رحلت الإنسانة العظيمة.. ورحلت معاها حتة من روحنا وذكرياتنا ومحبتنا للفن والأناقة اللي طول عمرها مثل ليها، كانت أم للجميع قبل ما تكون فنانة نفخر بيها جميعًا.. هاتفضل في قلوبنا محبتها، مع السلامة يا جوجو عزائي لأميرة حسن مختار ابنتها الوحيدة وحفيدتها .ولكل حبايبك وجمهورك الكبير
وداعا فتى الشاشة الأول و هرم من أهرام الفن والثقافة في مصر والوطن العربي .مع السلامة محمود ياسين صاحب سنوات النجاح والخبرة والأعمال الخالدة .. الى رحمة الله عزائي لأسرته وأحبابه الفنانة شهيرة وعمرو ورانيا محمود ياسين ومحبي فتى الشاشة جميعًا من المحيط الى الخليج.
#محمود_ياسين
البقاء لله في سيدتي الجميلة
ماكانش سهل تتولد ممثلة عظيمة تاريخها ميتنسيش على المسرح ،، أداء وإحترافية لكل أشكال الدراما .. دم خفيف وروح حلوة من غير سطحية وابتذال . ماكانش سهل بس حصل واتولدت شويكار وبقت نجمة وممثلة عظيمة وأم وحبيبة كل بيت ف مصر
ممثل صعب تكراره او تقليده .. قادر على التماهي مع أي وكل شخصية بيقوم بيها .. صعب تصدق ان كوميديان السادة الرجال وسيداتي انساتي والكيف والشقة من حق الزوجة العظيم هو نفس صاحب الدراما الموجعة في البريء أو العار أو التحفة الخالدة رأفت الهجان ، جزء كبير من تاريخ مصر هو فنانيها.
مشوار عمر .. وصداقة سنين .. ونجاح وأفراح كتير ولحظات صعبة اتشاركناها وعشناها وحسينا بيها مع بعض ، لكن النهاردة بباركلها مش بس كصاحبة وصديقة عمر .. ببارك كمُحبة ومعجبة بفنها ببارك لموهبتها وقدراتها الغير محدودة مبروك لالهام شاهين الفنانة الكبيرة على جايزة احسن ممثلة
رحم الله الزميل والصديق العزيز الفنان هشام سليم.
رجل أصيل ذو مواقف واضحة وصادقة، اشتغلنا مع بعض كتير سنيما ودراما.
الله يرحمه ويصبر أسرته الكريمة.
برجاء الدعاء
عمركوا جرّبتوا تسلموا روحكم وجسمكم للطبيعة ؟ جربتوا تستمتعوا بالنعم المجانية اللي ربنا حطّها بحكمة وحساب في كل حاجة حوالينا نعمة الهوا والخضرة والماية، نعمة الرضا باللي ربنا قسمهولك أيّا كان واحدة من متع حياتي وجزء كبير من راحتي النفسية إني أمشى حافية! بالذات على رملة أو في خضرة
اللهمّ اشفها شفاءً ليس بعده سقماً أبداً، اللهمّ خذ بيدها، اللهمّ احرسها بعينيك التّي لا تنام، واكلأها في الّليل وفي النّهار، وارحمها بقدرتك عليه، أنت ثقتها ورجاؤها يا مُفرج الكرب، يا كاشف الهم، يا مُجيب دعوة المُضطرين.. برجاء الدعاء بالشفاء للفنانة رجاء الجداوي.
اليوم العالمي للفتاة هو اليوم العالمي للحياة . الفتاة مش بس بنتك وأختك لكن هي زوجتك وأمك وجدتك وكل أنثى بتشع طاقة ومجهود وبتقوم بدل الدور بعشرات الأدوار ممكن ف يوم واحد.
زي الأيام دي من ٢٣ سنة كنت بصور قصة حب "زينات" اللي كانوا بيدلعوها يقولوها "تفاحة" وبين "أبو علي"،
ومن هنا جه اسم الشهرة "تفاحة" وكان أول حد سماني بيه المخرج والسيناريست الكبير رأفت الميهي اللي مش ممكن هننسى أعماله
مين فيكم لسة ما شافش الفيلم؟
#تفاحة
#ليلى_علوي
#Laila_eloui
شيء يدعو للفخر ان الواحد يحضر يوم مهم جدا في تاريخ بلدي وحضارتها ويحضر الحدث التاريخي الاهم والاكبر في منطقة سقارة واكتشاف اكتر من 100 تابوت بخلاف الـ59 الذى تم اكتشافهم من قبل، بنفس المكان، لم يفتح على الإطلاق ومغلق منذ 2500 سنة.
نور .. إسمه لوحده راحة وبهجة وطمأنينة . عاش عمره كله ليه من اسمه نصيب كان فعلا نور في حياة كل اللي حواليه . الفن والقيمة والتاريخ اللي سابه لسه لحد النهاردة ساكن قلوب وأرواح محبيه. كان قريب وصاحب وحبيب لكل الناس مش بس عيلته وأصحابه ومعارفه..
بنودع أحد أهم الفنانين في الشرق الأوسط اللي حفر اسمه في مكان مميز وعبر بالفنون الشعبية والرقصات الراقية المعبرة من المحلية للعالمية، محمود رضا لم يقدم فقط رقصات وتابلوهات شعبية بديعة بل قدم سينما استعراضية من الطراز الاول وأفلام ميوزيكال كانت ليها السبق في تأسيس النوع ده من الفن
كل عام وأنتم بخير بمناسبة المولد النبوي الشريف
أعاده الله على الأمة العربية والإسلامية بالخير والأمن والسلام.
