مسارات
٣ اترام
دوام برمضان
صارت لخبطه بالقدرات
البترول غيرو نظام قبولهم المبكر
سابك غيرو نظام الابتعاث حقهم
ارامكو ضافو اقسام جديده ل اختبارهم
ساعات تطوع
مشروع تخرج
تداوم ٦ ساعات و ٦ حصص باليوم معك ( ك طالب ثالث ثانوي )
والحين شالو الاولوية يعني عادي بكرا اتشرد من بيتي👎
يخوان بصير اسمع بودكاست انجلش يومياً بس ودي ببودكاست يناسب لفلي ->A2 تقريباً ف وش عندكم نصايح ؟
وبخصوص الريدنق بصير اقرا من كتب اوكسفورد الي بجرير، لأن الاستاذ حقي افريقي يقول تعلمنا الانجلش وحنا صغار عن طريق الليسننق وعن طريق الريدنق
يارب الهمني التخصص الذي فيه خيراً لي
وابعدني عن التخصص الذي ليس لي فيه خير
يارب لا تجعلني اختار شيئاً اندم عليه
اللهم اني وكلتك امري فأنت خير وكيل
ودبر لي امري فأني لا احسن التدبير
اللهم يا مالك الكون اكفني شر مايكون قبل ان يكون
اللهم إني رضيت بكل ما كتبته لي فاجبر خاطري واجعل القادم من حياتي كله خير وبشرني بما يسرني وأبعد عني كل ما يضرني 🙏🏼.
ان جابت التغريده هذي ٦٠٠ لايك نزلت ردة فعلي على الدرجة ان ماجابت مع السلامه
حصنوا أنفسكم
أعوذ بالله من عين تُصيب القلب فتحزنه
والرزق فتنقصه ، والبال فتتعبه،والنّجاح
فتفشله.اللهم إني وليتك أمري، فأعوذ بك من سوء حظي وضيق صدري وفراغ صبري، اللهم اجعلني ممن نظرت إليه فرحمته وسمعت دعائه فأجبته، اللهم إنّي أسألك خير الأيام وخير ما أنت به، وأسألك راحة في القلب.
حسب ماشفت عن الجامعه ، قبل لاتدخل الجامعه تقبل انك تخسر درجات اذا كنت مصطفى بالفصل وتبكي على نص درجة
حسب ماشفت عن الجامعه ، نظام ان ماتذاكر اول ب اول بتلقم
حسب ماشفت عن الجامعه ، نظام استحي اسأل المدرس عن شيء مافهمته ، بتلقم
حسب ماشفت عن الجامعه ، تقبل انك ممكن ترسب بمادة
وفي نهاية الامر كل شيء مقدر ومكتوب ف قل الحمدلله على كل حال
الحمدلله ان جبت ١٠٠
الحمدلله ان جبت ٨٠+
الحمدلله ان جبت ٥٠+
الله ارحم بك من نفسك
قالى تعالى : ( وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِى لَشَدِيدٌ )
اعرف شخص جاب ٦٢ تحصيلي و ٧٩ قدرات وثانوي ٩٥ اعتقد مدري والله عن الثانوي لكن الاكيد ماهي +٩٥
المهم انقبل بالجامعه سألته كيف قال حرفياً حافظت على الوتر وصلاة الضحى وكان يدعي واججد وانقبل سبحان الله بتخصص محاسبه وبجامعة بمنطقته درس سنه والحين قاعد يذاكر تحصيلي للسنه الجايه
سبحان الي ياخذ ويعطي ، والله فيني ضيقه مايعلم بها الا الله مو بسبب الدرجة بسبب ان ماعندي ميول تجاه شيء ولا اعرف شيء بالتخصصات وفيه قدامي ٨ مليون طريق ماادري وين اروح ولا عندي خلفية عن شيء والله اني تائه تائه
بالمناسبه يخوان ذا وكثييير من اخوياي وناس اعرفهم نفس الحاله باقي لهم اخر فرصه والوضع زق جداً معهم ، عطوهم نصايح
^^^^ ياااااصحححححاب الخخخخخخبرهههه^^^^^
والله يكتب اجركم
دعواتكم يخوان بكرا اول اختبار تحصيلي لي براجع التسريبات الحين وبكرا الصباح بختبر يالله يارب ال ١٠٠ من نصيبي ونصيب كل شخص يشوف التغريده
- لا تخاف لكن هذي تغريدتي بنفس ذا اليوم الاسبوع الجاي
🔴🔴🔴🔴🔴🔴🔴🔴🔴🔴🔴🔴
يخوان كثير جاييني يقولون لي وش خطتك بالفتره الثانيه ونبي نسوي زيك و و ، والله يخوان مابراسي خطه ، ف الي ابيه منكم كل واحد يكتب وش بيسوي والي يعجبه يقلد وكذا ، واذا ودك تشارك بالتيل شارك
استوعبو حجم الكلام
تدرون اني رجعت حملت التطبيق عشان بس اقولكم الي يذاكر احياء من احد غير طلحه ذا خسر الكثير والكثير والكثير "خسر"
مو طبيعي ساحب عالاحياء شهر وتاسيسي اساسا قبل لااذاكر تبن وبعد ماخلصت الاحياء مع طلحه وسحبت شهر رجعت كل المعلومات اتذكرها!!
