طرّف الليل واللي طرّف دموع عيني
موقفٍ كل دمعة فيه جملة مفيده
فيني احزان مدري وش وراها وفيني
غصهٍ ودي اكبتها وتطلع قصيده
يبدو ان الليال الهاديه ما تبيني
مقفيه مثلها مثل الليال السعيده
ضايع تقول شايل روحي براحتيني
منصدم من خدينة روح راحت فقيده
كذّبتني خلاص وصدقّت عاذليني
وانا
رفيق السعه والضحك وسوس له الخنّاس
تولّاه من ساسه !.. لـ راسه ، لـ عرقوبه
احسب انه بـ ياقف ، قبل ياقفون الناس
ولكن مع أول منعطف ، بان عذروبه
إذا كان كارهني كرهني .. على أي آساس
واذا انّه حسود ؟ الله يغفر له ذنوبه
أنا ودّي انه صار شاعر .. وطيّب راس
بس الظاهر الثنتين ماهيب مكتوبه
يا من كرهت الحب من كره فرقاك
اربّ عينك .. ما بكت ، مثل عيني!؟
انتبهي لـ عمرك جعل عمري فداك
وسجّي عن اللي كان بينك وبيني
وان جيتك .. آدورك ، وادور رضاك
قولي لي انّك ( سامحه ) ما تبيني
الله يجيب .. اللي تخليني انساك
ولا يجيب .. اللي ( يذكّرك ) فيني
لي ثلاث ايام سارح وبالي في شتات
ظني ان جنية الشعر دقت زيرها
فاقدٍ لذة هوا النفس من ظغط الحيات
وفاقدٍ طعم الصلاوات من تأخيرها
ودّي اركيها على الباقيات الصالحات
واترك الساحة واسلم شداد اميرها
والقريحة مشكلتها مثل بعض البنات
ما تصايد خاطري لين اصايد غيرها
كل ما سجيت عنها كتبت
اليوم هذا بدايه لـ الفراق الطويل
ونهاية ابياتي اللي فيك غنيتها
بعد سواياك هذي مالي الا الرحيل
والله لو انها تمشّى كان مشيتها
قلبي هو اللي بكى والدمع عيا يسيل
لو في عيوني دموع تهل هليتها
جيتي وكملتي جروحك بجرحٍ ثقيل
وانا الجروح القديمه ما تخطيتها
طحتي من
"الواقع مرير"
لا تلوميني ليا ارسلت ادور لي مجال
ولا تقولين الخطا بين الخافي كثير
انا ما اعرف عنك غير إنك السحر الحلال
اللي لو اجيه داواني بقدرة قدير
ولا رجيت إلا بممكن وقلتي لي محال
وصار قربك عسر وانا اعشق الشي العسير!
وان بغيتي تقطعين اخر حبال الوصال
ترا كنك تاخذين العصاء
جيتك .. وأنا ودي من الفرحة آطير
وأعانق نجومك !.. وأعانق سحابك
متخوف وعايش على الحلم الآخير
بـ أموت لو ما قلت لي ! مرحبابك
ورحّبت بي .. جعل فداك الغنادير
اللي ما تسوي في عيوني ! سرابك
وتنشد عن أحوالي عسى أحوالي بخير
كل الامور بـخير !.. لولا غياااابك
ادري ان الزمان يشتت اللي نلمه
وادري ان الفرح ماهوب راعي طويله
وادري ان قلبي اللي يدري انك مهمه
يدري ان المهمه غالبا مستحيله
لك علي شعرٍ اللي يفهمه ما يذمه
ما تخلا عن طيوفك ودور خليله
جعله يعوضك بمجد تلدين يمه
ورايةٍ يستحق يشيلها ما تشيله :)
رفيقي .. اللي كنت أظنك ما تغيرك الظنون
أنا اعتبرك الصدمه . . اللي قدّر الله صدها
خنجر وحدّيتك وورّيتك مضاريب الطعون
ويوم التفت لها بـ اجربها .. جرحني حدها
كان اكبر من المستحيل انك تطيح من العيون
