الجديد ( فالوادي اللي له تواريخ سباقه )
حمو حيده اللي ما وقف دونهم رجال
وعليه الكبود من العرب غل وشفاقه
يوم ان العرب في نجد مابين غار ونال
طلعنا عليهم طلعة الذيب للناقه
اخذنا وساعٍ مثل ما يوخذ الفنجال
وركزنا بيارق للنواميس عشاقه..
#عمر_بن_شملان
الله يوفق ابن العم بدر بن عبدالله الضبعاني في حفله القائم بالصياهد يوم الثلاثاء القادم وعرض #البوادر يوم الأربعاء
فالك الاول يابو عبدالله 🥇
تريحوا بالحيل يا اهل الثمانين
جاكم مخلي من طمع في قناعه
واللي يشارك مركزه ( مركز اثنين )
قدامنا ما تملكون المناعه .
#عمر_بن_شملان
قام التنافس بين روس القبايل
والناس تترقب من الشرق والغرب
مع كامل التقدير يا اهل الفعايل
شوفوا لنا حاجه مافازت بها حرب !
#عمر_بن_شملان
شاعرنا سلطان بن بتلاء قبل ثلاث سنوات
@sbinbtlaa
#شاعر_الراية #شاعر_الرايه
ميعادنا فـ أرض الصياهد ملبين .
العام شارك فالصياهد وبارك
واليوم صفّى من حلاله وحول
واللي يشوف النسق هذا وشارك
( خله يدور مركزٍ غير الاول )
#عمر_بن_شملان
#البوادر #الضبعاني #بدر_الضبعاني #حرب #قبيلة_حرب
ابارك لبدر بن عبدالله الضبعاني حصول #البوادر على المركز الرابع في بيرق المؤسس ومن نجاح الى نجاح بإذن الله .
الله يحيي روسكم يالضباعين
ياللي اعتليتوا فالصروح المبناه
منومسين بفعلكم ومتجلين
ومكررين المجد والعز والجاه
#عمر_بن_شملان
شاعرنا المبدع والمتجدد #معتق_العياضي
هذا هو اللي ما اعتذر دون ميقاف
يْزعّل الشّعّار ويروح راضي
يوم الملاعب فاقده صوت صياف
الله رزقهم يسمعون العياضي
#عمر_بن_شملان
@motakk77
@khaled_aloseimi
كل من يعرف الشعر يدري أن حرب لها باع ونصيب كبير بالشعر وكل من يثق بنفسة صرّح بذلك ونص شعار حرب ما خدمهم الأعلام وخادمهم أبداعهم وأخر مايهتمون له هو ^ الأعلام ^ واهمهم سعد قبلان الشعيلي وعبدالله فاضي المشيعلي
أتمنى النقاش ينتهي .
ابارك لفارس فواز الفريدي فوزه المستحق وأقول من اعلى الى اعلى 🥇
حنا هلا الاول ولو طاش من طاش
من يوم كانت تنتشر بالجرايد
نقلط لها في سرعة اطلاق رشاش
ونعود ونردد عوايد عوايد
واللي ينافس حرب ما راح يعتاش
يدخل ويطلع ما لقى له فوايد
#عمر_بن_شملان #خراش #الفريدي #حرب
في كل ماقف ما وقفنا نتفرج
لنا من فعول الرياجيل مقسوم
وهذا فعلًا ما طبقوه عيال الشيخ نايف بن هدي العياضي.
وشلون ما اجلد موتري للمدرج
ومن حرب ربعي حاضرٍ كل زيزوم
#عمر_بن_شملان
وشكرًا يا
@H_9219
ع التصميم
@alfredah_net
@dalal_alrouqi
المبدع عبدالرحمن بن جزاء يقول
لا قلت لك بروووح قل لا لا تروح
حاول تراضيني بكلمه ! كلمتين !!
ياللي جروووحك غيير عن كل الجروح
مدري تجيب جروحك الحلوه منين !!!
