انت معطيك الله .. اللي ما عطاه اجناسك
جعل ربـّي في وصالك ما يضيّق سُبلي
كل ما في راسك من اوهام .. يسلم راسك
تختفي لا من بديت اقرب لك .. وتقرب لي
وابتدت الاشواق تلعب في سياق أنفاسك
ولهفتي لك يمكن تنسـّيك عمرك قبلي !
حبّك اللي مبتليني فيك يا أجمل ناسك
ومنك محسوب البلا من كبر حظ
عتبك وشرهتك شلها وعرّضها هبوب الريح
أنا فاهمك زين وماني بـ محتاج تشرح لي
يوم إنّك رحت رحت برغبتك مارحت بالتلميح
وراك الحين يوم إنّك تبي ترجع تلمّح لي ؟
أنا معاك اتذكر الأيام وانســـاها معاك
يا قربك لقلبي وضيقة خاطري يا بعدها
أجمل ثلاث ليال فـ ليّال العمر : ليلة لقاك
والليله اللي قبلها ، والليله اللي بعدها
مافيه حال يدوم في دنيا تدور
كم مرةٍ دارت على اللي كم لبث ؟
•
تغيّرت تال الزمن بعض الامور
وتبدّلت فيه الفضيله بـ الخبث
•
والحرّ صار يباع في سوق الطيور
والذيب صار يهرول ويركض عبث :)
الخاطر اللي عماسه بعض مما لديه
اذا لقا لانشراحه فرصه امواتيه
لـ امجاهد ايامه اللي له واللي عليه
محتاج لي جال ضو وليلةٍ شاتيه
وزولٍ ليا شفت وجهه قمت ادوّر يديه
واضمّها وابتسم لـ اللحظه الآتيه
كأن نظرات عينه كل ما الدّ فيه
تشيلني فوق ريحْ صرصرٍ عاتيه
ما انبش محابيس الضلوع ولا افتش ادراج الصدور
نيّات خلق الله لـ خلق الله وانا لي نيّتي
ماني بشايل ضيقة اللي ما يبادلني السرور
وماني امحاتي روحة اللي ما يقدّر جيّتي
قلبي اللي من سكنتيه مالي فيه راي
الطموح يقرّبه والجروح تنفّره
قبل كرهك لـ إزعلي .. مقدر اضمن لك رضاي
كل زله منك غير الفراق .. مكفّره
لا سواك يسدّ جوعي ولا يقطع ضماي
انتي المقبوله اللي ماهيب اموفّره
ياللي كلامي معَ شرواك يؤسفني
لكن فضفضت للخاطر وطق إنتر
•
ما الله على امناتر العالم امكلفني
لو اني ليا بغيت اَنتر عرفت اَنتر
•
وان صرت عنتر زماني ما يشرفني
ما دام ماني بـ عنتر في زمن عنتر
مافيه حال يدوم في دنيا تدور
كم مرةٍ دارت على اللي كم لبث ؟
تغيّرت تال الزمن بعض الامور
وتبدّلت فيه النزاهه بالخبث
والحرّ صار يباع في سوق الطيور
والذيب صار يهرول ويركض عبث :)