تخيل لعنة الجغرافيا في إنك تكون بمكان الكل بتمنالك فيه الموت بحجة الشهادة
تخيل لعنة الجغرافيا في إنهم يتهموك إنك بعت أرضك وتركت بلادك لأنك تهجرت بنكبة انحرق فيها الأخضر واليابس
تخيل لعنة الموقع الجغرافي بأننا في عام 2024 ودولتك من بين 250 دولة بالعالم هي الوحيدة المُحتلة
@Qusi_h
زي كل مرة بس يصير اعتداء عالاقصى او ع غزة بضلهم يقولوا وين المقاومة وين حماس ترد. وبس ترد حماس وتطلق صواريخ على اسراىيل بقلك هاي مسرحية عشان يدمروا غزة وياخدوا منا فلوس!!!
@suzangaza
سبحان الله قدروا يلقطوا رسائله للخارج بس ما قدروا يمسكوه هو شخصيا 😂 وغير هيك ايش دخل الشعب الفلسطيني بكربلاء ليحكي عنها
يعني مش باين معكم انها إشاعة؟!
@zainijamadar
@mahdimajeed8
قصدك صاحب الأسلحة المدعوم من كل الجهات بطلع بوشه عادي لانو عارف انو ما في حاكم شريف يضبه. لكن ابو عبيدة مستهدف من كل الجهات طبيعي بده يحافظ ع حاله
" لأننا جعلنا من الحمقى مشاهير "
حملة #مقاطعة_المشاهير في الوطن العربي.
ماراح يكلفك أي مجهود .. إلغاء المتابعة مع بلوك لكل مشهور متخاذل عن نصرة القضية.
@RassdNewsN
المشكلة انها قالت هذا الكلام في مصر وامبارح في الاردن. وما في زلمة منهم استرجى يرد عليها. يعني الحق مش عليها عال🤬 اللي عنا. الله يقل قيمتهم
@David_Syriac
بطرس غالي وزير خارجية مصر
مروان المعشر وزير خارجية الأردن
فارس خوري رئيس وزراء سوريا
أندريه ازولاي مستشار ملك المغرب
حنان عشراوي ناطقة باسم السلطة الفلسطينية
نبيل ابو ردينة ناطق باسم السلطة الفلسطينية
@Nadahu25
@Anar83073281
رجعت 100 ألف. وحرمت ملايين من ارضهم لانو تم التنازل عن 78% من ارض فلسطين. ع وين بدنا نرجع؟! وهم الصهاينة اصلا رافضين عودة اللاجئين يعني ما استفدنا اشي
المفاوضات ع ايش بتكون نفسي افهم؟؟؟
@hiariveski
سؤال الاردن فيها حرب ولا مجاعة؟؟ لا. لهيك الاردني عنده رفاهية الاختيار وينقي شو يشتري
بينما الفلسطيني بغزة مش لاقي قدامه غير البيبسي وهاي اصلا كلها مساعدات . فالي بلاقيه قدامه بشتريه. ومش عارفة هم ليش بشتروه المفروض ببلاش
@AbuDhabi_5G
طيب انت عن جد مقتنع انو في مطعم كنتاكي شغال بغزة بنص هالابادة والدمار؟؟ اولا الصورة قديمة. ثانيا حتى لو جديدة بتكون مساعدات يعني الي بلاقوه قدامهم بياكلوه
@AmjadKoush9
على اساس لو حماس ما عملت 7 أكتوبر كان بكرة بنرجع!!
كل رؤساءهم ووزراءهم بضلوا يحكوا لا لدولة فلسطينية وكلهم رافضين عودة اللاجئين. بستاهلوا ألف 7 أكتوبر!! بالعكس هي الي خلت عنا امل اكتر انو نرجع
@karimGahin1
وين الله وقف معهم؟؟ هو كان واقف مع المؤمنين منهم الي بطيعوا الله ووعدهم بالارض المقدسة اذا التزموا بوعده. لكن لما خالفوه منعهم الله من دخول فلسطين. اقرأ التفاسير
@Yousef_si10
لما الناس هجموا عليها على هالتعليق قالت انو حكيته من انفعال لانو هم صار��ا يهددوني!
ولله من زمان شاكة فيها. ما خلت حدا واقف مع فلسطين الا انتقدته. ويا ريت نعمل حملة ونسكر حسابها
@EdyCohen
صدق هنية جزاه الله الف خير
وهذه بعض اوجه الانتصار ..
▪️تصدرت قضية #فلسطين المحتله الاهتمام العالمي الحكومي و الشعبي
▪️مظاهرات و ثورات عمت مناطق عديده من دول العالم العربي و الغربي تأيداً لقضية #فلسطين_المحتلة
▪️الشعوب أذهلت بصمود شعب #غزة امام الجرائم الحيوانية من قبل
@Quraish911
ولله عيب هيك منشور. طالما فاهم بالدين هالقد كان حاربتوا الصهاينة الي مستهدفين الاردن كمان وبدهم يخلوها وطن بديل أو دعمتوا فلسطين والمقاومة بالمال والسلاح عالقليلة. لانو الدين بقول كمان انو الجهاد فرض عين على كل مسلم.
