يقدم عزيز الساس لو كان مفهوق ياخذ عظيمات المراجل قلايع ولاكل مطرود كما قيل ملحوق قول مبالغ فيه لو كان شايع إن ماجلبها والي العرش بوفوق كثرالمطارد ماينوش النفايع
قصيدتي في حضرة صاحب السمو أمير البلاد المفدى الشيخ نواف الأحمد الجابر الصباح ذرى الدار حفظه الله ورعاه وحفظ ولي العهد الأمين وحفظ البلاد من كل مكروه آمين يارب العالمين🌺
لا طرى طاريه طريت المطار
ودي أسافر على أقرب طائره
من عقب من حط في قلبي دمار
من الفراق المر عيوني حايره
ماعلى العاشق ملام إلا عذار
إعذروا من لا إستشار إلشايره
صامل برايه على فكره وسار
والمراد إنه تجي بشايره
الهوى راعيه من وين إستدار
ينكشف لو هو كتم عبايره
خالد الساكت 🌺
راح العمر ماذخر أنا مال بالبنك
لولا الديون البنك بالمال خازن
لامن خلص دين إتحنك لنا حنك
مجبور آخد قرض والظرف حاين
ظروف الزمن تجبرك ماتفارق اللنك
صار التحوّل وأنت قاعد وراكن
ولو تسقط الأقساط ماصد أنا عنك
مالي مصد أنت كنت بالقرض ماكن
خالد الساكت 🌺خواطر 🌺
عيسى الاحسائي حسبي على سايق الستين جلسه غير عبر
@YouTube
قلت إسعفوني بقلن بنزين
بأشب بالفرت وأصحابه
وإلا يرده إلي ذا الحين
أجلس معه وأتهنا به
من شافني قال ذا مسكين
مسكين يامفارق أحبابه🌺
مايحشم الأجوادياكودرجال
تلقى علوم المرجله في مواريه
ومايخذل الأجوادياكودختال
حطوابه النيه وغيّر خطاويه
ترى الردايا والدنايا والأنذال
في فعلهم المجتمع أرثعوافيه
الفاسدين اللي بهم خبث الأفعال
لاسلطوا بالشخص تبحث خوافيه
لو يقضبون المال ماعوّد المال
ماشفت مال المجتمع عيدوا فيه
أنا أشهد إن اللي صقر بك ربح بك
ياللي عليك من المكارم نياشين
ياللي رعيت حقوق ناسك وربك
يا أحمد النواف دايم على الزين
الشعب كل الشعب تدري يحبك
لأن شفنا الزين ماجيت بالشين
دام الوطن فيه أنت وأمثال نسبك
إرتاحي ياكويت الفخر لاتخافين
خالد الساكت 🌺
خطو الولد ودك مثل هد شيهان
عزٍ لأبوه وصحبته والجماعه
سلاحٍ لمن جا له من الهم مليان
عن الهموم إتقول يعطي مناعه
من كثر ماهو مستطيع الكرم كان
كن الكرم للي يجي له متاعه
وزودٍ على هذا إذا ماأنت غلطان
الظيف ظيف الله وبيته شراعه
كلام من هو حط للقاف ميزان
يشوف من فعله بضربة ذراعه
أنا لو نسيت اللي طعني بدى بي ضيق
وروحي من الكتمان والضيم منصابه
أعاني جفا صاحب أضنه معي مايليق
وسهم البغض هده مثل سهم نشابه
يجيني وديع إن قلت رايي بدى التصفيق
وهو في خفاه إيرتب الخبث وأسبابه
تغافلت عن فعله وصعبٍ بلعت الريق
إلين الصبر طق وتصافق بي أبوابه
خالد الساكت🌺خواطر🌺
إن كان شفت الجو ثوّر في محيطه كتام
و النفس ماتاقت أوادم بعثرت صفها
ولاشفت سقم الراي بين الناس صايرتمام
والناس شافت إن سقم الراي هوشفها
إطلق عنان الرجل عن شيطانهم لاتضام
سود النوايا لو تبي قربك فلا تضفها
وين السفر لا بارك الله في جناح الظلام
إحذر ظلام إقلوبهم لاتحالف لحلفها
قال لي نعناع قلت لا العنب
وإن قضى راسٍ أبي راسٍ جديد
أحرق القلب المحمل بالتعب
أحرقه لين إنه يصحى أو يبيد
وش هم الضباط من غير الرتب
مانقول ثابت ولا إنسميه سيد
للذي يتعب على المنصب عتب
يوم صار بمنصبه أصبح عنيد
وإن سألته ليه فجأه إرتعب
مالقى ردٍ طلع خايب أكيد
هات إذنك ياسعد وإستمع لماأقول
وإعرف إن اليوم يالإبن غير البارحه
