عسى الله يديم الستر ويزيّن الآحوال
على اللي ليا اذنب لا تجاهر ولا فاخر
الى من عصيتك ما عصيتك من استغفال
قضى العمر ما قدّمت ، وش عادني ذاخر؟
نسينا جهل واهمال من صالح الاعمال
وتعبنا على الهندام والملبس الفاخر
لو ان الذنوب تشاف في الوجه يا رجال
ما والله حدٍ منا يسلّم على الآخر .!
نزّلت بيت في السناب لـ شلعان الودعاني عن الدخان يقول :
ㅤㅤ
الله يقطع وارده من دياره
عشان عطران الشوارب تخليه
ㅤㅤ
قراه الشاعر مبارك بن عينان وجاراه ببيت وقال :
لو كان ما في شربه الا الخسار��
مورّده باللي يبي فيه نشريه
ㅤㅤ
هنا دخل على الخط الشاعر عبدالله بن رجاء ال قشعم وقال :
المختصر والخُلاصه في موال #تركي_الميزاني و #ناصر_المرسال
شرح علمي وتقسيم يوضّح الفروق والاخطاء في الموال
-#المرسال كان بعيد عن إجادة الموال وحتى وزن أشطر الموال صار فيها اختلاف.
-#الميزاني كانت جميع الاشطر عنده على نفس الوزن واللحن ، لكنها أطول من قفلة الموال.
الشرح في الصور👇🏻
اشتهرت قبيلة #عتيبة بالعلوم الطيبه كلها ومنها في الخدمه والنفعه في الدوائر الحكومية ، من غير قاصر في كل القبايل اللي فيها حقها من الطيب ، إلا ان هذي القبيله حظّها طيّب وسمعتها طيبه ..
ومن ما قيل في ذلك :
👇🏻
بعض الابيات لا يمكن ان أقرأه قراءه عابره ، هو أعمق من ما يبدوا عليه في الظاهر .. أحدها هذا البيت اللي ما ادري من هو له :)
ثمان سنين ما شفت بعيونك حدة التجريح
كلام البارحه كم صار لك و أنتي تحدّينه ؟
ابشركم ان الله عقل بي وانا قد ضعت
وإلاّ كان لا ذالحين وانا بعد ضايع
'
لاداشر ولاصايع ولا قد دشرت وصعت
لكن المولع كنّه الداشر الصايع
'
على شوفة الغالين ياما ظميت وجعت
تماماً مثل جوع وظما الظامي الجايع
'
شريت الغلا الصادق لكنّ انجبرت وبعت
وانا احسْب شرّاي الغلا ماهو بـ بايع :)
من يجبر الخاطر المكسور يا غايبين ؟
اللي تهقويه في رجعتكم الامنيات ..
ㅤㅤ
من راجع الذكريات .. استذكر الراحلين
وهذا هو الجانب السيء من الذكريات
ㅤㅤ
راعي الاوله ..
فراج اخ محمد بن دعبوب
كان حالف على خوي له بكرامه وحالت الاقدار قبل يسوي كرامة رفيقة وتوفى
بعد العزاء بشهر قام بها محمد وقال
يامن عزم وأقفى ليوم القيامه
وافق رفيقك بس الأقدار عيت
ياخوك لا تلحق ضميرك ملامه
البارحه فرصة رفيقك تهيت
والموت ماردك لفعل الكرامه
يا مكرم الضيفان حي وميت
عنّز عليّ هموم وقتك والآلام
متني يشل اللي تشل البواخر
'
ولا تلتفت في اللي يقولون الاعلام
حنا كبار وفي بعضنا نفاخر
'
لو يضحك الشامت على ظروف الايام
الكل منّا يا ابن عمّي لـ الاخَر ..
راعي الاوله ..
#ضيدان_بن_قضعان #محمد_بن_الذيب
ㅤㅤ
تعاتبني وتِلحقني ملام وشرهه ومنقود
فديت معاتبك، واللي وراك من الزعل هاته
ㅤㅤ
تكلمني📞 على سنابي وانا منتظرك وموجود
لكنْي ما عرف له 'جعل يوخذ' واتصالاته !
