إهداء لصاحب السمو أمير قطر الشيخ تميم بن حمد آل ثاني
بمناسبة مرور عشر سنوات على توليه مقاليد الحكم
@TamimBinHamad
تشرفت بإلقاءها بحضور سعادة وزير الثقافة في قطر الشيخ عبدالرحمن بن حمد آل ثاني
@ahjh_althani
🔹جديد 🔹
فهد كساب كلمة والنعم حتى من العدوان
مع ان الناس قاصيهم ودانيهم يحبونه
كثر مايقضي العازات كن ديوانه الديوان
وكثر ماترتجيه الناس مايفصل تليفونه
شيله مهداه إلى
فهد بن ناصر بن زهبه العرجاني
@f_alarjani
كلمات رفعان العرجاني
@Refaan_alarjani
اداء خالد ال بريك
واقلبي اللي فيه مثل الدبابيس
وواجفني اللي لا اجتمع ماه راقه
اشتقت لـ ( الغالي بكل المقاييس )
والشوق فالعشر الاواخر حماقة
كنت احسب ان بعض الطواري من ابليس
والظاهر ان ابليس ماله علاقة
تشرفت بمنافسة ألاف الاعزاء من الشعراء والشاعرات والوصول لمرحلة ال٣٠ شاعر من #شاعر_الراية الافتتاح والحلقة الاولى يوم السبت .بيكون للشعر حضور مشرف بإذن الله ،نشوفكم على المسرح
ياهاجسي وانت الرفيق الموالي
مجرّبك في ذكرياتي دليلة
سافر بي لذيك السنين الخوالي
أنت احسن من اللي جديد موديله
أبغى ارجع المستهتر اللامبالي
ما غير ثقل النوم عندي ثقيلة
قبل أقطع من الخير كله حبالي
وأطرد هوى بنت الحصان الأصيلة
أقول فيد الله هداي وظلالي
واجود يدي في عنان
حمران العيون اللي رفضوا رفض قاطع اني اذكر اسماءهم ودعمهم
الغالين اللي يغردون ويشيدون
كل من اتصل كل من ارسل كل من دعى بدعوة طيبة ..
بيض الله وجيهكم وشاكر وممنون وابشركم ان القادم اجمل بإذن الله
رغم طول غيابك ،، وعذرك الواهي
راضي ولازلت [ احبك ] ومعذورة
محتفظ في ذكرياتك ( مثل ماهي )
وشاايفً لك في قصيد الغزل صورة
وذايقك في " تالي بيالة الشاهي "
وسامعك في " كوبليهات ابو نورة "
تخيري في هجري وفي وصالي
كل اختيارات الجميلة جميلة
ماء عيني ارخصته وماء الوجه غالي
الكلمة اللي ترخصه مستحيلة
اللي سهرهم يطلبون المعالي
نافستهم رغم اختلاف الحصيلة
وصار الشتاء والصيف نفس الليالي
حتى ليالي الصيف صارت طويلة
خذ الذكريات الحلوة اللي ماغير ايام
وتوكل على الله لاتكابر ولا اكابر
لا كلمة عتاب ولا تعجب ! ولا استفهام
عيونك لغيري وانت خابر وانا خابر
انا المفرد من الجمع والصعب من الاحلام
ارضى بأي شيء إلا انك تشوفني عابر
لو اجاملك وارضيك واصدق الاوهام
ترديت في الموروث من كابر لكابر
أسعد الله صباحكم بكل خير
رحلة أدبية جميلة استفدنا واستمتعنا فيها
الف مبروك لمزيد ولصالح ولضيف الله ولعثمان ولخالد
الف شكر لكل من ساهم في نجاح البرنامج
قرأت واقرأ كل كلمة كتبتوها عني لكم جزيل الشكر وبيض الله وجيهكم يالغالين . كل كلمة لها قيمتها واعرف ان دافعها محبة ❤️
قلبي اللي على غصنه حمامة سلام
تثبت انه نظيف وتثبت انه خضر
انثنى بعد ماهب الهوى واستقام
وانثنى ثانيةوالثانيةماتضر
ياخذ من الحياة الصعبة الفكرخام
ويتنقى ويفرز فرز راعي نظر
انا بغى ينتظر ماهمه اهل الملام
وان تملل وعاف يروح ماينتظر
فيه نسبةعدائيةونسبةسلام
واحسن من العدائيةسلام النظر
انسحب ليل التعاسة فـ الاخير
ياصباح الخير يالقلب الشهم
نبضك البارح مابشرني بخير
كيف حال جروحك اللي ماتهم؟
تحسب انك بالغلا الفارق جدير
وكل ثاني يوم يخترقك سهم !
