تالت صدمة ليك في باريس لما تقف بالساعات في طوابير اللوفر علشان تشوف الحجة منى ليزا ، أشهر لوحة فنية في العالم ، و في الآخر تلاقيها أصغر من اللي عندكم في الصالون 😭😭
أما كنت في تونس بابا بعتلي إني لازم أجيبله عباية تونسية ومش هيدخلني مصر من غيرها وانه محتاجها ضروري ولفيت تونس عليها وغلبت فصال فيها
واساله هتستعملها في ايه بس فهمني يقولي ملكش دعوة هاتها بس!
جبتهاله لقيته باعتلي الفيديو ده وبيقولي اما ارجع من الشغل وملاقيش حد منكم في البيت 🤦♂️🤦♂️
هو انا كنت عارف قبل ما اروح ايطاليا ان كلها مصريين ،بس مش لدرجة ان اول ما انزل من القطر في ميلانو حد يسمعني باتكلم مصري يجي يقولي حمد لله على السلامة يا بن بلدي نورت ايطاليا ، بقولك ..انا مش باشحت والله بس اخوك مش من هنا وكنت عايز 15 يورو اروح بيهم!
احنا فين ؟ تحت كوبري المعرض!😭
فيه حاجات في مصر ملهاش تفسير ولا مبرر .. هل احنا محبوسين مثلاً ؟
يعني إيه تبقى دولة زي السعودية مسهلة اجراءات العمرة عندها وعايزة الناس تعتمر وانت تقولي لا اشتري QR عمرة مني الأول! .. انت مالك هروح السعودية اعمل ايه هناك إذا كان السعودية نفسها معترضتش. هو انت داخل بأسهم في الحرم؟
ترامب اخد رصاصة
بايدن جاله كورونا
رئيس ايران الطيارة وقعت بيه
الملك سلمان جاله التهاب رئوي
زعماء العالم كلهم بيتصابوا إلا واحد صحته زي البومب عمرنا ما سمعنا ان جاله دور برد حتى بالغلط 👀
أول مرة روحت السعودية كانت 23 يناير 2015 أول ما خرجت من المطار ، الملك عبد الله مات! رحمه الله.
حكيت القصة دي لأصدقائي التوانسة يوم 26 يوليو 2019 واحنا متوجهين في الباص للعاصمة تونس وقولتلهم ربنا يستر على السبسي رئيسكم بقا
وعلى مدخل العاصمة لقيت صاحبتي جاية تزعقلي رئيسنا مات !
على ذكر باريس .. احنا التلاتة منعرفش بعض ، من طنطا والمنصورة والفيوم .. قفشنا بعض تحت البرج من اللهجة المصرية 😂
وكملنا اليوم كله مع بعض ثلاثي الطعمية يجلد بتوع الكرواسون 🔥
1.طلب ادخال مريض وصرف علاج له بدون تذكرة مخالفا للنظام والقانون اللي هما حاطينه
2.طلب تعليق محاليل بدون تشخيص وفحص المريض
3.اعتدى لفظيا على موظف عام اثناء اداء عمله
4.التصوير داخل منشأة صحية مخالف للقانون بتاعهم
لو عندنا قانون وقضاء حقيقي
فالأولى إن المحافظ هو اللي يتحول للتحقيق!
محافظ سوهاج الجديد صحي النهاردة و حالف يمين يبضن على الدكاترة ، يعني الدكتورة قالت لاهل المريض يجيبوا تذكرة عشان تكشف عليه و ده القانون يسيادة المحافظ اللي انتو متعرفوش عنه حاجة و ماشيين بلطجة و تصوير و شو اعلامي و كلنا عارفين كده ، وكله كوم وتعالى يا ابني علقوله محاليل شخصته انت
صعبان عليا إن احنا اتحرمنا من اننا ننزل نعبر عن غضبنا ووقوفنا جمب اخواتنا زي كل الدول ، او حتى زي ما كان بيحصل في مصر زمان وقت اي عدوان عليهم.
حتى خطبة الجمعة الامام مش عارف يتكلم عن القضية ، زمان كنت تلاقي كل المساجد بتدعي عليهم في وقت واحد
احنا اتحرمنا من كل حاجة الفترة دي !
مش فاهم يعني إيه البنوك وقفت ان الفيزا تدفع أي معاملات دولية
ايه التخلف والغباء والجنان والعته ده؟ هو احنا في كوريا الشمالية؟ محبوسين هنا ؟!
..
