٢٤/١٠/٢٠١٩
المكان ساحة التحرير
الساعه الثانيه عشر منتصف الليل
كُنت من اول الواصلين الى الساحة
مع مجموعة من الاصدقاء
كان الوضع مميز جداً والمنظر خلاب
سيارات المواطنين تحاوط الساحة
وتتزين بالاعلام العراقيه مع الهتافات
عوائل عراقية خرجت من بيوتها في ذلك اليوم استعداداً لـ ٢٥ اكتوبر
ما أنسى اول شاب صعد ع المطعم التركي وجان يصيح الناس تصعد ويا
ما أنسى المرة الي توزع كلينكس مدري كلينس والرصاص الحي فوگ روسنه
ما أنسى فزعت الاهالي من عرفوا ماعدنه اكل بالتحرير
ما أنسى من قنبلة المسيل الي ضربت رجلي وجوي الشباب يركضون عليه واكلهم مابيه شي وما عافوني
بعيدًا عن كل شيء بس الناصرية اثبتت لل ١٧ محافظة الباقية انها مدينة تمتلك شعب لا يقهر ولا ترغمه الظروف على شيء لا يرغب به
- كل الحُب والاحترام لشعب الناصرية الجبار.
شاركت بمظاهرات ٢٠١١
شاركت بمظاهرات ٢٠١٤
شاركت بالدعم اللوجستي بحرب داعش بقاطع صلاح الدين وقاطع الرمادي
شاركت بمظاهرات ٢٠١٦
شاركت بمظاهرات تشرين
بالاخير اموت بسبب عطسة ايراني ؟ حتى الله ما يقبلها .
ولله العظيم , السنة والشيعة عايشين بالعراق بخير وبسلام وواحد ساكن بصف الثاني وواحد متزوج من الثاني وياكلون ويشربون سوية وهذا الموضوع بالشارع محد يجيب طاريه , ونص العوائل اب شيعي وام سنية او بالعكس , اقسم بالله محد يحجي بالطائفية بالمجتمع العراقي , الا هالكم سافل بمواقع التواصل.
كميات البطانيات الي وصلت للتحرير
يتغطا بيها الشعب العراقي كاملاً مع جزء من معتصمي ايران
وين جانت هاي البطانيات
شكو هدية مال عرس او مال بيت جديد اليوم اجتي يمنه للتحرير
التاجر الي مستورد البطانيه البيها كلمة احبك خالي بروح امك شكد مستورد هههه وين متمشي مكتوب احبك
#ساحة_التحرير
انت عبالك من باقين احنة شباب وبنات متحملين بس الانفجارات والقتل والخطف والترهيب ، اذا عبالك بس ذولة فأنت غلطان
- احنه متحملين سوء الكهرباء وتلوث المياه وردائة الخدمات الصحية ، وصعوبة مواكبة الحياة
( عايشين ع القدرة )
#العراق_بدون_كهرباء
هذا لو مطار بغداد هيج صاير بي
جان سجد الجبوري وربعها شسوو بالاخبار
يا يابه عيد وجاية العباس
خو البعثية كبل يحطلك صورة ابو عدي من يفتر بالمطار وي شيخ زايد ويصلخك بشيلة سعودية
٧ شهداء ناطين اليوم دم واحد منهم يروحله فدوه كل الطبقة السياسية
ومن ضمنهم شاب طبيب
ومن تطلع لشوارع بغداد الراقية تشوف الناس لاهية ومتونسة وعايشه حياتها بارقى صورة ولا كأن اكو موت وشهداء على جسور دجله اللعينه
الضمير لو ينشرى جان اشترينه ووزعنا مجاني
#غصة_بالقلب
اتمنى اليوم تويتر يشنغل بقضية البنت الي تعرضت لجريمة حرق وتعنيف مسبق من قبل زوجها وعائلته مثل ما البارحة نشغلوا بموضوع الصور المزورة
خليك عنصر مفيد #ملاك_حيدر_الزبيدي قضية ظلم واجرام بحق فتاة ما نصرها القانون ولا المجتمع .
