مفيش حاجة في الدنيا تساوي فرحة قلبك لما ربنا يستجيب دُعاءك❤️
الحمد لله الحمد لله ❤️❤️😭😭😭 تم قبولي لدراسة الماجستير في صيدلة عين شمس،الحمد لله حمدًا كثيرًا طيبًا مباركًا فيه❤️
وبكده تاني حلم ليا بعد التخرج اتحقق الحمد لله❤️
بسم الله نبدأ بداية جديدة وسعي وراء أحلام جديدة❤️
@NuhJouseff
كل واحد ليه ذوقه في الجمال،يعني ممكن واحد حلو،ناس هتقول عليه حلو وناس تانية لا-ده بغض النظر عن إنه غلط يستمدنظرته لنفسه ف أي حاجةمن خلال الناس اللي حواليه-،فالجمال شيء نسبي+مش هو المعيار الوحيد اللي من خلاله هتشوف الشخص اللي قدامك،رد فعلهاوأسلوبها يدل ع انها مش شخص ناضج كفاية.
الدكتور أحمد الجويلي عجبته منتجاتنا امبارح اللي هي makeup remover و ال makeup fixer وأخد samples منهم، وقال زوجته بتحب الحاجات دي أوي وهتفرح بيهم لإنها مكنتش عاوزاه يجي أصلًا 😂، وأخد رقمي علشان لو هي حبت تتواصل معانا تآخذ كمان أو تستفسر مننا على حاجة منهم 😂♥️♥️♥️
*Notes لطيفة:
١- أي دواء الactive constituent فيه (azithromycin)يتاخد قبل الأكل بساعة أو بعده بساعتين، وفيه أدوية كتيرة جدًا في الصيدلية تحتوي عليه أشهرهم:
Zithromax
Unizithrin
Zisrocin
Xithrone
ومنتشرين الأيام دي علشان بيطلعوا في روشتات كورونا أو الاشتباه.
بداية عامي ٢٣✨♥️
اللهم عاماً دُون ذَنب،دُون فقد،دُون خيبة أمل،اللهم إني أشهدك بأني قد رضيت بكل ما قسمته لي في أعوامي الماضية،فارضني بما هو قادم،وحقق لي كل ما أتمناه ويكون خيرًا لي،وأستودعك ما بقي لي من العمر، فاجعله في رضاك وطاعتك،وأستودعك خاتمتي فاحسنها واجعلها خاتمةً تُرضيك♥️
النهاردة كان فيه ناس كتيرة من الطاقم الطبي حاضرة ف قاعة المستشفى علشان هيحضروا محاضرة لحد من المديرية، قالولي استغلي فرصة وجود العدد ده واطلعي اشرحي، أشرح اي؟ أي حاجة، بس أنا مش محضرة ولا مجهزة حاجة؟ أنتي شاطرة يا أريج اختاري موضوع واطلعي، الحمد لله ف أقل من ١٠ دقايق شرحت موضوع
@EbrahimElbor3y
اللي أنت بتقوله صح واللي هي بتقوله صح برده وسمعت عن كل اللي هي قالته ده حصل، فالفكرة إن فيه دكاترة بتوافق تعمل ده (لمجرد إنها مصلحة والدوا وحش أو الدوا حلو ومصلحة برده) ودكاترة تانية لا، لإن الميديكال ريب دي شغلانته، فالموضوع كله اللي يراعي ربنا وضميره ف شغله في الطرفين
It is all fake, nothing from that is right🤷🏻♀️.
ممكن إعجاب من أول نظرة، إنما حب لا.
الشخص بيكون مكون في عقله الباطني حاجات هو عاوزها سواء في الشكل أو الأسلوب، ف once شاف حد بيها، بيتشد ليه غصب عنه، ممكن تُعجب بناس كتيرة، إنما الحب لا.