ㅤㅤ
انا من جيل يوم ان الرساله "جزءها مفقود"
لذا تجهلني اشيا في السناب وفي حراكاته :)
ㅤㅤ
راعي الاوله
يعجبني الشايب اللي لـ الكرم يمّه
على سماحة جنابه خاطره عاذي
ㅤㅤ
على الحديده وخط الفقر ماهمه
حتى لو ان الحديد يكون فولاذي
ㅤㅤ
يحول بين الحوار وبين ديس امه
والا المفاطيح هذي بمرقة هذي
ㅤㅤ
@AL___9999
كان حريص رحمه الله على انه ما يقدّم للجمهور الا الشيء اللي يليق بمحبين الشعر الجزل ، وكان على قوة قصيده وجزالته وشهرته يدرى نقد ذلك الجمهور ، بعكس بعض الشعراء المشاهير ، يقول في أحد قصائده :
عيونكم مثل الحراب المزاريق
واليا طرالي نقدكم نشف ريقي
ㅤㅤ
يقول أحدهم بعد زيارته لـ شيبانه وربعه في قطر :
ㅤㅤ
عسى اسبابها اللي سبّبتها تجي بأسباب
لو اجنّب الموضوع .. ما له بجنّابي
ㅤㅤ
اذا مواصل الشيبان والربْع صار ارهاب
على قائمة الارهاب حطوني ارهابي :)
ㅤㅤ
الله يصلح الشآن 🇶🇦🇸🇦
ㅤㅤ
يا مَ شاء الّله من عيون الناس يا مَ شاء الّله
لا تحاكا في المجالس .. ما لِطم له وارد
ㅤㅤ
خابرينه ما يشوش إلا لصوت الشلّه
وفي الامور اللي عليها العلم وجهه بارد !
ㅤㅤ
راعي الاوله 😕
لا عاد تنشدني ورى الخاطر حزين
ان كان عندك عقل شفني و اعتبر
واللي يقول مْع الشتاء الخطّر تزين
ما جرّب الفرقا .. ولا الحظ الغبر
بدا يطووول الليل .. ويزيد الحنين
لـ الغايبين اللي ما طقو لي خبر :)
يا شينها اذا حسّيت بالغربه وانت وسط مجتمعك :
عن ضجيج الناس والمجتمع جاني جفال
كـنّ مـا ذولا بـ ناسي .. ولا ذي بـ بلـديّ
كيف ألقى حل ومخرج ؟ :
الهـروب احيان نـوع من انـواع النضال
لا وطت رجلك طريق الضياع السرمدي
طيّب وين أروح ؟ :
👇🏻
صحيح ان المحبه بالرضى ماهيب تِسلب سلب
نجامل .. والشعور احيان يخفي عكس ما يبدي
انا اقول ان مقر الحب وسط 'الكبد' ماهو القلب
لا شفت اللي مانيب احبهم حامت علي كبدي :)
راعي الاوله ..
ㅤ
- من ابيات انتهاء العلاقات اللي استذكرها وارددها دايم :
'
الموعد اللي ماتت أحلامنا فيه
ما كان موعد.. كان مسرح جريمه
'
______
'
على نفس هذي الطاوله من ثلاث سنين :
رمت بنت دِبلتها الذهب / وأنكسر رجّال
'
______
'
كتبت في كل شيء إلا الوداع الاخير
مازلت متوقع ان الشوق .. بيرجّعك !
معاملتنا لها شهرين وش جاها
يومٍ تزوّد بها.. ويومٍ تنقّصها
وليا تعذرت عنها جعلك فداها
يقلط عليها عتيبيٍ يخلصها
وقال آخر:
لا تعقد لازمك ف احدا الدوائر
اسال اهل الدائرة: فيكم عتيبي ؟
وايضاً:
الشخص لا راجع المسؤول
وموضوعه الاقشر صعيبي
اول مايطري عليه يقول
يالربع ما فيكم عتيبي ؟
أنا غيابي في غيابي حضوري
في كل قلبٍ لي تواجد وتذكار
فارقت يوم إن المفارق ضروري
وخليتهم للوقت، والوقت دوار
لله در الكبريا في شعوري
كبير وجروحه بعد مثله كبار
ما عاد يرضينا الهوى يا غروري
خل الهوى للي يجيدون الادوار
بين زيف الحياه .. وقلبي المنجرف
طاحت عزومي اللي أحسب انها كفو
مذنبٍ ، بالخطايا والذنوب اعترف
يا عفواً تحب المغفره والعفو ..
جيتك الآيب ، النادم على ما اقترف
خايف الحشر لا من العباد اوقفوا
التذلل على بابك .. مذلة شرف
عزّني .. لا تهمّلني مع من هفوا
ㅤㅤ
راعي الاوله ..
فيه بيت جاز لي جداً لـ سليمان المانع
أول ما تقراه تحس انه عادي !