وانك لو انك طحت .. منها ، سال سيٍل سدها
وساعة مطيحك يوم هنت العشره اللي ماتهون
لي ثلاث ايام سارح وبالي في شتات
ظني ان جنية الشعر … دقت زيرها
فاقدٍ لذة هوا النفس من ضغط الحياة
وفاقدٍ طعم الصلاوات .! من تأخيرها
ودّي اركيها على الباقيات الصالحات
واترك الساحة ، وأسلم شداد اميرها
والقريحة مشكلتها مثل بعض البنات
ما تصايد خاطري ! لين اصايد غيرها
رغم الانتقادات المجحفه لهذه القصيدة،،،
اشوف انّها افضل ماقدمت في شاعر الراية ❤️
يا كل الجمال اللي تمرّد على الاوصاف
لا يلحقك شك بـ فوز شاعرك بـ شعوره
هذا الموقف اللي ما يراهن به الخواف
يراهن به .. اللي يعتبر نفسه اسطورة
وانا ماني بـ حاجة سفينة ولا مجداف
انا مااقطع بحور القصيد
يا جميلة طاالبك لا تخلفين وعووودك
خلي ديسمبر هذا،،!! يبدا بليلة قمرا
سوّد الله وجه رجالٍ يخوون عهووودك
يااجمل الخفرات بالإجمال بيضا،سمرا
لا يردك عنّي اسم ابوك واسم جدودك
احضنيني شوق،،وإسقيني غرامك خمرا
كني اشوف الخطوط الحمر بين خدودك
وانا دايم لعبتي عااااد الخطوط الحمرا
يا صبري تمسك .. بـ العزيمة وبـ الالحاح
يبا الله يجيب اللي مجيه ، ماهوب شوي
احس الفرج قرب واحس ان عزمي طاح
واقول انتهض بتطيح اجل ما بقا الا هي
الابواب . . ( واجد ) ولا عندي ولا مفتاح
يا ربي بـ حظٍ شلعته . . فوق ، مثل دبي
ابا احارب ( ظروف الليالي ) بدون سلاح
واقول البلا . . فيها
ما يكدر خاطري غير من يضمن غلاه
غاليٍ .. ودّي له الخير ، لو ماني بخير
كل يوم آحاول املى عيوني من حلاه
لا فهق وجهه حريره ، وجا كله حرير
لو يصد شوي ويغيب و يطوّل جفاه
آنا وياه " اتفقنا " على نفس المصير
هاذي اوجاع المحبه وذا طبع الحياة
اللي جروحه كبيره .. يجي قدره كبير
ليتنا نبقا على الهجر ونعاف الوصال
اللي كنّا نحسب إنّه مغير ايام عيد
ونحفظ قدر المحبه على اقل احتمال
وانتخارج من جهاد العنيد مع العنيد
يا حبيبي كان ودك تواصلني تعال
واعتبر فيني كورونا وسلّم من بعيد
انا ماعاد اتحمّل عتاب ولا جدال
حتى لو انك تكلم معي ما تستفيد
خيبة الامال ماعاد
ياكل العوض فاليوم والجاي واللي فات
ياصدفه حقيقية وهي مثل الاسطوره
طراة العلاقة لا تمادت ، على الشرهات
وجاك الولد منعور .. والبنت غندوره
وصالك . . يرجّع نبض قلبي وهو موّات
بس الزين يلعب في غروري يامغروره
ماآعرْف آتحكم في شعوري مع الحلوات
أنا نفسي " آمّارة " على البنت الاموره
طلّ نجمٍ سطع فالليلة المدلهمه
جابه الله لعشاق القوافي دليله
شاعرٍ كثر ما تفخر به عيال عمه
تفتخر به على الاجيال شعار جيله
رغم كل اختلافات الامم والائمه
عند شعره يصيرون القبايل قبيله
يا جميله من اللي حط للشعر قمه
بعد قمة حياة الاكلبي يا جميله
غير من حارب استعمارك وضاع دمه
من
ماصدقت فيك وشفت ماقيل كله فيك
يا مدمن تسلّق .. لا تسلّق ، على اكتافي
