حياة العصاميين تشبه حياة الذيب
يسوق القدم وتجيه الارزاق منساقة
نجيها مع الابواب مادامها بالطيب
ولن عودت بالغصب جينا مع الطاقة
نصادم ظروف الوقت واللي تجيب تجيب
بتاريخنا مافيه وقفة و دناقة
عشان الكرامة لو لحقنا [ زمان كليب ]
ذبحناه [ فالعصفور ] ماهوب [ فالناقة ]
#عبدالرحمن_القوس
هذه القصيدة ليست لـ ابو الطيب المتنبي وليست لـ جرير وليست للأعشى ولا لإمرو القيس بختصار انه #مطلق_الثبيتي
ادعكم مع هذه الرائعة الباهية بجمالها ..
غرناطةٌ هل يعيد الروح انشادي
للقصر .. للقمة الشماء للوادي ؟
وهل تعود للحمرا بهجتها ؟
وهل يعود ابو الحجاج للنادي ؟
#الجديد
اتركونا نفعل اللي نريده فالحياة
الاجل مكتوب والعمر مرة وحدة
افهموا معنى الفقر وافهموا معنى الغناة
مالنا اللي ننفقه ماهو اللي نرصده
ادري ان ما يهتدي واحدن مالله هداه
تنصحه ما تنصحه تنقده ما تنقده
عادة التدخين عادة تؤدي للوفاة
ومكثر اللي ما تطيح الزقارة من يده
قصيدة مهداه الى مقام صاحب السمو الملكي الأمير/
#عبدالعزيز_بن_سعود_بن_نايف_بن_عبدالعزيز_آل_سعود #وزير_الداخلية بعنوان :
( المنظومة الشعرية في المآثر الأميرية )
- كلمات وإلقاء
حمد سلطان العتيبي
صح لسانك يابو سلطان على هذه الدرة الثمينة
والله ما يرتاح بالي لين ارد الجميل
مع ان رد الجمايل صعب ماهو سهل
ولاهوب يملا عيون الناس شيٍ قليل
عدوني الكيف لو اني ما ارده دبل
اللي تحس ان دينه في رقبتك ثقيل
على مواقفه جازه مثل #مخلد_سهل
هو والله اللي جلا همه بوجهن طويل
كان المدايح طراقي فهو راعي محل
@mokhled48
الاغلبية منا لا يستسيغ الشعر القديم او لا يكتبه لكن عندما تأتي القصيدة من ارشيف #عبدالله_بن_زويبن تتغير الموازين
قصيدة لم تنتشر لشاعرنا رحمه الله
_____
الفوز عادة ربعي العتبان
"كن الفخر من شانا مخلوق"
اليا حضرنا زلزل الميدان
لو التنافس بين روق وروق
مير اقصرانا هالسنة هم وان؟
من دونهم مال المزاين ذوق
ماني بقايل غابوا المطران
اكيد مشغولين في [ ساحوق ] 😉
#شقح_النصر
سألت لي شايبٍ جاوز ثمانين عام
هل السنين الطويلة مرتك مسرعة ؟
قال العمر مرني مثل الحلم فالمنام
ما اذكر منه غير بعض احداثه المفزعة
ولا عاد باقي من اللذات غير الكلام
مع عاقلٍ ما يمل اللي يسولف معه
ومن عقب طرد الضبى يصعب علي المقام
حتى اللحاف الخفيف الغض دوب ارفه
#عبدالرحمن_القوس
اليا لقيت الشيخ ابو بطنٍ كبير
متقرقش ٍ له بشت ومكثر نشا
لا تعتزيبه لو يصير اللي يصير
وخل الظروف العوب تفعل ما تشا
ماهو بقايل تم ولا ابشر بخير
الا ليا قلت الغدا ولا العشا
#عبدالرحمن_القوس
الاولة عديتها وانته تشوف
وقلت ان بعض الناس تظلم بختها
ولن التغاضي "مرجلة" ماهوب "خوف"
الثانية عرضتها درب اختها :)
والثالثة ماني مخليها تطوف
>> اشره علي ان كان ما نوختها
لولا مراجلنا توطتنا الضعوف !
ما تحترمك الا ليا فلّختها ..