ياما قطعت الطريق الموحش لحال��
في حزةٍ تذبح الساعه عقاربها
ما يرخص العمر غير اللط فقد غالي
ولا زاد روس الدهاة الا تجاربها
يمناي يمناي لا عمي ولا خالي
يوم المصايب تفتل لي شواربهااا
هذي والله الابيات
من يعرف شاعرها؟
ما جاء السحاب اللي على صيهد رماح
الا يعدل ما تلفوه البوادر
دكوا اراضيها على عز وافراح
نوادرٍ تمشي وتتبع نوادر
#عمر_بن_شملان
#البوادر #حرب #الصياهد #بدر_الضبعاني
أعوذ باللي ينعش القفر بالديم
من غلطةٍ فيها رقبتي رهينه
موقف ثبات وكتم غيضٍ وتحيكم
عقلٍ يحسب حساب عقب الغبينه
واللي غلط غلطته طاح بشغاميم
ربعٍ ضروا للطيّبه والسمينه
واللي نصى ( داخل ) بيدخل عن الضيم
حتى لو أنه ذابحٍ سعْد عينه
الله يكتب أجر الشيخ #داخل_سليّم_البلادي
لا تحدونا على الضيق ياللي خابرين
كل من جانا عطانا نصيحه فالزمن
الحياه ظروف ودموع حنا عارفين
كم راسٍ مرتفع من سبايبها طمن
امنياتي ذود وضحٍ وجادل ما تشين
لا استدارت لي حياتي وقالت لي تمن!
والحظيظ اللي جمع زين فعل وقو دين
كل ما اومت به حياته تبي ترجع سمن (:
#عمر_بن_شملان
الجديد
وهرج السعه لو ماهو بهرج بالمجان
لقيت اكثر العالم من الهرج قد عانا
ولولا مواقيفٍ وقفنابها شجعان
تجروا ضعوفٍ ما يجارون شروانا
ضعيف العرب لا صار بالعلم علم وشان
يقفّي يردد طيب الصيت يكفانا
وضعيف المراجل يستره قوة الايمان
واذا صار فالثنتين ياكبر بلوانا
عمر بن شملان ..
لا تضيق خاطر الترف الحياوي
الكلام يزيد والدمعه وحدها
تكثر الهرج وتحدّه يالدناوي
والهنوف أرق من رقة جسدها
مامعاها غير منديلٍ غناوي
اغتنى يوم امسحت به في سهدها
نعمةٍ لو جاتني ماني مراوي
بعتنيها لين اوسدها لحدها
عمر بن شملان
من يشوفك ما قدر للصلاه وللصيام
كل ما كبّر تمركز له ابليس ووشى
درةٍ في نحرك النور والبدر التمام
كيف يصبر من وعدتيه لاذان العشى ؟
كل ما يصبح يحسب الدقايق للظلام
مشفقٍ لعيونك الحور وابطى ما غشى (؛
#عمر_بن_شملان
#ابيات
جعلني للكفو حاضر على احسن مايريد
لا بغى له حاجةً قفلت بيبانها
من بغانا فالملازيم ناقف له رصيد
حاجته قبل يتكلّم نقضّي شانها
نعرف عين الوخيمه من عيون العضيد
الليالي تكشف الصقر عن غربانها
ما انخلقنا للضعافه وهرجً مايفيد
انخلقنا ناضع الروس في تيجانها
#عمر_بن_شملان
ما للعذر مدخل على طيب الراس
حتى لو انه يقبله ما قبلته
ياعميّر اللي ما لشرواك بالناس
مافيه طايل ما رقيته وطلته
بالطيب نبراسٍ وبالشعر نبراس
محدٍ على متنه حمل ما حملته
اذخر لنا حاجة على شان ننقاس
فيك ونجي ماجيت واللي وصلته
الف الف مبروك يا عميّر والله اللي تستاهل
@iim3MR
داخلٍ في وجهك الناعم من ظروف الفراق
وانتي اللي عند هقواتي ليا مني هقيت !
