عندما لا تنجح في أمر ما فاعلم أن الله سبحانه يعلم أن هذا خير لك
إما لأنك غير مستعد له بعد أو لأنك لن تقدِر على تحمله الان
VET MEDICAL STUDENT MU 🐃🐄🐔🐓2/6
من احسن المواقف اليوم
انا بقالي فتره بقيت بروح المسجد بدرى اصلي السنه قبل الصلاه و الحق الصف الاول و خصوصا ورا الامام
النهارده رايح متأخر ف اتاخرت دقيقه ف صلاة السنه ف سمعت الامام بيقول للكل استنوا مهاب يخلص السنه و لقيتهم مستنيين و سايبين مكاني ورا الامام فاضي
انا ف قمة سعادتي
بحب اروح اجيب اي حاجه مع اخويا معاذ سواء كانت هدوم أو شوكولاته
كنا نازلين نجيب ليه هدوم اصلا 😅
انا وهو بيقيس تيشيرت: بقولك ي معاذ انا عاجبني التشيرت دا والتاني دا
هو : هاتهم علي حسابي ي مهاب ماشي
انا واحنا بنجيب شوكولاته: عاوز واحده رولانا
هو : هات علبه ي مهاب علي حسابي براحتك
موضوع أن يكون عندك علي الواتس ناس كبيره فالسن والمناصب الاداريه وتلاقيهم بيردوا علي الcomic stories بتاعتك و بيضحكوا عليها دا بيقلقني اوي 😅 امبارح لقيت مدير الفرع بيرد علي استورى عندي اني مزنوق ف الماده وقالي بصمج بسرعه مفيش وقت للتفسير 😂
ملحوظه : دا دكتور و عنده ٥٣سنه 😅
دا غير ناس تانيه كتير و مواقف كتير
بكون حاسس فالاول أن الناس دي هيبقى التعامل معاها formal بس بعد كده بلاقي أن انا وهما بقينا صحاب اصلا😅 وبيبقا بيعامل غيرى اللي بقاله معاه فتره كبيره formal اوي و بيعاملني كاصحاب بالرغم من اني ببقا عارفهم من مده قريبه
ربنا يديم حب الناس يا رب
Up to level 3 😎 🤍
طول عمرها ماشيه معايا بكرم ربنا و بعظيم عطائه
منا السعى و الاجتهاد و التوفيق من عند الله 🤍
﴿ قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ ﴾
Officially 20👌🤍و العضمه كبرت خلاص😂
اللهم اني استودعك عامً مضي من عمري..لقد كان عاماً مليئاً بستر الله ولُطف 🤍
" اللهم اني استودعك بعمري خيرأ ' ف اغفر لي ما مضى ' وبآرِك لي فيما هو آت
" واللهم أجعل هذا العام بدايه تحقيق أحلامي و أجعلني يا الله أكثرُ قربًا منك و أكثر ايمانًا
مش قادر استوعب والله إن انا خلاص مش هشوفك تاني و مش هسمع صوتك تاني انا مش عارف انسي ايامنا مع بعض و قولتك ليا ف تالته ثانوي لما كنت اقولك انا قلقان ي مهاب و كنت تقولي قلقان ازاي يعني دا انا مطمن بمجرد اني انا و انت مع بعض
مكونتش اعرف ان دي هتبقى اخر صوره ليا معاك
انا كنت بهزر
واحد بيقولي ما تنزل تدريب في عيادة بيتس بمقابل مادي عادي ولا اي حاجه بدل ما انت قاعد ملكش لازمه كده😂
ف الوقت اللي انت رايح تدريب ف عيادة بيتس وبتدفع فلوس ليهم انا تدريب وشغال ف شركات كبيره وباخد فلوس منهم
مش معني اني مش بنزل حاجه عن التدريب والشغل سوشيال يبقا انا قاعد ف البيت
من اكتر المواقف اللي بضايق منها بصراحه لما الاقي راجل كبير بيزعق لطفل صغير عنده ١٠ سنين ف المسجد علشان الواد وقف ف اول صف و عاوز يصلي ف فيه و الاقي الراجل بيقوله روح ف اخر صف خالص و مسمعش ليك صوت
انت مجاش ف دماغك مثلا أن الطفل اللي انت رجعته دا و كسرت بخاطره عمره ما هيعتب باب ..
