الناس عالسوشال ميديا عايزينك تفتح بيزنس وتتعلم لغات وتلعب رياضه وتصوم اتنين وخميس وتعزف بيانو وتاكل اكل صحي وتقطع السكر وتقرا ٥ كتب اسبوعياً وتدخر وتتداول بالاسهم وتختم قرآن وتعيش قصة حب وتحب وتتحب وتسافر الصيف لدولة اوروبية عبر اليخت الخاص بيك .. ايه ده يا جماعة؟
بعد ماعشت تجربة الزواج
أدركت إني " مش مستعدة لمشاركة أحد حياتي "
و أوبااا ع الذهول اللي جاني وقت هالإدراك
احب اغامر أروح وأجي لوحدي وأعتني بنفسي وبتفاصيلي وشغلي ودراستي وكل هالأمور بالإضافة إلى الاهتمام بالاصدقاء المقربين..
مما لفت إنتباهي من معاشرتي لبعض الأثرياء
إنه [ شعور الذل و العار صفر عندهم ] ماتقدر تشعره بإنه ذليل أو ان اللي يسويه يفشّل
شعور الذل والعار موجود بالكوم عند الفقراء وحتى الغني اللي فقير من جوّا برضو يحس هالأمور
انقذ نفسك من مشاعرك، عِش حرا ثريا من غير ماتؤذي احد عشان ترتفع
تخيلي تتزوجين واحد حنون وطيّب ومتفهم وحسه الفكاهي عالي وعقله كبير ومايقول شيء إلا وهو قده فعلا وشكله وستايله مرتب وعيونه مليانة ويقدرك ويحبك ��يل وكل غالي تطلبينه في موازينه يهون 💘
بكل صراحة وجدّية أنا أبي أتدلل بهالدنيا دلال طول و عرض و ما أبي أسمع غير حاضر وسمّي و تأمرين و أبشري و على خشمي و زيادة عليهم بعد "تدللّ علينا يا سمي الظبي" أبي أعيش كل أنواع الدلال المادية والمعنوية 💚
عمرك لاتحسين بالعار لما تبحثين عن رجل ثري ومرتاح ماديًا وعمرك لاتحسين بالعار لما تبحثين عن معضل لاتحسين بالعار لما تبحثين عن واحد كامل .. مش مجبورة تتحملي أو تنتظري أو تتنازلي عن رغباتك بس عشان أحد اقنعك انه لأه ماينفعش ومارح تلقين.
مجددًا/ لاتحسين بالعار من رغباتك.
أي وعد وعدته لأحد طفل أو بالغ ونسيته، أسأل الله أن يُنهيه ويذيبه من داخلي وداخلهم بكامل اللطف، وأي وعد وعدني إياه أحد في طفولتي أو الآن ومانفذّه لي أختار بهاللحظة أن اُحرر نفسي منه وأحررهم مني بكامل السلام والوئام..
لاتستهينون بجرح عدم انصات والديكم لكم
يخليك ثرثار- اوفر دوز- مش الثرثرة الطبيعية مع المقربين ،يخليك تحب تشارك كل شيء وتذكر كل سوالفك بالتفصيل الممل، وأسوأ نقطة هي ان هالجرح يخليك تشارك كل خصوصياتك مع الكل سواء مقربين او لا
وعلى العكس ممكن يخليك صامت جدا ومتحفظ وماتحب حتى تتكلم
الصراحة ياجماعة بأعترف لكم بشيء
بعد عمل مايقارب ١٢ سنة
والكثير من الكورسات
والڤيديوز
والبودكاست
وأي شيء يطري على بالكم
أحب أقولكم إن الحياة تُعاش كما هي
مهما كانت عقدك ومخاوفك وخرابيطك
فماتحتاج تتعافى تماما عشان تقدر تعيش 🌷
بيقولون لك
"رح تكوني سنقل للأبد لأن معاييرك عالية"
و الحقيقة هي:
" احنا نتلاعب بك و نبغاك تقبلين بالحد الأدنى والأردى من الجهد اللي مفروض يُبذل لأجلك "
لاتسمحي لهم بذلك.