كل مابغيت أسامحك ينتخي جرح !!
ويلوذ في وجه " الكرامه " واعيّي ..
لكنه رجع قائلاً :
أنا ولي أمر الجروح وعذرتك
رح عاد كنك ما تسببت بجروح
ما كان متناقض ،
لكن عقله كتب البيت الاول !
وقلبه كتب البيت الثاني :)
ㅤㅤ
نجوب الديار وعزمنا يقطع الفرجه
الى من تعذّر من تعذّر وهمّلناه :)
ㅤㅤ
من يسلّم ملحّاه لضروفه الحرجه
بيموت، وبقى في خاطره شيء ما سواه !
ㅤㅤ
راعي الاوله ..
ㅤㅤ ㅤㅤ
طيّب وين اروح ؟ :
جيت محتاجك .. وفيني كلامٍ ما يقال
آتعزز و ارفع الصوت و امشي و آعدي
انا تايه ، ممكن طلب ؟ :
حطني في وجه حضنك من صدوف الليال
تايهٍ لا اخطيت من ضمتك ، وين اغدي ؟
ㅤㅤ
ابيك اْتعذرني يا حمد من مجي الذود
انا والله ان قد لي وانا ارتاح للشاطي
مفاهيمنا اللي في نظرنا من المنقود
يجي يوم ندرك فيه مفهومنا الخاطي
الى البحر🏊🏻
ولاحقين على الذود :)
لا شيء يقتل المحُب ويجعله أمام مفترق طُرق اقصرها 'الفراق' ، أكثر من "المكابره"
ㅤ
يقول ابن جدلان :
ㅤ
أقوّي عزومي كن ماعاد عندي فيه
وأنا والله إنّي مونسٍ البلا وأكناه ..
ㅤㅤ
ويقول فلاح القرقاح :
ㅤ
انظر لها نظرة اللي ما يواطنها
ماكنها اول طموحي واخر امالي !
ㅤ
#هل تصدق ان اللي قال:
مل قلبٍ من ورى المعلوق ذاوي
ذوي عودٍ لاهب الكنّه يلوفه
من وليفٍ لاقسى ماهوب ياوي
كن ما بيني ولا بينه مروفه
#انه هو نفسه اللي قال:
واليا خذت اطرف حلاوه من هنا
باقي الحلاو يشوفها ويقول: واو
#لأنه قد قال😉
روّح على جزء الحياه الثاني
لاخير في صبيٍ حياته وحده
مرّت علي آيه قبل شوي :
﴿وَاعْفُ عَنَّا وَاغْفِرْ لَنَا وَارْحَمْنَا﴾
انا كنت اعتقد ان العفو والغفران نفس المعنى
لكن القران عظيم وبليغ مستحيل يكرر كلمتين ورى بعض من دون قصد !
بعد البحث … طلع العفو أبلغ من المغفره
(العفو محو ، والمغفره ستر)
وفي قول ثاني : 👇🏻
ㅤㅤ
امس كبرت ضيقة الوقت فالصدر الزهوف
جعلها من باب ما تكره النفس إخيرَه
اقلطت في مجلس الصدر مقلاط الضيوف
لين ضاق ابها وهو كان تسعه بعشرَه
والبنادم نصف بهجة حياة ونصف خوف
بالهنا تغريه الايام .. وتجيب خبره
اشهد ان عيوني احيان تذرف يوم اشوف
طيّبٍ تومي ظروفه بـ ازارير انحَره ..
يقول ابن جدلان رحمه الله في مدح الشيخ حمدان آل مكتوم :
والمدايح .. ما تليق الا على رجال زيّه..
مدحةٍ ماهيب في [شرواه] يعني حكي فاضي
لاحظوا الذرابه والأدب والتقدير في مفردة [شرواه]
ابن جدلان كان مسترسل في مدح حمدان بأبيات عظيمه وهذا كان آخر بيت في القصيدة، وكان بإمكانه ان يقول👇🏻
من اكثر البشارات ذُعراً و هلع هي بشارة في ابيات للشاعر #عامر_بن_نوطان يقول فيها :
ابشّرك بالضعف عقب القوه
وابشّرك بالنقص عقب الزود
نهايتك مثل البدايه يا فتى
من التراب وللتراب تعود
واقول يا هالناس معكم عاقبه
مفقود يبكي له على مفقود !