قلت لك فعلك بنفسك مايصير
لو نصحت جدار يمكن قد فهم
في طريقك للحقيقةتستشير
والحقيقة نفسهاصارت وهم
حارب اللي بعدهم كلي
سقى الله ديرتك يامن فرقك الله بـ جدّ وقدّ
أحس ان للسحاب أرواح يوم يهل هتّانه
يمر وشاف مفرق راسك وحط لمروره حدّ
رمى نفسه عليك ( بحجّة ان الارض عطشانة ) !!
بغيت اناقشه في طيحته لكن عرفت الردّ
اخاف يقول : طيحة دمعتك من هي علشانه ؟!
والله لو ان طبعه مثل طرفه خجول
ان اتلقّى الجرح وان اقول طاب
ملامحه نوعاً من انواع الكحول
ومعاتبه نوعاً من انواع العذاب
مشكلتي انه صابني باللي يقول
ولّا صواب العين هو عين الصواب
اللي مايصخي بالمحبة ليا حب
قولوا له ان الوقت مهوب وقته
انا حبيبي شفت فيه لحمة ضب
وسابقته لدرب الفراق وسبقته
حبوه غيري عالماً مالهم طب
لين سرقوا قلبه مثل ماسرقته
حصلتهم كنهم دجاجاً على حب
وفهقتهم والحب كله فهقته
ولو عاد لي معتذراً قلت له چب
من يطبخ الهجران يشرب مرقته
طبيعي ان كل آدمي عنده احساس
يميّز الواقع بزينه وشينه
لكن يطيح ان حاول ينبه الناس
لقوة ملاحظته وشوف عينه
ويصير نادر لا تغافل على اساس
ان التغاضي للنفوس الرزينة
احداً يشوف من الخطا خمسة اسداس
ولو ينشدون من الخطا .. قال وينه؟
واحداً على درب الاجاويد عساس
وعلاقة لسانه
اخلت يدي واعطت رسنها الهبايب
واتلا العهد لعب الهبوب برسنها
غزيزة اللي فاشتداد النوايب
كلمة (كفيت العوق) يدفع ثمنها
لو اتعكز وامشط الراس شايب
يحرم على تفكيري يصد عنها
ماعاد خلت للعجايب عجايب
كن الشفق باللون الاحمر دهنها
لجامها معذور لو طاح ذايب
ويحسد عليها سرجها لا حضنها
ان
اللهم لك الحمد والشكر ،
التأهل توفيق من الله اولاً ثم ثقة غالية من أساتذتي أعضاء لجنة التحكيم ، كل زملائي شعراء حلقة اليوم ابدعوا وكانوا نجوم شعر من الدرجة الاولى
الف شكر لكل من حضر في المسرح وكل من بارك .. جزيل الشكر والعرفان لكم جميعاً
والقادم اجمل في #شاعر_الراية
بين الناس لكن بينهم واشكي من البين
اسولف لنفسي كنّ ما فـ البلد دوعي
ماغير افتح ازراري واشوف الهوى من وين
ولاشفت الهوى من وين نطّحته ضلوعي
علشان تطفي جمرةً قد لها يومين
لو الماء يطفّيها ماشحيت بدموعي
كثر ماخفق قلبي من الشك والتخمين
لو ان فوقه جبال الهدا ماهدا روعي
دخلت جو الشعر ماهوب ودّي
وغنيت لك ماهوب ودّي كذلك
قريحتي مع خاطري في تحدّي
هذا يبيك وذي تدور بدالك
عموماً ان مرّتك الابيات صدّي
درب الجفا ماهوب درب المهالك
وان انتهيت وصار الاقزام قدّي
طلي علي لاشفتي الليل حالك
احفظ جميلك حفظ موروث جدّي
واكسب جماهير الشعر من خلالك
ياغضّ اغضّ الطرف عنك ولاغضّ
ياراس مال القلب قدّر ميوله
ذكراك .. مدري حظّ ولا ردى حظّ
حفظتها حفظ العهَد والرجولة
ياليت عودك يشرح لقلبك الفضّ
من كان فضّ انفضوا الناس حوله
اللي بغيتي توهنينه ولا وهن
مازالت أمآله على كتف ياسه
يَنفش عزومه مثل يْنفش العهن
والحزن في وجهه مايبغى فراسة
يابنت من تنضح صيانيه بالدهن
يرفّ لك جفناً سرقتي نعاسه
ان مرّتك ذكراي لحظة صفاء ذهن
مشروع وصلي مايبي له دراسة
تستاهلين الشوق والحنية
ان تبتي من الهجر وان ماتبتي
اشوف سلبياتك ايجابية
وفضلك علي حتى بعد ماغبتي
وصلك [صنع ]موهبتي الشعرية
وغيابك قوى ما [ صقل ] موهبتي
باقي لك من الحسن حسن النية
وباقي من الاحسان عتق رقبتي
انا رهين اشواقي اليومية
اللي معي من سبتي الى سبتي