ح انزل مجموعة من الثريدات الكتبتها فيما يخص الجانب النفسي للتعامل مع الأحداث الراهنة'
لخصت فيهم من مصادِر عِلمية ما يخص 5 مواضيع أساسية :
1- التعامل مع الأثر النفسي للحروب
2- التعامل مع الفَقد المفاجئ
3- التعامل مع الأطفال
4- الاسعافات الاولية النفسية
5- عُقدة الذنب عند الناجين
بتذكر ف استراليا قبل 4 سنين لاقيت سوداني من الناس الوصلو ليها بالبحر، بحكي لي انو كان صغير لما طلع من البيت ما تامي عمرو 17 سنة و هاجر هو و المعاه في مركب هزيل في المحيط بدون أي حماية و لما لقتهم البارجة حقت خفر السواحل و انقذوهم لبسّوهم سترات النجاة أول شيء -
A break from the timeline :
عم علي عُمر في كل ونسة لازم يجيب سيرة حاجّة نور و يحكي مرة عن سفرتهم للقاهرة في شهر العَسل و الحتات المشو ليها و مرّة عن اهلها، هي بتتحرج و بتغير الموضوع، الليلة غَفلت مننا شوية ف وراني الصورة دي ف تلفونه و قال لي " 60 سنة زواج " :)
عمي عبيد سافر لعمرة رمضان براه، و مشى المدينة المنوّرة رسل بارك لي نتيجة امتحان مزاولة المهنة و قال حيدعي لينا ف التراويح، لطيف المعشر مواصل رحمه في كل المناسبات و بحب يساعد الناس، بشوش بسّام ما بشكي من أي مرض، نام في مدينة الرسول آخر مرة و حيُدفن في البقيع جواره غداً '
بعد آخر امتحان لي في الجامعة اتصلت على أمي ابشرها ف قالت لي انا برضو نجحت و بقيت اخصائية، أمي في الحقيقة أشطر طبيب لاقاني خبرتها بي عُمري و شفت مواقف بدون مبالغة زي هاوس spot diagnosis و امراض نادرة و بتاع، كان نفسها تتخصص لكن اختارت تداوم طبيب عام و شَغَلها البيت عن التخصص -
دي قناة تيليقرام فيها محاضرات د.بشرى الله يرحمه، قال الحبيب صلى الله عليه و سلّم : " اذا مات ابن آدم انقطع عملهُ إلا من ثَلاث "، و ذكر منها " عِلمٌ ينتفع بِه " تقبله الله منه وجزاه الله عنا كل خير ..
حياتنا ما عندها قيمة، بوقفو اطلاق النار للناس الحياتهم عندها قيمة و نحن يطحنونا ساي في صراع ما لينا اي دخل فيه، دا و نحن قاعدين ف بيوتنا كافين الناس خيرنا و شرّنا
عشان لو هاجرت مافي سفارة بتسأل منك الا بس تمشي ليها عشان تدفع رسوم و دمغات
قادر تستوعب انو زول بيغسل كلى ودوه مستشفى الشرطة للغسيل، الدعامة لما عرفو انو كان عقيد قتلوه طوالي ؟ و ديل الانفار البسيطين راجعين بالجثمان في الشارع الله اعلم مشو بيه وين و عملو شنو بعديها ؟ مستوعبين ؟
الليلة في عيّانة قطّعت قلبي عديل كبيرة في السن و ما عندها بيت تسكن فيه و لا عندها زول في الدنّيا دي و لا أهل و لا أي شي و مكتوب اسمها بس و انها حالة سايكاتري لكن و انا بتكلم معاها ما قالت أيّ شي غلط '
كمية التهاني اثلجت صدري .. شكراً جزيلاً من كل قلبي و ان غلبني أرد عليها كلها فأنا مغمور باللطف و المحبة لي حدي و الله :')
جاتني اسئلة كتيرة عن مسار التخصص في الإمارات و ح احاول الخِص المتطلبات في الثريد دا
ف جا خواجي سألني انت ليه ما لابس سترة نجاة ؟ فضحكت ع اساس انو الموضوع تافه
قام الخواجي قلع سترة النجاة الكان هو لابسها و اداني ليها قال لي دي مهمّة لازم تلبسها هسي
قال لي ديك كانت اول مرة ف حياتي كلها احس اني انسان '