@bosh_747
مش عارفة شو احكيلك. انت يا بوش مركز كتير عالنساء الفلسطينيات شو السبب.؟؟ مع اني تناقشت كتير معك ولا مرة سبيت عليك ولا علقت بلفظ خادش على حدا. بالنسبة لاخر كلمة فهذه العينة تمثل نفسها وتربايتها بس. لكن باقي كلامها صحيح
@David_Syriac
نفس الكلام طلعوه على مستشفى الشفاء. دمروه تماما وما اكلها غير المرضى والمصابين. ودمروا 80% من غزة وما قدروا يقبضوا على مسؤول حمساوي واحد. كلهم مدنيين. هذا دليل ع انو كله كلام كذب
@shafiee_ola
@faithfull11223
يعني فهميني شو الهدف من هيك تعليق؟
انا فلسطينية بالأردن. فلسطين مشهورة بالزعتر اكيد. بس كمان الاردن فيها زعتر. زي ما لبنان وسوريا فيهم زعتر كمان . يا ريت تحذفي التعليق لانو مش ناقصنا فتنة الله يرضى عليكم
@Wolfordan
شعب واحد مش شعبين مش مقصود فيها الي انت فاهمه. لكن باقي الكلام الي بحكوه هدول كلهم ذباب او حسابات اسراىيلية. ما في فلسطيني بحكي هيك اصلا!!!!
وانا من فلسطينية الاردن وما برضى بغير فلسطين
الاردن هي الاردن وفلسطين هي فلسطين
@Palhmam
طالما ترك الكيان وصار يفضح جرائمه معناها بطل صهيوني
واحنا مش مطلوب منا نحبه ولا نسامحه. والله رح يجازيه ع أفعاله بالدنيا او بالاخرة بس ما حدا بطلعله يقرر اذا هو بالجنة او بالنار لانو الله هو الي بحاسب بس
@drsamkari
لانو باختصار تركيا لا تحكم العالم. بينما امريكا واسراىيل مستعمريننا اقتصاديا ومتحكمين بكل اشي بحياتنا فهذا رد الفعل الطبيعي. هلأ بجيني واحد بقلي طيب قاطعي السوشال ميديا رح اقلك احنا بنقاطع الي بنقدر عليه بينما هالمواقع ما إلها بديل عنا للاسف وهي وسيلة لايصال صوتنا
@abd_klf73828
اصلا هدول المؤثرين كلهم احنا نفسنا غاسلين أيدينا منهم لانو كلهم همهم المصاري الا ما رحم الله. غزة عم تنباد إلها 10 شهور وفي منهم قعدوا يعلنوا لمنتجات مقاطعة ويروحوا سياحة ع دول أجنبية ولا كانو في اشي !!
@HFbrkh17473
مش كل ما حدا يعمل فيديو لازم تقوموا الدنيا وتعطوا الموضوع اكبر من حجمه
رد عليه هو بس لا تطعن بتراثنا. كلنا بنعرف انو المنسف اردني عمري ما سمعت حدا قال انو فلسطيني غير عالسوشال ميديا بس
@ahmedabouossayd
@Saad_turkmeni
كلامك صحيح. لكن التعليقات ما كانت هيك. هم رافضين إسلامه اصلا. لدرجة في شخص قال اذا دخل الجنة ما بدي اياها أستغفر الله العظيم
@karimGahin1
@Maysa60900314
ما جاوبت على اهم سؤال ليش امريكا وبريطانيا والمانيا ما بقولوا شو دخلنا باسراىيل؟؟ مع العلم انو ما في رابط بيناتهم لا عرقيا ولا دينيا ولا جغرافيا ولا تاريخيا حتى! اما العرب ( او الشرق اوسطيين بما انك مش عربي ) بقولوا ما دخلنا وانتو اقرب الناس لغزة انتو والأردن
@aboodz_boon
@Nizar_bassam2
ما هو لانك ما عملت اشي وما حدا من الشعوب العربية عمل اشي لغزة المفروض نخجل وما نحتفل. ولله اشي بخزي الي عم يصير. لو في عزا عند جيرانكم بتصير ترقص وتغني قباله؟؟
@a99917890
( تلك أمة قد خلت لها ما كسبت ولكم ما كسبتم ولا تسألون عما كانوا يعملون )
عقيدة اهل السنة بيزيد انو لا نسبه ولا نحبه. مع اني قرأت انو موجود بكتب الشيعة انو الي قتل الحسين واحد من شيعته مش يزيد.
@ali41690866
@HusseinJamal_
اذا بدنا نمشي على نفس كلامك. معناتو الثورة السورية هي الي دمرت سوريا وهجرت الشعب السوري من ارضه 👍
بتقبل هالحكي؟ ولا تقلي ما في مقارنة لا هو نفس الوضع تماما
اقرا عن أوضاع غزة كيف كانت قبل 7 أكتوبر وعن اقتحامات المستوطنين للأقصى والدول العربية كلها ساكتة بعدين علق
@bosh_747
بالعكس من أطيب الأكلات الفلسطينية خاصة لما تكون معبية لوز 😋 بس انت يا بوش بنطبق عليك البيت الي بقول
وعين الرضا عن كل عيب كليلة
وعين السخط تبدي المساويا
@RwafWd
تخيل ان هذا الطفل البريء طفلك. ما هي ردة فعلك وكيف سيكون انتقامك عندما تشاهده بهذا المنظر بسبب حصار الكيان لغزة. ( الطفل استشهد قبل شهر 💔 ) حسبي الله ونعم الوكيل