ما انسى الجسر من طفو الانارة وصار مسيل الدموع يتخاطف بين روسنه
ما انسى اول يوم اشتغلت بي انارة النصب وصار شي يخبل
ما انسى اعمار النفق والشباب شلون رجعوه جديد
ما انسى اليوم الي شفت بي صفاء وغيث وورا يومين استشهد صفاوي
ما انسى
@MustafaAlsa3idy
يجيني تارس الجنطة اسعافات
هاي بوفاة ابوية الله يرحمه
واگف اني بالفاتحة اجه صديق ابويه رجال كبير بالعمر من القومية الكردية
- سلم عليه خطية وحضني اني هم ضايج ومغثووووووث بعد ابووية الميت المهم واذا بالعينتين يكلي
كاك حيدر ابوك مات الله ينطي الصحة والعافية انت لازم يصير سبع كاكا تلقائياً ضحكت حيل😂 وحضنته
من يريد الدخول الى المنطقة الخضراء والصدام مع اخواننا في القوات الأمنية وعبور الحواجز
- عليه ان يسلك طريق آخر غير #ساحة_التحرير
... جميع من يقفون في ساحة التحرير هم متظاهرون سلميون مطالبون بحقوقهم وفق الدستور والقانون ولا وجود لفكرة دخول منطقة الشيطان الخضراء
#سلمية_حتى_النصر
يعني انت فنان والك جمهورك وناس تسمعك وتتابعك ، تجي بكل سذاجة تتجاوز على رجل الأمن المسكين الي قايم بواجبة علمودك وعلمودي ، يعني منين ما ردت اركعها الك ما تترگع ، المفروض تصير قدوه للناس ، وتساهم بالتعاون مع رجالات الأمن ، بالآخر تجي تشتمه،وتحرض ع التسليك؟
#العراق_بدون_كهرباء
هذا الهاشتاگ صعدو ترند ، افضل من هاشتاگات سخيفة وبدون هدف
طالبو بحقوقكم الي عمركم كله ساكتين عنها
#العراق_بدون_كهرباء مع ثلة احزاب سنية وشيعية فاسدة واقليم برزاني يسرق الخيرات.
هسه عرفت ليش اهل الجنوب والوسط يسوون هواية اطفال
لان يدرون بيهم يركضون ع الصغيره والجبيره،
وبين الساعات ينطون ولدهم شهداء لذلك حتى يضمن ذريته
يسويله ٦ ولد بالاخير يبقوله اثنين عل اقل والباقي يعلكهم صور ع الحيطان
#ساحة_التحرير
لاول مرة الكاتب والممثل احمد وحيد الستاند اب كوميدي الابرز في العراق يكتب عملا تحت عنوان (بنج عام) عبارة عن ٤٨ قصة درامية جريئة تتناول مواضيع حساسة يجسدها نجوم ولاية بطيخ ومن اخراج علي فاضل ستعرض في رمضان .
#بنج_عام #ولاية_بطيخ #احمد_وحيد #علي_فاضل
غصة بگلبي ومن هسه الي يزعل يطك راسه بالف حايط
لك يولو جان خجلتوا على شواربكم يا سرسرية نايمين ببيوتكم لو عايشين حياتكم بكامل الوناسة طبه وطلعه وكشخه واعراس واحتفالات والشباب تذبح علمودكم لك ولله عارية وسفلة انتوا لك هي الغيره بالدم صدك طلعت لشوكت نبقى ننطي شهداء وانتوا خاتلين؟؟
لمن راح يجي شهر مُحرم
راح اكتب " هيهات منا الذلة "
واني فخور بترديد وقول هذه العبارة ، كوني اطلقتها بدون رياء وعايشتها فعليًا وطبقتها لما تركت كلشي خلف ظهري ووقفت وي اخوتي بساحة التحرير من اجل #العراق ورفع المظلومية عنه
- لذلك سأفتخر دائمًا وابداً اني استلهم من الحسين منهجي.
بمقر عملي القديم اكو شاب ما يقرأ ويكتب بس كلش يحب يطلع ويحاول يثقف نفسة بس القراءة عثرة بطريقة ، طبعاً هو موظف خدمات نظافة ، ف كل يوم يمرلي اعلمة ٣ احرف ، بعدين انطيته كلمات شبه اساسية ، وجبتله كتاب قراءة يخص منهج التعليم المسرع ، بعدنا بالبداية وانتقلت لمقر آخر ، يتبع...