ياسعد صمّل على القرم شيال الحمول
صاحبه ولا يكون في يوم تصبح جارحه
والكريم إليا الزمن شح وصارت به محول
لابدى لازمك في ضيق روح وصارحه
هو كريم وضيقة الصدر خلاها سهول
يوم راع البخل ماسر منهو شارحه
ياذيب ياللي بس مسراك بالليل
إقطع مسافات الخلا لاتهابه
خابرك ذيب وماتحب التعاليل
لحالك بقيت وشفت مكر الذيابه
عيبٍ عليك إن طحت أو باد لك حيل
لو الزمن عمرك غدابه وشابه
وصفت بك رجال قرمٍ وحلحيل
شاف النكر من عقب ماأرضى أصحابه
كل ماقلت بدري قال جانا النهار
أصبح الصبح وعيوني تعبها السهير
ول ياجال البحر بالليل تصبح عمار
وإن بدى نور فجرك صار حالي كسير
الحبيب إنتهض وشال شاله وسار
وأنا قاعد أشوفه راح عني يسير
والمواعيد مره والعذاير إكثار
وأسعد أقات عمري مع هذاك العشير
خالد الساكت 🌺خواطر 🌺
يجرح الخاطر مايعطيني مجال
كل ما أبدي له يقول المعذره
لو عرف إني على عهد الوصال
مانقضت العهد إن كانه يخبره
ماضي بهجره ولا قال لي تعال
ليت من يصخره لي ويقدره
طاوع العذال وخلاني وشال
وعيش وملح الحب دقه وإنثره
ماجداي إلا تسليني الليال
ياسهير الليل كل ليل إسهره
خالد الساكت 🌺
إن قلت إبن سلمان أبوه سلمان
سلمان أبوه وقائده ومليكه
نحبكم حب السفينه لربان
لولاه ماتمشي السفينه ركيكه
حبٍ مثل حب الصباحي لدسمان
يوم الغزو بالحرب صرتوا شريكه
يامحمد آل سعود لا صرت فرحان
نقول ياعل الأماني وشيكه
سلام مني جاك رجّح بميزان
وأغلا من اللي يصنعوها سبيكه
خالد الساكت
ياحفرةٍ من طب فيها فلا أعتاش
كل يوم نجلب يمها من حشاير
واللي نجيبه نلفح الجسم بقماش
ولابد في هذي تكون الستاير
مايدرك إنه مات وإلا بعد عاش
هذي ترى الأعمار ورد وصداير
سبحان من عرشه على كل الأعراش
من طين لازب كوّن آدم وصاير
أنا كل ماقلت المواصل قال لي بعدين
أضن السنه الجايه وزي النهار هذا
يبعد مواصيله وهو جنبي مقر الزين
وإذا صرت في دربه تلاذا وهاكاذا
ألا ياأبيض البيض إن حكمك كما النازين
تحطم لي الأحوال والقلب يتآذا
ولا ترأف ولا تعطف وتكسر خاطر المسكين
على كثر مايبغى ودادك صار يتحاذا
ليت البشر كل البشر مثل أمي
عز الله إني وين مارحت فرحان
كلٍ يهلي بي وإذا قلت همي
كلهم معي تحزن إذا صرت حزنان
وتخيّل إن دعواتهم جات يمي
وأتوفق بإذن اللذي عالي الشان
لو هم مثل أمي ماهم مثل أمي
أمي إحملتني برحمها وصرت إنسان
خالد الساكت 🌺خواطر🌺
يكفيك عن هذا وذولا وذولاك
عن جملة العالم تصافي سنافي
إختره ماضنه شنع بك وأذاك
إلا على يمناك حطه وصافي
قرمٍ ماهو نذلٍ غدر بك وخلاك
قرمٍ على فعل المواجيب وافي
إن كان ملزومك على الناس وداك
تلقاه أولهم يجود ويكافي
تلقاك عنده لالفيته وراكاك
راضي وهو راضي ولا لك يجافي
خالدالساكت
صايد وفايد من سطى له ملايين
ماهو حرامي وإعتبرها مكاسب
ياكثرهم مثله يسوون هالحين
صاروا شيوخ لمثلهم من يحاسب
حطوا مشاريع وعقار ودكاكين
من يحصي الأموال ضاع المحاسب
وغيره طواه الهم من سبة الدين
ولو إن نقارن قيل مامن تناسب
هذا يعيش اليوم دايم على الزين
وهذاك به عد الهموم الرواسب
ماأدري إن أمك جابتك ليلة القدر
وإلا إن أمك بالملامح جميله
وإلا أن أبوك إتعشقه الخمس والعشر
وإلا إن زينك شايعٍ بالقبيله
صحيح إن الزين واجد وبه ندر
وإن الحيا متبوع ويتبعه سيله
والخد لو حليت به صافي الدر
