لقائي مع #أكسجين_مصر :
تصحيح المسار السياسي لمسار ديمقراطي حقيقي يضمن التغيير السلمي هو المنفذ الوحيد للنجاة من الانفجار و المصير الأسود لسوريا و ليبيا الذي يدفعنا إليه #السيسي
#انتخابات_غير_شرعية
ألف شكر لكل من ساندوني طوال محنة استمرت حوالي عامين شاهدت وتعلمت فيها الكثير.
أي كلمات لن توفيكم حقكم عن الدعم المعنوي الذي ساهمتم كلكم فيه لي ولأسرتي طوال هذه المدة.
كل الدعاء والأمنيات لخروج كل المحبوسين في قضايا الرأي ويرجعوا لأهلم وبلدهم سالمين غانمين.
#الحرية_لمعتقلي_الرأي
شكرا #أحمد_الطنطاوي و حملته على نفحة الأمل اللي منحوها للحياة السياسية في مصر..
ولازم كلنا نعتبر كل ده مكسب مش خسارة، و إنها مجرد بداية لنضال مستمر لحد ما تشوف مصر نور الحرية..
#يحيا_الأمل
مرارة شديدة الواحد بيحس بيها و هو بيشوف الذكرى الخمسين لأهم انتصار حققه الشعب و الجيش المصري بيتم استغلاله بالشكل المهين ده لتجديد البيعة لنظام أساء لينا و لتاريخنا
ربنا يرحم شهداءنا في أكتوبر
و يصبر أبطالنا اللي لسه عايشين منهم و هما بيشوفوا مستوى الانحطاط و الهزيمة اللي وصلناله
الفيديو ده أقل حاجة تتقال عليه إنه عيب..
عيب في حقنا إن ده يبقى جزء من اللي المفروض إنها حملة انتخابية..
عيب في حقنا لما تبقى هي دي الديمقراطية اللي مسموح لنا نمارسها..
عيب في حقنا لما يتم الاستهانة بينا للدرجة..
والله العظيم استفتاءات مبارك كانت أرحم و أكرم لينا من المهزلة دي..
إحنا عندنا ممنوع مستثمر يعمل محطة بنزين على طريق صحراوي من غير موافقة الجيش، لكن ممكن يستورد لوحده غاز من إسرائيل عادي :)
انتوا إزاي بتستخفوا بالشعب كده؟!!
خطفوا #شادي_أبوزيد من بيته فجر النهاردة
ومحدش عارف مكانه فين..
نظام #السيسي مستمر في الانتقام من أي شاب محسوب على الثورة حتى لو ساكت و في حاله..
التار بينه وبين شباب الثورة مش هيخلص..
#شادي_أبوزيد_فين
طب إيه رأيكم بقى إن كل مقدمي البرامج ونشرات الأخبار في مصر هيغيروا كلمة الباليستية وهينطقوها من النهاردة #الصواريخ_البلاستيكية بالعند فينا وعشان خاطر إله العجوة بتاعهم..
زي ما عملوا كده في مصطلح القوة الغاشمة..
مش جديدة على #السيسي يعني..
في الوقت اللي الناس مش عارفه هتعيش إزاي بعد موجة الغلاء الجاية واللي بدأت بتذاكر #مترو_الأنفاق، #السيسي بيتفقد #العاصمة_الإدارية_الجديدة اللي عايز يلحق يخلصها بالسور اللي بناه حواليها عشان يعزل نفسه و منتفعيه عن باقي الرعاع من الشعب..
تفتكروا هيلحق يخلصها قبل الطوفان؟!
أنا مستغرب بجاحة بتوع #مبارك اللي معتبرين رفع سويسرا الحظر على أموالهم ده دليل براءة!!
هو العادي ان الناس بتحوش فلوسها في بنوك سويسرا؟! أو انك توصل لمنصب ومش معاك غير مرتبك وتطلع منه معاك مليارات؟!
القرار ده مش دليل براءة على قد ماهو دليل إن النظام اللي بيحكم كمان ليه فلوس هناك..
