للمتحرش والمغتصب والقاتل..انت حثالة .. حرام يسمونك إنسان..هو كائن بلا اخلاق ولا ضمير ولا دين ..كل البشر لديهم غرائز !! ولو سرنا وراء غرائزنا لاصبحنا في غابة.. واللي يدافع عنه لاي سبب هو مثله حثالة .. اللي قول اكيد كانت لابسة كذا او سوت كذا !! انت مثله تبرر له لانك من نفس الفصيلة
ابي افهم المتخلف اللي يقولي عمرج ٦٠ خلاص كافي !!! شنو يعني مافهمت ؟ شنو المفروض اسوي علشان انت حضرتك ترتاح ؟! اموت مثلا ؟!! انتحر مثلا!!!؟ 🤪
أن شاء الله يكون عمري فوق المئة ورب العالمين كاتب لي اعيش ومعطيني القدرة على الحياة فبعيشها بطريقتي 😁 🙃 يتبع
تعلمو من هذه المدرسه الرقي و الدبلوماسية تعلمو الرد بإختصار ( بابتسامة ) الله يحفظك و يطول بعمرك صاحب السمو امير البلاد -الشيخ صباح الاحمد الصباح ❤️
الردح و الصراخ مو لنا و لا اخلاقنا ❤️🇰🇼
#الكويت #يحفظج_ربي_من_كل_شر_🌹 #الشيخ_صباح #الشيخ_صباح_الاحمد
ليش البعض ما يفهم انه لا يمكن يتساوي الموطن والمقيم في بعض الأمور مثل المميزات اللي هي حق للمواطن !! في كل الدنيا كل البلدان !! والا نلغي اسماء البلدان والجنسيات !! أنت في بلدك مواطن الدستور يكفل لك ما لا يكفل لغيرك من غير المواطنين .. لا هي عنصرية ولا تمييز !! هذا هو الواقع !!
التطاول والتدخل في الشئون الداخلية للدول غير مقبول !!
اللي يفهم واللي مايفهم يبربر !!!
كل شخص يتكلم عن نفسه وبلده وعيب تتدخل في ببيوت غيرك وبيتك هش !! اصلح وانتقد نفسك قبل الاخرين..
ودايما الاواني الفارغة اصواتها اعلى😎
ليش بعض الحريم اذا طلقها زوجها او خطيبها او هدها حبيبها !! اللي مو من بلدها !! تسب البلد كله !! التعميم لغة الجهلاء .. ندري الموضوع يعور بس مو جذي الغباء🤪
مزايدات على الناس وعلى بلدانهم وافعالهم واقوالهم ! والمشكله اللي يزايدون اكثرهم عايشين حياتهم بره في بلاد الغرب !!! وماخذين جناسيهم او اقاماتهم!! تعالوا سووا اللي تطلبونه من الغير !ليش تطلب من الغير اللي ما تقدر انت تسويه! كل شخص يشوف نفسه .. الكلام ببلاش ترى
اعادة التغريدة لخطأ املائي :
اذا قدرت تضحك على الناس وتظللهم!! بمعلومات يمكن يجهلونها لعدم خبرتهم بالكار !!
فانت ضّحكت اهل الكار عليك 🤪
"كلنا عيال قرية وكلٍ يعرف خيه "
وجب ... ريت 🤪
متخيلين لو هالتعبير عن الحب والتقدير اللي حاليا نشوفه بكل الصفحات والقنوات والناس على حياته ! شنو كان شعوره الله يرحمه ؟ اكيد بيكون سعيد 💔 ليش التقدير والتكريم والحب يقدم بعد رحيل الأشخاص !! ليش مو على حياتهم يشوفون هالحب 💔
خلاص فديتكم احبكم 💚 بس وقفت فعالية اللايك والريتويت .. لان التغريدات ماشاءالله وايد ولازم اقرأها وأشوف محتواها اول لان ممكن أعيد تغريدة توديني في داهية 🤪 استمتعت معاكم وفرحتوني بتغريداتكم .. ان شاءالله اسويها كل أسبوع مو كل يوم علشان يكون عندي وقت اقرأها كلها💚💚💚💚
اللي يبرر للقاتل والمعتدي!!الاثنين في خانة وحدة ..طفل يغتصب ويقتل ويدفن !!! او طفلة ومحجبة مستورة يتم اغتصابها من عدة اشخاص ومن ثم حرقها للموت !! هل اغراه الطفل بحركاته وملابسه او اغرته الطفلة !! بحركاتها وملابسها !!؟
الاغتصاب والتحرش والقتل والتنمر والعنصرية لا مبرر لها ابدا !