والعين عين اللي عليهن صليله
خالد الساكت 🌺خواطر 🌺
لو عذال المشاعر يشعرون
كان صار العدل مثل المسطره
بس عن هذا تراهم يقصرون
همه�� تفريق من يجني إثمره
اللي للأثنين قاموا يحسدون
وكم بال وكم خاطر تكسره
العواذل وإن تابوا يحزنون
يرجعون لطبعهم غصن إشجره
الغصن لو تقطعه تنبت غصون
وإن هذا طبعهم ماتغيره
خالد الساكت 🌺خواطر🌺
أنا كل ماأبدي له أشواقي عطاني طاف
ترى هذا دلال الترف أنا ويش أسوي به
ومن شدة الإعجاب كم فيه من ألطاف
لطيف الحشى والروح والطبع ماأسخي به
عليه القصايد والمثايل تشيل القاف
تزف اللحون وجيت أنا بس أغني به
ترفق بخلك ياحلو جملة الأوصاف
قبل لاتروح الروح وقبره يولي به
خالد الساكت 🌺
يقول بعد العيد والعيد قرّب
وأنا أنتضر متى أصليك يالعيد
ويوم إنقضى عيد رمضان وتسرّب
رحت أطلق عنان الرجل دون تقييد
نخيت ناصر ماتخفى وتهرّب
اللي ليا جيته تزول التلاهيد
هذاك إبن خنفور سيفٍ مجرّب
له ماضيٍ معنا نجيب الأجاويد
يابو فهد والفخر شرّق وغرّب
في حوزتك يابو فهد والأواليد
لو نذكر الخوه على ضرب الأمثال
نقول مثله لو تصير الرجالي
لاشك فيه أطيب وهو قرم رجال
ألقاه بين الناس مضرب مثالي
ياخالد الدلوم خاويت الأشكال
مثلك على خبر العهد مايمالي
حطيت ماجوبك ولو فيه مثقال
ماقلت هذا صعب أول وتالي
خالدالساكت
شكرًا جزيلًا من القلب للقلب ياراعي الواجب🌺
يالثانيه حني على طيب الساس
اللي يبي مركز إبعد الكراسي
من خِلقة الدنيا ترى الناس للناس
هذاك لو أبطيت ماني بناسي
لو تعرفينه ذاك طيبٍ ونوماس
يالثانيه طيبي وله لا تناسي
هذا علي ماخاب من جاه منحاس
خطي على إسمه وقولي لا باسي
وشوفيه لامن فاز ياخذمن الراس
مسعاه مخبور وعلى الجود راسي
تمت الترقيه بنجاح 🌺
لله الحمد ومنه الفضل
تمت ترقيتي من رتبة عقيد
إلى رتبة عميد. اللتي طال
إنتضارها والله يتمم علينا
وعلى كل مسلم بكل خير
فالحمد لله دائمآ وأبدآ 🌺
ماغير شعر إنقول وإنعيد معناه
وإلا السياسه خلها للسياسي
اللي حفر بير السياسه وغطاه
عسى مايخلا منه عد الكراسي
هذا علي ياما خذينا جزاياه
هذا الدقباسي لاطرى شاش راسي
ياما يقول إن بان لك شي عطناه
من ضرب يمنى كنها ضرب فاسي
خالد الساكت 🌺
من حِكم ومواعض وعِبر الشاعر مرشد البذال هذا البيت المشهور وتفسير أن الإنسان مدرك وفاهم أنه مهما عمل وثابر لن ينال إلا ماكتبه الله له. البيت يقول وهو من ضمن قصيده طويله.
أنا أريد والله إرادته فوق إرادتي
ولا أريد شي إلا إن الإلٰه رايده
الشاعر مرشد البذال الرشيدي🌺
بيض الله وجهك يالأمير جاسم محمد مفرج المسيلم.
على مابذلته من جهد تجاهنا والله يطول بعمرك ويعطيك الصحه والعافيه(عوايد أبوه قبله مايخليها) 🌺🌺🌺🌺🌺✋
@Jassemmselam
العين يالقرم ماتعلا على الحاجب
وأنت إعتليت المجال وصرت حاجبها
من كثر مانمدحك تقول ذا واجب
يوم إن بعض العرب خلت مواجبها
يوم إن كلٍ تعزوى بلحيه وشارب
أنا أعتزي بك يالحيتها وشاربها
يالنادر الفذ يالمقدام يالكاسب
والأوّله من يرد الصاع لكاسبها
خالد الساكت ✍🏻🌺
هذي قصة ناصر محمد الحربي موظف جمارك الرقعي بالسعوديه صاحب الجميل والمعروف اللي سواه معانا. وكيف قدرنا الله على رد الجميل له الله يذكره بالخير. ولا نتباها باللي سويناه معه ولكن القصد كيف تعمل الجميل وهناك من يرد الجميل بعون الله مثل شرواكم.