مش لاقي كابشن أو اي حاجه اقولها غير
اني خلاص officially بقيت عمو بعد طول انتظار و مش بس كده لا
دا انا بقيت عمو لاجمل طفل شوفته 🤍🤍
مالك محمود محمد
اللهم انبته نباتنا حسنا و اجعله قرة عين لنا و اجعله من عبادك الصالحين 🤍
بقيت عموووو خلاص 😎😂😂
الحمد لله كان ليا نصيب اني اشارك في أول صلاة قيام ليل في ليالي رمضان و من فضل الله كنت أنا الإمام في أربع ركعات من قيام الليل في المسجد
الحمد لله علي نعمة الاسلام وكفى بها نعمة 🤲🤍
الترم التاني بقا ف البايو كنت مع دكتور من كفر الشيخ عيونه خضرا كده ف بيقولي انت مذاكر اي قولتله خايف اقولك كذا و تسالني فيه و اغلط ف سألني سؤال كده و جاوبته بالتفصيل بالكلام اللي هو عاوزه ف قالي ما انت حلو اهو قولتله تب والنبي انت اللي عسل بعينك الخضرا دي وضحك و اداني ١٠/١٠ والله
من احسن التجمعات العائليه اللي شوفتها للعيله بتاعتنا كان ف صلاة الفجر النهارده
كانت العيله كلها متجمعه ف صلاة الفجر ف المسجد النهارده و كنا كلنا ف صف واحد مع بعضنا ( انا و اخواتي و اولاد اعمامي و اولاد عماتى و اولاد خالي و اولاد خالاتي)
كان تجمع قمة ف الجمال و ربنا يجمعنا للخير
بكلمك بجد والله قولي مالك يبو الفصوص مش عاوز تذاكر ولا واكل معاك جو الامتحانات و الكلام دا ليه بقا 🧠 هنسقط يسطا فوق بقا
ومتقوليش اعملي كوباية قهوه و نتفاهم بعدين 🧠
واحد صاحبي ف نفس سني ( ٢٠ سنه )فرحان أن النهارده فرحه و انا فرحان أن النتيجه بتاعتي ظهرت و ناجح صافي
انا ببارك ليه علشان فرحه النهارده و هو بيبارك ليا علشان نجحت ف الامتحانات
احنا بعاد اوي اوي اوي بجد 🤡 دا انا قدامي ولا عشر سنين علشان اوصل ليك يبني 😂
من اول ما نزلت الصوره بتاعتي بالبدله و فورمال استورى و بقالي يوم كل العيال عماله تقولي مش ناوي تخطب ولا اي 🙂
انتو معشمين اوي كده ليه فيا دا انا قدامي ميقلش عن 7 سنين كده علي ما افكر 😂
عدي سنه علي وافاتكوا و الواحد تقريبا حياته واقفه من بعده وبيحاول يتأقلم
لسه فاكر لحد دلوقتي قد اي عمل معايا الواجب وزياده ف فرح اخويا قبل اسبوع من وفاته ف الحادثه و كان اخ و صاحب ورفيق وكنا بنهون علي بعض والله كنت اخ
ربنا يرحمك و يغفر ليك يا رب يا مهاب انت و اخواتك
الدعاء فضلا
احسن منافسه بقيت بحب اعملها كل يوم
هي اني انافس ف اني اكون من أوائل الناس اللي تدخل المسجد وقت الصلاه علشان يبقا ليا فرصه كبيره ف اني ابقا الإمام أو اني ابقا بصلي ف الصف الاول و بالاخص ورا الإمام
"اللهم أتمم علينا نعمتك و عافيتك و سترك و امنك في الدنيا و الاخره "🤲
كل الدفعه قاعده ف البيت قلقانه من النتيجه و انا قاعد ل الساعه ١٢ ف القهوه بلعب دومنه ف عز البرد ولا كاني ضامن الامتياز ف جيبي