في مفهوم #السيسي، الجيش هو الرئيس و الرئيس هو الجيش
و انتقاد الجيش في نظره خيانة عظمى
يبقى انتقاده هو كمان خيانة عظمى
الراجل معذور
هو ماعندوش مفهوم الدولة ده أساسا..
ولا حتى حصلنا عزبة..
إحنا في نظره رعايا رهن إشارته و بس..
#ثوار_يناير هيفكروك إحنا مين قريب بإذن الله..
مفيش أي مؤشر إن الإرهاب اللي ضد المسيحيين هيخلص قريب
ولا اللي ضد المسلمين
ولا اللي ضد الجيش والشرطة..
طول ما النظام بيضحك على نفسه وبيعتبر كل عملية إرهابية هي دليل هزيمة الإرهاب مش توغله هنفضل عايشين الفشل
الله يرحم شهداء #حلوان و يرحمنا من عواقب الفشل اللي مش عارفين آخرته إيه
الوضع في #مصر كالتالي
سلطة بتفرض شكل سياسي على الكل وهتقمع أي واحد يخرج عنه..
نخبة بتحاول تلاقي لنفسها مكان تحفظ بيه ماء الوجه بشكل مايعرضهاش للخطر..
شباب محبط مش لاقي حد يعبر عنه ومش شايف بديل عن السجون غير كتم الغضب بداخله أو السفر للخارج..
تفتكروا ده وضع قابل للاستمرار؟!
بعد حكم الدستورية بخصوص #تيران_وصنافير_مصرية نقدر نقول إن #السيسي خلاص نجح فعلا في إسقاط كل مؤسسات الدولة و رجعنا مئات السنين لمرحلة دولة مماليك بيحكمها الباب العالي.. اللي معاهم فلوس أو نفوذ يسند حكمه..
نتيجة مؤسفة هندفع تمنها إحنا و أجيال كتير بعدنا..
قطارين اصطدموا في #البحيرة و في على الأقل عشر ضحايا، في نفس الوقت اللي حضرة #النائب_العام بيصدر أوامره بالرقابة على وسائل الإعلام والسوشيال ميديا عشان أهل الشر..
ربنا يرحم الضحايا و يرحمنا من الكابوس اللي عايشين فيه..
#صوت_الجمهور النهاردة مكانش بيعبر عن جمهور #الأهلي بس..
ده كان بيعبر عن كل شباب #مصر وهو بيفكرهم بإن #الحرية_جايه_لابد
و إن مهما حبست وقتلت وخطفت وعذبت شباب مصر هيفضل يقاوم لحد ما يخلص من كل مسبتد..
شباب مصر بيكرهك يا سيسي وهيفضل يقاومك لحد آخر نفس...
مستغربين ليه من رد فعل شريف منير و أحمد رزق؟!
هما بس بيحاولوا يلاقوا مكان لنفسهم في الجزء الثالث من مسلسل الاختيار أو واحد من مسلسلات سينرجي..
و أظن انهم كده نجحوا في حجز مكان ليهم بالفعل..
نواجه الآن أكبر خطر..
#السيسي يسعى لاغتصاب سلطة أبدية من خلال #انتخابات_غير_شرعية
ومرجح ان يستتبع ذلك تمرير تعديل للدستور و #صفقة_القرن
لو لم ندرك أن هذه هي لحظة #وحدة_الصف فمتى سندرك ذلك؟!!
كل من يقف أما هذه الوحدة الآن هو يعمل لمصلحة هذا النظام المستبد بقصد أو بدون قصد..
وارد جدا يلبسوا وزير النقل زيادة الأسعار و يطلع الرئيس القائد الأب الحنون يقلل من زيادة أسعار #المترو..
بس حتى لو ده حصل و امتصوا غضبة أسعار التذاكر، المهم إن الشعب النهاردة رد على كل اللي كانوا بيستهينوا بيه ومش بيحطوه في حساباتهم..
والحساب بيجمع..
ثورة ٢٥ يناير هي شعاع نور وسط بحر من الظلام..
شعاع بيرشدنا للطريق الصح اللي هيوصلنا لأرض الحرية..
