حفاظا على السلام الداخلي،الواحد محتاج يفكر نفسه أن ربنا مبيكتبش حاجة وحشة لحد، والقرار اللي خدته وشايفاه غلط هو درس عشان أتعلم منه والموقف الصعب اللي شيفاه ابتلاء غرضه يقويني
عشان اكمل والصاحب اللي يروح مفيهوش خير عشان كدة ربنا بعده عني والرزق ف ايده هو وبس هو الرحيم هو الخبير🌸
المحترم
وهو زعلان محترم ؛ وهو متغاظ محترم ؛ وهو بيبعد محترم ؛ وهو بيتخانق محترم ؛ وهو بيكرهك محترم ؛ وهو بيعاتب محترم ؛ وهو بيندم ع اليوم اللي عرفك فيه برضو محترم الاحترام طبع مَش تطبع الاحترام أخلاقيات داخليه نابعه من القلب
الاحترام هبه من الله .
الناس بتتجوز عشان وهي ماشيه ف حياتها و سكتها و كاريرها وبتحقق اهدافها
قابلت الحد المناسب ال يشاركها كل دا ف قرروا يكملوا سوا
لكن مش عشان اتخرجت والمفروض تتجوز ع العيد ولا عشان تمت 25 سنة ودي الديد لاين للجواز ف بلدهم ولا عشان تعمل زي اصحابها وقرايبها
مش قصة شعر جديدة هي كفاية عك
انا عاوزة اصحى الصبح اتفرج على ميكي ماوس و ماما تحضرلى سندوتشاتى و الباص يودينى المدرسة و ارجع منكوشة و ديل الحصان مفكوك و ماما تصوت و اتغدى و انام. بس لكن المهلبية اللى انا فيها دى دلوقتى مش عاوزاها بجد لا
الناس بتتجوز عشان وهي ماشية ف حياتها و سكتها و كاريرها وبتحقق اهدافها قابلت الحد المناسب اللي يشاركها كل دا
ف قرروا يكملوا سوا
لكن مش عشان اتخرجت والمفروض تتجوز ع العيد ولا عشان تمت 25 سنة و دا الديد لاين للجواز ف بلدهم ولا ع تعمل زي اصحابها وقرايبها
مش قصة شعر جديدة هي كفاية عك
شكراً لكل شخص اتعرفت عليه هنا وكان سبب في مره انه يهون عليا يوم صعب وبعتذر لأي شخص اتسببتله في ضيقه في يوم من الايام سوأ قاصده او مش قاصده وكلنا عندنا اخطاء
ربنا يوفقنا كلنا
6 اسرار لا تبوح بها لأحد .. ..
1/ أخطاء الماضي وزلاته ..
2/أهدافك المستقبلية وطموحاتك ..
3/ دخلك المادي ..
4/الفتوحات الربانية التي وهبك الله إياها ..
5/مشاكلك العائلية
6/فضائح مشاكل الناس وأسرارهم ..!
رسميا بدأ فصل انهيار البشره الدهنيه والمختلطه وهيشان وتقصيف الشعر الجاف وقشره الشعر الدهني وظهور الحبوب وخلصان الغسول في اسبوعين وانتهاء الصن بلوك في اسبوع والتلزيق وحسبي الله ونعم الوكيل ف الاحتباس الحراري ومحبي الصيف عشان دماغهم تعبانه 🥺
الصبر دا حاجة عظيمة جداً , إنك تصبُر على إبتلاء متعرفش سببه إيه وحلُّه إيه تصبر علي دعوه متعرفش هتُستجاب ولا لا تصبر علي مرض على شخص علي رزق فكرة الصبر نفسها فيها إختبار للنفس صعب جداً عشان كده ربنا قال "وبشر الصابرين" فاللهم بحجم صبرنا على همومنا أرزُقنّا بفرحة تريح قلوبنا.
ثم قال لها ..
أعدك أن أكون لك السند والرفيق ولكن إياكي أن يمتلئ قلبك بي .. فأنا وغيري إلى زوال
وإعلمي أن الله يغار على قلوب عباده ..
