سكنت مع أعمامي و خيلاني قبل كدا يدوب استوعب انو ماف راجل بتهذيب و ذوق بابا لمن يجي يخش غرفتنا بستأذن مرتين لو عايز يتونس معانا بسألنا لو عندنا زمن ما بمد يدو خاالص ولا حتى بالهظار الا لو عايز يطبطب علينا او يحضنا مصروفنا بدينا ليهو من بدايه الشهر عشان نتجنب احراج السؤال 🥺♥️♥️♥️
لقيت ماما بتبكي افترضت طوالي انها بتبكي على البيت قعدت بكيت معاها لامن قلت آمين في الاخير قلت ليها انا زعلانه شديد اني ما شلت فستان العيد حقي قالت لي" انتي في فستان العيد ؟ انا حلة الضغط حقتي قعدت معاي ١٤ سنه إلهي تطق في راس الحايشيلها ضحكت لمن بطني وجعتني
قاعده اقرا تخصصين في جامعتين كل وحده اخس من التانية من حيث الصعوبة و الامتحانات بعد العيد ، بساعد ماما في البيت و بطبخ و بشارك في التنظيف ، بحل اسايمنتز قدر شعر راسي و بحاول اوفق بين الدراسة و العبادة عشان الله يبارك لي
لمن تخلص الفترة دي حاأكافئ روحي بقروش ابوي و اعمل العايزاه
امنيتي الوحيدة لمن أموت الناس تتذكرني بالخير و تدعي لي داايما معاها عشان كدا بحب أدعي لأي زول بعرفو حتى لو من بعيد او من المواقع ما زول بعرفو حقيقي ان شاء الله اصحابي و الناس كلهم يتذكروني و أتنعم بذكرهم لي في قبري الله يرحم أموات المسلمين كلهم و يرحمنا
عايزه اقرا و احضر محاضراتي كلها و اكون طالبة مجتهدة و أوفر و ابقى زولة واعية عشان مستقبلي يكون مشرق في نفس الوقت عايزة اعيش شبابي و اقضيها طلعات و بعزقة قروش و لعب في نفس الوقت برضو عايزة ابقى متدينة و بلتزم بواجباتي تجاه ربي كيف الانسان يتقسم يبقى تلاته ناس ؟
هسي هي كل شويه بتدعي دعوه بتضحك و بتضحك بكل قوتها 😭😭😭 و حقيقي الحمدلله على كل حال و الحمدلله على كل النعم الحولنا الحمدلله دائما و أبدا الله يرضينا بقسمتو و يعوض السودان سعاده و رضا و جنه
مافي مخلوق في حياتي بهمني اكتر منو ولا رأيي ممكن يفرق اكتر من رأيو مستعده اديهو روحي و اقعد يمشيها على مزاجو عايزة أرد شوووية بس من الحب البتقدم لي ف ياارب تسعده و توفقه و تطمن قلبه آمين
من كتر ما شخصيتي بقت قوية قلت لبتاع المواصلات رجع لي باقي قروشي ناقصة جنية و انا كنت بحردو
قمة الفخر 😌😌😌😌😌 عقبال اتعلم انو أوقفو محل ما عايزة ما انزل لو في زول نزل قريب من محلي عشان ما يقيف مرتين
@mindyourfukkk
ويت الأزهر اصلا بعاملو السودانيين معاملة المصريين و رسومهم السنة دي ٦٠٠ جنية مصري و التقديم ب ٧٠٠ جنية دا للقبول العام اما الخاص دا معروف انو على حسب تخصصك و برضو في تخفيض للسودانيين
لو جينا للجامعات التانية كلامك صح زادو زيادة رهيبة السنة دي تحديدا و التقديم زاتو بقى غالي
دعواتكم شغالة نص كم 😭 بعد ما صحيت بالمنبة رجعت نمت فوتت نص ساعة من المحاضرة مشيت بكيت ليها و كضبت عشان تخليني اقدم البرزنتيشن الله يسامحني
لكن قالت لي" منتازة هبيبتي " بلهجة اسبانية
بدعي ليكم معاي في الإفطار 🫂