بما اني ما احب ابخل عليكم بمعلومة حلوة، بقولكم معلومة جميلة
لما تشوف نوعية ناس معينة ينجذبون لك وتقعد تقول ياربي ليه يجوني هالنوع
مو انعكاسك لالالا.. بس هذا اللي لاصق بهالتك وبتجربتك في السبع سنوات الأولى
كسرة/ مايبيلها جهد فقط ركز ع الجديد اللي تبيه يكون لاصق بهالتك🌱🌟✨
بنات إذا رح أكون أهلٌ للنصيحة ف بقولكم نصيحة وحدة بس / عمرك لاتتغاضين عن الاشارات والتفاصيل اللي تصير بحياتك بعد ماتتعرفين على أي شخص ذكرًا كان أو انثى.
شوف مهم تفهم ان
فيه اشخاص وظيفتهم يساعدونك بمرحلة من حياتك
وفيه اشخاص وظيفتهم يدعمونك
وفيه اشخاص وظيفتهم يضحكونك
وفيه اشخاص وظيفتهم يعلمونك - أي نوع تعليم -
وفيه اشخاص للعمر كله!
ف انتبه تخلط الحابل بالنابل وتروح تحب أو تفكر ان اللي يبي يساعدك هو صديق مقرب مثلا!
اليوم قرأت سورة يس والصافات و ص والدخان والمعوذات بماء وشربت وغسلت وجهي منها، بعدها بدقايق بس أنكبت ع يدي قهوة المضحك جدا إني سمعت صوت إحداهن الداخلي تقول " جعلها تنقطع مو بس تنحرق " فـ رديتها لها داخليا مباشرة، أحب شعور قوة الحصانة الالهية..
كيف تعرف إن اللي قدامك يكن لك بغضاء أو غيرة أو حسد وحقد وهالأمور؟
راقبه إذا جاء يتكلم عنك أو اسأله عن صفاتك الحلوة أو اطلبه يمدحك واستمتع بمشاهدته وهو يستثقل الحديث عنك " بالخير " أو يتخبط في الإجابة 🃏
المرأة لما تفقد شعورها بالأمان تجاه " الرجل الأول بحياتها او من قام بدوره " تلجأ للإستقلال المادي. تبحث عنه بكل الطرق حتى وإن كانت الطُرق التي تؤدي إليه مؤلمة.
قلتها سابقًا وأعيد قولها الان
لاتنسى إن أي جرح تعرضت له رح تمارسه على غيرك لو ما انتبهت له
حتى لو أحد قال يامختل وزعلت منها رح تنتظر الوقت المناسب لحتى ترمي بالسهم اللي جرحك على صيده أخرى
انتباهك رح يريحك ويريحنا عزيزي اللي تحب تظهر انه لاشيء يهمك وانه محد يقدر يهز فيني شعرة:)
أجمل قرار أخذته بحياتي
هو إني ما أتفاعل مع اللي مايتفاعل معي، ولا أعطي قدرًا لمن لايقدّرني، ولا أحشم اللي مايحشّمني .. وأهمها أن لا أعطي مكانةً وإهتمامًا لشخص مالي مكان عنده ..
..🌹
يارب ارزقني شخص يود مرافقتي ومشاركتي في مسيرة حياتنا، شخص نستمتع برفقة بعضنا البعض ومشاركتنا لحياة بعضنا، شخص مُنى قلبه وروحه إنه يكون معاي، شخص يسعى من جوا قلبه وروحه ويقتنص الفُرص بس عشان يكون قريب مني، يسولف معي يلمسني يشوفني يتأملني، شخص يراني وكأني كنزه الذي لايقدر بثمن✨💕
من أهم الأمور اللي ضروري تتعلمينها بحياتك/
هي إنك ماتقولين لأحد وش خططك ووش تبين بحياتك ووش رؤيتك أو مواصفات شريك حياتك مثلاً وماتشاركين ولاشيء يخص حياتك و تحديدًا "بيت العقرب بخريطتك"😁
إلين تتأكدين ان اللي تبين تقولين له سوي داخليا
صعب الأمر بدايةً،بس بعدين بيصير سهل جدًا 🫶🏼
مش ندمانة طبعا
ولكن ارتحت راحة عميقة جدا لما ادركت - بهالعمر - ان اصلا اخر اهتمامي هو الزواج او العلاقات العاطفية او حتى الانجاب!
احب العمل الانجاز التعلم المغامرة العملية والعلمية والسفر كل تفكيري من صغري هالسوالف لين تشوشت رؤيتي لمدة معينة وظننت اني بجد مهتمة للزواج.