بتذكّر في مسلسل حكايات سودانية قبل سنين طويلة كان في حلقة عالقة ف ذاكرتي، البحصل فيها انو الناس بتطلع من الخرطوم للعيد بمشو لأهاليهم في الولايات.. ف الحكومة بتقفل حدود الخرطوم و لما يجو راجعين بقولو ليهم ممنوع الدخول، الناس بتسأل ليه انا شغلي و بيتي هناك ؟
الواحد فينا بينسرق و ينضرب و يتهد بيتو و يجوع و يعطش و يموت عديل في سبيل حرب نحن ما عندنا فيها أي دخل
و بعد دا لا في زول بعتذر و لا القتلو بيتحاسب و لا في دية و لا تعويض و لا حتى جنازة
كانو الشهداء ف الثورة بموتو عشان قضيتهم
هسي شنو الحيبرّد قلوب أهل الميت ؟
و لو البلد الانت فيها قامت قيامتها او لو قتلوك حقارة ساي ما حنك حياتك ما عندها قيمة عندهم
فلسطين الهدّ حيلها الاحتلال و فيها المكفيها من شر اليهود بيجلو في رعاياهم من السودان و بودو كل زول محل عايز يمشي و انا مبسوط ليهم جداً و لأي زول قدر يطلع من حرب لكن مفروض ديل يخجلوا ياخ
🚩 و الله صدق ما تصدق لكن الناس المهمين حولينك امك، ابوك، اصحابك و اخوانك شايفينو زول كعب و ما عاجبهم و ما مرتاحين ليه أو حسيت انك داير تدسو منهم انتَ الغلطان، و في هذا قال الحكيم جستن بيبر : " ما ماما دونت لايك يو اند شي لايكز ايفري ون "
صباح الخَير
ما تفتح تلفونك اول شيء بعد تصحى من النوم و ما تشوف التايملاين و لا الاشعارات، الحركة الصغيرة دي بتفرق كتير في طاقتك و نفسيتك لي باقي اليوم '
يس بدا خطابو الليلة بالترحّم على شُهداء الثورة السودانية .. و دا اول خطاب ليه في مؤتمر "TUFH" العالمي في استراليا كرئيس لشبكة الطلاب العالمية "SNO"، و بدايته دي كانت حاجة عظيمة جِداً و الله .. '
@yasseinkamal
و اخيراً التنظير ساهل، و الجمرة بتحرق واطيها، الفيلينقز قادرة تعمي اي زول اي زول، ف ان بقى في شي مهم في كلامي دا خلي اصحابك القُدام قريبين و احكي و اقيف كل شوية كشف كدا و بتاع ما تدقس.
نختم بي صور حقت خواجات زابطة :
ليه الزواج أصلاً ؟
في الإسلام المقصد التشريعي خلف تحريم الجنس قبل الزواج حفظ النَسل، بمعنى عشان ما يكون في أطفال خارج المؤسسة الزوجية ضايعة حقوقهم من غير أب و أم ملتزمين برعايتهم، هل دا معناها انو الجِنس حلال اذا استخدمت وسائل منع الحَمل ؟
هنا الموضوع بحتاج نظرة أبعد شوية-
ليي الجنس بس بعد الزواج ؟!
مفروض اذا احسن حاجه يكون بعد الزواج ما بيمنع انو يكون كويس قبل الزواج
في النهايه دي … — والله ما شاء الله يا شباب ماشين على التحرر الجنسي قدم الوثاق 👍
الناس في قُرى الجزيرة رافعين لافتات برا لاستقبال الناس و بيتباروا في الموضوع
و في المُدن بتلقى تجار الأزمات و السماسرة اللي أصلاً لما كانت الأوضاع هادئة ما كانو مقصرين في الحقارة و الجشع خلي هسي
دا فرق معروف بين طِباع القُرى و المُدن و الحاجتين لا يُعمموا على الكُل
قال لي السترات ما كفتنا كلنا و ما اهتميت البسها، هو انا لما كنت راكب سُمبك ما اهتميت البسها لو مت كان احسن من الحياة الخليتها وراي، اجي البسها و انا في البارجة الضخمة الثابتة دي ؟ -
🚩 في نوع كدا صعب، يلا دا ما دايرك ولا شي، عايز يتاكد انك انت ح تقع في حبو بس عشان الego حق جنابو هش، راجيك ترقد يعني بالواضح اول ما ترقد بيكبر يخليك، ديل عادة بكونو رهيبين في الغزل و في الصَد يعني برخو ليك لما تشد و بشدو لما ترخي و انت هنا بتكون سمكة التونا العنيدة، اقطع الخيط.
