كل حاجه اتشرحت في ال icpc مخليه حياتي مع المواد اللي فيها coding امتع والطف يعني انا مزنوقه دلوقتي في ال data structure بس كل العنواين ديه عدت عليا قبل كده وحليت عليها مسائل ومش محتاجه غير اني ابص على النظري اللي فيها ف ربنا يباركلهم بصراحه
النور قطع من شوية في الشارع كله والسما كانت حلوه اوي قلت اعمل كوبايه شاي نعناع واقعد بره شويه
اول ما الشاي غلى الكهربا رجعت
بعد ما شربته رجعت قطعت
حالف يعكر مزاجك وخلاص
الكونتست ستراتيجي الجديده : لو شفت مسألة sub (array /string /sequence) في ناحيه هبص الناحيه التانيه عشان هضيع فيها وقت وهيتحرق دمي وبرضو مش هجيبها الا في الابسولف
النهارده كنت في الريست روم سامعه بنتين بيتكلموا عن مرطبات الشفايف وفي نص الكلام لقيت البنت الي بتتكلم بتبصلي بجنب عينها ف استوعبت اني بقالي شويه واقفه باصه عليهم وبسمع باندماج اوي لحد ما ادركت اني اكشلي موجوده والناس تقدر تشوفني ده مش فيديو يوتيوب
عن أبي هريرة رضي الله عنه أن رجلا قال للنبي صلى الله عليه وسلم : " أوصني "
قال : ( لا تغضب )
ولهذا كان النبي صلى الله عليه وسلم يكثر من دعاء : ( اللهم إني أسألك كلمة الحق في الغضب والرضا )
إحساسي بالإنتماء للأمة العربية والإسلامية بيصحى
إحساسي بالمسؤولية من إني ضمن الجيل اللي لازم يغير ويضحي عشان الأجيال الجاية زاد، عاوزة أذاكر أكتر خصوصا مجال ال tech واللغات والعقيدة، عاوزة أقرب من ربنا أكتر، عاوزة أخلف عيالي وسط بيئة صالحة اعلمهم معنى الاسلام والعروبة والقضية.
الحياة عامله ازاي وانا عندي اخت صغيره : فيه بتاع ٥ اطفال من كل حدب وصوب في الصاله عندنا موزعين على بعض مسدسات بلاستيك وعاملين حرب ولازم تعمل ميت لو الطلقه جت فيك
كنت صغيرة وكنت عايشه بره مصر بس عشان بابا كان بيشغل قناة الجزيره ٢٤ ساعه ف ديه كانت صورة مصر في دماغي طول الوقت ناس متجمعين في ميدان بيهتفو نفس الهتاف محاوطهم ناس بدرع الامن المركزي