(اللهم صل على محمد وعلى آله وصحبه وسلم تسليماً كثيراً
طيبا مباركاً فيه )
بلدنا طول عمرها حضن كبير لكل شعوب العالم وشعبها اكتر شعب مرحب ومضياف ممكن تقابله .. مصر أصل الدنيا ومهد الحضارات .. ولأن اللي فيها مش ف غيرها .. كوكتيل كبير وغني وصاخب من الأماكن الأثرية والسياحية من عصور وحضارات وحقب مختلفة ومتنوعة على مر العهود ..
من فعاليات اليوم الثالث والعرض الخاص لفيلم "حظر تجول" .. مبروك لحبيبتي إلهام وأمير رمسيس وكل فريق العمل👏🏻
Stylist
Youmnamoustafa
Outfit
@BettaBFranchi
Hair
@AlSagheerSalons
Jewellery Saranadiamond
@CairoFilms
#CIFF42
Photographer: ahmedraafat4
"منذ طفولتي وأنا أحب الخيل وركوبها وأعشق شكلها، إلى أن حدثت لي مشكلة في قدمي فتوقفت، ولكن إذا عرض عليّ دور يتطلب ركوب خيل فلن أتردد، فهذه من أهم هواياتي، وأشعر بارتياح شديد عندما أتواجد وسط الخيول وأنظر إليها، الخيل مخلوق يشعرك بالبهجة" من حوار مجلة سيدتي
@sayidatynet
#ليلى_علوي
I am joining
#Zuhairmuradprivate
and
@ZMURADofficial
in helping the people of Beirut who have lost so much in this devastating tragedy.
100% of the profits from this limited edition tee will support the relief efforts of
@offrejoieliban
who are currently on the ground
رحل الأخ والصديق والرجل الأطيب محمد الصغير . باعزي عيلته كلها زوجته السيدة ملكة العلايلي وابناءه مها ومصطفى الصغير وإخواته وكل أهله واصحابه ومحبيه وبادعوكم جميعًا اننا نصلي صلاة الغائب على روحه الطيبة بعد صلاة الضهر بإذن الله. الله يرحمه ويحسن إليه
لبيك اللهم لبيك.. لبيك لا شريك لك لبيك
قضاء ربنا السنة دي إن كتير مايقدروش يكونوا موجودين في بيته الحرام، لكن أملنا إنه يستجيب الدعاء ويزيح الكرب ونرجع نقف على عرفات السنة الجاية .. كل سنة وأنتم طيبين وبصحة ومتطمنين على حبايبكوا ومتونسين بيهم.. وقفة مباركة وعيد أضحى سعيد. 🕋
حفل افتتاح الدورة الرابعة لمهرجان الجونة السينمائي👗
@ElGounaFilm
Dress by hanyelbehairy
Thank you for my best friend Nini Alzoghby.
jewelry by
@DimaJewellery
hair by
@AlSagheerSalons
make up Lancome
Photographer: ahmedraafat4
#GFF20
في كل صورة اتاخدت الزمن وقف عندها وفكرنا دايما بوقت حلو لحظة ونس ضحكة عفوية لمة وصحبة
ف #اليوم_العالمي_للتصوير شكرا لكل صورة حلوة سابتلنا ذكرى يوم جميل ولمة عمرها ما تتنسي❤️📷📸
#photographyday
كل سنة وانتي طيبة يا حبيبة قلبي يا هالة
يارب سنة حلوة وخير عليكي، يا صاحبتي الجدعة ياللي بميت راجل وربنا يزيدك من أعمال حلوة وتربية صالحة لأولادك يا أحلي أم في الدنيا.. سنة حلوة يا هلولة يا جميلة كل سنة وأنتي سعيدة وفي حفظ الله. 🥰🎈🎁
#ليلى_علوى
#Laila_Eloui
ختام الدورة الرابعة من مهرجان الجونة السينمائي.
Elgouna Film Festival
Styling Youmnamoustafa
Dress yousef_aljasmy
Make Up lancomegypt
Hair
@AlSagheerSalons
Jewellery glamour.jewellery
Photographer Ahmed raafat
#GFF20
وداعا المخرج السوري الموهوب حاتم علي صاحب الأعمال المتميزة والبصمة التي لا تشبه أحد ..صاحب التغريبة الفلسطينية وملوك الطوائف والملك فاروق والزير سالم وأهل الغرام .. تاريخ حافل وأعمال درامية وتاريخية لن تنسى في دراما سوريا الحبيبة والدراما
العربية.
#حاتم_علي
إلهام هي المحبة والجدعنة والقلب الابيض اللي يساع الدنيا .. فنانة كبيرة وجميلة وانسانة أكبر وأجمل عشرة عمر ونجاح وسنين حلوة اتقاسمناها سوا. السنة دي بنحتفل بعيد ميلادها ودورها الرائع في فيلم حظر تجول وجايزة احسن ممثلة كل سنة وأنتي ملهمة يا إلهام ومبسوطة وطيبة وفرحانة ف وسط حبايبك.
بنات مصطفى أبو حجر عاشوا بعيد عن بعض وعن دفا اللمة ولما كبروا وبدأوا يدوروا ع الحب اكتشفوا أنهم بيدوروا غلط وفي نهاية حدوتة كل واحدة فيهم فهموا إن الأمان وحضن العيلة مهم زي الحب والعواطف ويمكن أكثر
ايه رأيكم في نهاية فيلم حب البنات وهل كنتوا متوقعين نهاية مختلفة!
#حب_البنات
#ندى