اللي ابنه بيدرس برا يدفعله ازاي؟
اللي عايز يحجز امتحان معادلة ولا زمالة اجنبية يدفعه ازاي؟
اللي عايز يحجز طيران يدفع ازاي؟
اللي عايز
لو نسيتوا أحب أفكركم
إحنا داخلين على الشهر العاشر من غير وزير صحة ، وزيرة الصحة في اجازة مرضية 10 شهور ، وزير التعليم ماسك التعليم والصحة لحد ما يشوفوا وزير صحة
في فترة "جائحة عالمية"
🤗
الحاج مش راضي يجيب العيدية ألا ما أعمله إعلان عندي والعيدية هتبقى جنيه على كل لايك 🤦♂️
يلا زي ابويا برضو 😂 دي اول مرة اطلب منكم طلب 🥺❤️
عندنا شركة دهانات وديكور لبيوت جميلة أحسن من باريس 😋🔥
ولينا فروع في طنطا والتجمع وغيرهم
ودي البيدج بتاعتنا نورونا 🥰
سنة 2000 كان راتب الطبيب حديث التخرج ٣٥٠ جنيه ولكن كان جرام الذهب ب٢٧ جنيه
بمعنى ان مرتبك كان يكفي لشراء ١٣ جرام ذهب.
سنة 2024 أصبح راتب الطبيب حديث التخرج ٦٨٠٠ ج تقريباً ولكنه بالكاد يكفي لشراء ٢ جرام ذهب بالمصنعية.
فانت يعتبر بتقبض أقل من سُدس والدك اما كان قدك لو نفس الوظيفة.
مش فاهم حقيقي ليه افتراض ان المنتقبة هي اللي عدائية وساكتالها علشان خايفة من القانون ؟ مفيش أوبشن إن الست في حالها عادي وملهاش دعوة بحد! مفيش أوبشن إن اللي جمبها هي اللي ساكتة ومش هتقول عليها إرهابية وتتعنصر عليها علشان القانون؟
ده غير تصويرهم من غير اذنهم كمان
تويت غير موفقة 👎
جماعة ايه خناقات المسلمين والمسيحين عن الصيام والاكل دي
احنا معانا ٤ مسيحين في جروبنا وبيتسحروا معانا كل نباطشية
واحنا ماجلين dish party بتاعتنا لحد ما يخلصوا صيامهم علشان يفطروا معانا لحوم وفراخ براحتهم
وبينزلوا ستوري السحور معانا على اغنية رمضان جانا 😂
مش ده الطبيعي !
ميغركش المنظر ..
تخيل ان مفيش واحدة فيهم أعرف احجز بيها كورس أونلاين ولا تذكرة طيران ولا ادفع اشتراك آي كلاود حتى!
حتى لو معاك فلوس فانت متعرفش تعمل بيها أبسط الحاجات اللي يقدر يعملها أي مواطن في اي مكان في العالم.
We are in deep shit !
أ.د/ أحمد خالد توفيق ❤ رحمه الله ..
قولتله في مرة
"احنا الاتنين
- نفس الاسم
- نفس المدينة
- نفس الكلية والجامعة
ادعيلي بقا نكملها وابقى زي حضرتك لما أكبر"
🥰
من الحاجات اللي عجبتني برا مصر ونفسي أشوفها هنا يوما ما
إنك لما بتروح أي مكان بتدفع سعر الحاجة زي ما مكتوب قدامك في المنيو وبسس
مبتلاقيش نفسك دافع زيادة 14% ضريبة و 12% سيرفيس و 150 ج مينيمم تشارج و 5% تيبس و 10% هدية لعيد ميلاد والدة الشيف غير السايس والولا اللي مسح الازاز ..الخ
كنت مع استشاري بيسألني :
"بتقبضوا كام دلوقتي كدكاترة جامعة؟"
قولتله 5737 ج
قالي "طب ما هم مدلعينكم أهو ! ده وانا نايب كنت بقبض 350 ج بس"
قولتله جميل وكان جرام الدهب بكام؟
قالي "انا شاري شبكتي سنتها على 35 ج للجرام"
قولتله يعني مرتبك كان بيجيب 10 جم دهب
مرتبي يجيب جرام ونص بس!!