#عبدالرحمن_القوس
السنافي ما تضيق به الوسيعة
والغياب احيان اخير من التواجد
كل واحد يفعل اللي يستطيعه
الجميل صعيب والاعذار واجد
ولا يسوي معجزاتٍ فالطبيعة
غير دعوة مؤمن لله ساجد
ما دخل قلبه نفاق ولا قطيعة
ولا تعلق قلبه الا فالمساجد
#عبدالرحمن_القوس
ما يختلف فالراي برقا ولا روق
ولا يشقر اصحاب النمايم عصانا
عن الهوان الله رفع روسنا فوق
وكرّم شواربنا وكرّم لحانا
ما نعرف الحيلة ولا نعرف البوق
وناقع بنفس اخطأنا من وفانا
واذا غدر فينا من الناس مخلوق
هذا خطانا وانتحمل خطانا
#عبدالرحمن_القوس
#قبيله_عتيبه_تعتزل_المزاين
قداام بن حثلين يصدر قراره
عن المزاين كلبوه اعتذرنا
فزنا ثمان سنين فيه بجدارة
مابه منافس فالجزيرة قدرنا
وان كان جتنا من رئيس الادارة
شمنا وعرضنا المزاين ظهرنا
ماهو صحيح انه علينا خسارة
مير الصحيح ان المزاين خسرنا
#عبدالرحمن_القوس
الحمد لله على فضله وكرمه ..
تم تحديد موعد عودة البطل #بدر_محمد_القوس لحضن الوطن بعد ان اُسر على الحد الجنوبي مقبلا غير مدبر ومضي سبع سنوات على آسره وذلك وفقا لعمليات تبادل الآسرى التي تمت تحت إدارة قيادتنا الرشيدة
الحمد لله الحمد لله الحمد لله ...
جيتك على سمعة جدودك وطاريك
في لازم اللي صاح لي يشكي الحال
اذا توقف معي هذا العشم فيك
واذا تردى في .. منته بـ رجال
ما جيت ادور حاجةٍ من مخابيك
لكن ابي وجهك وجاهك مابي المال
وانته مخيّر بين هذي وهذيك
ان ما قدرت الحمل يقدر له جمال
#عبدالرحمن_القوس
#شيخ_قبيله_عتيبه
#فيصل_بن_سلطان_ابن_حميد
ما يختلف فالراي برقا ولا روق
ولا تشقر اصحاب النمايم عصانا
الله هو اللي رافعٍ روسنا فوق
وكرم شواربنا وكرم لحانا
مانعرف الحيلة ولانعرف البوق
وناقع بنفس اخطأنا من وفانا
واذا غدر فينا من الناس مخلوق
هذا خطانا وانتحمل خطانا
#عبدالرحمن_القوس
ترا شرهة العاقل مثل [ نقطة التفتيش ]
ولا كل شخص يمرها ويتعداها
يمر [ الكفو ] ويصفط [ اللاش والدرويش ]
ليا حدت الدنيا الاوادم على اقصاها
_____
#عبدالرحمن_القوس
من يوم صار الشيخ من غير تاريخ
ادوى براس اللاش داء الامارة
ليت الاطباء تصرف علاج للشيخ
مثل العلاج اللي يخفض الحرارة
يوري الجهال فرق المطانيخ
عن المريض اللي يحب الاثارة
اللي لو انه عاش وقت المناويخ
ما ثار له بندق ولا صاب شارة
_____
#عبدالرحمن_القوس
الذل فالتفرقة والعز فالاجتماع
والصبر صبر التقي والغدر غدر الزمن
والحلم عند الغضب والعقل عند النزاع
والقطع قطع الرحم والهم هم السجن
والفقر فقر الادب والفخر فخر الشجاع
والصدق صدق العمل رغم اختلاف المهن
والــعمر مثل السفينة ،، والاماني شراع
والحظ مثل الريااح اللي تسوق السفن
.
