مفيش حاجة هزمتني في حياتي زي الحاجات اللي حبيتها واتعلقت بها وكنت الأكثر حماسة لها، هزيمة مصحوبة بالحزن ومرارة الخذلان، مش مجرد حاجة عابرة زي انكساراتنا اليومية، وللأسف كل مرة برتكب نفس الحماقة وبتعلق وبكون الأكثر حماسة وانهزم واحزن وهكذا.
"يُهزم المرءُ بما يُحب .. دائمًا".
بنفس راضية تماماً تقبلت فكرة أن في حاجات في الدنيا مليش نصيب ولا حظ فيها رغم سعي المُستميت عليها و أن سعي أصبح مجرد إرضاء لنفسي أن عملت اللي عليا لحد النهاية فالوصول لم يعد غاية تحرق قلبي لو محصلش المهم أبقي راضي عن نفسي أين كانت الظروف و المواقف اللي هتقابلني في طريقي
أنا الغيرة اللي جوايا علي حد بحبه ممكن تحرق بلد باللي فيها لكن ده محسش بحاجة طيب يا راجل ده بيقولك -في الجاهلية- واحد أعرابي زفت له عروسته علي حصان لما خلص الفرح قام دبح الحصان خوف منه ان سائق الحصان يركب مكان زوجته ولسه مكانها دافئ ففعلاً الرجولة و النخوة أصل مش صفة تكتسب
المحل دة بتاع راجل هو ومراته اتوفوا بعد ما رموا ولادهم الستة برة الحريق ( حريق الهانوفيل ) وماتوا هم والمحل بيصرف على ٦ أطفال و الشنطة دي ب ٨٥ وشكلها لطيف جداً .. يُتبع
المكان : إسكندرية ، العجمي ، أول أبو يوسف
Copied from a trusted source
كعادة أي بيت مصري لو حد عاوز يشتري موبايل جديد بيبدل القديم بتاعه مع ماما و يقنعها بمميزاته و يشتري هو الجديد لكن المرة دي قولت أكسر القاعدة و أفرح أمي قبل ما أسافر و أفاجئها و أخليها تجرب شعور الموبايل الجديد عشان هي تستاهل كل جميل و جديد فعلاً 😂♥️♥️
دكتورة قلبي يا جمااااعة
أكتر حاجة بخاف منها أن يجى يوم و أعمل حاجة عكس اللي بقوله أو مقدرش أقاوم هوى نفسي و أعمل الصح كما يجب أن يكون لأن الطبيعة البشرية جوانا ممكن تفاجئنا بتصرف عكس كل مبادئنا و معتقداتنا فى أى لحظة مهما كنا جامدين و مسيطرين فـ ربنا يحفظنا و يثبتنا
أخواتنا السودانيين اللي نوروا مصر ونزلوا علي ٦ أكتوبر ممكن متخلوش السماسرة تستغلكم وتأجر ليكم الشقق بمبالغ خرافية زي ١١ ألف لان الاسعار دي مش موجودة من الحي الاول للحي السادس لأن ده عاد بالضرر ع زمايلنا اللي بتشتغل و بتدرس و أصحاب السكن رفعوا أسعار الإيجار لأكتر من ٥٠٪ و هيطردوهم
أنا ثبت دعوتين حلوين أوي من بداية رمضان أتمني ربنا يتقبلهم مني ومنكم وهما :
- اللهم أجعلني خيرًا مما يظنون و أستر علي ما لا يعلمون و أغفر لي يوم لا ينفع مال ولا بنون إلا من أتاك بقلب سليم و أجعل لي قلبًا سليمًا أتيك به يوم القيامة
- اللهم هب لي من حظ الدنيا و نعيم الآخرة حتى أرضى
أوعي تسيب حد لدماغه و تخلي التفكير يأكل فيه كل يوم ، و تحطه بين نارين أنه يعرف إجابة أسئلته و يرتاح و بين كرامته اللي تمنعه أنه يجيلك و يسألك ، الصمت رد قاسي مينفعش تستخدمه مع حد بيعز عليك حتي لو حصل سوء تفاهم بينكم ، النار اللي بتتطفي لواحدها بتأكل كل حاجة في طريقها مهما كانت
شكراً لـ صاحبي اللي فضل يتكلم طول القعدة أن قد ايه أنا متأخر عنه وأن حياتي مش باين ليها ملامح وسكتي طويلة وأن قد ايه هو أنجز حياته لما دخل أسنان وفتح العيادة وأتجوز حبيبته وأنا لسه قاعد بذاكر … حقيقي الناس دي بتجدد شغفي وبتديني دافع أن أكمل بكل قوة ف طريقي
وربي لأبهره ♥️
مفيش لحظة حزينة ممكن تعدي علي الإنسان زي لحظة الغُلب أنا مش بيبقي في إيديه أي حاجة رغم سعيه و محاولاته لكن خلاص ملهاش حل غير الوقت أنه يعدي و تتحل بس ساعتها الوقت هو بيعدي بياخد من تفكيره و روحه أضعاف أضعاف اللي اتاخد منه في طريق سعيه كله
الواحد خايف يختار فيطلع الإختيار غلط و هو مش قادر يتحمل عواقبه في الوقت ده و خايف مايختارش فالخوف ده يضيع عليه الإختيار الصح اللي ممكن مايتعوضش تاني .. فأنت فاهمني ولا نو إستيعاب ؟!