المشكلة الواحد ما بكتشف انو كان كرينج و غبي الا بعد سنتين اقل شي و كل ما تخلص المدة دي بتكون قايل روحك بقيت زول لكن برضو بتطلع معاق ياإلهي لو يتعمل للإنسان ميوت و نفتك من الاحساس بالاستعرار دا
ي ناس الجزيره يخسي عليكم ما شبهكم الناس الجاينكم من الخرطوم مضطرين لاجئيين ليكم بدل ما تفتحو بيوتكم و تكرموهم تزيدو اسعار الإيجار الضعف؟ عشان هم مضطرين يعني ؟ كل واحد بستغل الازمه دي الله لا يسامحك حايجي يوم تضطر للناس ما حاتلقى زول يقيف معاك حزينه اننا بننتمي لنفس البلد
شباب ما تتفاعلو مع أي كلام عنصري أو مسيئ أو غير إنساني ما تعملو كت تويت ولا تعلقو ما تزيدو البلبله اعملو إبلاغ و خلاص سواءً بلدان مجاورة ولا انقسامات داخل البلد الوضع ما مستحمل زياده جاز
اختي الصغيره اتشاكلت مع حبيبها عشان قالت ليهو غوجو سيدالرجال وهو قال ليها ما تمدحي رجال قدامي و جات مدحت ليهو هيسوكا تاني و زعل الاتنين بليدين وهي زعلانه بجديه عايزه اعفصها و ارميها في البحر
شكرا شديد يا حلوين على اللطف دا الله يسمع منكم
I'm Literally crying :"((
ما عارفين انا حاسه بضغط قدر شنو انبسطت شديد بدعواتكم الله يسعدكم و يوفقكم و يحقق امانيكم يارب
بحببب اتونس مع اصحابي القداام مع انو شخصيتي اتغيرت شدييد وانا زاتي اتغيرت لكن بحس بالحنين لمن اتكلم معاهم كلهم لطفاء و انقياء زي ما خليتهم ما حاترجع صحبتنا القديمة تاني لكن اقلها ونسة بالساعات و حكاوي كتييرة من فترة لفترة و حاافضل ممتنة شديد لوجودهم
للأسف معظم الناس بقو متبنيين معتقدات باطله شباب احنا قدر ما نغلط الغلط حايظل غلط و الحلال حلال و الحرام حرام ماف حاجه حاتتغير عشان الناس كلها بتعملها فالناس تحاول تراجع نفسها و تتوب نتذكر انو اتخلقنا عشان عندنا دور معين و حانرحل ( وما خلقت الجن و الإنس إلا ليعبدون)
عايزه اختفي يمكن مؤقتا يمكن للأبد في آمان الله ي شباب كنتو لذيذين و لطيفين عايزه احافظ على شوية العقل الباقي في راسي من الهراء القاعد يحصل دا
أعفو لي و كدا لو ضايقتكم في حاجة
و كونو بخير حاافقدكم شويتين 🫂 ♥️
#متداول :
مبادرة شبابية لتجهيز مقابر وتوزيع أكفان على المساجد و مناطق الحوجة، على خلفية الصراع الدائر في #السودان بين الجيش وقوات الدعم السريع المتمردة.
اخوي الصغير دا لذيذ خلاص باب الحمام ما بقفل بالمفتاح جا قال لي انا ماشي استحمى ما تجي داخله الحمام دا وهو طالع قال لي اقوليك لو خشيتي بالغلط ما حنك اصلا انا متين كبرت امس كنتو بتحمموني😭😭😭😭😭😭😭😭😭
آمنة رسلت لي بعد إنقطاع شهر كااامل و اتطمنت عليها حاأبكي انا مبسوطة شديد مافي اجمل من كدا أبدأ بيهو يومي سعيدة شديد حتى وهي مجرد رسايل يارب اشوفها قريب و يارب يرجع السودان أحنا فاقدين أهلنا و اصحابنا شديد والله :'((
نفسي افهم كيف تحصل مشاكل بين شعوب بسبب كلام تافه في السوشيل ميديا و المسبب اصلا ما معروف جنسو ولا اسمو الحقيقي ,حاجة هلامية كدا تبني عليها فكرة عن شعب كامل و تختار العداء و الكره قمة السطحية و الهراء,عقليات هشة