ما فاد العلاج بضيقة الصدر يا دكتور
علاجك شريته مير ما طابت العلة
حلالاه لو اني معلمك بالمستور
علشان تعرف وش سبب هالتعب كله
عزيزين الانفس مشكلتهم ضياق صدور
ولا اقسى من الغالي ليا كرر الزلة
اثر ما يسر البال و يدلّه المقهور
من الضيقة اللي تجرحه ( غير ذكر الله )
#عبدالرحمن_القوس
لحقني كلوفة من مديد الشتا والصيف
لكني موكلها على الله سبحانه
غني ٍعن المال وغني ٍعن التعريف
ولاني غني عن رحمة الله ورضوانه
لو ان الحمول تكودني ما نخيت ضعيف
قليل الجدى مالله موفقه للزانة
سوات الرفيق اللي يكوع سوات الضيف
لو ان العشا في مجلس ابوه واخوانه
#عبدالرحمن_القوس
جمايل الناس ما يفرح بها الا خبل
من ربي اغناه لا يارد على عدها
كم واحدن يحسبن رد الجمايل سهل
يشيله هقوتن ماهو على قدها
بعض الجمايل نرجعها لأهلها دبل
ولا بعضها ما ندري كيف بنردها
تحسس الرجل بالتقصير مهما فعل
وتصغره عند نفسه لعنبو جدها !
#عبدالرحمن_القوس
حنا نسوي فالرجال المعاريف
ولا همنا فالناس كم ضاع منها
اللي عرفها ناجده فالمواقيف
واللي جحدها ما نشدناه عنها
يعدها الوافي ديون وتسالي��
مثل القروض اللي يسدد ثمنها
وعن ردها الخايب يدور محاريف
ما سر حتى اللي غذته بلبنها
_______
#عبدالرحمن_القوس
اشكر اخواني الاعلامي محمد بن زبن ( #ابو_عتيبة ) و #غازي_الذيابي ع كرمهم ولطفهم وإطراءهم .. الوفاء ما يستغرب من حواتم الهيلا الله يطيب فالهم ويجملنا معهم ومع شرواهم .
المرجلة حظ ماهي ورث جدية
تعز الانسان لو انه ولد راعي
الطيّب يشوفها حاجة ضرورية
ويشوفها اللاش حاجة مالها داعي
وخلك من اللي مراجلهم صناعية
لو كل مجلس تصدر فيه وتعاعي
ان تمتلك شجرةٍ .. وحدة حقيقية !
(افضل من ان تمتلك بستانٍ صناعي )
#عبدالرحمن_القوس
قصيد الحكيم يذيع صيته مع الايام
ولاهو بـ محدودٍ على الجوخ والمسّاح
لو ان الشعر محصور في منبر الاعلام
ماشفنا مع الشعار حزمي ولا سدااح!
وقبل يطلع الاعلام ويرتب الارقام
سمعنا قصيدٍ لو يطول الزمن ماراح
لمطلق وصياف السحيمي وابن وسام
ورشيد الزلامي والسديري وابن شلاح
#عبدالرحمن_القوس
( بنت المطر )
بين البـروق اللامعة كن السـحاب
راس أشـعثٍ تشـره على عقـليـته
اخـر ما فكـر فيه منـع الاحتـطاب
اثـعـت سـيـوله بالـعـروق المـيتة
تقول منفتحٍ على اهل الارض باب
يوم انهدم سقف السما مـع جيته
#عبدالرحمن_القوس
الجديد ارجو ان ينال القبول 🖐🏻
العاطفة تثر على اصدار القرار
واكثر ما تثر في >> نفوس العاشقين
لو ما وضعناها بعين الاعتبار !!