تراني مااداني شغل عطني وانا بعطيك
أنا لا نفعتك !.. نفعتي " نفعة " سنافي
موفقني الله من قبل لا اسمع بـ طاريك
وبيني وبينك .. فرق مطنوخ ، عن هافي
لو اجلس واتكّي وانت تركض على رجليك
علي الملازيم !.. انك ، لـ
يا جرح قلب الشاعر اللي لهالحين
ماخانه التعبير والوقت خانه
يدوّر الراحه مع المستريحين
ولا يبيّن شي لاقرب خوانه
ماهمه الا دمعةٍ ف اخر العين
لا تنطلق مع انطلاقة لسانه
ماهوب باكي حب ومعانق وزين
يدوّر الميت ويبكي وزانه
ترا مافيه الا الزمان ابو وجهين
اللي يبكّينا وتضحك ثمانه
اما
الشعر ربي عطاه العالم الموهوبه
اللي ما تقدر تحب وتنجرح سكّيتي
جل شان اللي نزل وحيه بـ شهر التوبه
ما ربطني بـ رمضان . .ولا ربط عفريتي
كل ما اغني( يجيني )مسّ مدري نوبه
لين ما اسوي قصيده وارجع لـ عافيتي
يتخيّلي كلام.. .تقول في" غيبوووبه "
لا كتبت البيت اقول شلون؟ يخررب بيتي :)
القلب !.. سارح في ملذات دنياه
والعقل " ذاكرته " تخلٍد ذنوبه
والنفس نفس القلب نفس المعاناه
كل الثلاثه !.. عاقبوني ، عقوبه
أنا الغريب اللي , يميز مزاياه
وعيوبه انه يعترف في عيوبه
ليا ضحك لـ ابليس عود وبكاه
وليا بكى لله ضحك مع جنوبه
لو يسكت الشاعر ! شعوره ما سكت
عن ليلة البارح !.. وعن "موضوعها"
في حضرة اللي لا بكت ولا إضحكت
تصنع لي !.. اجواء نادرة من نوعها
جت من غياب ومن فراقي مااشتكت
وأنا أدري إن الشوق !.. بين ضلوعها
عاتبتها !!.. وابتسمت شوي ، وبكت
يا "حلوها" .. يا حلو حتى دموووعها
ماراح الابداع لكن راحوا اهل الجموس
اللي يخاويهم،، الخوّاف ولا يهاب
طلع مْن المسلمين الاعبر مْن المجوس
إنقلبو..! الله يامّنا من (الإنقلاب)
ماعاد يغريني إلا صاحٍب ما يهوس
مشوربٍ قدحته قدحة عيال الحباب
عن مدعين المثالية عبيد الفلوس
يكفيني الاصوك اللي كان فاسق وتاب
ياا قو كرهي لـ من يجحد كرام السبال
الضايع اللي ما يِردي حظه الا النصب
ضعيّفٍ !.. لا سمع طاري ، معنّز خوال
يصير وجهه ، مثل وجه الحوار القصب
يامعذرب محمد بن الذيب مالك مجال
وش تقدر تقول في غيثٍ من الله يصب
اصلا !.. لو تذمّه بـ تنقد عليك ، الرجال
قل والله ونعم .. لن النعم هذي غصب
فاتنة نجد لا هب الهوى من شمال
لا تخلين !.. خلّك ، في عنا وشفقه
إتركي لي مجال ! آقابل أحلى قبال
وآتأمل بـ حسنك زين !.. واتعمقه
واحتضنك بـ غلا و آمر عنق الغزال
واطلع لـ منطقة وأحوّل لـ منطقة
ياخي الله لا يحرمني ! من الجمال
وجه ناعم .. وعود انعم وشي ٍثقة
ماتت طموحاتي الاولى ومات الكلام
واللي تركني على قيد الحياة الضمير
كل المواعيد مرّتني مرور الكرام
تبيني اصير بلحالي كذا؟ مايصير
الله يجيبك مثل جيّتك لي فالمنام
يومنّي أمسيت في حضنك وعينت خير
والله يحلّلك لي بعد الوصال الحرام
اللي ما ياصل مواصيل الحرام الكبير
