نوره-ساره-الهنوف …
أسماء اعتدنا عليها في قصائد الشعراء لكن بعض الشعراء استخدام اسماء اخرى وكان استخدامه ملفت .
أمثله :
فارس الحشار/
يا البندري تو ماهب الهوى واستدار
صبرش على فارس الحشار يا البندري
محمد بن الذيب/
ياريوف ليل الموادع دمع ولا سهر
لو انها فـ أختياري ما تخيرتها
الشاعر مشعان البراق عندما قرر ان يعتزل القصيد بعد محبوبته ويتجه لدينه .. قال :
بقـى ذنب واحد من ذنوبي عجزت أنساه
بعد ما هداك الله يا قلبي على التوبه
لك الشوق يا ذنبٍ تركته لوجه الله
عسى سيئات الشوق ماهي بـ محسوبه
حزمي سعد شاعر أشهر من نار على علم .. ولم اراء شاعر في المدح مثله :
هو الي يقول :
كم عرفنا من فقيرٍ راس ماله ثوبه
وفـ الكرم كنه على وزارة المالية
من بيوتهم لاشفت عج المباخر ثار
ذكرت المصانع في الجبيل الصناعية
من ابشع أنواع الرياجيل رجال
لاطاب لازم يلحق الطيب منه
- مبارك بن رادعه .
دايم المنّة ليا جات من عقب معروف
لا غدا مكسب .. جمالة .. ولا دفعة بلا !
- صالح النشيرا .
@q8bizz
المسئلة فيها خلاف كبير ، واختلف العلماء في ذالك :
ماينزّل قيمة الرجل فـ عيون الرجال
غير طرّاد العذارى . . وطرّاد الحكي
-
@aprvip
"ما فيه من طرد الغنادير مخلاص
هم والله اللي فيهم ارضي غروري"
-
@alialdeaya
@hoood_q8
هجا :
لا زهمته يلتفت ويش راي ام العيال
مرزقه عند الحليله ورايه عندها
عذب :
القلب يكسره اللسان ولا تجبره اليدين
ماهوب عظمً كل يومً تكسره وتجبره
حكمه :
الحياه الرغيده والترف والنعومه
لاتخرج صبور ولا تخرج عصامي
مدح :
ليا دار ذكره داخل المجلس المفتوح
ماللعود الازرق داعي وذكره يحفه
ممّا قيل فـ الاسم المستعار ..
يقول راعي الاوله :
@ra3i_alawlh
اسمي الحقيقي محتميه المستعار
اللي فعول اسمي عليه اسميتها :)
ويقول هود ايضاً :
@hoood_q8
بالحساب المستعار اسمي و وسمي بيّن
وانت مجهول الهويه بالحساب الرسمي
@tmaah_
عيونها السود تذبح والرموش السيوف
وفيها من الملح والقبلة وزود الحلا
جديلها لا انتثر من فوق ذيك الكتوف
ما كنّه إلا سواد اللّيل .. وسط الخلا
لو حبة الخال نقطة تصير نقطة وقوف
من عقبها الزين ياقف عند كل الملا
نحتاج موعد لقى .. ومصافحه بالكفوف
من دافع الشوق قبل تصير دفعة بلا ..