تفضح كنين صدورنا بالدمعتين
حرب العقل والقلب للواحد دمار
الله يعين .. الله يعين .. الله يعين
ولو اشتكي همي على الداله جهار
تقول اسولف مع قبور الميتين
___
ناحلن حالي من الدنيا وضايق بالي
كن في عيني غضاة وفي ظلوعي حربة
نوب افكر عن ضجيج الناس اروح لحالي
ونوب افكر كيف اطلع قرض واسافربه
واحمد الله ما ارتخى عزمي وراسي عالي
ماقصرت الشوح واكبر راس ماافكربه
مايعود القرم لو انه يذوق الصالي
يركض الحاسد وراه وينقطع مع دربه
#عبدالرحمن_القوس
بعد الغيبة من السناب 👋🏻
نجامل عشان نجنب الشكّ والوسواس
لو انا ما نلقا فالبشر من يجاملنا
وصرنا نقاطع ناس من شان نرضي ناس
لو ان الخطا ماهوب منهم ولا منا
سلامي على طيب النواايا وطيب الراس
نماري بها واللي تلقا الضرر حنا
____
#عبدالرحمن_القوس
لقيت القبور اللي ملتها عظام القوم
وناديت سكان المقابر بـ أساميها
وش يعيّن الظالم وش يعيّن المظلوم
ووين الملوك اللي تزين مبانيها
ومن المنتصر بعد الممات ومن المهزوم
ووش احوالها تحت التراب ووش يجيها
حلالاه لو ان المقابر تجيب علوم
عن اشر من فيها وعن خير من فيهااا
#عبدالرحمن_القوس
مجاهد عميد وخطل يمنى ومقدم قوم
من الاد مرشد والفخر فخرنا حنا
علي الحرام لننتهي من عدن في يوم
لو ان الملك يرسل لها سبعةٍ منا
#عبدالرحمن_القوس
#مجاهد_بندر_المرشدي_العتيبي
كثرت علوم البهرجة والدعاية
القائمة على قضية #جهيمان
رجلٍ يمثل دعوته فالنهاية
ما مثّل عتيبة ولا حزب الاخوان
حنا مع ال سعود منذ البداية
قبيلة عتيبة على ابن ربيعان
يوم ان كلٍ ما يبي غير رايه
بيرق معزي جل من فيه عتبان
______
#عبدالرحمن_القوس
ما دام الثقة فالنفس حث القدم قدام
وكلام المهبط لا يهزك ولا يضعفك
ليا صرت ناجح في حياتك بشكلٍ عام
( يجي لك عدوٍ لا تعرفه ولا يعرفك )
جناب التواضع ما يخدمك مع الاخصام
ولا يلتزمبه واحدٍ في مثل موقفك
دس اللاش حتى اللاش يصحى من الاحلام
علشان ما يقعد على كيفه يصنفك
#عبدالرحمن_القوس
ليه النوايا البيض والقلب النزيه
تحطني في موقفٍ ماهو بـ إلي
والمشكلة : على كثر ما قلت ليه
من الندم ومن الغضب صدري خلي
اذا الهلامة حدني للي ما ابيه
الله هو الوالي ولا غيره ولي
ان غشني فالاولة عيبٍ عليه
وان غشني فالثانية عيبٍ علي
#عبدالرحمن_القوس
يا مغريات الحياة وفتنة المؤمنين
ونشوة نصر قاهر الدنيا ونور الامل
الرجل يسقط من عيونه قصير اليمين
ومن عينك الناعسة ما يسقط الا رجل
مفروض تبقين في بيتك ولا تطلعين
وشلون تمشين برا البيت وانتي عسل؟
احياناً اخاف لا يعطونك الناس عين
واحياناً اخاف لا يهجم عليك النحل
#عبدالرحمن_القوس
شي من فرحتنا بقدوم البطل #بدر_القوس كانت ليلة من ليال العمر لن ننسى تفاصيلها ابدا
انته بطل في عيون الشعب ما انته بـ أسير
الله يعز الوطن وحصونه المحصنة
نشكر جميع من شاركنا هذه الفرحة كما نشكر هذا الوطن العزيز على كل ما يقدمه لنا ومهما قدمنا له لن نفيه حقه ..
#عبدالعزيز_الفغم
رحيل البطل مفجع وزاد القلوب أحزان
نعزي بعضنا في فقيد الوطن كله
قضى العمر مثل الطود فمواجه العدوان
لكن المصيبة صابته من صديقٍ له
وياعبدالعزيز امسيت في ذمة الرحمن
ونعيم الجنان وريحها في جوار الله
بعد [موت عبدالله]خدمت[الملك سلمان]
عسى الله يغفرلك ويغفر لعبدالله
يا عاشقين الطيب ومزارق الطيب
مال البداوة فالمراجل علاقة
اللاش ما ينطح نحور المواجيب
لو حط له في نجد تسعين ناقة
ماهيب كسبه من ديار الاجانيب
ولا هاش عند ظهورها هوش ساقة
تال الزمان الشاة ترعى مع الذيب
ومن بينهم رفقة وولف وصداقة
#عبدالرحمن_القوس
قواعد السعادة السبع
لأمير المؤمنين علي بن أبي طالب
١- لا تكره احدا مهما اخطأ في حقك.