المشكلة إن نفس الناس بتلاقيهم مبهورين بتجربة الاتحاد الأوروبي في منطقة الشنجن والتعامل باليورو وتسهيلات التنقل بينهم
وبتلاقيهم مبهورين على جروبات traveller experience بصور الكافيه اللي نصه في هولندا ونصه في بلجيكا
ويقولك شوف الغرب المتقدم
ويجي ع الوطن العربي كل واحد يقفل ع نفسه
أشياء غريبة في مصر تجعلنا نبدو متخلفين امام العالم في 2022 :
- مينفعش تتصور في اغلب الاماكن ميادين عامة مدارس مستشفيات .. الخ
- مينفعش تقعد لوحدك في بعض الفنادق دلوقتي
- مينفعش تمشي مع اجانب في الشارع حتى لو صحابك من غير تصريح
- ممنوع الدرون
- ممنوع السفر قبل ال 30 من غير تصريح
لا حول ولا قوة الا بالله
انا لله وانا اليه راجعون
استشهدت زميلتنا بالدفعة الدكتورة براء أبو العيش وأسرتها جراء قصف الاحتلال الصهيوني على غزة
اللهم اغفر لهم وارحمهم واسكنهم فسيح جناتك وانتقم ممن قتلهم
ده حقيقي
لو كانوا كملوا كان زمان أثيوبيا خلصت سد النهضة وكانوا ملو البلد ديون وقروض ووقعوا الجنيه في الارض والدولار كان زمانه بخمسين جنيه ، كان زمانهم بيبيعوا البلد ومؤسساتها وشركاتها واراضيها علشان دولارات، ولا الكهربا كان زمانها لسا بتقطع والاسعار كانت ولعت
الحمد لله انقذنا ❤️
الطب في بعض الجامعات الخاصة السنة دي مصاريفه وصلت 205 ألف جنيه ..
يعني محتاج فوق المليون جنيه علشان تطلع ابنك دكتور من جامعة منهم ،
ونصحية أخوية بصراحة لو معاك مليون جنيه اعمله بيهم مشروع ولا استثمرهم له في أي بيزنس ولا اشتريله عقار او دهب لحد ما يتخرج أفيد له وأرحم مليون مرة 🤝
كنت ناوي أقفل على موضوع باريس علشان بيجيب ارتيكاريا لناس هنا
بس خلينا نختم بآخر فيديو 😌
كنت فاكر إني لما أتمشى في الشانزلزيه إني هلاقي buskers بيعزفوا في الشارع وأسمع حاجات زي La bohème أو La mer أو إني هأسمع أحد روائع فرانسوا كوبران وأنا بأتمشى !
لكن كل اللي سمعته كان دي 😭
مرة كنت في البنك مع بابا حاطط رجل ع رجل وبيشرب قهوته وبيقول للموظف "انتم زهقتونا بالقرارات الجديدة ،يعني ايه فيه ليميت 10 آلاف دولار في الشهر؟ ده احمد بيبعزق قدهم في المصيف مع صحابه!"
وبعد ما خرجنا واحنا مروحين في العربية قالي
"عامل باقة نت ب 150ج ليه يا بن الكلب هي فلوس حرام؟"😂
مرة كنت رايح مؤتمر في InterContinental مدينة نصر وبايت في التجمع
فطلبت أوبر وقولتله شد في السواقة علشان صحابي جايين من طنطا ولو وصلوا قبلي هيبقى شكلي وحش اوي
قالي "باشا الجماعة الفلاحين زي بتوع طنطا دول بيصحوا الفجر يربطوا الجاموستين فالغيط ويتشعبطوا في القطر"
وانا اصلا من طنطا🙆♂️
بقالي كام يوم في مؤتمر وربنا رزقني ب roommate لطيف عاشق للحياة الكلاسيكية و بيشغلي موسيقى فريدريك شوبان أو بيتهوفن وأنا بتأمل البحر من الشباك
لكن للأسف قعدته 3 أيام معايا خلت حاله يتغير سيكا 🤭🤭💁♂️
بس خلينا متفقين إن بعض طلبة طب فعلاً صيوحة بزيادة ..