طلحه 🐐🐐🐐🐐🐐🐐
يخوان بدرس الاحماض والقواعد نظرية لويس
اذا عطاك مادة وقالك وش الي يمثل قاعده او حمض للويس ، وعطاك العدد الذري
وزع توزيع الكتروني اذا طلع معك اكثر من ٤ الكترونات تكافؤ > قاعدي لانه راح يمنح
اذا طلع معك اقل من ٤ > حمض لانه بيستقبل
يخوان فيه سؤال ضيعته بس اتذكر كانو فيه ناس يقولون اجابته نيوترون الى بروتون
كان عباره عن الي يحدد استقرار الذره "كهربائياً"
ترا كهربائياً مانتعامل الا مع الكترون وبروتون انتبهو
حبايبي دفعة ٢٤
هي ٥ او ممكن ٦ او ممكن ايضاً ٧ سنوات ك حد اقصى أبذل فيها كل مالديك، اتعب واشتغل على نفسك. السنين تمضي بسرعه، هل تعلم كورونا بعد نصف سنه ستكمل ٥ سنين؟ لا تبحث عن الراحه فقط في هذي السنين القادمه، الراحه ستجدها بحول الله بعد هذي السنين
DON’T GIVE UP.
افكر بعد مااخلص اخر اختبار الي هو الخميس ، اروح اسجل بمعهد انجلش واسجل بنادي جيم ويصير هذا جدولي من اخلص من المعهد اروح للنادي واسمع بودكاست انجليزي وكذا طول الاجازة
وشرايكم؟ ووش جدولكم بيصير؟
اغلب الي يذاكرون ل ارامكو ينجحون ، بسبب ان اساساً ماله مصادر وتقريباً الكل يشيد ب اياد وحرفياً مصدر واحد ولايشتت نفسه
الي صاير بالتحصيلي والقدرات قسم بالله مهزلة ياخي تعلمو من ايهاب ولا بحياتي شفت يعلن لنفسه وكل يومين طالع بوجهي ، مع ذلك اللفظي محد يفكر يذاكره الل منه
قبل تغيير النماذج انا سويت كذا ، لكن كمي كان مع المعاصر ، لكن يقولون حالياً المنصف افضل عموماً عن نفسي اشوفها هذي الطريقه الصحيحه التأسيس يجي مع التجميع اقوى
وهذي قناة رهيبه بعد ودكم اخذ منهم وانزل هنا بتويتر ولا تروحون لهم بالتيك؟ ، وحطيت لكم مثال على ال reading الي ينزله ، فائدة لك ك قراءة وبرضو يحط لك كم كلمه لفلها عالي عشان تقوي نفسك وخصوصاً ان الجُمل سهلة القراءة وماهي معقده وتزيد ثقتك بنفسك
من سعر غذائي Cal الى سعر cal نضرب ب ١٠٠٠
من سعر cal الى سعر غذائي Cal نقسم على ١٠٠٠
من سعر cal الى جول J نضرب ب 4,184
من جول J الى سعر cal نقسم على 4,184
Cal
cal
J
قد تتغير الصيغه بالاختبار ماتدرون
اقدر اقولها بكل فخر ، خلصت التأسيس + التجميعات ولله الحححمممممد 🙏🏼🙏🏼🙏🏼💙💙💙💙💙💙💙💙💙💙💙💙💙
قدامي ٤٧ يوم للمراجعة وحل تجميعات اي ملف أراه ، اللهم اني أسالك أن لا تضيع لي تعب ولا جهداً بذلته 💙
طريقه مختصره مافيه قانون وطبق
القانون هو
مشتقة البسط ضرب المقام - اعكسها الحين مشتقة المقام ضرب البسط
————————————
بس تحط على المقام تربيع
للاسف كان له اختصار سريع جداً وهو انك تحتاج بس تطلع المقام ويطلع لك ٤ وتستنج يا ٤ او اقل ، لكن خيار د زققها
