عندي تعليقات ملهاش لازمة على كذا حاجة عاوزة أقولهم مرة واحدة 😂
هموت واعرف إياد وكنزي عملوا ايه في الموقف ده
خالد حسام شكله كان جميل ولذيذ اوي
برعي رايق و ملوش دعوة بأي خلافات اتصور مع كله عادي
مستغربة وجود عبدالله رخا وعلاقته ببرعي بالذات 😂 بس مصور الناس في الفرح صور وڤيديوهات
حلوة اوي ♥️ والله توقعت في الاخر هيبقى review لكاميرا موبايل هيعمل عنه ڤيديو 😂
رامي واخد صف إياد اوي على تيك توك في الكومنتس وفي الاستوريز، مشخصنها مع كنزي باين 😂
أكتر مرة أحس فستان لايق على ريم وشكلها سكر اوي بس مضايقاني الطرحة السودا لو كانت أوف وايت كانت هتبقى أجمد 🌚
اتحولت من شخص بيثق في الناس بسرعة لشخص مش عارف يثق في اقرب الناس ليه ، حتى لو في قليلين جداً واثقة فيهم بس مفيش حد قادرة اديله الثقة الكاملة مهما كانت درجة قربهم ليا
سبيس تامر عبده أمين بدأها بموقف ليه في الامتحان شبه بموقف عمري ما انساه في ماث 4 كنت أول مرة أتوتر بسبب امتحان ماث و أكون مش عارفة حاجة و كنت شبه بنهار علشان أكتر حاجة بحبها في حياتي و بجيب فيها تقديرات كويسة و قعدت أدعي دعوات عشوائية و أقول يارب و انا مش عارفة أعمل ايه فعلاً
جميلة والله 🥹❤️
على قد ما اللحظة اللي بتكتشف فيها إنك كنت طيب فشخ مع ناس ماتستاهلش ده لحظة مؤلمة وبتحس إنك عبيط ومشاعرك وطاقتك ضاعت وانت بتلتمسلهم الأعذار وبتحاول تساعدهم في اللحظة اللي بيئذوك فيها
بس بفكرني وأفكركم إن ده لو دل على حاجة ف إننا كويسين ونقدر نحب و ندّي دايماً ♥️
لو حد مايعرفش عنها حاجة ولسة بيبدأ
*تجربة شخصية*😂
-شوف أول ڤيديو على مهلك وفي الوقت اللي بيحلوا فيه حل معاهم وماتجريش الجزء الصامت من الڤيديو
-راجع بعدها من الكورس اللي على مهارة تك
-اعمل الخطوتين دول لحد الڤيديو التالت او الرابع
-من الڤيديو التالت هتحس إن ال commands دخلت فبعض
لأول مرة من فترة كبيرة جداً ادعي بإلحاح كدة و موضوع يهمني للدرجة دي ، بعد ما كنت بقالي كتير مقفولة من كل حاجة ومفيش حاجة فارقة معايا تحصل ولا لا علشان ادعي بضمير ليها ، فـ انا فعلاً فرحانة زيادة على فرحتي النهاردة و واثقة ان ربنا مش هيخذلني في الدعوة دي و تتم على خير للآخر 💜
جدو حافظ 🌚
انا وحشني اوي شكل العيال الصغيرين و هم بيجروا عليه بعد المدرسة و هو ماشي في الشارع علشان يروح و طيبته و طول باله اما بيقف يسلم عليهم واحد واحد بكل حب 💙 و وحشتني ذكريات المدرسة عموماً 😢💙
Save the date ❤️ 6/2/2020 ✌🏻💪🏻
#winners
🤫😎
كنا عارفين إننا هناخد مركز أول من اول ما اتجمعنا 😌♥️
لو ماطلعتش من التدريب بأي حاجة فـ والله كفاية إني طلعت بيهم 🤷💕
أنا ممكن اتكلم علي جونسون
جونسون كنت بتاخد فلوس موبايل
و فولوس مواصلات
أو بدل عربيه
و بتاخد آيباد
كمان كل كام شهر ليك كام كارت فاوتشر من كارفور الواحد ب ١٠٠٠
ولو انت اب و وجالك طفل أجازه الولاده بتاعتك كبيره تقريبا حوالي شهر أو ٣ مش فاكر
كان عندهم تأمين طبي كام سايكاتري كمان