بصراحة بقي مهما كنت جامد و عارف العالم كله هتحتاج حد واحد بس في النهاية يشاركك في زهقك حزنك فرحك نجاحك فشلك لأن مهما كنت جامد الوحدة هتهدك في النهاية بالبطئ
أي سؤال في الدنيا إجابته دايماً هي الصبر مهما حاولت تُوجِد من إجابات منطقية هتلاقي في النهاية بردو الصبر فاللهم صبرًا على ما لم نُحِط به خُبرًا و رضا بكل قضاء حسبناه شرًا فكان عاقبته خيرًا.
فيديو جميل بطريقة مش طبيعية بس عارف الأجمل أن الإنسان يفضل يحافظ علي جزء الوقت مع أولاده وسط شهرته و شغله و تقلبات مزاجه من إنشغالاته وأنه ميسبش الدنيا تسرقه علي جمع الفلوس بحجة تأمين المستقبل ليهم و التضحية عشانهم لأنهم مش هيعترفوا بكل دول في الآخر غير اللحظة اللي قعدها معاهم
زمايلنا في كلية الطب جامعة القدس في فلسطين عاملين منصة تعليمية متكاملة للتحضير لأمتحانات الـ USMLE Step 2 و الـ NBME بشكل مجاني بالكامل فيه حل بنوك أسئلة UWorld و أمتحانات و فورمات نظام الـ NBME مع الأجوبة و الشرح .. بالتوفيق 🇵🇸🤍
رابط الموقع والبرنامج :
النهاردة حفلة تخرج صديقي الصدوق معرفناش ندخل غير في الآخر لأن عدد التذاكر قليل و إحنا عددنا كبير جداً والأولوية للأهل طبعاً فقررت أعمل حاجة مميزة و عملتله شهادة تقدير بإسمي أنا و الرجالة و كرمناه في القهوة علي مجمل أعماله في طب الأسنان بتقدير قدر ولطف👨🏻🎓😂♥️
Always Be Creative
*شريف أخويا مزنوق جامد في المذاكرة و عنده إمتحان باثولوجي و فيكسد الاسبوع الجاي*
يتلم و يقعد يذاكر اللي وراه ❎
ينزل يخرج مع أصحابه و يوزع حاجات علي ناس ميعرفهاش و يطلب منهم أنهم يدعيله ينجح ✅😂😂😂😂😂
فقط في مصر :
الولد الاجتماعي بيتقال عنة حكاك و البنت الاجتماعية بيتقال عنها شمال ، وده ملخص حكاية مجتمع مريض وسبب لإنتشار الامراض النفسية
*مفهوم الإجتماعي : هو من يتعامل مع الناس بتربيته و أصله في حدود محددة لكلا الطرفين لا تتعدي الموقف الواحد و أنتهي وليس الـ available for all
لازم الواحد يتقبل فكرة أن فيه حاجات في الدنيا مش هيبقي له نصيب فيها زي الدراسة و الصداقة و الحب و الفلوس و غيرها و مهما عمل و اتشقلب كده مش هيلاقي غير نصيب ربنا المكتوب له و بعدين ممكن يفهم حكمة ده ايه أو لا المهم ترضي و تشكر ربنا عليه و مسلم لله أمورك .. يُتبع
ياريت لو الواحد كان بإيده يأخد كل الأطفال و يخبيهم بقلبه و يأخدهم بعيد عن كل ده ، بأى ذنب يعيشوا كل ده ، شافوا ايه من الدنيا عشان يقدروا علي مواجهة اللي بيحصل ، هما فعلاً ما بيكبروش هما عايشين بأسمائهم مؤقتاً لحد ما يتحطلهم لقب شهيد
﴿ إنا لله وإنا إليه راجعون ﴾
توفى إلى رحمة الله تعالى والدى الحبيب وأستاذى الأول وصديق عمرى وأغلى ما عندي الدكتور / عبد الحكيم شحاته محمد البليلى
اللهم اغفر له وارحمه وأكرم نزله ووسع مدخله
اللهم إني أُشهدك أني لم أرَ منه إلا خيرًا وأنت رب الخيرِ كله فيارب عامله بما أنت أهله
مجموعة الجوع الكافر اللي بتذاكر
( USMLE - Step One )
Promo Code : BENIMED
الكود ده هيديك إشتراك لمدة سنة ببلاش في الموقع ده بيشرح بطريقة مرتبة ممتازة و كمان بيحل أسئلة UWorld بعد ما بيخلص علي كل جزء شرحه فـ هيعجبك يا عزيزي ♥️
مهما كنت مخطط وحاسب كل خطوة بعقل وتفكير منطقي تدابير ربنا هتفاجئك بحاجات عكس كل اللي خططته و مكنتش تخطر علي بالك و كلها مش بإرادتك أو تقصير منك بس هتعرف أنها الأفضل بعدين وأن الحقيقة الأبدية إن الأمر كله بيد لله مهما كنت مجتهد و شاطر عشان تنفذ ترتيبك هتلاقي ترتيب ربنا هو اللي حصل
الحمد لله الذي تتم بنعمته الصالحات ♥️
USMLE - Step One : PASS ✅
Score : 265 🔥
It always seems impossible until it is done.
