سنة اولى الكل مر بتجارب خلته ينضج ويحسن من نفسه ويصقل شخصيته وتعرف على ناس منهم المناح ومنهم الي مش مناح وعرف كيف يتعامل مع الجميع وبرضه الكل تعلم انه احنا لساتنا صغار وقدامنا العمر كله وبرضه انه احنا ما بنعرف اشي وما عنا خبرة بإشي بس مستمرين رغم كل شيء
مع احترامي الشديد لكل جماعة التويتر
بس مواضيعكم وصلت لمراحل من التفاهة الواحد صار يتفاجأ
بس المقولة حتضل معلقة معي وحضل ارددها "الخير في أمتي الى يوم الدين"
لو سمحتو ارجعو لعقولكم وفكرو قبل ما تحكو
الكل كان يحكيلي التوجيهي اصعب بمليون مرة ولما تدخل جامعة بتشوفها جدا سهلة الكل هيك حكا ما عدا ابوي حكالي بدك تدرس ست سنين بالجامعة زي التوجيهي وبجوز اصعب
والله صدق😀😀
شعور لما ما بتحب تصرف معين من شخص عشنه بضايقك بس بنفس الوقت ما بتقدر تحكيله عشان رح تزعله ف انت الي رح تزعل على زعله وما بدك تجرحه ولازم تتحمل عشان بتحب تشوفه مبسوط اسوء شعور بالدنيا
مش ضروري كلما حد يشوف طالب طب يحكي او يعبر عن رأيه يفكره بتدلع لو انتو ما بدكم ايانا نعبر عن رأينا بكل بساطة الغو التويتر مش تعطو رأيكم بشغلة انتو مش فاهمينها او تفتو من عندكم باشياء انتو ما بتعرفو شغلة عنها .
صحيح انه احنا شعب بس بحب الحكي والبرم والسواليف الزايدة👎🏻
من مشاكل لمشاكل لمشاكل
طيب الحياة والله حلوة وما بتستاهل كل هاد التعقيد والحكي عن الناس
وبعدين بحكولك
"هيك العالم "
لا يحبيبي هيك انت وانت الي معقد حالك مش هيك العالم
انا حاكي لامي وابوي انه الامتحان على ال ١٢ وبخلص ١ المفروض المفروض انهم يحكو يسألوني او شغلة او عملة اي حاجة ابوي رن على ال ٥.٣٠ وبحكيلي وينك وفصل الخط روحت ووصلت تقريبا ٧ وامي شفتها بتحكيلي "بترسب ولا لا؟"
بحس بحس بدي اهل جداد
بعرف اطبخ واغسل وارتب اغراضي وبطلبش مصاري منيح انا
ارق وصايبنا ما بنام غير ٤-٥ ساعات وما بنعرف ننام وملحوقين ملحوقين ودراسة مش عارفين ندرس ومشاكل ومش خلصانين وحضور وغياب واربع ايام بالصيفي زيادة وغير هيك كويز بجنن
للامانة كل مالي بحبها للكلية الي دخلتها عن حب🥰🥰🥰🥰🥰
لهدرجة الناس فاضية تتهاوش على المكرمة؟
يعني مكرمة قانون موجود بالبلد من زمان تمام في ناس بفكروه مش عادل وفي من وجهة نظرهم حق بس برضه لازم الكل يعرف المكرمة بس بتفرق نص علامة او علامة مش اكتر وغير هيك الاب/الام بتعبو وبتشعتلو ومش لهدرجة بكون الدخل منيح عشان يفخرو بولادهم وبس والله
كلما اتعب من الحياة بتذكر حديث الرسول صلى الله عليه وسلم
"ان الله اذا احب عبدا ابتلاه"
معلش لو بتكون تعبت المهم انه تضلك تواضب على الشيء شو ما صار حتى توصل الي بدك اياه
مبارح قعدت قدام اول صف بوجه الدكتورة ولما كانت تشأل كنت اعرف اجاوب حسيت حالي وقتيها مقطع حالي بس الفكرة مش هون الفكرة انه الي مجمبي كان بساعدني بنص الاسئلة😂
الواحد مش عارف من وين يتلقاها
من النتائج (الله يفرحهم جميعا) ولا من خطبة ولي العهد الامير حسين (الله يتمملهم عخير) ولا من الناس الي بطلبو حلوان (الله يسامحكم بس)
كمية الناس الي بطلت تخاف ربها وبطلت تمشي على الدين صح وبعملوا تصرفات تنافي المنطق فقط لإشباع رغباتهم بتزيد بشكل بخوف
يارب الطف بأمتك وإهدها و عاقب كل ظالم يا الله
#متحرش_التكنو