تمرّدت ليلة البارح على الساهرين
وضاقت علي الوسيعه بـ اربع جهاتها
يا ليل لا تعتذر لو ان عذرك سمين
جميع حاجه تضيّق خاطري هاتها
كنت اسهرك يومني واحد من العاشقين
اللي توزّع على الناس ابتساماتها
ضحكت يوم اضحكت الايام لي ضحكتين
واثر اللّيالي ماهي تترك حركاتهااا ..
ㅤㅤ
اذخروني في مواجيبكم حال وحلال
واعتقوني من موالاة قوم / وحرب قوم
ودي احافظ على قيمتي بين الرجال
وين ما لقّيت وجهي مقدر ومحشوم
- أفضل ما يُقال حالياً 💭
ㅤㅤ ㅤㅤ
وقفت اجاهد الدنيا .. واكافح وطأة المأساه
تحدّاني .. و اوقّف في نحرها وآتحداها
لـ ضحك وجيهكم ، كم مرةٍ وجهي دفق من ماه
عشان وجيهكم وعيونكم لا يندفق ماها .!
ㅤ
ما ترتبنا ، وحنا صغار وقابلين
فـ نترتب قد حن كبار والنفس امحقا
'
الحظوظ الدون تثني عزوم الطيبين
وعذرهم موجود كلٍ يجود بما لقى
'
ماتربينا علي دس راس وخفض عين
تربيتنا المجلس الشره وارحب والبقا
'
جعل ماحنا على الشامتين بشامتين
وجعلنا واللي نحبه من النار اعتقا
'
للمبدع
@su_abbas
حافظوا على جميع الذكريات الحلوه
الحياه موليه .. واعمارنا تقفاها
كل غالي تقطع الدنيا عراوي دلوه
افقده وتحطه الايام في مخباها
ودي اني في مكان مستحيز وخلوه
ماتجيه الا السحابه يوم تنثر ماها
يامطايا الراحلين المشكله والبلوه
تتركون الذكريات خلافكم واقراها .!
عندما يسافر المُحب عبر المعاناة :
انت ليلٍ .. تخاطفني عليه المساري
و انا ما جابني لك غير صدق الموده
وفي نفس الوقت يعتقد بأن كل معاناة مرّت به تحتاج لـ اقتصاص وانتقام :
ودي آخذ من عيونك ومبسمك ثاري
شيّ يوخذ بـ لين و شيّ يوخذ بـ شده
رُغم جلادته وأصراره على الانتقام إلا انه.. 👇🏻
وآ قلبي اللي تقل ماقط هاوا
ولا انشغل بغياب ناسه ولا حنّ
الا على اللي فوق عرشه تساوا
صغير سنٍّ بين اشافيه كم سنّ
اليا بغى حلاوته .. قال "واوا "
واليا بغى يطلع معي قال "عن عن" 🚗
نبي نسافر .. بس مدري على وين ؟
ما آعرْف اخطط بس شوفوا لنا حل
ㅤ
شوفوا لنا ترتيب يا الربع ذلحين
نبي نسج الرجل .. ونتلها تل
عقب الحظر ما يبرد الجاش يا لين
تظهر علينا الشمس في الدرب وتزل
ㅤ
ما عندنا مانع لو الدرب يومين
ولا نوقّف غير للتعبيه فلللل ⛽️
ㅤ
راعي الاوله ..
#فك_الحظر
ㅤㅤ
وصلني مقطع لشخص جايته عطيّه (هديّه) وجالس يصورها بكل سرور وفخر وناشرها في حساباته ،
وتذكرت بيت سعود مبارك يوم يقول :
عطايا النشاما في رقاب النشاما دين
ما يفرح بها الا واحدٍ ما يثمّنها ..
ㅤㅤ
وجاني ردود واضافات جميله على السناب منها :
قول الشاعر زبار البقمي :
الله يجزاكم بالاحسان عتبان
والله يكثّركم بكل الدواير ..
وقول الشاعر مبارك المطرباني :
@mmarjani2
عتيبه الهيلا كبار الكساير
من الحجاز إلين نجد العذيه
اقلّها لا جيتهم في الدواير
تسابقوا كنهم سباعٍ ضريه
بصراحه من النادر جداً ان يمتدح الشاعر زوجته بقصيدة ، ممكن هناك قصائد لكن كل اللي قرأته او سمعته كانت مرثيات ، بسبب القيود الاجتماعية وأمور كثيره ...
ㅤ
لكن الشاعر #فلاح_القرقاح
كسر كل تلك القيود ...
ㅤㅤ
يتبع ⬇️