٢- لا تقلق أبدا مهما بلغت الهموم.
٣- عش في بساطة مهما علا شأنك.
٤- توقع خيرا مهما كثر البلاء.
٥- أعط كثيرا ولو حرمت.
٦- ابتسم ولو القلب يقطر دما.
٧- لا تقطع دعاءك لأخيك المسلم بظهر غيب.
يا رب تكتب لنا عفوك ومرضاتك
وتغفر خطانا وترحمنا وتنجينا
تقـدست يالعظيم عن الشبة ذاتك
وصفاتك ابلـغ معاني مـن معانينا
ومن عظمتك عن وجودك دلت آياتك
نشوفها حولنا ونشوفها فينا
ماهو كفر لو نقصر في عباداتك
لكن حلمك على العاصي يجرينا
#عبدالرحمن_القوس
تصميم المبدع :
@talal_v_
#الجديد
يا راسي اللي ما عليك الا العمامة والعقال
لا ترتخي من كثر صكات الزمان السرمدي
الادمي يشتال حملن ما تحمله الجبال
وما دمت عايش مستحيل ارخيك غير بمسجدي
ارق الجدي لا تشغلك ناسن سوالفها طوال
ان كانها قد السوالف خلها ترقا الجدي
#عبدالرحمن_القوس
البل بلتها رعايينٍ تصلفقها
ماغير في بالها تمشي مع الماشي
ما ودها الناس تلحقها وتسبقها
اول ما تلمح بروق الماطر الناشي
هذي هي اللي روابعها توهقها
راحت على ماش وتعود على ماشي
سلم على اللي ندبها عقب حققها
ما جرها لين وكد شبعة الحاشي
#عبدالرحمن_القوس
اي والله انا ما سعينا للردى
وان رخصت الرفقة نروح لحالنا
الا ليا مِن // إلتقينا بالعدى
[في وقتها] .. عقّالنا جهّالنا
ودايم نصوّت للعشاء ولا الغدى
كرامةٍ لضيوفنا ... ولا لنا !
اما ذبحناها لماجوبٍ بدى ..
ولا ذبحناها لنا وعيالنا :)#
_____
#عبدالرحمن_القوس
طـعم [ الخشوع ] احلا من الماء على [ الكبد ]
ما جربـــوه اهل النفوس الشــقية !
محابل الشيطان فالدرب للعـــبد ؟
ما تطـرح // الا اللي صلااته رديـة :)
____
#عبدالرحمن_القوس
ترا الجود بالموجود والبذخ بالتحديد
هو اللي يزيل الرزق والخير والخيرة
وترا البخل يجعل صاحبه مثل كلب الصيد
يعاني لـ جمع المال ويروح مع غيره
#عبدالرحمن_القوس
الصاحب اللي يجي في كل مرة بـ ثوب
قولوا له اني على خبره وفـ أتم حال
علمني ،، الخبث ،، والغدر ،، وسواد القلوب
وعلمته ،، الحلم ،، والقوة ،، وعز الرجال
#عبدالرحمن_القوس
الجديد
لقيت القبور اللي ملتها عظام القوم
وناديت سكان المقابر باساميها
وش يعين الظالم وش يعين المظلوم
ووين الملوك اللي تزين مبانيها
ومن المنتصر بعد الممات ومن المهزوم
وش احوالها تحت التراب ووش يجيها
حلالاه لو ان المقابر تجيب علوم
عن اشر من فيها وعن خير من فيها
#عبدالرحمن_القوس
يبين الولد في طول يمنى وذرب لسان
وراسٍ تقول من الرؤوس النووية
عسى المحزم الفاضي فدى المحزم المليان
ليادارت ظروف الحياة الطبيعية
مع الحاجة القصوى يغيب اكثر الخلان
ما يصفي سوى واحد او ثنين فالمية
وانا اكره ضعيف المعرفة والردى وإيران
واحب الشعر والمرجلة والسعودية
#عبدالرحمن_القوس
( كلام العيون )
أغرت عزيزة مصر يوسف عليه السلام
لكن يوسف نبي وإن النبي معصوم
ولاني نبيٍ عصمه الله ولاني بـ إمام
ولا اعرف من العبادة غير اصلي واصوم
اضعف سلوك الحرير يجرني للغرام
ويلزمني ابعد منادي للهوى بالقدوم
#عبدالرحمن_القوس
ترانا على الفطرة ومن طبعنا صلفين
ولا نعرف نجاملك لا انته ولا اشكالك
تركنا المجامل والتلون لـ ابووجهين
وجينا بوجهٍ طلق ماهو على بالك
لقينا الاوادم بعضها كنه البنزين
ما يمشي بكيفك لين تاطاه ب انعالك
ولولا الرجولة والوفا والحيا والدين
لنمنعك لا تلبس عمامتك وعقالك
#عبدالرحمن_القوس
خل في كلمتك قوّة وفـ اسمك ريح ذيب
ولا تراخى فالمواجيب كنك فـ امغزا
واترك اللي مايواصلك لو انه قريب
صدتك للنذل شيمة وللمقفي جزا
وش تبى في واحدٍ فالوفاء ماله نصيب
ماتشوفه غير في عرس ! ولا في عزا !