لفتني هذا الكومنت والله شايفين؟ اول شيء اذكرو الله ثاني شيء ذا بخصوص السؤال حق الهيدروجين الي اجابته ٢٠٠ وفيه ناس دلوخ يقولون لكم حطوه ٤٠٠ وجابو ١٠٠
السؤال حق الهيدروجين كان جديد سواء غلطو فيه او حلوه صح مابيتأثر لان حتى لو غلطت عادي انك تجيب ١٠٠
اصحو يابشر
ياخي بسألكم كيف بعد الي شفتوه بالاختبار عادي تراجعون غشام وناصر والله احس الاسألة مستواها مرتفع جداً ومو قدهم لكن نقول ان شاء الله الفتره الثانيه تثبت الاسألة ونفتك من هالجنون الي شفته
معلومه ترا ماهو ملزوم بك بالاختبار يكتب لك المعادله انت درست كيف تكتبها بنفسك لكن من باب المساعده يكتبونها لك
هنا قال اوكسجين وعادي جداً انه مايكتب لك المعادله ، لكن تعامله على انه O بيكون حلك كله غلط
انا مدري من ضاحك عليكم بالكيمياء مدري مين
بسألكم يخوان الستيب نماذج عرفنا ، ٤٣ نموذج عرفنا ، كل نموذج فيه قطع عرفنا ، لكن هل القطع هذي تتكرر بالنماذج ولا كل نموذج له قطع خاصه فيه؟
الي اختبرو قدرات فاهمين قصدي
بخصوص ذا السؤال جاني وكان فيه خيار بلعوم معه ، قد شفت عليه مضاربه ان فيه ناس يقولون بلعوم وناس يقولون لسان مزمار ويوم جالس اشوف هنا بالاسألة محد حاط البلعوم مع لسان المزمار تكفون ليكون البلعوم أصح لو جت؟؟ والله اني اتذكرها بالمدرسه لسان مزمار
ركزو بذا السؤال هو مشابه لسؤال الهيدروجين
كلنا نعرف البروم من ثنائية الذرات ، ويوم حطاها بالسؤال قالك من ذرة البروم ماقال من البروم وسكت
لو قال من البروم وسكت نعامله على انه Br2
لكن هو عشانه يدري قال من ذرة البروم يبي ذره وحده بس
العجيب فيه ناس يقولون ٤٠٠😱
ايييه يخوان والله يلو ٩٠٪ من اسألة الاختبارات منهم ما شاء الله ، كأني شفت واحد يقول يلو مقلب والله ماهو مقلب والي يعتمده بس بين الفترتين يييوهه يالتطور الي بيصير ، غلطتي بالفتره الاوله كنت مسكب للاسألة الي استغربت كيف حلها كذا يعني هبدت وجت معي وقلت خلاص مابي اعرف كيف
يخوان ابي انصحكم نصيحة يعلم الله يعلم الله انها لوجه الله وانفعو بعضكم
تكفوووون تكفوووون لا تخلون الحوقله ولا التسبيح ولا الوتر وخصوصاً ليلة الاختبار والله ان يتسهل عليك كل شيء وبتطلع مبسوط ثقو بالله 💙
بكل اختصار التحصيلي لازم تدخل من بوابة تسمى ( كتاب ناصر ) بعد ماتطلع من ذي البوابه بتلقى قدامك انواع الاستغلال تسحب عليهم وتروح لبوابة ( غشام ) تطلع منها سو الي تبي ، المقصد ان يلو زيه زي اي تجميع ثاني .
تصدقون فكرت فيها؟ والله ان جبت ١٠٠ بالتحصيلي باذن الله راح اشرح كل الدروس وباليوتيوب وبحاول ابسط الافكار قد ماقدر واجمع الطرق المختصره مع بعض ، لكن اي شيء غير ال ١٠٠ ماراح اشرح و لا بصرح فيه اطلاقاً عسى تنكتب من نصيبي ومن نصيب كل من سعى واجتهد