هلت حياة المشيب وراح وقت الشباب
وأهل المثل قالوا العاقل لنفسه خصيم
غرتني ان لم تكن ذئباً كلتك الذئاب
ونسيت تفسير من " يأتي بقلب سليم "
يارب تغفر ذنوبي قبل يوم الحساب
أجحفت في حق ن��سي وأنت عفوك عظيم
أفز لا من ذكرت أنك شديد العقاب
وأهدا إلى من عرفت إنك غفور رحيم
@tmaah_
@JamalBander
لا تحسبين الدموع الزرق من قلّ الشجاعه
و الله إن الشوق ما عمره رحم ( و أنتي كذلك )
ما يليق الضعف في خال الرسول من الرضاعه
مير ما باقي بـ عيني دمعه إلا سقتها لك
" عنتر " اللي تجفل الفرسان من سطوة ذراعه
يبكي اليا طروّا السمّار " عبله بنت مالك "
- جمال بندر
أدري " دموع الرجال " أقسى من دموع اليتيمه
و أدري الأقدار ما جتني بـ كيفي و إختياري
من عذاب الذكريات أحتاج لي صبر و عزيمه
ليت دون الذكريات القاسيّه عازل حراري
من فقَد غاليه و طعون المفارق في صميمه
يبتلش في حالته حتى الطبيب الإستشاري :)
- عايض العاطفي
أنت ياللي عليك الروح منشفحه
ماكن عينك تشوف و مسمعك يوحي
نفحات حبك علي هي و الله النفحه
ترد نفسيتي و تعالج جروحي
حفظت حبك من الصفحه إلى الصفحه
في روحي اللي تحبك يا بعد روحي
- علي الدعيه
تطلع طلوع سهيل من حول لا حول
وتشخص لك عيون وتلاقت لك ارقاب
ومن يوم جيتي الله وكيلك على طول
سلامك عتاب وسواليفك عتاب
طول على بالك عسى عمرك يطول
ما كل موقف تنشرح فيه الاسباب
مطلق بن شوية
يقول تشي جيفاره :
من الادب ان لا تسأل احداً عن شيء يخفيه عنك فإن لم يكن ظاهراً لك فهو غالباً امر لا يخصّك
ويقول الدعيه :
ما يضيّق بالي الا نشدة المتفرّغ
لا نشد من حاجةٍ ماله لزومٍ فيها
من أجمل التسليمات في المحاورة تسليمة حبيب العازمي :
سلام رديـةٍ تبرق وترعد من جبال السراة
لين انها وصلت الدمام نصف الليل بخيالها
اللي يجي قدمها من سيلها يشرب ويقطع ضماه
واللي يجنب يجنب عن مخيلتها ويبرالها،
عطونا وش تحفظون ⬇️ :
[المطر + والشعراء ]
قمتي وصب المطر وإسترخت الريح
وقالت لك الأرض شكراً ( يوم قمتي )
- بدر بندر
وش تبين من المطر والغيم يا ضحكات خلي
من يشوفك شاف نوض البرق في عرض المخيله
- ناصر مناحي
دوري لي شبر فالشام ولا بالجنوب
ما يجيه إلا الهوى و المطر و أنتي و أنا
- مدغم ابو شيبه
الهنوف الي طغت واسكنت عوج الظلوع
زينها ما ينوجد .. فـ الصحاري والقرى
حكيها فنجال دلة .. و مبسمها قدوع
من عرف لذاتها عاف .. لذات الكرا
اعرف اطلع مع كرا واعرف ادورب الطلوع
بس ما اعرف كيف احوّل مع طلعة كرا
- خالد بن طفلان
تقول ذيك المزايا كيف صارت عيوب ؟
واقول ذيك المباني كيف صارت حطام ؟
ودعتك الله ورحت اطوي طوال الدروب
ولا عليّ الملام .. ولا عليك الملام
اقبلت مثل السحاب ورحت مثل الهبوب
وكبرت في ليلة الفرقا ثلاثين عام
وبرأت لله من ذنبي وقررت أتوب
براءة الذيب من يوسف عليه السلام
@6weg___
@2lji7
من باب النصح :
تعلّق بـ ناقه . . من خيار البل
حب البشر ذا الوقت مافيه ابركه
وفي غلاها قيل :
اتردد كل ماجيت اعشيها شعير
والله لو ماهي بناقه لأعشيها طلي
@al_3jmil
على النقيض تماماً بيت جمال بندر :
عزالله إن الشايب إللي جاب .. جاب
جات من خياله مستحيل من ظهره
وشاعر اخر يقول :
أمانةٍ معك كان الصوت توحينه
حبي جبين العجوز وقولي أنتجتي
يارب هب لي من لدنْك الباقيات وما لديك
و اجعلني العبد الصبور اللي رضاتك مطمعه
أنت السلام المؤمن المتعالي الحق المليك
اللي تسبّح له عباده و الجهات الاربعة
يارب أنا عبدك و ابن عبدك و ناصيتي بيديك
أحيان نفسه تدفعه و أحيان نفسه تمنعه
( نطّحيني ) مفرده غير دارجه كثيراً لكن توظيفها كان جميل جداً ، أعتقد افضل من وظفها الشاعرين:
سفر الدغيلبي:
نطّحيني عهنك المنفوش يا غر السحايب
وعوضيني عن كواليس الوطى بالارتفاعه
وكذالك الشاعر فارس الحشار:
نطّحيني .. وجهش النهّاب يا شقر الذوايب
دام في وجهش صباح ودام في عودش ليانه
بعض الشعراء يتميز في تركيبة الابيات والبعض الاخر يتميز في الصور الشعرية وايضاً بعضهم في اختيار المفردات ، و شعراء يعتمدون على المطلع في جذب المستمع .