قلتها لكم مليون مرة وبرجع اقولها
اغلب الافكار والمعتقدات وحتى المبادئ والحقائق المنتشرة هي مجرد - مشاعر - تمثل ناطقها.
وليست حقائق مطلقة.
تبون ترتاحون صدق؟ امنوا باللي في كتاب الله وقولوا طز كبيررررررة لأي افكار ومعتقدات وتجارب وواقع ينافي كلامه 🩵
الرجل يعرف زين إن مكانته تعتمد إعتماد أساسي على العناية بك و المال .. فقط الرجل المكسور والفقير هو اللي يشتكي منك وطول الوقت يحاول يحسسك بالعار بقوله "انتي مادية".
تخلّي عن فكرة إنك تحتاجين للتشافي التام حتى تحصلين أو لحتى تحسين إنك تستاهلين الحب، الحميمية، الدفء، الأمان أو حتى الشريك اللي تحبين، أو حتى المال!
من حقك أن تحصلي على كل اللي تبين حتى لو ماتشافيتي بشكل تام، من حقك المتعة، السفر، المال، الحرية
ارحمي نفسك من فكرة المقايضة 🌿
🚩 أي رجال يتكلم عن الجنس كثير معك وكل مرة تغيرين السالفة ويرجع للموضوع خذيها مني هذا عنده ضعف جنسي او عجز وحده دقيقتين ويخلص، عشان كذا يحاول يظهرلك إنه فحـ*ـل من خلال هوسه بالحديث عن الجنس معك 🚩
نصيحة قد لاتهمك/
ماتدخلي علاقة مع شخص يشوفك أفضل منه
ياتدخلي مع شخص بمستواك يابلاها
اقل منك رح يؤذيك / بطبيعة المرأة تتقبل الرجل اللي اعلى منها ولاتسعى لانها تحطمه او تجره لمستواها ولكن بعض الرجال عادةً اذا اعلى بيحاول يكسر مجاديفك
اقل منك بيجرك لمستنقعه اعلى منك بيدخلك اكتئاب
لقيتني مشيت مع رغبة اللي حولي لأن ياللاسف صار عمري فوق ال٢٥ وماتزوجت!! وكنت اظنها رغبتي الصافية!
ياراسي لما أدركت ايش ��نا ابغا بالضبط وهل أرغب في الزواج فعلا " بهالعمر " ولا لا!
في العلاقات خلي مشاعرك على جنب
تعلمي تتحكمين فيها وتختبرين الشخص اللي معك
التعاملات الحقيقية تحتاج لعقل ومنطق
فبالتالي الخيال والشعور استخدميهم لأحلامك
اللي ودك تحققينها
🌷
بيقولون لك
"رح تكوني سنقل للأبد لأن معاييرك عالية"
و الحقيقة هي:
" احنا نتلاعب بك و نبغاك تقبلين بالحد الأدنى والأردى من الجهد اللي مفروض يُبذل لأجلك "
لاتسمحي لهم بذلك.
حتى الوعود اللي قطعتها لنفسي أو اللي قلت بأني ماراح أسويها مجددًا وسويتها أو قلت إني رح أسويها وماسويتها.. أحررها مني بكل حب، أحرر نفسي من جميع الوعود النابعة مني أو من الآخرين.. أُحررها لكي أكون أكثر خفّة، والسلام عليّ وعليكم 💜
أقبل الرجل في حياتي أقبل دوره، أخلق له المساحة اللي تخليه يمارس دوره بكل أريحية، مللت أقوال النساء الفارغة عن الرجل وعن رغبتهم اللاواعية في الألاعيب الحربية معه.
الطفل الذي نشأ في مكان محب ووسط عائلة متزنة
أفعاله
أقواله
لغة جسده
طريقة تفكيره
تقديره للنعم
إحترامه للاخرين
كل تفاصيله رح يكون واضح فيها ذلك ..
وللمعلومية كثيرين رح ينقدون عليه وإنه
اوفررررر مثالي بينما هذا الطبيعي أصلا لكنهم معتادين على الغباء والاساءة والتخبط :)
من المثير للضحك جدا
لما تلاقي شخص كل همه يثبت انك مجرد شخص " عادي " و لكن انت شوي وراسك يطير برا الغلاف الجوي من قوة احساسك بالكمال!
