يحد الفقر روس الرياجيل حد الموس
ويصفى من الحد القوي كل متحدي
ِ
عموق الرجال تبين فـ الواقع الملموس
وعزوم الرجال تبين فـ الماقف الجدي
ِ
كبار المواقف وقعّها تجربه و دروس
مراسيمها في كل طيب ومتردي
ِ
رفيق الشدايد غايته مكسب الناموس
ورفيق الرخاء .. مابين ودي وماودي .
الهقوه اللي تدحم كبار الصفوف
يبغالها لـ مداحم العالم متن
واللي مراجلهم على حسب الظروف
لا شدوا حبال المواقيف فلتن
واللي يشوف الحق وماكنه يشوف
هذا يغطِ النور ويثير الفتن
ماتستوي روس النشاما والضعوف
بيارق الطيّب على العز اثبتن
حصانٍ .. لـ رد البرا مكلووووف
حزام عزٍ فاللقى مكرّب
اليا احتمى الميدان محد يطوووف
ركضك ينومس روس و يطرّب
راعيييك مايحسب حساب ظروف
مطنوخ راس و ساسه معرّب
عوق الخصيم و ضحكة الملهوف
تشرّق الامجاااد و تغرّب
🥇🥇
@alghariban
اللهم أعنّا على صيامه وقيامه اللهم إنا نسالك حُسن الصيام وحُسن الختام ولا تجعلنا من الخاسرين في رمضان ، اللهم اجعلنا ممن تدركهم الرحمة ثم المغفرة ثم العتق من النار
#رمضان
دورة الايام غصب تطوعك وتروح طايع
و فيه جفوه من كراهيه وجفوه من موده
ودك الرجال ينصف ويحكم شاري وبايع
واللي يعده على غيره على نفسه يعده
اخر الدنيا يجيك الضايع يقول انت ضايع
لازم الدنيا توقف كل واحد عند حده
اختلاف الناس .. مثل الخيل مختلفة طبايع
فيه خيلً للسباق وفيه خيلً للمكده
عمر بن الخطاب رضي الله عنه قال :
"لو عُرضت الأقدار على الانسان , لإختار القدر الذي اختاره الله له "
اللهم لك الحمد حتى ترضى ، ولك الحمد اذا رضيت ، ولك الحمد بعد الرضى
أتقـوّى بالصبـر .. عندي يقيـن
مانسى هم البشر ، رب البشر
ٰ
كـل يـوم اردّد : إن بكـرة تزيـن
ما بعد سود الليّال ، إلاّ يسر
ٰ
لو تضيق الارض و الواقع يشين
ما لحقني من غثى الدنيا كدر
ٰ
أضـرب الأيام بالجنـب المتيـن
من طناخة راس ولاّ من سطَر
نفسي على الشك تنحاني وانا منتحي
لو بينـي وبينهــا فالامر اخـذ وعطــا
يا نفس شومي عن اسفاف العرب وافلحي
عشاقـة النايفـه تكره حدور الوطــى
حنا كبرنا على شرهات بعض اللحي
وانا على نهج من قبلي بحث الخطا
الفقر ما يستحي .. ووجيهنا تستحي
وكفوفنا الله خلقها مسرفة فـ العطا .
يالله وأنا طالبك من مد جودك نصيب
ياواحد رحمته ماينقفل بابها
وانا دخيلك من الخيبات يامستجيب
ومن انصراف القلوب ومن تقلابها
لوتشرق الشمس عاده مقتفيها مغيب
ويضفي عليها سواد الليل جلبابها
الناس فيها بلا والوقت ماله صحيب
والنيه الطيبة ماتنصف أصحابها .
المصافح بالاحاسيس ، ماهو باليدين
البشر .. تستخدم احساسها بكفوفها
ارض نفسك ، نفسك اولى من الناس اجمعين
ان تبعت الناس ، بتموت وانت تحوفها
اللي منهم راح يبقى معك .. واحد اثنين
والبقيه ب تعذر بصعب ضروفها
بكره ليا حطوا اسمك مع ، اسم الميتين
اختر اللي راح تنشال فوق .. كتوفها