مش تنظير على حد وكلنا خطائين عادي بس التويت و الكوتس مرعبة ، الكدب مش حاجة هيّنة بجد وماينفعش يبقى فعل عادي كدة و جزء من يومنا و بنعمله بعفوية في وسط كلامنا العادي ، اه ماكدبتش في كلام ممكن يتبني عليه حاجة كبيرة او ماخدعتش حد جامد بكدبك بس ستيل كدب ذنبه كبير حتى لو بهزار
كنت في السبا النهاردة وقولت للست بتاعت الحمام المغربي إني عروسة وقولت لبتاعت الشعر إني مامي جديدة ومعنديش وقت أهتم بشعري وقولت للبنت بتاعت السويت إن جوزي راجع من السفر وقولت أفاجئه وقولت للبنت بتاعت تنضيف البشرة إني سنجل، الحمد لله ان مكانش في مرحلة خامسة عشان شخصياتي خلصت
زي الفترة دي كل سنة بفتكر واحدة صاحبتي وهي بتقولي في سنة من السنين " انا استنيت الساعة تيجي 12 بالظبط علشان اقولك كل سنة وانتِ طيبة و قد ايه هي زعلت ان حصلت حاجة في البيت اخرتها كام دقيقة " وكانت فرحتي بكلامها ماتتوصفش وقتها وكل ما كنت افتكره كنت بفرح
⬇️⬇️⬇️
الوعي بالأمراض النفسية أحسن حاجة حصلت آخر سنين لإن عدم الوعي بيها ده مش هينفي إنها وجودها، أكيد محدش يرمي تصرفاته على مرض نفسي أو يشخص نفسه بس ع الأقل بتدرك إنك محتاج تروح لدكتور وإن في ناس زيك وحاسّين باللي انت بتحسه ومش عارف تشرحه و في وصف ومصطلح لحالتك يختصر عليك وتقدر منه..
ايه التلميح باللايكات ده ؟
انا بخاف من العيال اللي بتركز مع الريبلايز وتشوفها إنها تلميح أو إنها تدل على أي حاجة أصلاً ويقول عليهم مختلين ف مش مستعدة أتخيل إن ممكن حد يكون بيعتبر اللايكات حاجة
يا جماعة ازاي في ناس بتحقد على اصحابها او مش بتتمنالهم الخير ، ده انا قلبي بيكون هينط من الفرحة اما حد فيهم يحصله حاجة حلوة ولا اشوفهم او اسمع صوتهم و هم بيضحكوا وحقيقي فرحتهم كفيلة تغيرلي أي مود وحش ومش بتمنى غير إني أشوفهم مبسوطين دايماً
مقتنعة بده 100% بجدددد
و عموماً يا بخت أي حد مش أكبر واحد في اخواته علشان بيجربوا فيك تقريباً و مع كل أخ أصغر بتبقى الدنيا أحسن من اللي قبله و غالباً الصغير خالص غير إنه بيقابل أحسن نسخة، الأكبر منه ممكن يوضحوا لأهلهم إن طريقة معينة ماتنفعش او كانت مؤذية و بيكونوا متفهمين وقريبين
كان في حد بيقول إن باباك ومامتك اللي ربوك غير باباك ومامتك اللي ربوا أخواتك
لأن باباك ومامتك وهما في عشريناتهم غير تلاتيناتهم غير أربعيناتهم وتجاربهم وتراكم الخبرات بتاعتهم مختلفة فبالتالي نسخة باباك ومامتك غير نسخ أخواتك وكل واحد تجربته غير التاني
كان في مبنى تاني تبع المدرسة بس كان لسة بيتبني و شبه مهجور ف كانت قمة المغامرة بقى ان انا واتنين صحابي نطلع المبنى ده كل يوم و نلف فيه و نستكشفه وفي مرة لسة بنتناقش هنعمل ايه لو اتقفشنا لقينا مدرسات شافوا صاحبتنا وهي طالعالنا و جم شافونا واتعملنا استدعاء ولي أمر احنا التلاتة 🙃
عرفت إني تخطيت اما لقيتني بتفرج على ليالي أوچيني عادي من غير ما قلبي يتقبض او اتضايق حتى ، عظيم الوقت اللي -مش هقول بينسي- يخلي الواحد يهدا ويرجع للواقع ويستوعب كل الهبل والكدب اللي حصل فيقدر يتجاوز كل ده ، الحمدلله
لحظة استجابة الدعاء مهيبة، تخليك تبكي وأنت مستشعر إن ربنا سبحانه وتعالى يعلم دعائك بل استجاب له كمان ورزقك اللي بتدعي بيه!
وأنت ولا حاجة، حرفيًا ولا حاجة
لكنه الله الكريم اللطيف :')