الناس الى بتسافر وتتنطط على الناس ف مصر وبيستمدوا قيمتهم من الموضوع بتاع سفر اوروبا ده للفسحة ... بيدايقوا جدا لما حد ينشر الحاجات دى.. ويقولك ده فلاح من طنطا ايش فهمه
عايز ابعت ورقة لاهلى فى مصر اخدت العجلة ورحت المطار فى وقت فيه طيارة نازلة مصر ووقفت على باب المطار واول واحد شكله مصرى اديتهاله وقالى أنه هيوصلها بنفسه.
حاول تحكى القصة دى لاى حد غربى هيعتبرها خيال علمي...
النهاردة كنت فى السفارة المصرية فى برلين والموظف على الشباك كان بيعمل إجراء لواحد المانى ومش عارف يتكلم معاه.
ليه الموظف الأساسى فى سفارة فى ألمانيا ميكونش بيعرف المانى 🥲
فى 2016 .. يوم التعويم الصبح فتحت ابص على اسعار الصرف فى paypal لقيته زى ما هو على الصرف القديم... حولت لواحد صحبى ف امريكا ال max amount وخليته يحولهوملى تانى يوم لما ال paypal سمع معاه سعر الصرف الجديد..
من ٢٠١٧ وانا بحاول كل سنه اشتغل على صفة واحدة مش عجبانى واحاول اقضى عليها خلال السنه...
فى ٢٠٢١ قررت انى متكلمش على حد من وراه ومدخلش ف اى نقاش فى كلام على حد.. الموضوع ده ريحنى نفسيا جدا السنه دى وبقيت conscious ليه على أبعد الحدود..
وصلت برلين من نص ساعة والحمدلله مقضيهم كلهم ف اسانسير عطلان و only god knows الالمان هيلحقونى بعد كام ساعة 😭😭😭😭😭
الحمدلله معايا باور بانك وعلبة بسبوسة اقضى بقية اليوم ف الاسانير
الطبقية هى اكتر حاجه بكرها فى مصر على الاطلاق.. اجيال بتورث اجيال خره
معرفش ليه حد يتخيل انه انسان افضل عشان ساكن ف مكان معين ولا من محافظة معينه.. ولا دخل مدارس معينه.. ده ناهيك ان اصلا فى جزء كبير ممكن يكون privileged بالوراثة .. يعنى زيرو مجهود
كلنا ولاد سبعة/تسعة
نزلت القاهرة لقيت اهلى مزينين البيت والشقة وكاتبين كده على باب العمارة
وصورتى wallpaper على موبايل بابا
والله انا خجول جدا اد ايه هما شايفنى حاجه كبيره اوى ف كل حاجه بعملها وانا مش عارف احس ربع الاحساس ده لنفسى..
وانت قاعد على رصيف ١١ بمحطة مصر بص في عيون الفئة الأكبر من الشعب المصرى المتجهين الى محافظات الوجه القبلى تعرف مشاكل المصريين الحقيقة.. تعرف الناس مداس عليها قد ايه.. تعرف اد ايه انت برفليدجز.
الطب الالمانى يستمر فى إبهارى
النهارده الدكتور لما عرف ان فى طعم acid على لسانى بعد الكورونا وشاف كل التحاليل البايظة... خد نفس عميق وقالى
"مضمض بالقرنفل كل يوم الصبح"
بشتغل ريموتلى من مصر، وعندى ٥ ساعات اجتماعات النهاردة
النت قاطع من الصبح.. شغال 4G وبحمد ربنا
الكهرباء قطعت من ساعة واخدت معاها ال 4G والتليفون حتى مش راضى يبعت واتساب
السنه الى فاتت زى دلوقتى دخلت المستشفى ولبست ف حوار عمليه قعدتنى ف البيت شهور
احلى حاجه حصلت ساعتها الشغل عملى subscription على ديزنى+ وكل واحد فى الشغل بعتلى اسامى حاجات عشان اشوفها
وبعتولى vouchers عشان اطلب اكل جاهز من على wolt
فى حد ف Amsterdam مستعد يستضيف عداء مصرى كام يوم ف اكتوبر؟
عنده سباق ف نص اكتوبر .. يعتبر اسرع marthon runner فى مصر حاليا ومن الناس المجتهده جدا جدا وكل التقدم ده اجتهاد شخصى منه.
صباح الخير من برلين..
ومعاك زياده ف اسعار السلع الاساسيه من 30 ل 50 فى الميه خلال الاسبوع
صيام لحد الساعة 8 بليل
سرعه الرياح 40 كيلو متر ف الساعه مصاحبه للغيوم والامطار ودرجه حراره 5
معدل التضخم ضرب ال ATH ولسه سارح لفوق
الشباب على جروب المانيا بيدوروا على الملاجىء النووية nuclear bunkers عشان لو الدنيا اتطورت اكتر من كده فى المنطقة.