لدرجة انك لو اديتله الامتحان وريحته هيصيح برضو ويكتب
"طب ولما هتدولنا الامتحان بتخلونا نذاكر ونتعب نفسنا ونحرق في دمنا ليه من الاول ما كنتم سيبونا نقرا قرآن ونصلي ولا حتى نخرج ده انا مروحتش ولا عزومة حسبي الله فيكم"
مش متعود أحكي مواقف الاستقبال
بس بعد ما خيطت جرح لحالة كنت بدور على المشرط أقطع بيه الشاش والبلاستر
لقيته مطلع موس بتاع خناقات وبيقولي "خد ده بداله،متخافش مش هستعمله عليك انت محترم ادكترة"
وراح مقطع بيه الشاش
التعاون بين الطبيب والمريض مطلوب😂
بس تخيل لو مكونتش محترم بالنسبة له🤔
للأسف كتير من الشعب المصري - إلا من رحم ربي - عنده داء الاستغلال
بيفكر ازاي يحلب اللي قدامه ويقلبه في فلوس حتى لو هيستغل انه في وقت ضغط ومحتاج مساعدة
قدام مكتب تقديم السفارة الايطالية صاحب بقالة بيصور الورقة ب10ج علشان عارفك مستعجل عليها وهو أقرب أوبشن قدامك فبتدفع مضطر (1)
أنا والأخ ده كنا مجننين الناس في تونس 🤭
احنا الاتنين مصريين
واحنا الاتنين اسمنا احمد خالد
وبندرس طب
في جامعة طنطا
بنفس الفرقة
وعيد ميلادنا بنفس الاسبوع
نفس البرج
اخوه اسمه حازم خالد
لكن اخويا اسمه حازم خالد
والاتنين في هندسة وقد بعض وعندهم اخين اسمهم احمد خالد في طب .. الخ 😂
كنت قاعد في سول انهارده بشرب قهوة وفاتح اللاب لقيت واحد بيكلمني عن ال designing وال marketing
اتعرفت عليه وقعدنا نتكلم في الاخر اكتشفت ان اسمه محمد زكريا
طلعتله البطاقة علشان يصدق اني نفس الاسم ودي كانت من الحاجات الويرد جدا اللي عدت عليا..
what's the odds!!
في لجنة من لجان عملي النسا أول ما دخلت على الدكتور قالي "لا بس إيه الشياكة والحلاوة دي شكلك فخم كده .. لا شكلك شاطر واوائل بجد"
وراح معلي ليفيل الاسئلة وقعد يلففني المنهج يمين وشمال
وفي الآخر قالي
"فعلاً يا بني .. الشكل مش كل حاجة"
😂😂😂😂😂
الاولاد في دفعة خامسة جابوا مصدر أسئلة ال MCQ اللي قسم الباطنة كان حاططها في امتحان دفعتي وطلعت من بنك أسئلة جامعة اسرائيلية 😂
أنا قولت برضو وقتها الأسئلة دي متطلعش غير من يهودي 🚩🚩🚩
من ٢٧ سنة لما بابا وماما كانوا مخطوبين .. بابا ادى لماما زلطة وقالها خلي دي معاكي دلوقتي وهقولك ليه بعدين 😂
المهم ماما احتفظت بالزلطة .. ونقلنا من بلد لبلد ومن بيت ولبيت .. والزلطة معانا من دولاب لدولاب
ولسا معرفناش هو كان عايزها تشيلها ليه
زلطة حبهم اللي أكبر مني شخصياً 😂❤
عندي مشكلة شخصية مع عاشقي ال Gym والحياة الصحية والدايت
ازاي بتتعاملوا مع الأكل وتبصوله على إنه كام كالوري أو كام جرام بروتين بس!
الأكلة الحلوة تتقدر يا جماعة ، يتمشيلها بلاد ، تستمتع وتتمزج بيها.. يعني يبقى قدامك طاجن كوارع بورق العنب واللمون يدوب في بوقك وتبصله إنه كام كالوري!
بعد اذن الدولار وازمته
أغلب المستشفيات بتمر بأزمة كبيرة حالياً
مفيش سرنجات ولا جلوفز ولا قساطر ولا خيوط ولا جاون
وأدوية التخدير بقا فيها عجز كبير جداً
وبقا المريض هو اللي بيشتريها للاسف
وطبعا الاستيراد واقف علشان الدولار فالمريض مش لاقي ،بيجيبها سوق سودا بأضعاف تمنها
نعمل ايه !؟
معنديش حاجة أقولها غير ربنا يعين كل أب وأم وكل شاب وشابة الفترة الجاية .. ويطلعنا من الأزمة دي على خير
يارب متكسرش أي أب أو أم قدام ولادهم 🙏
ربنا يسترها علينا جميعاً والله
اتعرفت على حد من الصعيد بيحاول يقنعني ان معندهمش سلاح آلي في البيت ولا أبوه مخبي حتة آثار تحت السرير ولا فيه تار بينهم وبين قبيلة جمبهم وبيتجمعوا بالنبابيت والآلي حوالين نار في الصحرا علشان يخططوا هينتقموا ازاي منهم
مش فاهم ايه الصعيدي المزيف اللي صاحبته ده
لا وبيشرب آيس كوفي !
فيه ناس محموقة أوي وقاعدة تدافع عن فرنسا ولا أكنهم كانوا بيبعتولهم كرواسون في التموين 😂
صباح الفل يا جماعة دي بلد عنصرية وكانت محتلانا و سارقين 50 الف قطعة اثرية مننا موجودين في اللوفر بيدفعونا فلوس علشان نشوفهم.