هتفضل ٢٥ يناير كابوس على كل فاسد و مستبد و ظالم مهما وصل من تجبر..
و هتفضل عايشه في ذاكرتنا مهما حاولوا يشوهوها..
لحد ما توصل بينا لبر الأمان..
نظام #مبارك كان بيخلص من غير ما يقلق من شكل الحشد عشان مكانش فيه تجارب سابقة يقارن بيها نسبة الإقبال..
مشكلة #السيسي إنه جه بعد ما الشعب شارك بقوة في تجارب انتخابية حقيقية حتى لو فيها مشاكل..
هو بقى عايز يعمل اللي مبارك عمله لكن بمشهد مابعد الثورة
وده مستحيل مهما مارسوا من قهر..
ما يحدث مع المستشار #هشام_جنينه ماهو إلا انتقام من كل مايمثله من تحدي للفساد والديكتاتورية، ويهدف لأن يجعل منه عبرة لكل من تسول له نفسه ويتحدى سلطة نظام #السيسي
لكن الشعب قادر أن يثبت لهم قريبا أن الحق فوق القوة، وأن التاريخ سينتصر للمستشار جنينة ولكل من ظلموا في عهد السيسي..
#السيسي بقى أوضح معانا لأنه عارف إن الخطر على كرسيه مش جاي من برة، بالعكس، كلهم بيحموه..
الخطر الوحيد عليه هو من الشعب اللي بيدفع تمن وجوده على الكرسي و مستني لحظة الخلاص من الكابوس..
يارب نوصل ليوم يبقى عندنا فيه تقدير ولو بسيط للضغوط النفسية والعصبية اللي ممكن شخص يتعرضلها هو وأسرته بعد محاولة اغتيال ثم حبس و هو بيواجه جبروت نظام لا يعرف شرف الخصومة..
بالذات إن أغلبنا لا يملك غير المشاهدة من بعيد..
#متضامن_مع_المستشار_جنينه
هل يرضى #خالد_علي أن يكون خصما في انتخابات يختار فيها #السيسي منافسيه؟! لا أعتقد..
هل يرضى أن يكمل #معركة_التوكيلات بمساعدة أجهزة الأمن بعد إعلان أبواقهم عمرو أديب و محمد الباز ذلك؟! لا أظن..
هل يضحي بتاريخه الناصع رضوخا لتهديدات بحبسه؟! لا أتمنى ذلك..
ماظنش إن كل التضييق والقمع والاعتقال والتهديد اللي بيحصل دلوقتي ليه علاقة بمهزلة الانتخابات..
العالم كله خلاص بقى عارف إنها مسرحية هزلية و #انتخابات_غير_شرعية ..
الأغلب إن ده تمهيد لمصيبة أكبر مقبلين عليها، ومحاولة لترهيب كل اللي ممكن يعترض بأي شكل..
#صفقة_القرن 🤔
وارد جدا..
بما إن لجان #السيسي اعتبروا شوية مطر نزل لمدة ساعة بحالها متواصلة كارثة طبيعية وبتحصل في كل حتة في العالم، يبقى الأوقع نسميه إعصار #التجمع_الخامس..
و نكتب عنه في كتب التاريخ زي إعصار كاترينا كده..
الحكم النهاردة على #هشام_قاسم مش إدانة ليه
دي إدانة لنظام خايف من وجوده خارج السجن في الفترة دي بالذات
و إدانة أكبر لتيار بيحسب نفسه على إنه معارض و هو في حقيقة الأمر ذراع أساسي من أذرع السلطة لشق صف المعارضة من الداخل بالمزايدات و البلاغات الكيدية
ادينا بنتعلم
#الحرية_لهشام_قاسم
#بن_سلمان عمره ماييجي ويمشي و إيده فاضية..
المرة اللي فاتت أخد معاه جزرتين ومضيق تيران هدية لنتنياهو..
المرة دي واخد معاه ١٠٠٠ كم مربع من #سيناء والله أعلم نصيب #نتنياهو فيها قد إيه..