كيف الايام .. تنصنفي من الراحلين
اللي أخذوا شبابي من يدي و رحلوا
صاير أشتاق للماضي ، لو انه حزين
وصاير اخاف حتى مْن الكلام الحلو
وصاير أشفق على التالين و الاولين
وصاير اقدّر الدمع الغزير !.. بـ غلو
مامعي عقل يوم ابكي على الغايبين
ليتني !.. يوم ، نزلّت الدموع ، نزلوا
يا معذبّه قلبٍ حلف ما يخونك
تكّي عليه بـ خصرك اللي متكّي
عزالله اني ، كنت عايش بدونك
ثم قل اماني معك وازداد شكّي
دايم .. وانا تبكي عيوني عيونك
بعدك معاناتي ، و قربك محكّي
ماهوب بس اللي تبكّي طعونك
حتى جمالك .. والله انه ، يبكّي
يا حبٍ توقعت .. الليالي ، تنسينيه
على بالي إنّك منت طاري على بالي
لهالحين أجي دربٍ معك قبل كنت اجيه
على جرّتك .. جريت قلبي ، وموالي
أحب الطريق اللي وصالك يمشينيه
أمرّ متضايق !.. وآتعدى ، وانا سالي
وأحب المكان اللي جمع غالي بغاليه
لو آموت ما جيته بـ احد غير بـ عيالي
أنا لقيت ( الغرام ) ! اللي تولعت فيه
"غيداً" تمنيت ..! بـ إنّي، ما تمنيتها
باسلوبها مشّت الدنيا على اللي تبيه
ومشّت عليّ! اللي ماتمشي ومشيتها
خلتني أضيع ليه أضيع ؟ أعلمك ليه
كل الطرق !.. صارت توديني لـ بيتها
حبيتها حب !!.. لين اليوم نادم عليه
ولو يرجع الوقت فيني !! كان حبيتها
قمّة الشعر مشروكه ومبروكه
اعتلوها القبايل واعتليناها
وانا ماجيتها بدروب مسلوكه
من تبع جرّتي عود وخلاها
لو نبا الهيّنه ما جالنا شوكه
ولو نخاف الشدايد ما وليناها
حاجةٍ ما تجي بخشوم مفروكه
لو تجينا بحب خشوم عفناها
اقتنعت ! إن الغلو فـ العشق بلوه
وفي متاهاته سمحت من التواجد
مستحيل !.. أعيد تجربتي يا فلوه
انا "بالقوة نسيت" بصوت ماجد
ليتني عن كل بنت ! أشوف سلوه
مثل سلوة .. ( خاشعٍ لله ) ساجد
لا تقولين: الحياة بـ حب .. حلوه
الحياة بدون حب .. أحلى بواجد
طلّي الليلة . .مثل طلتك ،ذاك الزمان
يوم كان الوصل متبوع . .والعاشق تبع
يوم كنا ..( يد في يد) طيش وعنفوان
ما علينا خوف من سلم !.ولاّ من طبع
جددي ذكرى المحبين في نفس المكان
وغيري وقت اللقا من ثمان . .الى سبع
وش يصبرني على الشوق! للساعة ثمان
انا اخاف أموت .. لا جت ثمان ، الاّ ربع
شوفوا لنا أخبار تركي يا هل الديرة
والله ما اخليه لو إن في يدي سلطة
ما عاد تستحمل غيابه !.. جماهيره
والمرجلة كلها ..!! والشعر والقلطة
الجاهل يصدّق مْن الغبن ، والغيرة
والعاقل يقول : هاذي والله الجلطة
ماهو بـ غلطان .. لكن ، دوروا غيره
تركي عطاالله كبير أكبر من الغلطة
أولاً :
أشكر كل من دعم وساند وتعنّا وحضر وبيّض الله وجيهكم جميع مكسبي الأول والأخير في هذا البرنامج كان دعمكم وحضوركم وأتمنى أني قدمت لكم اللي يجمّل ويرضي محبيني وجمهور الشِّعر ❤️
أنا عن اللي جاي ماعندي علوم
ومستقبلي ماا أعرفه الا بـ ذكره
واثق تمامًا بان كل شي مقسوم