مو لأنك كامل فعلًا بس لأنك مرتاح ومتصالح وسعيد بكل ماعطاك ياه ربي حتى الأمور المعطوبة فيك ..
فـ يجن جنونه ويسعى للضغط عليك وأحيانا تشويه سمعتك!
أي شعور تحسين نفسك عالقة فيه غالبا خلفه معتقد يخدمك ..فتسألين ايش المعتقد اللي يخدمني من خلال هالشعور؟ مجرد ماتعرفينه تنفسي كثير وتخيليه يطلع مع زفيرك .. مبارك عليك الحرية منه، هذا طبعا في حال كنتِ تبين شيء سهل يساعدك على الحرية والتشافي 💕
الرجُل جدًا واضح برغباته بينه وبين نفسه ويظهر هذا الشيء بكل سهولة؛ يبيك؟ بياخذك، مايبيك لو تسوين كل المستحيل عشانه، مارح ياخذك. ولافيه شيء يقدر يوقف حاجز بينه وبين رغبته.
كنت أجبر نفسي أسامح لين أدركت
إن من حقي عدم المسامحة! من حقي ما اغفر لين يبرد قلبي بأي طريقة ربي يكرمني فيها، ارتحت جدا لما عطيت نفسي الحق بذلك.. أما اجبر نفسي بأي حجة لن أفعلها مجددًا.
إي صح بنات لاتنسون إن الرجال هالسنوات الأخيرة ارتفعت طاقتهم الأنثوية مرة وزادت الطاقة الذكورية عند النساء
فـ وزاني طاقتك و خلي اللي يبي يكون انثى بدالك عند امه او يشوف له رجال يتزوجه ههه. أما شكل رجال وافعال وتصرفات وكلام انثى هذا مايليق بك كإمرأة متزنة.
تدرون إن وحدة من أجمل هبات الله لنا احنا النساء هي "الكيد و اللف والدوران"؟
طبعًا ان عرفتوها واستخدموتها صح فيما يخص حياتكم فقط💅🏻🤍
اما اللي تستخدمها للإيذاء هذه تلقونها اتعس وحدة عشان كذا تحاول تخلي الكل تعيسات زيها وهذه النتيجة الطبيعية لما احد يستخدم هبة الله له بشكل عكسي.
واحد مستعد يسكن معك، يسافر معك، تطلعون وتجون وتسوون كل شيء سوا عادي بس مو مستعد [ يتزوجك ] لأنه يخاف المسؤولية والالتزام والارتباط الحقيقي.. يرعبه هذا الأمر. فراح يقنعك ان ترى عادي نسوي كل شيء بدون زواج،
بيقولون لك مستحيل تحصل على كذا وكذا إلا بكذا وكذا
وانا أقولك تقدر تحصل على أي شيء بدون أي شيء تجاوز فكرة أم تضع لنفسك شروط وبعدين تقول هذه قوانين كونية أو هذه شروط الله .. ابق قلبك سليمًا واسعى للي ودك به
و خذ العلم ولا خلّه.
أكبر نقطة أذتني نفسيا وعقليا وجسديا هي فكرة لازم اكون ثرية ومستقلة ماديا١٠٠٪ ..
بعدين سألت نفسي؟ ايش هو الثراء اللي يناسبني اصلا وأرتاح له واللي لو ادركته رح يكون متيسر لي بغير حول مني ولاقوة!
وارتحت مرة وسويت انفولو للي يروجون للناس انهم يكونوا بثراء نفس اللي هم محرومين منه
وحدة عمرها ١٠٢ إلتقيتها وجلست أسولف معها
قالت: عمري ما أهتميت لأحد و بمعنى كلامها مطزطزة للكل حتى أطفالها علمتهم يهتمون بأنفسهم بس وبعدين سحبت عليهم وصارت مركزة على نفسها
و أنا أقول شفيها مبتهجة ومستمتعة رغم كمية الغضب اللي موجود عندها ..
الحمدلله على شعور إني كفاية.. كل شيء أسويه كفاية، كل شيء أقوله كفاية، جمالي وضعي حياتي أنا كلي على بعضي كفاية، مش محتاجة أثبات ولا عندي ذرة رغبة في الإثبات لأحد إني كفاية من خلال نجاحي مثلا أو من خلال فلوسي أو من خلال أي شيء، أنا كفاية حتى لو الخارج كان يقول عكس ذلك..