#السيسي بيوزع في أغلى أراضينا بدون حسيب ولا رقيب..
لنا الله..
#تيران_وصنافير_مصريه
#سيناء_مصرية
بدون التطرق لتقييم حوار المستشار #هشام_جنينة أو التسرع في الحكم على ملابسات لم تظهر تفاصيلها بعد..
المدهش فعلا هو الاندفاع في المزايدة على شخص كلنا نشهد بنزاهته ولم يكد يمضي أسبوعين على تعرضه لاعتداء صريح به شبهة محاولة اغتيال واضحة!!
هل نحتاج لتقديم خدمات مجانية #السيسي ؟!
مشهد الانتخابات بقى مربك بعد ترشح عنان وفريقه
محتاجين نهدا شوية في مناقشة كل الأطروحات،سواء مقاطعة أو دعم أي من المرشحين
محتاجين نتناقش بهدوء ومن غير عصبية أو مزايدة
ونحترم جهود الشباب اللي بيعافر والاختلافات بينهم
لو ماحترمناش اختلافاتنا في الوصول لنفس الهدف يبقى عمرنا ماهنوصلله
لم أقرأ ل #احمد_خالد_توفيق
لكن ما سمعته عنه أوضح لي سبب هذا الطوفان الجارف من الحب
لقد ساهم في تكوين وعي جيل من الشباب، آمن بهم و آمنوا به، ولم يخذلهم قط.. لا في حياته ولا في مواقفه المتسقة مع أحلامهم..
رحمه الله بقدر مساهمته في تشكيل وعي جيل لن يرضى عن الحرية بديلا..
حبستوا شباب بتهمة الاحتجاج والمظاهرات
حبستوا شباب بتهمة عمل تجمعات وكيانات غير مشروعة
حبستوا شباب بتهمة ممارسة المعارضة في الأحزاب
حبستوا شباب بتهمة عمل فيديوهات تنتقد الأوضاع
حبستوا شباب بتهمة كتابة بوستات على الفيسبوك
و مع كل ذلك هنفضل نبحث عن الحرية لآخر يوم في عمرنا..
في معظم الاستحقاقات الانتخابية بعد #ثورة_يناير مكانش حد محتاج يبتز الناس للنزول زي اللي بيحصل دلوقتي عشان كانوا عارفين ان صوتهم مهم فبينزلوا لوحدهم..
الابتزاز الرخيص ده والحشود المصطنعة اللي بتتحضر مايعملهاش غير نظام ضعيف وفاقد أدنى درجات المصداقية..
#متنزلش
الدرس اللي استفاده نظام #السيسي من الانتخابات اللي فاتت هو إن الإعلام مايكررش فضيحة اللجان الفاضية واستجداء الناس تنزل تصوت..
هما قرروا يستبقوا الحدث ويصنعوا شكل إعلامي وهمي للإقبال الرهيب الفظيع عشان مايتفضحوش زي المرة اللي فاتت..
وطبعا الأرقام دي لعبتهم..
بس برده إخراج رديء..
#السيسي بيستهين بالشعب لدرجة انه يقول الكلمة وعكسها في نفس الجملة بدون أي خجل..
منين فرحان انك جبت جون وفي نفس اللحظة بتقول ان الحكومة مش طرف؟! ومنين بتقول ماعندكش حاجة تخبيها ومصمم تنفي علاقة مفضوحة للدولة ب #صفقة_الغاز ؟!!
جمع توكيلات لمرشح تحت تهديد السلاح
إقصاء مرشحين تحت تهديد السلاح
اختيار منافس تحت تهديد السلاح
دعاية ويفط تحت تهديد السلاح
مشاركة تحت تهديد السلاح
ينفع بعد كل ده حد يسميها انتخابات؟!!