زي النهاردة السنة اللي فاتت كنت متخبطة بعد التخرج ومش عارفة رايحة فين، وفوضت أمري لربنا وسعيت والحمد لله ربنا وفقني،النهاردة أنا فخورة بنفسي وباللي وصلتله وبالتغيير اللي حصلي،فالحمد لله دائمًا وأبدًا
وأتمنى إن اليوم ده ٢٠٢٢ إن شاء الله أكون راضية عن نفسي أكتر❤️
And Hello My 24 😎
أنا ربنا نصرني 😭😭♥️♥️♥️♥️♥️♥️♥️
الحمد لله الحمد لله الحمد لله ♥️
مش مصدقة نفسي، أول مرة أعيط من الفرحة😭😭😭، أول أمنية من التلت أماني اللي كنت عاوزاهم قبل السنة الجديدة اتحققت ♥️♥️♥️♥️♥️♥️
@omima01998
الغسول اللي ب٩٩ج كان ممكن هي اللي طالباه -وده الأغلب- علشان كويس وجايب معاها نتيجة عكس كل اللي أنتي بعتيه ليه ده ممكن يبهدلها بشرتها أو ميكونش مناسب ليها وبشرتها تتحسس منه🙃 مش إنك تستغلي العميل وتشيليه أغلى منتج من كل حاجة علشان بيحب مراته وعاوزها تفرح 🙃
وأخيرًا بعد كثيرٍ من الآهِ والآه، مرت الخمس سنوات، لن أقول كيف مرت ولكن لن أبالغ بقولي إنها لم تمر مرور الكِرام ولم تمر سريعًا كغيرها من الأيام -التي كانت من قبلها وستأتي بعدها-، بل إن السلحفاة كانت لتسخر منها!
...
وكان فضل الله عليك عظيمًا❤️
كده خلصت دبلومة الكلينيكال من جامعة المنصورة على خير الحمد لله❤️،كل القريبين مني عارفين اد ايه السنة دي كانت صعبة عليا مع الضغوط اللي اتعرضت ليها وخاصةً الترم ده بس الحمد لله دائمًا وأبدًا، ربنا كان معايا ومضيعش تعبي ❤️
It wasn’t easy but I did it ❤️😄
بمناسبة قرب تخرج دفعة سنة خامسة اللي فيه منهم كتير أصحابي ❤️.
ملكوش دعوة باللي بيقول إن الدراسة أحلى والتخرج صعب وأنتو فرحانين على ايه والكلمتين دول، متسمعوش لحد، شجعوا نفسكم في آخر يومين دول وشدوا حيلكم وخليكم متشوقين إنكم هتتخرجوا، اه بعد التخرج هتشتاقوا لأصحابكم ولبورسعيد جدًا
نصيبك هيطاردك سواء خير أو شر كده كده هيصيبك ومكتوبلك بميعاد، ففكرة الاستغناء قوة تستعملها لما تتأكد إنك دعيت ربنا بيقين الإجابة هو هيختارلك التوقيت والشكل، سلم أمرك لله ولا تعترض وتقبّل.
امبارح رديت على واحدة بتتصل في الصيدلية كانت بتطلب أوردر ف نص كلامها وقفت كده وقالتلي أريج؟ أنا وقفت شوية كده اللي هو أركز في اللي سمعته 😂 قلت اه قالتلي انا فلانة (كانت صاحبتي ف الكلية)وكان فيه صوت نونو في الخلفية، فحسيت إنه ياه الوقت عدى بسرعة كده والعمر جرى ولا لمحته فعلًا 😂
بابا كان بيقرأ كتب كتيرة جدًا أيام الجامعة ما شاء الله وكتير منها كان في الدين، بعد ما شفت الفيديو ده قلت أروح أسأله عنها، فلسه بقوله بابا تعرف صلاة التسابيح؟
قالي طريقتها وقعد يشرح فيها ركعة ركعة والثواب بتاعها ايه وطلع بيصليها مرة كل سنة في رمضان ❤️❤️❤️
فيه صلاة أنا مكنتش أعرفها بعد ما بحثت عنها وعرفت مكانتها حبيت أشاركها مع الناس لأنها مريحة جداً جداً جداً ومهما اتكلمت عنها مش هقدر اوصفلك اللي قرأته عنها اسمها صلاة التسابيح 📿♥️
- الجزء الأول
ممكن يعملوا طريقة جديدة من طرق التعذيب في السجن وهي الanswer sheer، يجيبوا للشخص مثلًا ٥٠٠ دايرة ولا حاجة، ويكون مطلوب منه يظللهم في فترة زمنية معينة، وبكده يعاقبوه نفسيًا وده أصعب وأشد.