لله دَر محمد عبد الباري لما قال :
الأرض سوف تشيخُ قبل أوانها
الموت سوف يكون فينا أنهُرا
و سيعبر الطوفان من أوطاننا
من يُقنع الطوفان ان لا يَعبُرا ؟
ستقول ألسِنةُ الذباب قصيدة
و سيرتقي ذئبُ الجبال المنبرا
سبعٌ عجافٌ
فاضبِطوا انفاسكم
من بعدها التاريخ
يرجعُ أخضرا
وصية .. مهما كُنت مُبتلى بي أهل صعبين ولا سيئين، مصيرك تكبر و حيجي يوم و يكونو هم الضُعفاء و انت القوي و شوية بعديها بيخلو ليك الدُنيا .. افهم اسبابهم الخلتهم هم، عاين ليهم كبشر زيهم زيك، دا بيساعدك تسامحهم عشان نفسك في المقام الأول احسن من تشيل حرقة الحشا و تبقى غضبان عمرك كلو '
صباح الخَير ،
دحين يا أولادي المُعاناة في الدنيا دي مقسّمة علينا على نِظام : " و الله دا نفس الدواء لكن شركة تانية " .. ما تخلي زول يِعايرك بي معاناتك و لا يقيّمها انها أكتر و لا اقلّ من حقتو .. لانو المُحصلة في النهاية واحدة '
امس في الجامعة بالمساء كان في حاجّة لافة بتسأل من جمعية حياة الخيرية اذا في منهم زول بعد كملت يومها في ديوان الزكاة و قالو ليها ما عندنا ليك شيء، عايزة تدفع قروش التسجيل لي بتها و كانت متعففة جداً و حزينة، ما عندي فولوورز كتار ف اعملو ريتويت عسى و لعل '
🚩 ريليشنشيب ما قادر توصفها في كلمة واحدة دي اخير عدمها + خلي يكون عندك معاييرك الخاصة لانو في ناس مسكة اليد عندهم التزام زي الخطوبة واحد و في ناس ممكن يعيشو معاك في البيت عديل و تجيبو شفع يقولو ليك نحن friends واي ار يو بيينق سو ويرد برو و ما بتاكل معاهم عيش '
ترجمتي المتواضعة لفقرة ممتازة مِن كتابي المفضل للطبيب النفسي الأمريكي ديفيد فيسكوت - الفقرة في فصل مُعينات التعافي و عنوانها
"الحُب"
لا طَريق آخر
عليكَ أن تُحب و أن تكون مَحبوباً، الحُب هو أن تهتم بمشاعر شخصٍ آخر كما لو أنها تخصُك وحدك -
الخوف و التوّتر حيشل افكاري، يا رب تحفظ احبابنا و تثبت قلوب اهالي الشهداء، افرِغ علينا صبراً يا رب '
مرضى الكِلى المحتاجين غسيل، مرضى السُكري، الأطفال، المفقودين، المحبوسين في أماكن بعيدة، اهالي الشهداء، الناس الكانوا بياكلو من شغل يومهم، المكلومين و المُغتربين
وجع كتير بالحيل
آخر مرة و الله، ايام اسبوع الطبيب و انا طالع من الجامعة ركب معاي عمك كبير سألتو واصل وين قال لي جزيرة الفيل اظنو حس اني اتقهمت كان في ازمة بنزين قال لي لكن نزلني محل مواصلات بس قلت ليه ما مشكلة مدني كلها قدر شنو المهم كنت مشغل اغنية لي عقد الجَلاد اظن لأنك عندي كل الخير -
فداسي شمال مدني فيها مركز غسيل شغالين كويس و معظم الناس ما عارفين المعلومة دي
في أحمد قاسم الليلة قالو ليهم انو دي اخر غسلة لانو المعدات خلصّت