من طحاطيح الرياجيل تلقا لك صحيب
لا نخيته شاش راسه وبالجد اعتزا
#عبدالرحمن_القوس
لا تـعتــذر يا صــاحبي لا تعــتذر
اللي يسوق الجاه ما حوله قصور
اليا قدر في لازمي وان ما قدر
اهم شي اني بمعرفته فخور
الموقف الغصاب مثل المختبر
يوري العالم وش انت من الطيور
والطيب يخاوي صقر ولا صقر
ماله خوي من خلقته غير الصقور
#عبدالرحمن_القوس
#الجديد
اللي يدور رفقتي لابد يلقا لي عذر
لو كان ما يقبل بزلاتي ولا يرضابها
واللي يدور طيحتي .. لو طحت في وسط القبر
يقول ليه المقبرة للميت تفتح بابها
#عبدالرحمن_القوس
يا قصيرين اليدين ويا ضعاف الهمّة
لا قصرتوا عن هدفكم ماقصرنا حنّا
شي عادي فالدروب الراقية للقمّة
كل كيلو فيه مجموعة تخلف عنّا
مير من باب العروبية وباب الذمّة
تابعونا وش نسوي واستفيدوا منّا
#عبدالرحمن_القوس
لي سنة كاملة وانا من الفقد اعاني
وادري انك عن اللي فالحشا ما دريتي
دافنن سرها فالصدر مثل المعاني
في بيوت السواط وفي بيوت الثبيتي
مير صبري تعدى الحد والموت جاني
كل ليلة يطق الموت بيبان بيتي
مستحيل اتعوض فيك بـ انسان ثاني
مير جعل العوض في طيب راسي وصيتي
#عبدالرحمن_القوس
الله يكرم جناب البشت ابو لمعة
عن شلةٍ تشري البشت بدراهمها
من بعد جتنا صعاليكٍ تبا السمعة
ولقت رخومٍ على الدجة تخمخمها
بعض الرياجيل لا هقوة ولا طمعة
تقول مخلوق عند الناس يخدمها
وحنا لا شفنا ضعوف الخلق مجتمعة
نمرها فالطريق ولا نكلمها
#عبدالرحمن_القوس
اذنت ف ارضن خلية بعد وقت المغيب
وصليت وانا من العجلة تقول بخطر
انتابني من صدى صوتي شعورن غريب
وذكرت مجدٍ مخلد يستحق الفخر
من حب ربعي طرالي يوم يذن نصيب
وصلوا بني عمي السبعة صلاة الظهر
ولحقو على السرد وافتكو رعايا شبيب
من الحميا ومن زود الظفر والسطر
#عبدالرحمن_القوس #المراشدة
صنايع الطيب فعيون النشاما كبار
دينٍ على الرجل ماهي لقمة مبردة
ما كنها غير قرضن من قروض العقار
يحط بعض العرب فالقبر ما سدده
لو يعذرونه ماهو لاقي لنفسه عذار
ولاهوب لاقي عذر لين يتوسد يده
لو يمدح بصاحب الوقفات ليل ونهار
ويذكر جمايله ويسمي عليه ولده
#عبدالرحمن_القوس
صار الوفا في نفوس الناس شبه معدوم
ولا ينصف الطيبين الا الاصيل الاصيل
والطيب في غير اهله يلحّق الرجل لوم
حسبي على منكر الوقفة ونعم الوكيل
شفني كما العاصي اللي مسهرته الهموم
(هو مقترف ذنب) و (انا مقترف لي جميل)
اثر الجمايل غبيـنة في بطون الرخوم
(سوات بنت الكريم اللي بـ ذمة بخيل)
ارشيف السناب
مافاد العلاج بضيقة الصدر يا دكتور
علاجك شريته مير ما طابت العلة
حلالاه لو اني معلمك بالمستور
علشان تعرف وش سبب هالتعب كله
عزيزين الانفس مشكلتهم ضياق صدور
ولا اقسى من الغالي ليا كرر الزلة
#عبدالرحمن_القوس
حيااكم :
حافظين الدين والشيطان ما غوّانا
ولا سهينا .. يوم بعض الناس ماله وجهه
خابرين ان أخــرتنا خير من دنيـــانا ..
