الزمان : ١٩٩٥
المكان شارع صغير متفرع من الدقي
شارع قفر لا نبات فيه
ابي ..زرع هذا الشارع من ماله الخاص . الله يرحمك يا ابويا ويحسن اليك ويجعله في ميزان حسناتك
الشجر اليوم :
خبر حلو قوي ..وزارة البيئة نزلت ابليكشن على التليفون اسمها Dawar بتحط فيها صور الزبالة و مكانها..وبعدين الحي بيشيلها وينزل لكم صورة المكان فاضي . وفيه كمان خط هوت لاين هانشره لاحقا . خلينا نجرب
#معلش انا هاخرج عن اجماع التايم لاين ومش هأهلل لقانون مساواة المواريث في تونس..اللي مش عاجبه يعمل انفولو. كون البشر بيطبقوا القرآن وأحكامه غلط ده ما يخلنيش اخالف الشرع!
النهاردة بداية برمهات يقول القلقشندي في كتابه "صبح الأعشى في صناعة الانشا" على لسان أحد الرحالة "عرفت أكثر المعمور من الأرض، فلم أر مثل ما بمصر من ماء طوبة ولبن أمشير وخروب برمهات وورد برمودة ونبق بشنس وتين بؤونة وعسل أبيب وعنب مسـرى ورطب توت ورمان بابة وموز هاتور وسمك كيهيك.
صورة لطالب هندي في الصف الثامن أخبره والده أن والدته * "لا تعمل". * فرسم ما رآها تقوم به من أعمال ،، وانتهى بها المطاف كغلاف لتقرير المساواة بين الجنسين الصادر عن الحكومة الهندية لعام 2021 ،، تقدير لا يقاس بثمن
الأعمال غير مدفوعة الأجر هي عمل أيضاً!
#يوم_المرأة
علشان الحلو نقوله يا حلو في عيونه..تحية كبيرة قوي لوزارة الصحة في المطار..ابني وصل امبارح من المانيا واتعمل لكل الطيارة وطيارة ايطاليا قبلهم تحليل PCR وبياخدوا بياناتهم كاملة. الحمدلله نقطة نور وسط العتمة حتى لو اتأخرت
طيب انت قفلت الاستيراد وفر لي بقى منتج محلي محترم ..مش اقعد ادور على جزمة نظيفة ما تسببليش عاهة مستديمة ! وعلى فكرة مصر زمان كانت رائدة في صناعة الجلود واحلى جزم وشنط كانت ماما تاخذها لاصحابها برة مصر
عايزة حد كدة بالراحة خالص وبلغة بسيطة للعوام من امثالي يشرح لنا يعني ايه الفيدرالي يرفع الفايدة دي وليه احنا بنتأثر؟ وامي بتسلم عليك وبتقولك بشويش على البت
معلش معلومة كدة: لما إعلامي كبير يطلع يقول انا ما اعرفش الأديب الفلاني..دي اسمها سقطة..لانه حتى لو ما كانش يعرفه يقوم هو اوفريقه بالبحث ويطلع يقول الكلمتين ..لكن لما يقول ماعرفوش.ودي مقصودةكأنه بيقلل منه ويدي له حجم اصغر ..وده بقى اللي اقصده لما أقول انه غلط ..بس!
انتوا عارفين ايه اللي خايفة منه في موضوع سلام ؟ ان يتحط عليه هنا في مصر ويتمنع من الشغل بأمر من اخينا بتاع الترفيه اللي كلهم بي***** ! يمكن اطلع غلطانة ويارب يخلف ظني ..بس حاسة مش هيعديها كدة !
اه عارفين والله هيجن جنانهم ويضربوا ويذبحوا..بس كل حركة زي دي تزلزل كيانهم وتسبب لهم الرعب مطلوبة ولازم نشجعها ونهلل لها ..خفوا الولولة شوية ..خلوا الفرحة تخش التاكس
عزيزي قائد السيارة وانت سرحان وبتتكلم في التليفون وغيرت حارة المرور من الشمال لليمين فجأة من غير اشارة ..اعرف ان وراك ناس اتشاهدوا..ثم اتحسبنوا عليك وبعدين ذكروا اهلك كلهم بكل خير !
