کنداں نال صحیفے ٹنگے تے تسبیح گل وچ پائی
ظاہر نال نئیں رب لبدا، اے گل مرشد سمجھائی
سجدہ کوئی روح دا کرلے میری باطن نال لڑائی
جسم دھون نال کج نئیں بن دا،جے دل دی میل نہ لائی
گئی جوانی آیا بڑھاپا جاگ پیاں سب پیڑاں
ہن کس کم‘ محمد بخشا سونف‘ جوائن‘ ہریڑاں
کوئی آکھے پیڑ لکے دی‘ کوئی آکھے چُک
وچلی گل اے محمد بخشا وچوں گئی اے مُک
میاں محمد بخش رح
رُکھاں وانگوں سایا کر
لوکاں دے کم آیا کر
شکلاں دھوکا دیندیاں نیں
شکلاں تے نہ جایا کر
ویلا لنگھدا جاندا اے
ویلے نوں ناں ضائع کر
ساڈے ورگے لوکاں تے
ایناں ظلم ناں ڈھایا کر
دل وچ آصف رب دی یاد
ہر ویلے توں لایا کر
نہ رو مائے چھڈ دے رونا
دکھ نہیں مک دے روئیاں
پئیو جنہاں دے ٹر جاندے
او مر جاندے بن موئیاں
میں نئیں منگ دا لیڑے لتے
نہ کوئ کھیڈ کھڈونے
لوگ بے حس نے اے کی جانن
غربت دے نیں رونے
وَکھو وَکھرے مَنجیاں جُلّھے ہو گئے نیں
جِنے وِیر ساں، اوہنے چُلہے ہو گئے نیں
میں یاراں دی محفل وچ اضافی ساں
میرے اُٹھیاں، کُھلے ڈُھلے ہو گئے نیں
ہُور تے کجھ نئیں ہویا تیرے رُسن نال
ہاں پر میرے کپڑے کُھلے ہو گئے نیں
گوہر وریاہ