واحد كان جاي يصرف روشتة كورونا،فلاقيت واحدة تبعه جاية تاخد حقنة منهم وبتقول هروح علشان نلحق،فقلتلها لو حضرتك هتتعاملي مع الحالة ابقي البسي كمامة، قالتلي أنا الحالة🤝🥲
وبعدها مشت،قلت للراجل حضرتك ابقى البس كمامة،قالي أنا اللي عديتها فاللي هو تمام أوي🥲
هحكيلكم حاجة لطيفة،لما دخلت الكلية كان نفسي أشتغل في صيدلية معينة كده بالذات وكنت لما أعدي عليها وأقول ياااه ممكن؟عدت الأيام واتخرجت واتقبلت أتدرب فيها وكان من الواضح إن مفيش أمل لشغل فيها،لإن الاستف كامل ومش محتاجين حد، ويشاء القدر دكتور يمشي وأنا كنت معاهم فسألوني تحبي تشتغلي؟
بغض النظر عن الترقُب والخوف من جميع الطلبة ع مستوى الجمهورية من اللي هيتقال بكرة من الوزير، نضيف عليهم إني في كلية عملية + آخر سنة = لو اتطبق حاجة ع كل الطلبة هتيجي علينا وهنكون exception ليها بطريقة أصعب 🤦🏻♀️
واحد جالي وقت النباطشية ف المستشفى بيقولي أنتي صيدلانية؟ قلتله اه، قالي كنت عاوز أسألك هي القطرة دي زي دي؟ قلتلها لا غيرها مختلفة عنها، قالي أصل أنا بضرب دي ورحت أشتريها من الصيدلية والصيدلي اداني دي بدالها، هل دي أما أضربها هتديني نفس التأثير؟
😂😂😂😂😂😂😂😂😂😂😂😂😂😂😂😂
بعد محاولات مُستميتة لتصوير القمر حلو بالموبايل 😂♥️ بإضاءة ٩٦٪ دلوقتي.
بكرة هيكون full moon بإضاءة ١٠٠٪ بس الساعة ١ إلا ربع ووقتها مش هيكون ظاهر ليا لإنه هيكون تحت خط الأفق 🤷🏻♀️
المايكاب آرتيست بقت تستلم العروسة من هنا، تخليها شخص تاني خالص، اللي هو أنا أحيانًا بشوف استوريز وكده وأسأل البنت اللي منزلاها العروسة دي حد نعرفه؟😂
والواحد خايف ليحصله كده في يوم وربنا يستر يعني 😂😂😂
النهاردة المديرة بتقولي بصراحة مكنتش عاوزاكي تبقي في القسم ده علشان صغيرة لسه متعينة بقالك سنة بس ف الحكومة، بس خلال الشهر اللي اتعينتي فيه ف القسم ده وأنتي أثبتي نفسك فيه بسرعة واتبسطت إني وافقت 🥹❤️❤️❤️❤️❤️❤️❤️
مرة واحد كان جاي عامل عملية في عينه وحاطط عليها لازقة، بعد ما كتبتله الجرعة على القطرات قلتله اقرأ كده اللي أنا كاتباه، فقعد يحاول قالي مش عارف أقرأ بعين واحدة لإنها ضعيفة كمان، فقعدت أفكر أعمل إيه، كان فيه قطرة مساءًا (رسمتله هلال) والتانية صباحًا ومساءًا (رسمتله هلال وشمس)😁!
واحدة النهاردة باين عليها في أولى ثانوي ولا حاجة جاية الصيدلية هي وواحد في نفس سنها كده،اتفاجأت بيها عاملة كاتينج في ايدها عند عروق رسغها كده وكانت بتحاول تنتحر، بس الحمد لله مكنتش عميقة بس استيل متعورة،فعرفت انها عملت كده علشان اللي كان معاها ده!
فشاورت عليه وقلتلها علشان ده😂؟
"أحب أن أكون على مقربة من الناس الذي يتّقون الله في أصغر الأمور، مثل أن يحبس ردًا في صدره، ويكظم غضبه أو أن يشيح بنظرهِ للطّرف الآخر، خشية أن يخدش قلبًا، وألا يحتقر شعورًا ولا يترك مُحتاجًا، الذي يرخي بينما الظّرف يتطلّب الشدة، لا يخذل صديقًا أو يُشعره بالتملّل ويرميه بالتقبيح".
جماعة اتقوا الله، أي حد عنده كورونا يلتزم بالبيت ولو فرضًا نزل يلبس كمامة وجلفز وميتعاملش مع الناس، والله حرام اللي بيحصل ده، خافوا ع اللي حواليكم،يعني هتستفاد إيه لما حد يموت بسببك علشان استهتارك؟
واحدة جت تدور عليا في الصيدلية بالشكل-متعرفش اسمي-وأول ما شافتني قعدت تشكرني كتير لإني كنت اديتلها دوا وهي بقت كويسة الحمد لله بسببه وجاية تسألني ع حاجة تانية..
وإحساس حلو أوي إنك تكون الأصغر في المكان اللي بتشتغل فيه وناس بقت تجيلك تدور عليك أنت بالذات ..❤️