شفت شاب عنده قناعة و مؤمن بثورة فبراير من الغرب او الشرق او الجنوب ، و تلاقي مستواه الثقافي و الديني و الدراسي ضعيف .😉
كل عام و أنتم بخير يا جيل الغضب .. 🇱🇾✌🏼
مادام ما صارش من السيطرة علي طرابلس انقل مؤسسات الدولة الي سرت والإمارات حاتدفع كم مليون لستفياني لأختيار عقيلة صالح رئيساً للمجلس الرئاسي ويلغي اتفاقية الدفاع المشترك بين تركيا والرئاسي
وبعد شهرين ينقلب حفتر علي الرئاسي اللي ماسكه عقيلة زي ما انقلب عليه في البرلمان
ومعسلامة ✌🏼
صدام ولد حفتر مواليد88مستواه الدراسي الثانوية
قام بسرقة مصرف الأمان في طرابلس وتم القبض عليه وسرق بعدها مصرف ليبيا المركزي في بنغازي بمبلغ قدره 2 مليار دينار
واليوم أصبح صدام عقيد في جيش بوه بالرغم لا يعرف اي حاجة عن الجيش
يا اقليم برقة زعمك عيالكم ماتوا عشان خاطر صدام ولا بوه🤔
لا تقلقوا يا أهل برقة ستنتهي جائحة الكورونا وستعود الحياة الي طبيعتها
سيعود بلعيد الشيخي وفي يده العصا ويقول لكم"اطلاقاً"وسيرجع صدام لبيع الخردة والناظوري في شراء الاراضي بشارع فينسيا وسيعود عقيلة صالح في شراء العقارات و بناء القصور
و ستخرجون بكل سعادة حفايا لساحة الكيش من جديد✌🏼
عادي بأمكانك تعترف و تقول : بأن قبل ظهور حفتر في المشهد كان في سيوله و ضي والدولار بدينار ونص في المصرف.
ما تقعدش زي أبولهب لما لقب النبي عليه الصلاة و السلام في صغره بالصادق الأمين ، ولما نزل عليه الوحي كفر و مات علي كفره.
أقتنع بأن حفتر سبب دمار ليبيا .. راهو سبب الكفر عناد 😏
لا عرب مصراتة يقولوا علينا رعاة غنم ، و لا اهل طرابلس يقولوا علينا همج .. بالعكس عندي اصحاب و أخوه من الغرب الليبي و بينا كل ود و أحترام و تقدير .
غير انت ضاربك النقص و تشعر بالدونيه ..
يا راجل انت حتي جيرانك ما يحبوك ، تبي طرابلس تحبك ؟؟
انا ضد اي تدخل خارجي علي ليبيا حتي لو كان من كوكب زحل .. لكن عاد يحاربوا معاك فرنسا و الأمارات و روسيا و مصر و السودان و تقولي حي علي الجهاد ضد التدخل التركي .
لا صدقني انت والله محتاج شيخ يقرا عليك .. 😏
نوعدكم بأذن الله بعد سقوط نظام السيسي عن قريب سأذكر لكم اسماء اعلاميين و نشطاء برقة. إللي طلب مني شخصياً الرائد/ هيثم . المسؤول عن الملف الليبي في المخابرات المصرية بالأنضمام اليهم بعد حجزي 8 ايام بين المباحث العامة والأمن الوطني المصري و المخابرات في القاهرة .
ولعت يا حي عليها😉