اطلبي واللي تبينه والله لعينك يساق
ماني من عيال راشد كان ما سقته وجيت(:
#عمر_بن_شملان #ابيات #قصائد
ستور حال الجرح .. ما دامت العين
ما طاوعت بنت الهدب في جهلها
مهما يكون الحزن موغل على وين
" ما استر لـ بنت العين من بيت اهلها "
ادهشتني هالبيتين لشاعرها زبار الحربي
زبار من الشعّار المطالبين بالعودة الى الساحة
كم مضى من شعورٍ واقف لك بقيده
لا رجع لي بمردودٍ ولا كب ودّك
ذا كلام الفراق ونبرتك ذي جديده
وردك اليوم متغير مهو مثل ردّك !
لا تزال الليالي دون شفي عنيده
كنها حالفه ما أشوف برّاق خدك
حدتني ظروفي والدهر يا محمّد مال
علامه يصد ويخنق الصدر وانفاسي ؟
يلوّي لي ايامه وانا اقول عال العال
تعبت اتصنع يا محمد على ناسي !
دموعي بعيني مثل ما بالسما وبّال
وانا واحدً مرهف وبالحيل حسّاسي
على ايات غالي يجري الدمع لي منهال
واكرر تعوّاذي من الفين وسواسي
#عمر_بن_شملان
غلاك مثل المزن ما قد علينا استدام
ما قد سمعت بـ فيافي دايم بْها مزن
ليالي العيد ما مرت مرور الكرام
اتحدنا كل عام نعيش نفس الحزن
لا قابل الخلق بعضه واستدار السلام
قامت طواريه من فوقي تحوم وتزن
صحيح انا اوزن بيوت وقادر اكتب عصام
لكن عساني ليا شفت العيون أتزن
#عمر_بن_شملان
عيال راشد ملحقين المخلين
ياحيها من ديرةٍ هم عربها (:
من زود ما اهلها من الذنب خالين
حتى بعز الصيف تضرب سحبها..
#عمر_بن_شملان
#خصيبة #الاسياح #امطار #القصيم
لو غدابك عمرك وصرتي عجيّز
في عيوني بنت وصلك ينعناله
امتعنصر في غلاتك ومتحيّز
من تعنصر في غلاتك سعد فاله
اتركي تاريخ عالمنا المميّز
انتي ملاقاك تاريخٍ لحااااااااله
#عمر_بن_شملان
1444/4/4
للعز ياللي بالاوايل على الدوم
لا مثلت تمثيلها صار تشريف
عيال راشد فعلهم في ضحى اليوم
ماهيب لا سرقه ولا هيب تزييف
كسابة الاول وكسابة السوم
واهل السطى يوم السطى كان بالسيف
على العموم وصامل العلم ( عمعوم )
ياللي تدور بالاوايل مواقيف
عمر بن شملان
في مجلس ابناء محمد حسن رحمة الله في الشيخ سالم دغيمان
والطيب لو دونه خرايم وبيبان
كسرهن وقطع عشانه خرايم
متربعٍ فوقه مثل ضلع ورقان
ما قد تحرك من زمان وقدايم
ومجلس لو اني جاهلٍ به وغلطان
لا اقول بأنه منشئه للـ لزايم
وما اوسع من المجلس ليا جاه ضيفان
الا عيون اهله لا جاه ضايم
من سعى في نية الخير تسعى له
صوب كرسي المعالي تعدي به
ومن يبيت نية الشر تبقى له
في طريقه لين تقضب تلابيبه
جعلها له هو وشرواه محباله
وعن طريق الخير تقضب عراقيبه
الردي محدٍ يحسده على اعماله
والكفو كل ٍ يحسده على طيبه
شف سهولة وأمتناع البيت الثاني
آن للشعر ان يبكي ابن زويبن
بالجايزه الكبرى وبالموقف الحار
ماودي اعلن رغبتي وانتخابي
كلٍ يقول اخترت واقول محتار
والمركز الاول ليا الحين غابي
قدمي مدارس شعر وعيال شعار
مافيهم مغني ما حيٍ درابي
ان فاز صالح كفو وانصفن الاقدار
لكن ودي يا شبابه شبابي
مهو عشان اني شبابي بختار
لكن عشان ابن حميد الذيابي
@Poet_m7
دربك معنى ومن بغاك يتعنى
والله خلقني للعنى والشرابيك
كيف اتباطى بالوصل و اتونى؟
وانا حلفت منين ما رحت بجيك
من يوم شفتك شفت اللي اتمنى
كل امنياتي حطها خالقي فيك
وش البنات اهل القوام المثنى؟
في ذمتي مافيه بنتٍ تحاليك
دامك معي وشلون ماني مهنى
يا نعمة الدنيا ويا نور مغليك
الناس تحفظ بيت إدريس جماع
ﻭﺍﻟﺴﻴﻒ ﻓﻲ ﺍﻟﻐﻤﺪِ ﻻ ﺗُﺨﺷى ﻣﻀﺎﺭﺑُﻪ
ﻭﺳﻴﻒُ ﻋﻴﻨﻴﻚِ ﻓﻲ ﺍلحالتين ﺑﺘّﺎﺭ
لكن ما تحفظ البيت العظيم لمحمد الرويبخ يوم يقول
مضراب عينك تقول الجثري الشقراء
مفروض ما تمشي بها الا مصرّحها !