( مع أن كلها مكملة لـ بعض )
السوال هنا لـ المتذوقين :
أكثر مايجذبك في القصيده ، وتكون مركز عليه ؟
مع اقتراب انتهاء برنامج المعلقة ،، دعونا نستذكر الابيات العالقة في أذهاننا :
القلب يكسره اللسان ولا تجبره اليدين
ماهوب عظماً كل يوم تكسره وتجبره
⁃ صالح النشيرا
دايم المنّة إلى جات من عقب معروف
لا غدا مكسب جمالة ولا دفعة بلا
⁃ صالح النشيرا
سفر الدغيلبي :
"أخاف ألتفت لك يذرف الدمع من عيني "
رشيد الزلامي:
"أخاف يلحقني من الصبر منقود"
فلاح البردي :
" أخاف من مانع لقى م حسبته "
ياسر التويجري :
" أخاف يلمح دمعة العين مطفوق "
من مخاوف الشعراء :
أخاف اجي مزهاف وارمي ولا أصيب
و الرميه اللي ما تصيب . . اتغبّـني "
- عبدالله بن زويبن
اخاف تقول عني يا بحر ضيدان بن منصور
وقف في يوم من الأيام ودموعه على خدّه
- ضيدان بن قضعان
تردعني الشيمه عن الشوم واللوم
واخاف مـن شـيٍ يـمس الكرامه !
- عبدالله بن عون
عز الله ان الملح والزين بيّن
من زولها لـ عيونها لـ رقبتها
بستان شاميً غصونه تليّن
وجدي على رمانها وعنبتها
ماهيب مخلوقه عشان اتزيَّن
لو ما لقت ما تلبسه في كبتها
خذت فناجيل البنات المزيّن
وحطت رجل على رجل وشربتها :)
من أعظم الشعراء في هذا الجيل وخصوصاً فالتشبيه هو عايض العاطفي .. شاعر متمكن وله اسلوبه الخاص ف الشعر من خلال تطرقه لـ القصص التاريخية والاسماء التي كان لها أثر سابقاً ..
…
في قصيدة لـ ناصر الفراعنة مليئة بـ النصائح والحكم يقرا فيها ابو فارس :
لا تصحب الا كل راس وهامة
والا الذنب يلقى شبيهً يخاويه
..
من لا يثمن ف المجالس كلامه
يطيح في من يصمخه لين يعميه
..
من يحسب الذيب مثل النعامه
لو يرمي طويق بكبره بيخطيه
…
بين عقل وبين نفس وبين روح
ضيّع الربّان مرسى الباخره
إن لبسنا الزهد عرّانا الطموح
نبغي الدنيا ونبغي الآخره
الله أكبر أيّها النفس الجموح
للقا الأكبر وش أنتي ذاخره ؟
أترك الحلم وأذرف من وراه الدموع
وأحلام الإنسان توخذ غصب ما تنعطى
تشكّلي يا ظروف الدهر ومن أي نوع
بـ أجيك هادي ومتوازن .. و واثق خطى
القلب ضد الكسر .. والرأس ضد الخضوع
والمتن للشيل .. واليمنى لبذل العطاء"
من اعظم قصائد الشعر النبطي قصيدة الشاعر مطلق الطايعي في مسلط ابو ثنين :
كما يتوق امن الشياهين قرناس
يتوق قلبي للجديد ويجيده
ما نيب في العِرف اتهجس هجاس
ابيع واشري في العلوم الوكيده
ولحتجت راي انصا بديهين الحساس
واستد بريا اصحاب لريا السديدة
ان لقيت اللي يعرف لكل حاجه
سو نفسك ماتعرف اللي يعرفه : )
عبدالله بن خشمان
من الذكا انك تسوي نفسك احياناً غبي
ومن الغبا انك تذيكا لك على ناس اذكيا
سعد علوش
شعراء بني هاجر 🤍 .