#انتخابات_تحت_تهديد_السلاح
#كلنا_متثبتين_بالسلاح
#انتخابات_غير_شرعية
Retweeted اثبات وجود (
@ethbatwgod
):
مذيع هولندي يسخر من المهزله
بلحه قال انه تابع عن كثب وايضا القنوات الغربيه تابعت ايضا لاستخراج مشاهد الكوميديا والسخريه
اصلنا يا حج اصبحنا اضحوكه العالم
مع إنهاء إجراءات تمديد #السيسي لسلطته، تتصاعد بعض أصوات تنسب نفسها للثورة مطالبة التعامل بواقعية سياسية مع نظام السيسي، وتسفيه من يراهن على ثورة شعبية..
حقهم..
أنا شخصيا سيظل رهاني على الشعب الذي لم يخذلنا في المقاطعة، والقادر على قلب الموازين في لحظة..
ومواقف الكل محفوظة..
أنا شايف ان الرد الوحيد على فرحة #نتنياهو بتصدير إسرائيل الغاز لمصر هو إن #السيسي يروح يفتتح حقل ظهر تاني و يشخط و يهدد في #أهل_الشر اللي بيستهدفوا الدولة المصرية لصالح أعداءها..
ألا هو مين أعداء #مصر صحيح؟!! 🤔
لو رجاله ينفذوا موضوع الغرامة ده
عشان يتفضحوا أكتر ما هما مفضوحين..
والشعب اللي قاطع ده كله ينزل ياخد حقه منهم..
هيختصروا علينا مجهود كبير قوي..
بس للأسف عارف انهم أجبن من إنهم يخاطروا المخاطرة دي..
#انتخابات_الرئاسة #انتخابات_مسرحية #انتخابات_غير_شرعية
في رأيي أن اقتحام حزب #مصر_القوية يرجع في الأساس لأنه تجرأ و أعلن تجميد نشاطه لفضح المناخ السياسي في #مصر ..
وليصبح عبرة للأحزاب الأخرى وجرس إنذار لهم لو فكروا في اتباع نفس الطريق..
ألف تحية لحزب مصر القوية و أعضاؤه في تصدرهم لنضال لا يقوى الكثيرون على خوضه..
اللي يفرح بصورة المسلمين وهما بيصلوا في تايمز سكوير في نيويورك و مايقبلش يشوف أديان تانية بتصلي بحرية في ميادين القاهرة يعرف إن هو اللي عنده ازدواجية مش الغرب..
مش مكفيهم حبس #محمد_القصاص انفرادي في العقرب و مانعين عنه الزيارة..
لكن وصل بيهم الافترا انهم لحد دلوقتي يمنعوا زوجته و أولاده من دخول بيتهم و الوصول لمتعلقاتهم الشخصية بما فيها كتب أولاده المدرسية..
عايشين في جبروت و إفترا مالوش آخر..
وإحنا صغيرين فهمونا إن مصر بطلت تزرع قمح كجزء من مؤامرة أمريكية لحرمانها من أهم سلعة استراتيجية ونعتمد عليهم فيها..
هل اكتشفنا دلوقتي إنها مؤامرة روسية؟ وللا إحنا اللي قايمين بالواجب و مش محتاجين حد يتآمر علينا؟!!
#غلاء_الأسعار
أمين تنظيم الحزب المصري الديمقراطي #إسلام_مرعي ، كانت مهمته يبني تنظيم سياسي في إطار القانون ويجمع الناس حواليه..
النهاردة أخد حكم سنة مع الشغل..
وتهمته انه رفع شعار #تيران_وصنافير_مصرية ..
وبعدها ييجي واحد حاطط رجل على رجل ويقولك أنتم مش بتعرفوا تنظموا نفسكم!!
دولة #العبث
بعد ما شوفنا هلع #السيسي ونظامه عشان يشوف لنفسه كومبارس في المسرحية بتاعته، أتمنى نبقى دلوقتي استوعبنا جدوى و أهمية المقاطعة كفعل سياسي مؤثر...
وإن هاجس "شرعنة الديكتاتورية" هيفضل على طول عند كل ديكتاتور...
درس أتمنى نكون كلنا اتعلمناه..