Finally , I can say “ I DID IT “
أنا عاوز الدكتور عبحكيم دلوقتي .. مساء الجمال و الروقان يا حجيجة 😂😂♥️
أنجح مشروع ممكن تعمله لو إختيارك صح
أفشل مشروع وممكن يقتل روحك لو إختيارك غلط
ولا ضمان لصحة إختيارك إلا الدعاء و صفاء النية لأننا قلوب تتقلب و شخصياتنا تختلف فلا ضمان لبناء علي مُتغير إلا بالدعاء و السعى لتطوير النفس للأفضل بشكل عام
فاللهم حُسن الإختيار و ثبات القلب علي دينك 🙌🏻
أكتر إنسان بيصعب عليا هو المُبتلي مسلوب التوفيق في أي خطوة يأخدها بيبقي فيه حيرة هو ده حب من ربنا ليه عشان كده أبتلي ولا عقاب وعذاب من ربنا ليه والحيرة الأكبر اللي واكله روحه وشكه ف نفسه هل هو إنسان فعلاً كويس ولا إنسان وحش يستحق كل اللي بيحصله بجد هتتمني تقعد جنبه عشان بس تطمنه
الكلام الحلو مفيش أسهل منه و فيه كذا بوينت كده لو لعبت بيهم ممكن تثبت أجدعها إنسان لكن أفعالك هي اللي بتفرق و مواقفك مع اللي معاك و مع اللي حواليك هي اللي بتبين أصلك و صدق كلامك لما تتكلم …فبلاش فتحة الصدر دي و سخسخة البدايات يا نحانيحو و البرامج دي كلها شووو و فور فان مش أكتر
في سورة الضحي في آية عظيمة جداً قال تعالي " وللآخرة خيرٌ لك من الأولي " كنت بفهمها غلط ولما عرفت معناها حبيتها أكتر ، كنت بعتقد إن ربنا بيقولنا أن الآخرة أحسن من الدنيا و هنرتاح بعد ما نموت بس أكتشفت معناها أن آخر كل حاجة صعبة خير و راحة .. يُتبع
فترة التوهان دي من الفترات الطبيعية جداً في حياة أي حد ، توهان في المستقبل ، توهان في شكل اللي جاي ، توهان في تقييم العلاقات ، توهان في تحديد مكانة كل شخص في حياتك .. الفترة دي ممكن تكون مرهقه شويه بس بتخليك لأول مرة بتتكلم مع نفسك بكل صراحة ... يُتبع
فى حديث عن النبي صلى الله عليه وسلم : (أن الله ليضحك إلى رجل قام فى ليلة باردة من فراشه ولحافه ، فتوضأ ثم أقام الصلاة ، ويقول للملائكة : ما حمل عبدي على هذا الصنع ؟ فيقولون : ربنا ! رجاء ما عندك وشفقه مما عندك ، فيقول الله : فإنى قد أعطيته ما رجا وأمنته مما يخاف ورزقته ما يتمنى)
اليوم أستقبل عاماً جديداً بآمال و طموح عديدة ، لا أعلم كيف مرت الحياة بهذه السرعة لكني تعلمت مع صدمة الأيام مرونة التكيف و سرعة التعافي ، و كيف لـ قلبي أن ينقبض و ينبسط لـ وداع راحل و إستقبال قادم ، مازال ف الوقت متسعٍ لـ روح جديدة و نفس تشتاق و قلب يحب 🥳🎂♥️
- ١ مارس ٢٠٢٢
صدقة جارية علي روح حبيبي و أخويا الصغير عبد الرحمن جلهوم بصوته وهو طفل في مدرستنا ربنا يجعل القرآن أنيساً و نوراً ليك في قبرك و شفيعاً ليك يوم القيامة ربنا يرحمك و يغفرلك و يسكنك فسيح جناته إن شاء الله
الأهم بالنسبة ليا إني عاوز ألاقى اللى بحبه مش أحب اللى ألاقيه وخلاص مش عاوز أتحط في الموقف ده أو عادة و عُرف مجتمع يحطني في deadline فيحسسني إنى متأخر أو أنها حاجة إلزامية ليها وقت محدد لو فاتتك يبقى Game Over
