يمنعني القلب لا أوقف على بابك
من عقب ما أسرفت في حبه وتصديقه
ماضاع عمر الغرام ألا من اسبابك
اتعبته ألين جف من التعب ريقه
بكره لا دار الزمان بعضة أنيابك
تعرف قدر من يحطك في معاليقه
الوّد فيك . . وفيك كل الامنيات
خذني معك حتى لو درُوبك شقى
مهابة عيونك . . و ربكة الالتفات
والضحكة اللـي كنها حلمٍ بقى
ما ابغي من الدنيا ، وكل الذكريات
الا ملامح وجهك . . بأول لققَى .
انت الشعور الصادق وغيرك سراب
وانت المقرّ الثابت وغيرك ممر
غلاك بضلوعي تربع ليين ذاب
يفوح مثل العود من ��وق الجمر
يا أغلى البشر وجهك علاج الإكتئاب
ومواصلك مثل السحاب المنهمر
حتى ولو قلبي شعر بـ الاغتراب
انت الوطن واجمل ملذات العمر
ماعاد اشوفك ولا حتى أحاكيك
مشتاق لك وماعاد باليد حيلـه
كل ماجيت بنسى طرالي طاريك
حتى الدقايق في غيابك طويلـه
وينك ياللي كل مافيني يبيك
يانبض قلبي وياهواه ودليله
تدري أني أحبك ومن قلبي أبيك
لكن حظوظي بشوفك غدت بخيله