مرضى الكلى و أهاليهم بيعانو و الموضوع أثرو النفسي ما قادر اتخيلو حتى لأنو ف الأوضاع العادية مريض الكلى المحتاج غسيل بكون عرضة للاكتئاب
🚩 ما تقدس زول ياخ، تقدس زول ليه ؟ اي الفيلنقز ممكن تجيك على هيئة " يا الهي ما هذا الملاك انه واحد في المليار حتى عيوبه ما عادت عيو.." ، لا .. كل الناس عاديين و كل الناس عميقين اذا غُصت فيهم كفاية انت و زاويتك '
بمناسبة الميم حق رحلتي من الشك الى الايمان، انا ما قريت لد.مصطفى محمود لكن بشمئز من قدرة الجيل الحالي في تحويل أي شي لي فكاهة .. حيجو ناس ما بعرفو قيمة القُدسية تجاه اي شيء و لا بقدرو يحترمو قدسية غيرهم و يعتبروه تَسامي .. و دي حاجة حزينة بس '
🚩 البِيقدسك برضو اتفاداه، يشبكك omg you're so perfect , ما حصل لاقيت زول زيك حتى تفاصيلك الصغرى تبهرني و انت تتنفخ و أول ما يظهر انك انسان بتغلط عادي في زول فيكم حينصدم غايتو هدا كلمتك '
و لو انو موت الفجاة حار لكن لينا العزاء في خاتمة اي مسلم بيتمناها، قال الحبيب صلى الله عليه وسلم : " مَنِ استطاعَ منكُم أن يَموتَ بالمدينةِ، فليفعل فإنّي أشهد لمن مات بِها "
هنيئاً لك يا عمي طبت و طاب مثواك، ربي ينزل عليك رحماته و يصبر أهلك و يلهمهم الصبر و السلوان '
بشكل عام الreading و الlistening كل واحد فيهم فيه ٤٠ سؤال مقسمين على 3 أقسام '
الwriting فيه مهمتين task 1 & 2
و الspeaking فيه 3 اقسام و عادة بتمتحنو في يوم براه .. دي playlist مهمة جداً أول فيديو فيها شرح مفصّل لكل المحتاج تعرفو عن الآيلتس ..
امي لما تحضر كورة :
-الليلة الليلة الليلة ضربو انتهى منو
-اب شعر دا غلطان
-و الله فريقك دا ما هاجم و لا شيء
-هسي هم واقفين ليه كدا ليه ما يخلوه يشوت ساي ؟ (دا لي حائط الدفاع)
الزُرق ديل شكلهم اكتر من الخُدر انت عارف ؟
- يا امي كيف يعني اكتر ؟
و الله اكتر تلقاهم ما حاسبنهم كويس😂
🚩 في نوع عايز السُكّر و الحلوى و كل ما هو لذيذ في الريليشينشيب بدون الالتزام حقها و كوميتمنت ايه و بتاع دا اختاه برضو، في خط معين كدا ان وصلتو بعديها يا وجود يا عدم
رِماز أبوها اتوفى و هي في بطن أمها جنين عمره 3 شهور، و أمها اتوفت و عمرها 7 شهور، مع وقف الرضاعة و الإهمال دخلت في سوء تغذية و كانت ح تموت هي كمان، انقذتها سِت بتبقى ليها من من بعيد جابتها مستشفى الأطفال في الأبيض، دي معلومات عرفتها و أنا باخذ في التاريخ المَرضي في يوم كان عادي
قبل سنين لاقيت لاجئ برا السودان من دارفور ف قال لي مرة رجع من المدرسة لقى في الجامع ورقة معلقة فيها اسامي شهداء بعد غارة جنجويدية على حلتهم، قال لي بدون مبالغة اللستة دي كنت بعرف فيها 37 اسم حق المعرفة، أعمامي، قرايبي، أصحابي
اتوقع حتى الخرطوم وقتها ما وقفت للحظة خلي العالم '