أمسك في الحاجة اللي بتحبها مهما ثمنها كان غالي عليك أو الظروف مش جايه معاك سكة أنك تاخدها النهاردة بس كونك تصحي كل يوم و عندك حاجة بتسعي و بتعمل اللي عليك عشان توصلها أحسن بكتيير من أنك تعيش لمجرد الفضول في ايه اللي هيحصل و مستني الدنيا هي اللي تديك اللي أنت عاوزه و حابه .. يُتبع
خلينا متفقين أن الصحاب وجودهم بيفرق حتي لو هما بعيد أو ناس معينة بنشوفهم من وقت للتاني ، هو فعلاً ممكن ميكملوش معانا للآخر لكن بيفضل أثرهم موجود لأن هما اللي ربنا بعتهم لنا عشان يهونوا علينا فترة معينة في طريقنا ، و الأحلي في كل ده بعد كده نفتكر بعض بالخير و نبتسم 😊💖
أكتر حاجة حاول تتعلمها و تجتهد فيها بعيد عن الدراسة و سباقات الأفضل ع المجرة و الأول ع العالم هي أنك تعرف تعيش أنك تعرف تستمتع بكل لحظة في حياتك صدقني المهارة دي مش أي حد بيعرف يتقنها و اللي مبيدورش ازاي يتعلمها حياته كلها صياح و حزن و دايرة مغلقة واقع فيها و عمره مسروق منه بسببه
لازم الإنسان يقتنع بحقيقة ( أنه ميعرفش حاجة عن حد مهما كان قريب منه ) و كل أحكامه عنه اللي فاكرها صح مقيدة بمعرفته المحدودة فمحدش مؤهل يحكم علي حد ولا ي قيمه ده مش دورك ولا دور حد مهما كان مين لكن دورنا كـ بشر تجاه بعض هو اللُطف و تقديم المساعدة لما تطلب مننا .. يُتبع
مصلي فروضك الخمسة في مواعيدها ✅
مخلص مذاكرتك لإمتحان بكرا ✅
غسلت كل الاطباق في المطبخ وحضرت لـ بكرا ✅
مسامح و مش زعلان من حد و بتتمني الخير لكل الناس ✅
ما أروعها نومه ♥️♥️♥️♥️♥️♥️
سمعت زميلي في السكن وهو بيصلي جهراً وكان بيقرأ في سورة الأعلي قوله تعالي : " قد أفلح من تزكى * وذكر اسم ربه فصلى * بل تؤثرون الحياة الدنيا * والآخرة خير وأبقى " وأول مرة أركز في الآيات كده و أتمعن في فهمهم وأنا قاعد علي المكتب أنت متخيل أربع جُمل فيهم فلاحك وصلاحك دنيا وآخره ♥️
فيه مقولة بحبها جداً بتقول " الحب يبدأ حين ينتهي الحماس " يعني إنبهار البدايات وإنك تكون مفتون بجمال شخص أو بطريقة كلامه أو تصرفات معينة اسمه إنجذاب ، بس الحب يجي بعد المشاكل والخصام والغياب والعيوب اللي تظهر كل شويه ، يجي لما تكون واثق ومصمم تختار الشخص دا رغم كل حاجه حواليك
بـ إسم طلاب الطب البشري و الأسنان و الصيدلة و العلاج الطبيعي نرحب بالزملاء الجدد الوافدين من الثانوية العامة و نوجه لهم رسالة ترحيب باللاتيني :
( pseudostratified columnar epithelium with goblet cells in between )
بمعني : نتشرف بإنضمامكم لنا مع خالص أمنياتنا بالنجاح والتوفيق 😂♥️
بصراحة بقي أنا مش عاوز أكتر من بيت ريفي في سويسرا و شويه بط و كتاكيت نجري ورا بعض و بحيرة رايقة جنبه بعيد عن تنافس البشر و نفوسهم المعقدة و أستمتع بالطبيعة و خلق الله كده
أول حاجة تحطها قصاد عينك وأنت بتاخد أي قرار في حياتك هي راحتك النفسية وبس محدش هيجي يشيل معاك همك لما تيجي تنام وحاسس بحاجة كاتمة علي قلبك خليك دايماً نفسك بنفسك لنفسك لأن محدش هيقدر ولا هيسد مكانك .. يُتبع