وتحس أن المبرمج المصرى ف المانيا ضربت فى وشه lockdown وبعدها inflation ودلوقتى هيتجند أو يستخبى ف البانكر
سواق indriver معجبوش انى قعدت ورا.. ولما شاف انى اسمر سالنى انت اصلا من فين ولما عرف انى من اسوان ادانى درس ف الاخلاق والعيشة فى القاهرة و ال Urbanization وحقوق سواقين اوبر والذوق العام وان الناس بتموت من المصل مش الكورونا نفسها
عملت bot ي scrap كل شوية الويب سايت الى بنحجز منه للاسكواش ويبعت على الجروب شات بتاعنا على telegram لو فى أماكن جديدة متاحه
وحطيته على serverless env وشغال زى الفل 📝✍️
من حوالى ٤ شهور كنت على حدود بولندا و بيلاروس من ناحية بولندا فى غابات Białowieża عشان كان عندى سباق هناك.
الوقت ده كان فى حرفيا اكتر من ١٢ واحد ماتوا من البرد على بعد كام كيلو على الحدود عشان بولندا قافلة ف وشهم
ودى رساله جاتلى اول ما قربت من الحدود على رقمى المصرى
@tarekbadrsh
نفسى اعرف الناس ازاى مش فاهمة ان غزة هى حماس وحماس هى غزة وكل اسره فيها شهيد قدام عياله بيبقى مشروع لمقاتل حمساوى جديد.. ازاى الموضوع صعب فهمه كده...
بقالنا ٢٥ يوم مفيش فيديو واحد طالع لأهل غزة بيدينوا فيه حماس على اى حاجه خالص.
مقاومه شعبية بس منظمة.
مستغرب ان الناس متستغربش أن فى ناس مش متعاطفة معاك من الناحية التانية من الكوكب.
احنا فى ١٠٠٠ ماتوا وسطنا والناس متعاطفتش معاهم عشان فصيل تانى وناس كتير حواليا كانوا بيبصوا ليهم بدناوة عشان أغلبهم من الأقاليم..
عشان هو من الزمالك فالفلاح يستحق الموت.
الانسان الابيض المصرى
فاكر فى مره قابلت واحد ف برلين زعلان انه ساكن ف mitte ومعاه ناس مصريين ف العمارة بس ف مصر كانوا ساكنيين ف مناطق شعبيه.. بيقولى مش متعود ع الناس الى من المستوى ده
يا اخى يارب بتوع ال AFD يركبوك
نفسى يعملوا حته ف الكوكب لاى حد مش عاجبه الحياة الحديثة ونفسه يرجع للحياه الهادئة بطيئة الرتم البدائية
ويبقى فى معاهده من كل الدول الحديثة أن محدش هيقرب منهم ولا يحتلهم ولا يسرق مواردهم
عملنا ف التيم order ل خمسه macbooks وواحد بس الى وصل وال باقى قالولنا محتاجين هيعدلوا delivery date شهريين ونص...
وضع ال supply chain ف العالم مع ال global chip shortage بقى مرعب
واحد صحبى ساكن ف مصر الجديده إيجار قديم ب ٧ جنيه ف الشهر..
باباه صحى من النوم من كام يوم حاسس ان ده حرام فكلم صحاب الشقة وكتبلهم تنازل 🤦🤦🤦
اكتب رسالة تعبر فيها عن استياءك لفعل الاب 😵💫
واكتر حاجه مضحكة الناس الى فاكريين نفسهم احسن عشان هما اجيال ورا اجيال ف نفس المستوى... يعنى مش ف المستوى ده جديد زى جيرانهم ف الزمالك الى لسه "قابين على وش الدنيا".. بيقولك لا دول جداد
Pro tip for those who live away from their parents..
انا كل كام يوم ادخل على جوجل وادور ف الصور على اى حاجه لل ام وفيها شوية كلام حلو كده وابعتها لماما.
الموضوع بيفرق جدا معاهم حتى لو مش فارق معاك أو حاسس أنه ستايل جروب العيلة او اى حاجه..
قعدهم لوحديهم فى البيت صعبة.
.
عملت اكونت انستجرام جديد وعملت فولو لكل اكونتات الاكل والالجوريزم بتاع الreels كله وصفات اكل بس
كل ما نكون محتارين ناكل ايه ف البيت بنفتح الاكونت ونقعد ن scroll لحد ما تلاقى حاجه محمسة
النهارده رحنا نزور قرايب مراتى النوبيين واول ما دخلنا كان لازم ناكل سكر من السكريه عشان احنا عرسان جداد والراجل عنده متحف نوبى على صغير ف البيت فيه حاجات عمرها اكتر من 200 سنه
اول ما ادخل بروفايل بتاع حد على الفيسبوك واشوف كلمه Remembering قلبى بيتقبض على طول حتى لو معرفوش .. وبتخيل لما انا اموت كمان ويتحول البروفايل بتاعى كده
مش عارف انا عايز البروفايل يفضل كده ولا اموت اونلاين كمان..
النهاردة قضينا اليوم عند
@Beb3em
وعملنا كل ال sushi 🍣 ده ف البيت *من الصفر* .. حتى السمك جابه وقطعه بنفسه ...حاجه عظمة وجودة وطعم متقلش عن اماكن كتير اكلت فيها سوشى ف العالم
ف مرة تانية كنت فرحان انى مسافر مع واحد فرنساوى ف اكيد هيشوفوا معايا واحد ابيض ساطع ف هينفضولى...
واحنا معدين مع بعض من البوابة، الراجل قاله عدى انت وقالى
You sir come with me