علي ابن ابي طالب " ع "
اكثر شخص بحثت عن شخصيته وتاريخه من عدة مصادر ، هذا الانسان تتفق عليه كل الاعراب ان هو اعظم رجال الإسلام واعظم قائد عسكري ، اضافة الى حنكته السياسية ، وإمكانيته العلمية ، والاهم من كل هذا هو اعظم وجه من وجوه الانسانية
السلام على علي ابن ابي طالب♥️
راح يصير حظر تجوال لمدة اسبوع
واكو ناس قوتها معتمد على العمل اليومي يعني اليوم الي يشتغل بي ياكل بي فهذا راح يكعد ٧ ايام
بطريقك اذا الله رازقك وتعرف هيج نوع من الجيران او الاصدقاء كون طرف مبادر وقدم اله اي نوع من الدعم الغذائي او يخص المستلزمات الوقائية ، مو تنطي فلوس لا واگفة .
الموظفين واهالي الطلبه لاتخذلونا لخاطركم صارلنه ٩ ايام متحملين كل شي لا تضيعون تعب هاي العالم وتخالفون العصيان المدني السلمي حق مشروع من حقوقكم وهو الطريق الاقرب لتحقيق المطالب
#العصيان_المدني_العراقي
#ساحة_التحرير
الحارثية والمناطق المحيطة
هذا الشاب الي بالصورة اسمه حمودي ، وهو بائع ( شاي ، نسكافيه ) واغلب الاطباء والصيادلة يعرفوه بقاطع الحارثية ، هالمرة حمودي عنده مشروع جديد وهو يبيع من خلاله (عصائر) بشهر رمضان ويوصلها للبيوت او المحلات الي بالحارثية.
- يستاهل كل الدعم والتحفيز
حبايب حتى محد يدخل بخلاف ويروح حق عالم شريفة
#الحشد_الشعبي المقدس الناس الي ع الساتر قاتلت واستشهدت وتصوبت والي البعض منهم لهاي اللحظة وبهذا البرد القارص واكف هو ع الساتر وبنص الصحاري والمساحات الخاليه
- هذولة اهلنا وناسنه واخوتنه وما ننسى فضلهم للموت
غير ذوله طز بالعموم
اختك مو نقص ولا عالة عليك ، شيل راسك من تحجي عنها ولا تدنگ ، كون سند الها ، صير اخوها وابوها وصديقها ، انطيها مساحة خاصة بيها ، علمها تشاركك الرأيي ، خليها تصير طرف بالمواضيع الي تحتاج وجودها يمك ، لا تعاملها وكأن هي خشبه ، ابحث بداخل روحها راح تكتشف عندك ام ثانية وصديقة رائعة.
اني استخدم تويتر بالطريقة الي تعجبني ، اغرد بالموضوع الي مشتهي عقلي ، اتابع الناس الي يعجبوني ولد او بنات ، سنة او شيعة ، ان شاء الله يهود ... هاي منصة تويتر بالنسبة الي هو مقهى خاص بيه وكل المغردين اصدقائي واسولف وياهم الي يجي براسي بدون قيود ومثاليات ،ف الي ياخذ نظره غلط مشكلتة
اول مره التقيت بصفاء السراي جانت سنة ٢۰۰۹
اخر لقاء بالمظاهرات الصبح جان شايل صندوگ مي ونازل يم الجسر جوا
بعده بيومين استشهد
رغم قلة الملتقى بي لكن ما مره شفته بيها وسمعت عنده مشكله او عداء مع احد ويشهد الله لو اعرفه انسان باطل ولا اتأثر بي بس الولد ملاك وينحط ع الجرح
رغد صدام حسين
علي حاتم السلمان / حشى اسم علي منك
انور الحمداني
مشعان السافل
مؤيدين المظاهرات
ناقصها بس طارق الهاشمي و صالح المطلگ الگواوويد عذرا
البعثية اخر يوم بعمر العراقيين ومتشمون ريحة السلطة يا سفلة لا تركبون الموجة عدنا شهداء قنادرهم تشرفكم انتوا واجدادكم عبر التاريخ