@nevlicc
قدمتي له مساعدة*
غالبية الناس يحسون بوجوب رد المساعدة الدعم الخير - طاقة هالامور ثقيلة مو الكل يقدر يتحملها - ف يصير بلا وعي منه عنده رفض لك
او صار عنده احكام عليك
وين تحسين مكان هالمشاعر اللي جايتك؟
تحسين فيه ثقل براسك؟؟
في #الدعاء
من صرت انقل تركيزي على ماذا أُريد، صرت اشوف اثر الإستجابة سريع في حياتي..
بدل ما اقول ( اللهم اشفني من الكسل والخمول والعجز ...
اقول ( اللهم البسني لباس الصحة والعافية والنشاط والإنجاز والبركة.. )
بدل ما اقول ( اللهم اقضي ديني ...
اقول ( اللهم ارزقني من واسع كرمك
مثال
دايم تجذب كذابين /
ممكن تعرضت لتجربة كذبوا عليك امك وابوك او انت اضطريت تكذب ف لصق بهالتك
مشابه نوعا ما للانعكاس لكن مو دايما يعني انه انت،التجارب المحيطة بك أيضا تصير هي ترددات هالتك العامة..
حسب الاحداث ومو لازم تتذكرها بس ركز عاللي تبيه يلصق بهالتك ويتوسع فيها 🌱
تبون تعرفون اذا عندكم جرح من شيء معين؟
لاحظوا تطرفكم ، اي تطرف خلفه جرح
تطرف فالصمت؟ جرح
تطرف فالكلام؟ جرح
ادري جروحنا شكثرها بس الوعي فيها يريحك حتى لو استمريت بالتطرف طول ما انت واعي بجرحك مع الوقت يتشافى لحاله
التشافي من الجروح سهل بس حط جرحك تحت ضوء وعيك
ماودي أدعي لأن الدعاء على الآخرين مو حل بس يارب بحجم القهر اللي انقهرته.. اعطيني فلوس ماتحرقها النار وسفرات ممتعة كثيرة وضحك كثير مع اللي أحبهم ويحبوني وعز شاني اكثر وأكثر ويسرلي كل سُبل المتعة والبهجة والرفاهية بهذه الحياة وأفتحها بوجهي وين ما أروح واجعلني بركة لنفسي وللي حولي💜
لما تدخل مك��ن جديد ضروري تكون متحصن
إذا ماتحصنت طبيعي رح تلقط طاقات المكان وممكن تتلخبط فترة لين تتعود وهذا عادي
اللي مو عادي انك تتعود على طاقة المكان والاشخاص - السلبية - وتعيشها بدون وعي منك.
من وين ينشأ الرفض والتمسك؟
ينشأ من معتقدين:
١- اعتقادك انك انت هو الشعور
٢- اعتقادك بإنه ماينفع تجمع بين
الهدوء والإنخفاض و بين التسليم و الإنخفاض..
@_abdala122
#برنامج_العيش_الطيب
أهم قاعدة بالحياة أعلمها نفسي وإياكم:
البشر مسموح لهم يغلطون بحقك
بس مش مسموح لك ابدا تسكت لهم
ولو سكتت رح يأذونك اكثر الين تتعلم
تاخذ حقك وتدافع عن نفسك..
واضح؟!
بالتوفيق ☕️
وعد أعطيك يانفسي كل اللي ودك فيه وكل اللي تحلمين فيه صغير أو كبير وعد أخليك تعيشين الحياة اللي تحبينها فعلا وتستمتعين فيها،طال الزمن ولا قصر وعد أعزك وأرفع من شأنك وأكرمك وأعطيك اللي تستحقينه فعلا بإذن الله،ومافي أي قوة بهالكون رح تمنعني عن ذلك لأن ربي رح يكون معانا دومًا🌊💕💚✨
صغير الجروح وكبيرها كلها رح تمارسها على غيرك لو ما أنتبهت
اتفه جرح ممكن يخطر على بالك رح تسوي هالشيء ع غيرك
طبيعة العقل اللاواعي يحب ان الكل يشعرون بنفس اللي شعر فيه
لذلك الانتباه مهم لأي جرح وطريقة تفاعلك وتفاعل عقلك معه 🌸