ع العموم هي توافيق وصبحتو بالخير
فهد قطنان يقول
ياغياث اغثني والله اني وصلت لحال
مايفهمني الا واحدٍ جاه ماجاني
@Fahad_Qatnan
لا تشكي همومك ولو ضامك الشيل
الا على رجلٍ يحس بوجعها
عبدالله بن عون
_
لااااا تحاول تصلح القلب من جرّة ( هواها )
لييييين تصلح دمعً ازرق من عيون اليتيم !!
علقتني بنت الاجواد في صادق غلاها
مثل تعليق الذبايح بشنكار ( الكريم ) ..
#عمر_بن_شملان
#شعر
#ابيات
السفر يدعو على ضيقة الصدر الرحيب
بس انا ما ضاق لي ( لا مزاج ولا صدر )
كيف اضيق ووجهك اللي خلقه الله عجيب
اذكره لا لدت العين في صوب البدر !
#عمر_بن_شملان
هذا هو اللي ما اعتذر دون ميقاف
يزعل الشّعّار ويروح راضي
يوم الملاعب فاقده صوت صياف
الله رزقهم يسمعون العياضي
عمر بن شملان
#معتق_العياضي
@motakk77
واشهد بالله انه يستاهل شاعرنا ابو منير مجمل في كل منبر ومحل 🌹
ما قطعت خطوط نجد وجيت عاني
غير ودي باللقى بـ ايّة وسيلة
واللقى لو كان في بضعة ثواني
الثواني تقلب ايامي جميله
الوكاد ان الله المعطي عطاني
درةٍ قدامها الدنيا قليله ❤️
#عمر_بن_شملان
ما قطعت خطوط نجد وجيت عاني
غير ودي باللقى بـ ايّة وسيلة
واللقى لو كان في بضعة ثواني
الثواني تقلب ايامي جميله
الوكاد ان الله المعطي عطاني
درةٍ قدامها الدنيا قليله..!
،
افتح لدرب الوصل يا صاحبي باب !
تعال شف وش حاصل اليوم فيني
مرهق من الفرقى ، ومُتعب ومرتاب
تقدر تشوف الحزن في نون عيني !
لـ تغرك السجه ولا ضحكة الناب
الحزن من بين الخلايق يبيني
عادي ترا الغلطه لها رب توّاب
وتكفير غيبتك الطويله تجيني
#عمر
عندي صديق من الأصدقاء الغالين حصلت له ظروف كثيرة ولعل أشدّها حادث لاخوه اللي يكبره بسنة واحدة فقط واسمه " بندر " نتج عنّه حالة حرجه جدًا وهو مخدر ولا يقوم ولا يتحرك وله شهر و6 أيام وواسيته في أبيات لعله يتصبر فيها
( لا تنسون بندر من دعاكم )
الابيات 👇🏻
#عمر_بن_شملان