حاضن الارهاب الأكبر
الوجه الثاني من داعش
يفكر بنفسه وبقوميته فقط وعسى ان يذهب بقية العراق الى الجحيم
يسرق خيراتنا وحقوقه ضعف حقوقنا
وينعم بكل ما زلنا نحلم به هو وعائلته
واليوم يأتي مطالباً بحقوقه علناً
استوجبت مقاطعة هؤلاء السفلة ايضاً
فهم لا يفرقون عن ايران والخليج بشيء
المرأة العراقية
شكد نظلمتي ؟ بحياتج
شكد شبعتي قمع وقهر من المجتمع
شكد شفتي ضيم وتعب وقهر
وبيوم من الايام اخذتي دور الرجال
شكد نسلبت حريتج؟ شكد تحاصرتي على مدى العصور
ورغم كل هذا نلكاج واكفة بوجه الظلم
ماعرف شلون اعبر عنكم يا نساء العراق
شرف ما بعد شرف 🇮🇶
#العصيان_المدني_العراقي
#اليوم_الوطني_العراقي لا يوجد فخر وفرح بهذا اليوم طالما من يحكم الوطن اوباش ، اليوم الوطني العراقي هو يوم الخلاص من هذه الطبقة السياسية بكل مكوناتها من الشمال الى الجنوب.
اني متعاطف وي لبنان لان هالشعب ما اذانه بشيء فديوم ، وما تروح للبنان الا وانت مقدر ومحترم عكس غير بلدان وحب كبير لهالشعب الطيب
+ السبب القوي : لبنان بلد جميل كما كان بلدي العراق ، لذلك يعز عليه اشوف هالجمال يتهدم ويتحطم ، يكفي خسرت بلدي وجماله ومنظره الرائع، لذلك اتحسف ع بيروت.
انتوا شلون صرتوا فجأة هيج اقوياء ومتفقين على هدف واحد ووقفتوا كل مفاصل حياتكم علمود وطن ابسط حقوقكم ما انطاكمياها؟؟
- واني وياكم يتوجه الي نفس السؤال / ورح اجاوب
مفردات لن تفارق اذهان العراقيين
اكتب الي يجون على بالي وانتوا كملوا...
اكتوبر - تشرين
٢٥ اكتوبر
ثورة تشرين العراقية
قناص
مسيل الدموع
قنابل صوتية
جسر الجمهورية
الساتر
خوذة - كمامة - ببسي - خمرة
نصب التحرير
صفاء السراي
الطرف الثالث
عبوة صوتية
ناشط مدني
عصيان مدني
احلى شي اليوم الصراع السعودي القطري انتقل لارض العراق بدون محد ينتبه
قناة الجزيرة القطرية تغطي تظاهرة تهدد بإغلاق مقر قناة MBC السعودية بعد اساءة هذه القناة لاحد قادة الحشد الشعبي
- الملخص تصفية حسابات بإرض العراق وكل واحد عندة رسالة وصلها وجعلنا اداة لايصال فكرته براڤو.
لبن رائب من معمل البان ابو غريب
المعمل غني عن التعريف
لاحظوا التطوير بالتعليب والدعاية وطريقة تصوير النماذج بطريقة احترافية
صنع في العراق
#دعم_المنتوج_الوطني
الله يرحمه عمر صديقي رجال قيسي (سني)من المتوسطة احنة سوية لحد الجامعة ، ولا مرة جبنه طاري السنة والشيعة ، ويزور الائمة ويانه ونروح ويا لشيخ عبد القادر بالمولد ، ليش اكو يوم فتحنة شغلة طائفية ؟ صار خلاف ؟ لا قسم برب محمد ،هاي الجهال هسه الي طالعه منين تريد ترجعنه لعصر الطائفية؟
قد تكونوا حييتم بعقيدة مختلف وتوجه غير مرتبط بكم انتم الاثنين عن بعضكم
وسرتم في طرقات لا يمكن ان تلتقوا ببعضكم فيها لكن شاء العراق ان يجمعكم بنهاية واحدة وهي الشهادة من اجل العراق
الشعب الذي استشهدتم من اجله نحركم بعد موتكم وهو يوجه لكم الاتهامات
#شهداء_الحرية 🇮🇶🌹