عزيزي الأب..ربما هو عيدي..لأني حملت وكبّرت وسهرت وطبخت ولبست وذاكرت...ولكنك شريكي ..حوشتهم عني وانا طالعة وراهم بالشبشب..خدت البت المزغودة تسمع لها قبل ما احدفها بالكتاب..نزلت وصلت النادي بعد ما اديتك البوز المتين ..فكل سنة واحنا مع بعض ..بنعافر مع العيال وللعيال😍
بلال فضل كان عامل زمان حلقات اسمها الموهوبون في الارض على قناة العربي في اليوتيوب حلقات ممتعة جدا جدا خلصتها كلها في مشاوير الساحل-القاهرة الصيف اللي فات واللي قبله..ماكنتش بأزهق في الطريق من جمال طريقة بلال في الحكي والاسرار والخبايا عن عظماء الفن والادب المصري
@belalfadl
هو ازاي نصدق مقولة "مافيش فلوس " وماشيين نستلف ديون تغرقنا ١٠٠ سنة قدام وفيه حد بيخنصر من ايرادات القناة ويحطها على جنب من غير ما يقول ؟ طيب بنستلف ليه لييييييه ؟؟؟
يا جماعة عظمة الشهر مش بس في العبادة والطاعة والرحمات ..عظمة الشهر اننا بنعمل كل حاجة مع بعض ..بنصوم في نفس الوقت ونفطر على نفس الاذان..وكلنا بنتكلم على نفس الموضوع..امتى يجي العيد.
ان شالله القضاة يكونوا متهنين ببدل العدوى ال ٤٠٠٠ ج وهما في الاجازة ..الدكاترة بقى مش عارفين يصرفوا ال ١٩ ج في ايه ولا وفِي ايه وهما على خط مواجهة الوباء !
واحدة من الاشياء الغامضة بالنسبة لي هي ليه الاسرة المصرية مش بتربي ولادها على النظافة ؟ ليه مافيش ثقافة نرمي في الباسكيت ولو مالقيناش نحط في كيس معانا لحد ما نلاقي مكان نرمي ؟ امتى بقينا كدة ؟؟
تحية لكل الامهات المصريات يا جماعة..الام اللي بتنزل تودي التمارين وتقف تشجع وتحفز وتهتم وتعافر مع ولادها ومع تقلباتهم النفسية وتعافر مع النادي ومدربينه..امهات الابطال يا جماعة نقف كدة ونصقف لهم كلنا 👏🏻👏🏻👏🏻
#Tokyo2020
#egyptianmums
ما قاله عمرو أديب أمس يعكس مدى حرقة السلطة من وفاة رجل عادي..اجمع الناس وبخاصة الشباب على حبه..وكأنما ادركوا فجأة ان الحب بيد الله ومهما فعلوا من زن وتطبيل لن يؤثر في الناس. هي أشياء لا تشترى فعلا #احمد خالد توفيق
انا الى الان مش قادرة استوعب ان البلاغات ضد الحيوان المتحرش اتقدمت للوزارة من فترة وان فيه شخص ما حيوان برضه قرر يسأل جهات عليا الاول يعمل ايه بدل ما يبلغ النيابة دوغري..اسفوخص واحدة لا تكفي !
فيه مكان في الجحيم ..لا تحته كمان للشخص اللي بيعمل ستيكر الهدوم في قفا البلوزة ..ونفضل نهرش ويجيلنا حساسية..ولو شيلناها حتى بمقص..يا الهدوم تتقطع يا تفضل تنتوفة برضه تشوكنا..روح يا شيخ منك لله!
An entire family of 44 aged 2-79 have been all killed in the
#Gazagenocide
by
#Israel
..13 of which are kids ..who is killing babies now ??
where is the whole world from this massacre?
🔴 بالأمس انتهت عائله شهاب المكونه من 44 شخص واعمارهم تتراوح بين 2-79 عام، بعد قصف الاحتلال الإسرائيلي منزلهم الليلة الماضية في قطاع غزة…
من ضمن ال 44 كانوا 13 طفل وهذه قائمة باسماء افراد العائلة،
دعواتكم لهم الله يرحمهم يارب
اللي عايزين يتبرعوا لمستشفى ٥٧ محتاجين يراجعوا نفسهم بعد الموقف المخزي من رفض المستشفى استقبال حالتين من أطفال المعهد في الظرف الطارئ للانفجار. مافيش أوسخ من كدة بصراحة.