ولا انتم مواليد حواري الشانزلزيه وفي بوقكم قهوة بندق ؟ 😂
لا تقول شارم ولا غردقه ولا سخنه ولا غيرهم ....؟!
هو الساحل الشمالي اصل المصيف ... ميه نظيفه .. هواء نظيف .. رمله نظيفه
شروق وغروب شمس رائع
❤️
وعلشان كده المستثمر الأجنبي حاطط عينه علي كل الساحل الشمالي
#راس_الحكمة
للأسف بقا نادر جداً أما تلاقي سلعة في مصر دلوقتي يتقال عليها "قيمة مقابل سعر" ، بندفع كتير أوي في الحاجة أكتر من أي بلد وفي المقابل بناخد منتجات رديئة جداً وكواليتي تعبانة سواء في الأكل والمطاعم أو اللبس أو الأدوية أو العربيات ... الخ
احنا عايشين الحياة هنا بكواليتي 144p للأسف!
السوشيال ميديا دي لذيذة والله ..
لو نزلت صورك جمب برج ايفيل وعوجت لسانك وقولت باقضي سهرة في باغي ، تلاقي أمثال ماري انطوانيت تقول واو شوف الشاب ال elegant اللي بيتفسح في باريس
وان معجبتكش باريس فانت "فلاح ومتخلف"
مفيش فرصة للآراء هنا .. لازم تعجبك زينا يا اما تبقى "مش بني ادم" !
ميزة الطب ان ليه مجالات واسعة كتير جداً تقدر تشتغل فيها سواء جامعة أو زمالة او برايفت او تدريس او سفر للخليج او USMLE او PLAB او تدخل في بيزنس طبي مستشفى او مركز اشعة او تحاليل او حتى ترجمة ..الخ
بصراحة الطب بيوفرلك أوبشنز كتير جداً ولو سألتني عن أحسنهم فأكيد هو الكارير شيفت 🥰
فقط تخيلوا معي مجرد التخيل
لو أن الست دي دخلت قسم شرطة وقالت لملازم لسا مواليد ألفينات "مش كفاية جايبينلنا شوية عيال ومقعدينهم على مكاتب"
أو دخلت النيابة وقالت لوكيل نيابة جديد "مش كفاية مقعديني مع عيل بيحقق معايا"
كان هيبقى إيه رد الفعل تجاهها سواء من المكان أو من المجتمع ؟
@HaydiXOXOXO
أيوه عارف عمو ده جالنا المترو مرة ، وانا الوحيد اللي اديتله . قبل ما تقولي عليا بخيل 😌
بس دي فرصة بقا نقول إن مترو باريس أسوأ مترو ركبته في أوروبا أصلاً وأظن باين في الفيديو 😂😪
بحاول أفهم يعني ايه الشعب كله صحي لقى مخالفات المرور القديمة زادت بأثر رجعي فجأة ؟
بابا كان عليه 700ج مخالفات صحي لقاها 1200
انا كان عليا 800 صحيت لقيتهم 1200
اخويا كان عليه 200 لقاهم 400
اختي كان عليها 100 لقتها 200
اسرة واحدة صحيت من النوم لقت عليها تسدد 1100 جنيه زيادة فجأة ؟!
كنت واخد معايا من مصر شوية أدوية احتياطي علشان مش سهل تصرف دواء برا
لقيت أمين شرطة بصلي بحزم كده وقالي انت معاك مسكنات في الأدوية دي !؟
قولتله آه!
قالي طلع وريني اللي معاك ..
كان معايا بنادول وباي بروفينيد اديتهمله
قولتله خير يا باشا هي المسكنات اتمنعت؟
قالي لا بس كنت عايز حباية
حازم أخويا خلاني افتح فيديو كول بالساعات وأفرجه على نص محلات اللبس في اوروبا علشان يختار لبس ، ومش عاجبه حاجة وفي الآخر الطقم اللي عجبه طلع Made in Egypt أساساً 🤡🤡
الناس دايماً تلاحظ ان فيه شبه كبير من "بيري" وحفيده "كيكو"
وده للأسف ناتج عن علاقات بيري الآثمة
فحفيده هو نتاج زواجه من "ابنته" والتي كانت نتاج زواجه من "أخته"
فأصبح بيري لكيكو أباً وجداً وخال أمه كمان
يعني واخد نفس جيناته من كل ناحية
والحمد لله على نعمة الاسلام اللهم احفظنا 😂