انشالله صاحب الشركة اللي عمل معي مقابلة اليوم يكون عندو تويتر بما انو ناكشلي الfb تبعي و شايف الصور. أسئلة شخصية و خارج عن نطاق الشغل ما تسألوا لأن كتير بتبينوا Unprofessional.و انك تجرني لتحكيني سياسة و تعرف انا شو و شو ديني كمانUnprofessional.
و اخيرا تضرب انت و الposition
إمي الا ناطرة بصف البنزين من الساعة ٦ الصبح و بعد لهلق ما عبت و ما بيجي دورا لبعد ساعتين... المهم انشالله منعبيكن بتوابيت و منرقص بدفنكن انت و جمهورية الموز
@LBpresidency
بعدني كل ما انزل عبيروت و بمرق من حد للمرفأ بطفي الموسيقى و بترحّم عاللي راحوا...بس كرمال شو راحوا؟
الله يرحم ضحايا انفجار ٤ آب. ما رح ننسى 'دولتي فعلت هذا'
هلق طبيعي لما يصير في تراجع بأصوات الشيعة ١٠،٠٠٠ صوت و يصير في ٢ خرق بالجنوب تتغير النبرة من ' ستقطع اليد التي ستمد عالسلاح' إلى 'منأجل موضوع لسلاح سنتين بعد'.
و فجأة بيتسكر ملف التحقيق بجريمة تفجير المرفأ، و بيختفي القاضي طارق البيطار و منلتهي بالمصايب اللي عنا اللي عم تنزل علينا كل يوم. بس لأ هالقضية ما رح ننساها و لا رح ننسى شو صار فينا و كيف راحوا أبرياء. #٤_آب #كان_يعلم 💔
مرة كنت عم بحكي مع رفيقي من الجنوب.. قللي عنجد هالبلد بدو حرق و حكامنا كمان و يا عيب الشوم كيف بعدنا منلحقن. قلت انا اوف و أخيرا صار في وعي.
بالآخر بيسفقني جملة بقللي بس السيد فكرك ما بدو يانا نعيش مبسوطين و عنا سيارة و بنزين و دوا، بس في فساد مش قادر يعمل شي🙂
العالم اللي عم تنتقد الناس اللي كانت بالحفلة مبارح، او سهرانين، او عالبحر او مسافرين.. صراحة ما حدا الو خصة بالناس كيف بتحب تعيش و تصرف. نحنا شعب عمل اللي عليه و انتخب و اكتر من هيك مش رح نقتل حالنا و نقفل عحالنا بالبيت رغم كل شي عم نمرق في من ازمات.
كفرحيم و أغلب المناطق الدرزية ما فيا كهربا، الناس كانت عم تشحت المازوت بسبب الغلا و القلة، محطات البنزين اللي تابعة لجنبلاط بوقت الازمة ما كانت فاتحة، بس لا اهم شي نحضر المهرجان و نزقّف تحت شعار 'الوفا'.
أين الكرامة إني لا أراها..
أيمتى بدي وقّف اسمع بالصيدلية انّو 'ابني صغير عمرو 6 سنين شرب Pepsi متلّجة فطلعت حرارتو و مرشّح' 😒
فش لينك فش بين الاشيا المتلجة و الباردة و بين الحرارة 😭
Lebanon hasn't witnessed such summer season in 20 years especially in the entertainment industry ! The full house concerts from North to South ,the night life, the restaurants, the beaches...!! Our Lebanon ❤️
بحكم شغلي و يللي عم شوفو من فواتير الدواء الكتير غالية، قدي وضع الام و الاب لازم يكون مقتدرين و متمكنين و قادرين هيك يفوتو يحطوا 500،000 حق دوايين و يفلوا.
هيدا البلد عم يذلنا بأبشع الطرق، و نحنا شباب و صبايا عم نرفض و ننتفض عالواقع و رح نضل نحارب ليكون مستقبل ولادنا حلو
بس لتعرفوا انن مضوا على رفع الدعم عن الأدوية بس ما أعلنوا عن الموضوع... ما في بقى ادوية و الشركات ما بقى تسلمنا ادوية،ونحنا واقعين تحت سيطرة أجرم سلطة بالمجرّة.