كل عام و #المملكة_العربية_السعودية وشعبها وحكامها ومقيميها بألف خير وسلام وأمن وأمان 💚🇸🇦 #يوم_الوطن_السعودي_ال90 #المملكة_العربية_السعودية
ملاحظة:علشان اللقب اللي في التصميم 🙈ترى مو انا اللي مصممته 💚💚💚💚💚💚💚💚💚
والله العظيم احبكم 💙💙
عرفتوا الحب اللي يعصر القلب من الغبطة ويخليكم تبكون ؟ جذي احساسي .. عطيتوني درس انا الثروة الحقيقة هي حب الناس ووقفتهم معاك وقت اللي تحتاجهم يكونون لك سند 💙
الله يسعدكم 💙💙💙
اذا قدرت تضحك على الناس وتظللهم!! بمعلومات يمكن يجعلونها لعدم خبرتهم بالكار !! فانت ضّحكت اهل الكار عليك 🤪
"كلنا عيال قرية وكلٍ يعرف خيه "
وجب ... ريت 🤪
دائما تحت اي منشور بالانستغرام هناك مناظرة تحته بعيدة عن مضمون المنشور !! عبارة عن امراض نفسية وتنظير غبي .. وعدد لا بأس به من نسخ من شخصية المحقق كونان 🤪 ولازم يسبون بعض 🤪 ممكن احد يفهمني شنو فيه؟!!
أخذت التجربة مبجر لما توفى أبو عيالي عمره ٢٥ سنة .. موته مبجر علمني ان الانسان لازم ماينام وهو زعلان من اللي يحبهم ويهمونه .. يحاول دايما يصلح ويساعد ويوقف مع الناس اللي يعنون له ..في ناس ما تستاهل اكيد بس لازم احنا نسوي اللي علينا ونرتاح .. لان يمكن القدر ما يمهلنا للصبح💔🙏🏽
في ناس مفكريني اتفشل من صورتي 🙈ترى انا اللي نشرتها من البداية 😬 وماعندي اَي مشكلة مع اَي مرحلة من مراحل حياتي وأحب اشوف صوري القديمة وانشرها🥰 واحبني وعندي اللي يحبوني .. حبوا نفسكم ولا تخلون احد عنده خواء داخلي يخليكم تشكون ولو لحظة بنفسكم ومدى حبكم وقبولكم لنفسكم💙💙
حبايبي فديتكم .. نتمنى طبعا اي عمل نسويه ينال استحسانكم 🙏🏽 لكن عني انا والله ما ازعل منكم اذا ما حبيتوا العمل لان هذا حق من حقوقكم يا تحبون او ما تحبون 😁🙏🏽 اقرأ كل تعليقاتكم 😇😇
اللي مو اهل للزواج والاطفال !! لا يتزوج !! ولا ينجب !! ناس تتمنى الطفل وتعالج سنين !! وناس تقتل اطفالها وترميهم بالشارع وتشردهم! الزواج مسؤولية وتربية طفل مسؤولية اكبر !! اذا ماكنت اهل لها لا تفعلها !! وتربي وحوش يعيثون دمار في المجتمع !!
لامتسع للكراهية والحقد والسلبية في قلبي 🙏🏽 فقلبي مليئ بالحب والتسامح والايجابية 💚 حينما نصل لعمر معين .. مثل عمري 🤪 امور كثيرة تتغير ومن اهمها الراحة النفسية والسلام الداخلي والخارجي 💙 لما تحسون فعليا صدركم خفيف تكونون وصلتوا للهدف 💙💚 كلما كان داخلكم طيب تطيب الامور 💚💚💚
اليوم القلوب 💚💚💚بلون 🇸🇦
خلوني اقولكم سر حبنا وتعلقنا يا #المملكة_العربية_السعودية من صغرنا تربينا ان السعودية كبلد اخت بلدانا الكبيرة 💚اخوان وجيران وعيال عم .. روابطنا في الخليج بين دولنا مختلفة ومايفهمها الا جيل الطيبين.. #السعودية هي كبيرتنا وامانا في المنطقة 💚💚💚💚
لكل #تويتري في #تويتر حساب يمثله .. انا وانت وكلنا .. يمثل شخصيتنا.. توجهاتنا .. مودنا وأفكارنا..كل حساب له روح معينة .. ماينفع أبدا أغير شخصيتك ولا انت تغير شخصيتي ..عجبتك تسعدني .. مافي شي اسمه انت المفروض !!! تسوي كذا وتقول كذا !!! أبدا !! الكلام لي ولغيري .. ونحترم بعض 🙏🏽
لا احد يقولي ليش تردين عليهم !! وخليهم يولون !!! انا ارد على الكل .. الكلام الطيب !! اما لشوية حيوانات اي واحد منهم يطق الباب بيسمع اقوى جواب !! ليش اسكت !!! لاني فنانة !! لاني مشهورة !! لا والله ماني طوفه هبيطه علشان اتقبل عته المعتوهين وامراضهم وقذارتهم !!! عُلم ؟🤪
يعني انا مااعيش حياتي لان في وحش اهله ماربوه وماعلموه الصح والغلط!! لان في شخص اقرب للحيوان ينسعر اذا لمح طيف امرأة!!! تنحرم المرأة من حياتها وطموحها ودراستها وعملها لان في شخص مايتحكم بنفسه وغرائزه اذا شم عطر !!! اتوقع في فرق بين الانسان والحيوان.