Retweeted اسلمى يامصر (
@Ebn_Elkadyy
):
اليوم يوم تزييف الإرادة
اليوم يوم شرعنة السرقة بالإكراه
اليوم يوم صانع الكذبة وهو يصدق كذبه
يوماً كئيب أسود ومن أسوء أيام #السيسي فستشتعل فيه جذوة #الثورة التى لم تخمد فى الصدور
#كدابين
نظام #السيسي مش لاقي حاجة يبرر بيها فشله في ملف نهر النيل وخيانته بتوقيع إتفاق التفريط في حقوقنا المائية غير إنه يلوم #ثورة_يناير و يحمل نشطاءها -اللي ماوصلوش الحكم ولو يوم واحد- المسئولية!!
الكذب و التدليس كالعادة هو المخرج الوحيد ليهم..
لكن الحساب قادم ولو بعد حين..
يا جماعة تسريبات #نيويورك_تايمز ملهاش أي أثر على اللي لسه ماشيين ورا #السيسي
دول ماعندهمش أي مشكلة ولا في فحوى التسريبات ولا في كون الإعلاميين بياخدوا أوامر..
إذا كانوا اقتنعوا بإن #تيران_وصنافير_مصرية بتاعت السعودية!!
الفضيحة دي ليها أبعاد تانية ماعتقدش اننا شايفينها دلوقتي...
الصور دي لازم نحطها في وش أي تافه عشان نفكره باللي حصل بعد #ثورة_يناير
ونقارنه بصور نظام #مبارك..
اللي احنا فيه ده نتيجة خنوع و خضوع نظام مبارك و ما #السيسي إلا امتداد ليه..
ثورة يناير كانت الأمل الوحيد في تجنب هذا المستنقع..
النهاردة منظمة العفو الدولية طلعت تقرير بتوصف فيه إسرائيل إنها بتمارس الفصل عنصري
إسرائيل ردت بإن المنظمة تخلت عن مهامها الحقوقية وبقت مسيسة و موجهة ضدها..
جدير بالذكر إن الحكومات العربية بتوصفها بنفس الأوصاف لما بتطلع تقارير حقوقية ضدها، و إعلامهم الرسمي بيوصف أجندتها بالصهيونية
باختصار شديد، ما هي إلا حملة أمنية قذرة لتشتيت الانتباه عن ضياع حق مصر في مياه النيل على يد #السيسي ...
تصدير التفاهات الإعلامية والطنطنة الوطنية الفارغة هي سبيلهم الوحيد للتغطية على ممارستهم اللي بتضيع الوطن نفسه و بتفضح خيانتهم ليه...
الرسالة الأهم في رأيي من نجاح #طارق_النبراوي في نقابة المهندسين إن أي حد #عمرو_اديب واللي وراه هيدعموه، هيخسر لو في انتخابات حرة :)
مبروك لرجال #نقابة_المهندسين
بغض النظر عن قبولك أو رفضك لترشح عسكري في الانتخابات، إلا أن التحية واجبة لشجاعة العقيد #أحمد_قنصوة اللي أخد خطوة وهو عارف إنه هيدفع تمنها غالي..
دليل مهم على ان الجيش فيه شجعان كتير مستعدين للتضحية..
وإن روح الثورة لسه موجودة
و على إننا كتير ومش لوحدنا
و هنتجمع قريب بإذن الله..
طبيعي أن الأنظمة العربية تلوم الربيع العربي ومؤامرات الغرب على ماوصلنا إليه من ضعف وتفكك وفوضى.
وهم يعلمون أن أطماعهم وقمعهم وتحالفهم مع التيارات المتطرفة لإجهاض أحلام الشباب هو ما أدى لما نحن فيه.
هؤلاء ليسوا إلا بقايا ماض ينحسر أمام نضالنا من أجل الحرية والمساواة والديمقراطية..
حاربوا الإحباط..
فسيذكر التاريخ هذا الجيل من شباب #مصر بأنه الذي واجه وانتصر وحده على أعتى الأنظمة القمعية والديكتاتورية المدعومة إقليميا ودوليا..
وستصبح مقاومتنا ل #السيسي ونظامه وسام على صدورنا نفتخر به دوما..
سلام على #ثورة_يناير وشهدائها التي رسمت الطريق لحرية ورفعة هذا الوطن