الشكر والعرفان لمن نفع العباد ونال الأجر
نشكر أخونا الغالي
المقدم. ناصر الخنفور
لما قام به من جهد تجاه الكل
يالأجودي بالله أنا كيف أجازيك
الله يقدرني وأرد الجميله
أخوك. خالد الساكت🌺
يافهيد بن فهاد إذا العلم جاني
تكفخ على العليا مثل قمة طويق
وأنته ترى عندي عزيز المجاني
غلاك عندي يابن الأجواد توثيق
حلو القصيد أرجحه بالمعاني
إن ماحصل أو إن حصل مابها ضيق
راع العلوم الطايله والسماني
ألقاك ماصديت وهاذي بك إتليق
خالد الساكت 🌺
كل مافعلت الطيب ألقاه مسبوق
قبلي فعله من النشامى سنافي
مثل اللذي لو نفعل الفعل مطبوق
مانلحقه والطيب حازه وطافي
ياجعل من مثل عليه السعد طوق
لو أذكر إسمه قيل مابه إخلافي
إسمه علي للطيب ذوقٍ على لوق
هذا الدقباسي والنوايا إنظافي
خالد الساكت 🌺
صورة تجمعني وزملائي رفاق الدرب من اليمين:أنا وثم
العميد. نايف خالد العويهان
العميد. صالح مبارك الشقرا العازمي
العميد. منيف بجاد العتيبي
العميد. أحمد الدماك العازمي
العميد. المطيري
الله يفرحهم ويفرح الجميع
في حفل أمس تقليدنا الرتبه 🌺
عيده لأبو من يزعل اليوم ملعون
اللي مدحته كاسيته الفضيله
من ينصر الشاكي إليا صار مديون
عليه من كل النواحي نزيله
تنصاه خلق الله وتلقى به العون
كم عاتقٍ ماشال متنه يشيله
إنصه وخل إيطبق إنبير طبلون
فوق الجموس الطامحات الجليله
تلقاه أبو سالم وربعه يهلون
والهاجس المجنون إيربط عقيله
بعض البشر طبعه يسر الخواطر
لاجاه ظيفه بالتراحيب حياه
وبعض البشر والله ماسر خاطر
تلقاه بالمجلس إكثارٍ دعاياه
الطيب ساس أهل الوفى وأنت خابر
إن الردي ماظن يقدر ويقواه
أهل الردى لاشفتهم صرت صابر
عن زلةٍ منهم شعورك تخفاه
خالد الساكت 🌺
تجربه.
أول مايصير عندي مجال آخذ قرض من البنك ماأطوف الفرصه وأحس إني من رجال الأعمال
ويوم آخذ القرض
مايمضي عليه إسبوع إلا وهو خالص تصليح سياره
أقساط فايته
إيجارات فايته خدامه معاشات متأخره مادفعتها
أقساط الغانم والتسهيلات وديون
ويرجع الحال إلى سابق عهده مكانك راوح. 🌺
ندمح الزلات له مايهود إلا يكيل
العوج إن ماتعدل ندوس ونطعجه
أترفّع عنه وإن جاء لمنزالي أشيل
بيني وبين الهوامل تعلّيت إدرجه
حالفٍ لو أقضب النذل ل أشفي به غليل
وأربطه عقب التناكيل في ربج إنعجه
خالد الساكت 🌺
ياكثر شامات القلوب التعيسه
إدقوق بنت الشام نقاضة جعود
سوّى الزمن فيها سواة الفريسه
واللي إفترسها ضرف أو حظ ملدود
جرد الليالي عقب ماهي ونيسه
ماعاد كود البيت والباب مردود
من قبل أحل الصعب من دون قيسه
واليوم عاذلني زماني عن الجود
راحت سنين ولا كنزت الملايين
ولو إن على هالقلب طافح رصيدي
ولو ترجع الأيام لكنت ذا الحين
الشيك والله دايم الدوم بيدي
لاشك هذي دبرة الرب راضين
هذا كتبه الله لو مانريدي
المال ذخر لسود الأيام دارين
وش حيلة اللي صار دهره عنيدي
خالد الساكت 🌺خواطر 🌺