بجد انا بحسد نفسي علي روقاني دا
عاوز تنجح ساعد الناس تنجح و هتلاقي ربنا بيسهلها ليك من حيث لا تعلم و هتلاقي كل الابواب بتتفتح تلقائيا بفضل اللي طول ما انت بتحب الخير للناس
خير الناس انفعهم للناس
عارف احساس أن كل الناس اللي نزلت صور و فيديوهات جامده لاخر يوم امتحانات دي كلهم كانوا قالو ليك تعالي اتصور معانا و اعمل الفيديو معانا بس انت قولت لا و حاليا بتندم انك قولت لا بعد ما شوفت جمدان الصور و الفيديوهات
بس عامة كفايه فرحتهم دي والله مفرحاني انا كمان والله
موضوع أن قسم الاناتومي يجيب لينا ف الترم الاول امتحان الي حدا ما حلو و تقريبا الكل خارج مبسوط بيفكرني بمحمد علي لما عزم المماليك علي وليمه ف القلعه و حدثت مذبحة القلعه بقا
ف تقريبا كده احنا اكلنا ف الترم الاول الوليمه اهو و دخلنا القلعه و الترم التاني هتبقا مذبحة القلعه بقا
منه لله قاسم امين اللي نادي بتحرير المراه و خلاهم يبقوا دكاتره ف الجامعه
بقا انا واحده ست تديني ف الشفوي بتاع البايو ٥ من ١٠
لا و كمان بتبصلي بطرف عينها كده
حتي النور اللي كنت شايفه �� اخر النفق و كنت ماشي وراه و كان بيديني امل اني اكمل لحد ما اوصل ليه مبقاش موجود و اختفي فجاه
تب انا اكمل طريقي ليه دلوقتي و مبقاش ف نور يرشدني لنهاية النفق ؟!!
الكليه بتعمل ارقام جلوس عشوائي ف
الرجاله علي جروب الدفعه كل واحد بيقول رقم جهازه كام و بيشوف اللي قبله و اللي بعده و بيقسموا المنهج عليهم
طول عمرى اسمع عن التعارف الرقمي بس اول مره اشوفه
كان مالو يعني لما كنتو تجيبوا ليا اخت بنت تساعد امي ف التنضيف بدل ما انا متبهدل كده وخلاص 😢😢
و رساله ل الناس اللي بييجوا لينا ف العيد : ياريت متجوش تاني بالله عليكوا
وانا ف المصيف رايح اجيب دوا من صيدليه علي اول الشارع بتاع العماره اللي احنا فيها
ف بقول للصيدلي اللي هناك عاوز شريط streptoquin ف جابه ليا وبيقولي ب٢٨ وهو المفروض ب٢٣اصلا
ف بقوله مش المفروض هو ب٢٣ بس
قالي لا احنا بنبيعه هنا ب٢٨ علشان اسعار سياحيه
حتي الدوا بقي فيه اسعار سياحيه😂
بعد مدعكة الميد و الكويزات و فاينال العملي قعدت مع نفسي حسبت الدرجات اللي جمعتها ف لقيت أن علشان اجيب امتياز زي ما انا كنت بتمني اول السنه عاوز اجيب ف فاينال كل ماده ٧٠ من ٥٠ و الفاينال اصلا من ٥٠ ف تقريبا كده مفيش امتياز بقا
متعوده الترم التاني بقا
انا تخصص ترم تاني اصلا
أوعَ تبخل علي حد بمعلومة وأختصر علي الناس الطريق اللي أنت مشيته في خطوات خليهم يعملوه في خطوة ، محدش بياخد رزق حد ، وكل ما تساعد غيرك هتلاقي ربنا يبعتلك اللي يساعدك ويقف جنبك وهتلاقي ربنا بيكرمك بزيادة.