فإذا شعرتي بأن حبا دنياويا ملأ القلب وفاض !..
فإهربي الى الله مني ومن الدنيا بأسرها،، فهو الباقي الذي لا يغيب ولا تنسى بأن كل حب في غير الله زوال
محتاجين حد يعمل دراسة عن ان ازاي الانسان وهو صغير كان لا يأنس بصوت الحصري والمنشاوي والقطامي والبنا وعبد الباسط
وكان بيحب يسمع العجمي ومشاري
ولما كبر بقي لا يأنس إلا بقراءة
الحصري وعبدالباسط والمنشاوي والبنا والقطامي 🤍
مش عايزه اصدمكم بس في نوع من البنات بيشوف ان في ولاد رخيصه ولما نفكر نختار بندور على المحترم ومتدين وبيفرق معانا شخصيته وحياءه ومبادئه قبل مهنته وفلوسه ونوع عربيته😊
مفيش حد هييجي بعد سنين عشان يشكرك عن تنازلك عن شيء يخصك أو حق من حقوقك لأجله ، تنازلاتك هتتحسب بعد فترة من الزمن على أنها اختياراتك الشخصية .
فـكر كويس قبل متقدم أي تنازل .
الناس التوكسيك اللي بتدخل حياة الناس تعرف ضعفهم وتدوس عليهم او تعلق شخص بيهم بأسلوب ثعباني أو تعاطف وبعدين يخلعوا !الناس دي ضعيفه لدرجة الشفقه. بيستمدوا ثقتهم من اذيتهم للغير وحقيقي الناس هتفضل تدور ع الراحه او السعاده واستحاله يلاقوها لانهم مرضى ومحتاجين يتعالجوا.
نحمد اللّه ألف مرة على إننا مسلمون فرحُون بما آتانا اللّه من فضلهِ، شاكرون لتلك الأيام وما لها من بهجة في النفس تُعيد للروح الأمل، وللقلب سَكينة، وللعقل هدوء
ف اللهم سلمنا لرمضان، وسلِم رمضان لنا، وتسلمه منا متقبلًا 🌙
كل عام وأنتم بخير 💜
أول حاجة هتعملها لما تتحط في موقف معرّض فيه لفضيحة ما، إنك (هتتمني الستر).
والغريب إن أول حاجة بتعملها لم بتشم ريحة خبر قد لا يرغب صاحبه في انتشاره، إنك تجري تساعد في انتشاره!
الإنسان أناني أنانية قبيحة حتى في (الستر)!
يمكن لو البنت اتربت على الاستقلال المادي وقتها هتدور على شريك حياة مش واحد يصرف عليها ، والولد لو اتعود على الاستقلال المنزلي وقتها هيدور على رفيقة عمر مش واحده تنضف وتطبخ.
أنا لا أصلح للعداوات، ولا أتقن الخصام، ولا أطيق الأماكن المشحونة بالعداء.. إذا آذيتني سأسامحك حتى لو لم أخبرك بذلك، سأسامحك لأجلي لا لأجلك، وسوف أمسحك بعدها من الذاكرة
لو مش هتعرفوا تبقوا أصحاب ؛لو مش هتعرفوا تطبطبوا على بعض في الشدِّة والتعب وتكونوا سند من حديد لبعض ؛
لو مش هتعرفوا تغفروا كتير و تضّحوا وتفوّتوا لبعض ؛ لو مش هتعرفوا تحقّقوا صداقة روح لبعض من البداية ما تجازفوش
الحياة مش محتاجة عشّاق محتاجة ناس تتفننّ في الإحساس و العطاء
إنعدام الأصل بلا منازع هي أسوأ صفة بشرية والتعامل معاها شبه مستحيل ، لأن قليل الأصل معندوش مبادئ محترمة ، تقدر تفكره بيها لما تعاتبه ، و ملوش عزيز يبقى عليه ، ولا له كبير يرجعله يفوقه..