عسى الله يديم الستر ويزيّن الآحوال
على اللي ليا اذنب لا تجاهر ولا فاخر
نسينا جهل واهمال من صالح الاعمال
وتعبنا على الهندام والملبس الفاخر
لو ان الذنوب تشاف في الوجه يا رجال
ما والله حدٍ منا يسلّم على الآخر
- راعي الاوله
الله الله يالدروب المستقيمة
كيف أجادل واحدٍ ماهوب قدّي
شرهة العاقل على النفس الكريمة
وأحتفظ بالرد في مزحي وجدّي
يفرح الجاهل ويحسبها هزيمة
مادرى عيني لمثله ما تلدّي
صدّتي عن بعض خلق الله غنيمة
ما يوالف قلبي القلب المصدّي
اشهد ان الشمالي ينضج الكيه
قصايده كلبيها ماتنقاها
مجنون مجنون وبيوته جنونيه
سمعنا احلا بيوته مدري ارداها
والمشكلة ان ماهيب الاولانيه
حتى تحيلالها واقول احلاها
قصايده بنت كلب وشقلبانيه
لو ان ابو عبده محمد ماغناها
لونه ينشر بصفحة شعر شعبية
ضاقوا هل الركب وانته مانت بتلاها
@rrcv0
ليه اغني لـ القمر وانتي على الارض محموله
وليه اسولف لـ السما ونجومها عقدك وشالك
ويوم صارت ساعة الفرقا على مثلي عجوله
اغتنمت من الدقايق لحظتينٍ . . كلها لك
( العوايد والسلوم )
يقول احدهم :
نشبت امنيتي مابين العوايد والسلوم
وشمت عن سجة حياااةٍ ماكنت املها
وقال اخر :
ليت من سن العوايد ومن سن السلوم
سن لاهل الحب من ضمنها ساعة لقى )؛
اتعبوا لأهدافكم ياهل الحلم الشغوف
عنفوان زهور الاعمار قافيها المراح
الضعافة ويش ودت وجابت للضعوف
غير صبرٍ ما يواجر وهمٍ ما يزاح
الفشل لا تجعلونه ذريعة للوقوف
هو تراه أول مراحل محطات النجاح
ما يعدّيك المهونة ويلحقك الشفوف
غير ممشاك بشجاعة وعزمٍ من كفاح
لا تعدّت حاجة الطيّب يدين الكرام
صدّ منها لا تهيّت من يدين الردي
عويد النجود
اقفيت وانا اكبر من التبرير والعذر السمين
حتى لو اني خاطري ما كل شي يصبّره
- صالح النشيرا
لا تحسّف على شي مضا زياده عن اللزوم ولا تكثر الحديث عنه ، فـ هذا من قل الهمه وعدم الثقه فالنفس .
قالَ أحدهم :
ماتضوي بعين الكريم الحسايف
وقال سفر الدغيلبي :
العرب تنقد على الرجال لازاد الحسايف
وقال اخر :
مَايرجع الفايت كثير الحسايف
مراحل ( أحبك ) مع ناصر مناحي :
من :
لو نسى وجه الفجر صبحٍ يصبر ساهرينه
ما نسيتك يا أول أحبك نطق فيها لساني
الى :
أحبك طواري بس ما عاد أحبك خل
و لا زلت أحب العذر بشفاك و انتظره