بدال ما تنتقد غيرك ! حسن شغلك ! ألاقي فنان ينتقد اعمال غيره واعماله👎🏽 شخص ينتقد بيت غيره وبيته 👎🏽
شخص ينتقد مظهر غيره ومظهره👎🏽
ليش ما نبتدي نحسن نفسنا قبل ما ننتقد حياة الآخرين !! تخيلوا الحياة شلون بتكون 😁 تبي الإصلاح ابتدي بنفسك 🙏🏽
فديتكم ترى انا لما اكتب شي تاكدوا اني مو بحالة مزاجية ولا عندي مشكلة خاصة !! دائما اكتب بشكل عام .. تستفزني امور تصير حواليني مو شرط تمسني.. لاني لما اعصب او اكون ��زينة اكيد ما باكون في مود اني ادخل السوشال ميديا واكتب 🙈😁
اتذكر لما حنا صغار باب بيتنا يظل مفتوح طول النهار .. عمرنا ما قفلنا ابواب بيوتنا احنا والجيران يتسكر بالليل وقت النوم .. وكنا نحس بامان .. الحين البيوت مقفولة علينا ومع هذا الخطر يوصل لبيتك .. توني اسمع عن شخص طق باب بيت ناس على اساس تصليح كهربا ! وتعدى على ربة المنزل وقتلها 💔
اللي يقول قعدي في بيتج علشان محد يتحرش فيج !!! شنو جوه!! وين عايشين احنا !؟ في غابة !! وإلا مجتمع راقي المفروض تحكمه اداب وقوانين !! المرأة حاليا تخرج اولا لان حقها في هذه الحياة مثل حقك !! وثانيًا بعيد عن الترفيه هناك حاجة للخروج للعمل والدراسة وقضاء حاجات المنزل !!!
ليش العالم صايرين مصلحة !!! مافي احد يكلمك لله !!! انا والله استحي اطلب شي من احد واكون من زمان مو مكلمته !!! صار الوضع اوفر 🙄
قطعونا طلبات ومصلحة !!!!!!!!!
من نوعية أدواري اللي اقدمها البعض اخذ عني فكرة معينه..ومن شكلي وتصرفاتي الرزينة الجادة يمكن تفكروني نحيسةوكئبة🤪 انا عكس ما تتصورون .. دايما إيجابية وأتجنب السلبية والحزن والناس السلبيين .. أفضل الروقان والفرفشة واتجنب الناس اللي موعاجبها شي طول الوقت 😁😁😁
عندي اصدقاء مسيح يشاركوني المناسبات الدينية الاعياد ورمضان ويباركون لي دائما .. ويحترمون وقت صلاتي لما اكون معاهم .. وانا بالمقابل هنيتهم بعيدهم .. انتهى ... فلا احد يفلسف الامور ويعطيها اكبر من حجمها .. ويعطي نصايح مو في محلها لاني انسانة فاهمة واعرف الحدود .. وشكرا 🙏🏽💙
عندما نرحل أو يرحل الاحبة💔
سيكتب الكل أو الأغلب او حتى القلة ! كلام طيب بحقنا وحقهم ويترحمون علينا او عليهم ويمضون بحياتهم .. السؤال سواء كنا نحن الراحلون او هم هل سنقرأ او يقرأون هذا الكلام !!!
اتوقع وقتها فات الأوان ..
احبونا واخبوهم وعبروا مادمنا وماداموا يتنفسون 💔🙏🏽
ممكن تكون نصيحتك مفيدة ! بس ماتفيد المتلقي في الوقت الحالي وماتناسب ظروفه .. فالموضوع مو شخصي ... مرات الشخ�� يطلب النصيحة علشان يعرف الخيارات اللي يملكها لان كل شخص بيعطيه راي مختلف .. فلا تزعل اذا قلت نصيحة ومحد طبقها 🙏🏽
تدرون ان الفنانين اللي ماعندهم وظايف ثابته غير الفن هم اكثر المتضررين حاليا في زمن الكورونا ؟! واغلبهم معتمدين على الفن بس !
من الافكار الخاطئة عن الفنانين انهم ما يفلسون 🤪