مانبا الا [ رحمة الله والنظر في وجهه ] !
______
#عبدالرحمن_القوس
الزمان يغير ظروف الجميع
وميلة الاقدار ما ندري متى
من يشوف الورد في فصل الربيع
ما يعرفه لو يشوفه فالشتا
كم مصيبة شيبت راس الرضيع
وكم مصيبة ردت الشايب فتى
إلطف ابنا يابصير وياسميع
واكفنا شر القدر من حيث اتا
______
#عبدالرحمن_القوس
معزة النفس بشت وقوة الراس تاج
والصيت وهبة من الله والمراجل ولع
والسلعة الغالية ما تنجلب فالحراج
ما ينجلب فالحراج الا رخاص السلع
والصاحب اللي يبيني معه حسب المزاج
والله ليبطي لو انه عاد ست الدلع
انا بدويٍ ضروسي يوم قامت تلاج
اللي قطعت عصبه واللي خلعته خلع
#عبدالرحمن_القوس
(منحنى اخر )
يا ريم حبك كل ما يبطي يزيد
ومهما كبرنا يكبر الحب معنا
بعد اخر العشاق عليا وابو زيد
ما سجل التاريخ غير انتي وانا
مشاعري قبلك مقيدها بقيد
وبعدك ملت صدري لو الصدر دهنا
وحررتها تحرير فيصل للعبيد
واستوطنت قلبك وعاشت في هنا
#عبدالرحمن_القوس
يا وقت : ما نضمنك فالسلم والحرب
ما عاد نبغا منك غير السلامة ..
تهدم قصورٍ ما على اصحابها درب ؟
وتبني من الانقاض عش الحمامة !
اشوف للساعة < علامات > عن قرب
في كل يوم اشوف منها علامة ..
ما باقي الا تشرق الشمس من غرب
حتى على العالم [ تقوم القيامة ]
#عبدالرحمن_القوس
ياحظ من لا يعرف الحقد حظااه
واليا رقد قلبه من الهم خالي
ماهو حسودن ما تهنا بدنياه
يبين شرّه فالرفيق الموالي
يا ليت يذكر حاجته وادرك ارضاه
لو اشتري مطلبه من حر مالي
عشان ما اكون السبب في خطاياه
وانا خطايه دوب اشيله لحالي
#عبدالرحمن_القوس
منّي تضيق الصدور اللي ملاها الحسد
ونياتها .. تتضح لي من حركاتها
لو تدري اني خبيرٍ في لغات الجسد
اظنها ما تغــافــلني بـ نيـاتها !!
اللي نصيبه من الدنيا [نصيب الأسد]
ما يدري ! عن المساكين ومعاناتها :)
الرجل لا ضاع تقديره وعقله فسد
يصير مثل البهيمة مع شهواتها
__
#عبدالرحمن_القوس
تشابة اللون بين الملح والسكر
في بعض الاحيان يوهمك بتقاربها
مثل البشر بعضها حاقد ومتنكر
ولا تعرف الناس لين انك تجربها
طعم الخيانة يسم الحال ويعكر
خصٍ من اصحابك اللي قد وثقت ابها
لا عاد تنشد ورا جوالك مسكر
يضحك على وجعتك من لا يحس ابها
#عبدالرحمن_القوس