جرا اي ي دكتور ما تحط لينا اسئله من المنهج بقا
انا من كتر ما عملت skip للاسئله اللي مش عارفها لقيت نفسي ف اول الامتحان تاني و اكتشفت اني عامل skip ل ٦٥ سؤال من ١٠٠
فيه جملة حلوة أوي بتقول :
"متخافش تبدأ من تاني، يمكن قصتك الجديدة أحلى. "
ربنا مابياخدش حاجه منك غير و هو كاتبلك الأحسن منها
{ إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ ﴾♥
بقول للوالده عاوز انام و مش عارف قالتلي بكل تلقائيه كده فكر بس انك تذاكر كده و هتلاقي نفسك بتنام علي طول فكر بس من غير ما تمسك الكتاب حتي و يسلام بقا لو مسكت الكتاب بقا هتدخل ف غيبوبه تلقائيا كده 😂
هو دا الدعم النفسي التمام ي ست الحبايب يا حبيبه تسلمي 🤡😂
انا لو واحد من اخواتي عرف اني بستخدم اللاب توب ف اني احط عليه الشاي و المشروبات كلها زي ترابيظه أو اني باكل بيتزا عليه ولا شافوني و انا راميه ف اي حته ولا عرفوا المعامله بتاع العبيد اللي بعاملها ل اللاب احتمال ميبقاش ليا قعاد ف البيت عندنا تاني او انهم يرجموني حتي الموت 🙂🙂
حد يفهم العيله عندنا أن مش معني اني دكتور بيطرى يبقا انا اللي اجيب العجل و اوديه للجزار و اجيب اللحمه و اقطعها و اوزعها للناس
انا دكتور بيطرى مش مصباح علاء الدين
بس ثانكس جاد تم بحمد الله تعالى وبركاته ذبح و توزيع العجل بنجاح 🫡🫡
الرجاله علي جروب الدفعه عماله تشتكي من ال cardio و الحوارات اللي فيه و انا مزنوق في ال intestine مش عارف اطلع منه و مكنسل ال stomach علي اساس اني مذاكرها ميد وكده عو انا اصلا جايب درجه ف الميد متجبش أجرة توكتوك حتي
عايز اقولك حاجه يمكن تطمنك
ربنا مش ناسي وقفتك مع الناس وانت اصلا محتاج اللي يسندك ولا ناسي ضحكتك في وشوش الناس وانت حزين ومطفي ولا ناسي صبرك على ظروفك وكل مشاكلك وكل اللي بيحصلك مع إن الشيلة تقيلة عليك اوي
ربنا مش ناسي سعيك ورا حلمك ولا معافرتك و عارف احلامك و هيعوضك عوض كبير اوي
كان أول شفوي بايو و كنت عامل حسابي اني ادخل لدكتور انا عارف بيدي درجه حلوه بس ف الآخر دخلت لرئيس القسم و كنت داخل باين عليا زعلان قالي زعلان ليه قولتله زعلان ازاي بس دا انا يكفيني فخر أول امتحان شفوي ف حياتي هيكون معاك دا انا مستبشر بيك
و بس يا سيدي اداني ٩ من ١٠ و انا مجاوبتش
اكبر إنجاز ممكن تعمله لنفسك ف الزمن ده انك تكون انسان محترم و متربي و مسيطر علي نفسك و سلوكك و محافظ علي كرامتك و دينك
متحكم ف أفعالك و دايما عامل لنفسك مسطره أخلاقيه ماشيه عليها و عارف حدودك
و دايما افتكر أن "وَمَنْ يَتَّقِ اللَّهَ يَجْعَلْ لَهُ مَخْرَجًا "
المشكله أنهم بيبصوا ليك بعد ما انت وصلت و عملت انجازات و بيشوفوا الشكل النهائي بس و ميعرفوش قد اي انت تعبت و اتهنت و شقيت علي ما توصل ل اللي انت فيه دلوقتي
و انك لسه بردو هتتعب كمان قدام بسبب التنازلات اللي انت عملتها زمان علشان توصل دلوقتي
يوم بعد يوم و بتأكد فعلا أن اصحابك القدام هيفضلوا محافظين علي قيمتهم زي الدهب مهما عدي عليه زمن محافظ علي قيمته و اصله وانك لو جيت ف يوم احتجت حد فيهم هتلاقيه جنبك ف اي وقت و اي حاجه و انت بتكون بتطلب منه الطلب و انت حاسس انك متقل عليه بس هو اصلا بيكون مستنيك تطلب حاجه علشان يقول
مش يمكن ربنا بعدك عن حاجة نفسك فيها اوى عشان تستمر في السعى و ويكافئك بحاجة انت نفسك مكنتش تحلم بيها استمر في السعى و سيبها عليه هو الكريم
الحمد لله علي كل شيء