لاتزعلني وتحكم علي اني زعول
وانت تدري مستحيل ازعل الى من بلا
والعذر في بعض الاحيان مايلقى قبول
في وسع صدرٍ تحمل زعل لين امتلا
مشكلة غلطتك ماتقبل انصاف الحلول
والمصيبه لك معزه وتقدير وغلا !
ماعاد يغريني وجودك وفرقاك
ان جيت وان ماجيت يامرحبا بك
صرت اضحك اني كيف كنت اتحرّاك
كيف المطر عندي ��ادور سحابك
اوعدك ان رحت ماني قايل وش جاك
وان جيت ماني قايلٍ وش جابـك
وأوعدك ان ماجبت بالزين طرياك
بالشين مااسولف بـ حضرة جنابـك