مثل مااثق في حمد ربي وشكره
وفـ مطاول الآمال مانيب ملزوم
بـ اعيش يومي بس وأحب وأكره
لـ أحدٍ يهرّجنا فـ بكره من اليوم
حنا عيال اليوم .. يا عيال ، بكره
يا رفيقي لا ترجّا فلان .. ولا فلان
اللي ما تغنيه يمناه محدٍ ينفعه
اتكل بالله واستانس وخلك حصان
و اذا خرّبها الزمن معك خربها معه
ما علينا قاصر هموم لكن ما تبان
لا تضيّق خاطر أخوك و الدنيا سعه
والله من قل الدراهم ومن وسع البطان
الزمان [ يدقنا دق ] و إندق أربعه
اللي جاني من معاناه !.. يكفيني
انا حر اليوم !.. وانتي بعد ، حره
كنت اشوف انك ملاذ وصدمتيني
كل طعنه منْك .. جتني على غره
مستحيل أنساك لـ انّك جرحتيني
ماهي بـ مرّة !.. ولا هي مية مرّة
ومستحيل يسج بالك .. وتنسيني
لـ انّي أطيب من عرفتيه بـ المرّة
جديد
إلى فهد قطنان بعد التحية
@Fahad_Qatnan
يافهد قطنان لو تعتذر منت معذور
تقطع أرزاق الرجاجيل في شهر الصيام
اعرف ان الله تعالى مثل ماهو غفور
اشهد ان الله تعالى شديد الانتقام
يا ( ناصر ) .. الدنيا تبي "كسر روتين"
لا تذخر // لـ مخباك !.. غير الفعايل
لا صرت شمسٍ شارقه !. لـ المساكين
يفكك الله // من.. ( نجوم القوايل )
شف حالتي يوم انتصف عمري الحين
الوقت "مايل" لكن !..الراس // طايل
طانخ ..!! ولا حنيت ظهري مْن الدَين
احن والله "بطني" ..! (مْن الجمايل)
ابن سمار وابن ملحم عز الله ولّع الشوط وإبتدت تحلى المنافسة
لكن الحكم يرجع لمنصة #راعي_النظر وصوت الجمهور بيحدد من هي #جوهرة_الصحراء 💎 🐪
وتراك اذا سجلت في المنصة لك عشر نقاط تتجدد كل يوم سجل وصوت وعط الفردية حقها
يا درة .. "الشاعر المتغطرس المارد"
اللي ! ( يوقف لك الدنيا ) على زنده
أنا وأحاسيسي !.. وقصيدي ، الشارد
عباقرة "ثغرك" ||| وحرّاسه ، وجنده
ويلي على ما آتعدّى حدودنا !.. وآرد
ميراد ما يارده .!! حتى "ملك كندة"
في ليلةٍ .. كل ما هب الهوى ، البارد
زبنت حضنك وقلت البرد وش عنده!!
يبن عمي صرت ماني على خبرك صبور
لا تعاتبني !. وتقعد تدقق ، في خطاي
أنا لو ما برت في مثلك !.. الدنيا تبور
كانك بـ تقبل فطيبي بـ تقبل في رداي
آتجمل وآتردى ..! ( ويلحقني قصور )
مرةٍ تلقاني .. ومرةٍ // "تلقى قفاي"
من هو اللي يقدر يطيب في كل الامور؟
والله ان كل اللي تشوفهم منّي وجاي
ياا قو كرهي لـ من يجحد كرام السبال
الضايع اللي ما يِردي حظه الا النصب
ضعيّفٍ !.. لا سمع طاري ، معنّز خوال
يصير وجهه ، مثل وجه الحوار القصب
يامعذرب محمد بن الذيب مالك مجال
وش تقدر تقول في غيثٍ من الله يصب
اصلا !.. لو تذمّه بـ تنقد عليك ، الرجال
قل والله ونعم .. لن النعم هذي غصب
وين غبتي يا هوا البال دلّيني عليك
ما تخليني ..! والأجوااء زانت توّها
هذا جو "معانق" الله يرحم والديك
اما عاد فراق ودمووع ماهب جوّها
😁
#امطار_الرياض_الان