هذي انتي مثل ما انتي قمر
حلوة وتكبرين وتصغرين
نصفي الثاني وحب العمر
لو قضينا العمر متزاعلين
كل طاري على بالي خطر
راح يطري على بال السنين
كان قلبي مثل قلبك حجر
يوم كنّا صغار وطايشين
ما عرفنا نلين ونعتذر
لين ما عاد يمدينا نلين
اختلفنا بوجهات النظر
واتفقنا بوجهات الحنين
المملكة شامخة هاللحين ومن أوّل
متوحدة فالقلوب، وما لها ثاني
والمجد هذا قديم، وعاده مطوّل
ما عاث فيه الفرنسي والبريطاني
#كلنا_مع_السعودية
#السعودية_العظمى
بيني وبين المطر...
تأملي في المساء الهادي الممطر
بالله ما ذكّرك حاجة نسيناها؟
أيام كان الطموح أحلى وكان أخطر
لو ما جهلنا المخاوف، ما هزمناها
يخطر على بالي اللي كان ما يخطر
هالليل يشبه كثير أشيا خسرناها
يسولف الغيم عنّك، كل ما تمطر
يحكي لي انّك سماه اللي تمنّاها...
الفاتن اللي بالهوى راحت وجات
في كل يوم يمرني تصبح أغلى
تمكنّت من قلبي بظرف لحظات
في خد متورّد، وفي عين نجلا
تمر بين الناس خجلى،وبسكات
تسرق قلوب الناس وتروح خجلى
فإن شبههوها بالقمر قلت: هيهات
يمكن يشابهها، ولكن هي أعلى...
تباشري بي يا غيوض المزايين
حتى لو ظروفك تعاند ظروفي
كم قلت لك يا فاتنة لا تحاتين
لو زلزلت ما هي تزلزل وقوفي
ان قاله الله لا افرق الجمع صفّين
لعيون بنت مفرّقين الصفوفي
تأملي فالصباح الهادي الممطر
بالله ما ذكّرك حاجة نسيناها؟
أيام كان الطموح أحلى وكان أخطر
لو ما جهلنا المخاوف ما هزمناها
يخطر على بالي اللي كان ما يخطر
هالصبح يشبه كثير أشياء خسرناها
يسولف الغيم عنّك كل ما تمطر
يحكي لي أنك سماه اللي تمنّاها
مرّي على قلبي مرور الرياحين
يا احلى مساييري ويا اغلى ضيوفي
معاك ما احلى ضحكة العين للعين
وسوالف كفوفك وهي في كفوفي
يا كثر حبك، وان بغيتي تشوفين
طلّي ورى حدب المحاني وشوفي
صباح الخير،
وأنا اللي أمس
مضى فيني تقول سنين
أمّا الحين
أشوف الشمس بعيونك تجي شمسين
ولا أدري أي شمس، الشمس!
هي اللي تزعج عيونك؟
أو إنها عيونك الحلوين؟!
🇸🇦🇸🇦🇸🇦🇸🇦🇸🇦🇸🇦🇸🇦
أرض النبي، من عدوّ الله محميّه
تعيش في عزّها، ويعيش في ذلّه
وان قيل ما قيل، قل هذي السعودية
من عاش في ظلّها، ما خاف غير الله...
🇸🇦🇸🇦🇸🇦🇸🇦🇸🇦🇸🇦🇸🇦
الغافل اللي من كلامك تنبّه
ما يردعه عن حلمه الغض رادع
ما هو مثل من كل طاري يهبّه
لو هو على طاريك عَضّ الاصابع
انت اعلم بقلبك وكُرهه وحُبّه
زود الحكي ما زاد غير المواجع
ان جيت ما تستاهل الا المحبّة
وان رحت ما تستاهل الا الموادع
تأملي فالصباح الهادي الممطر
بالله ما ذكّرك حاجة نسيناها؟
أيام كان الطموح أحلى وكان أخطر
لو ما جهلنا المخاوف ما هزمناها
يخطر على بالي اللي كان ما يخطر
هالصبح يشبه كثير أشياء خسرناها
يسولف الغيم عنّك كل ما تمطر
يحكي لي أنك سماه اللي تمنّاها
إن جيت ما تفرق، وإذا رحت عادي
هذا طريقك يوم هذا طريقي
مشكلتي إنّي ما أحب الرمادي
ومشكلتك تشوف المزيّف حقيقي
أنا صديق اللي يحب ويعادي
أمّا صديق الكل، ماهو صديقي