Prof. of Tx Surgery. Democracy and civilization are all about respecting others and their rights. Still hoping Egypt will be a free democratic country.
قعدت جنب واحدة امريكية في الطيارة وفهمت ان جوزها قاعد في الكرسي اللي قدامي.. قولتها تحبي ابدل معاه عشان يقعد جنبك؟؟ قالت..
After 40 years of marriage, no need
😂😂😂
لما كنت بره شوفت ان الممرضة اللي مرتبها نسبيا بسيط عندها عربية بتيجي بيها المستشفى.. وعايشة في بيت ملك مشترياه بنظام ال mortgage وبتقدر تروح تتفسح هي واسرتها مرتين في السنة على الاقل.. جوا البلد او في البلاد المجاورة.. وأولادها بيتعلموا في نفس مدارس الأغنياء وعندهم تأمين صحي شامل
فاكرين أيام الكورونا لما الباشا الظاهر حب يطلع من القصر قوم إيه.. عربيات الرش نزلت غسلت طريق صلاح سالم وطلع بعدها يقول إن كورونا كلفتنا 100 مليار جنيه مع إنه ماصرفش نكلة على أي وسائل وقاية جوا البلد وساب الناس والتمريض والدكاترة تموت وبقى يبعت طيارات مساعدات كل كام يوم لطوب الأرض
تخيلوا عسكري كان بيحرس مستشفى عين نفسه مدير للمستشفى ورئيس لكل الأقسام.. وبقى هو اللي يدي توجيهات العلاج لكل المرضى.. وكمان يعمل العمليات الجراحية بنفسه.. مش بس كده.. لأ.. منع أي نوع من المحاسبة لو حصل خطأ طبي.. تخيلوا إيه حايكون حال المستشفى والمرضى؟؟
هو ده نفس حال مصر والمصريين
بكرة تعرفوا.. لما النظام ده يقع.. ان كل فلوس القروض وقناة السويس وكل ايرادات الانشطة التجارية والاقتصادية اللي احتكروها موجودة في حسابات خاصة بيهم برا البلد بالدولار
منتهى البجاحة إن واحد يطلع يقول للناس عندنا أزمة كبيرة ومحتاجين دعاء.. وهو في نفس الوقت بيصرف مليارات بسفه على مشاريع ليس لها أي احتياج.. وكمان يقترض مليارات لاستكمالها
واحد قريبي بيقوللي ابنه نفسه في جزمة تمبرلاند.. راح سأل عليها لقاها ب 6500 جنيه مصري.. طيب الجزمة دي بره في كندا مثلا سعرها 180-200 دولار كندي.. يعني 3000 جنيه مصري بس.. ليه تتباع عندنا بأكتر من ضعف تمنها؟ ومين بياخد الفرق ده؟
لما سيبت مصر أيام ماكانت الحياة لسه ممكنة.. كنت مدرس في الجامعة ومعايا دكتوراه وكان دخلي الحكومي بيغطي يادوب نصف مصروفاتنا.. اللي كانت عالاساسيات.. لقيت الممرضات بره عندهم عربيات.. وبيقدروا يشتروا بيوت بالقسط.. وعايشين حياة كريمة فعلا بدون كراتين.. طبعا الدكاترة في مكان تاني خالص
دخلت على احد مواقع الحكومة وعملت حساب.. وفي آخر خطوة بتاع I’m not robot ده بيفتح ويندو ويقولك اختار كل الصور اللي فيها موتوسيكل مثلا او traffic lights..
ده بقى قاللي ايه؟ اختار كل الصور اللي فيها كوبري 🙄
- عاوز 10 مليار أعمل إنجاز.. في نص المدة
= إتفضل.. بس حاتسدد 15 مليار.. قرض وفوايد
بعد شوية..
- مش معايا فلوس أسدد
= طيب.. حاخد منك الإنجاز.. ب 5 مليار بحالهم.. يتخصموا من المبلغ.. وأنت سدد العشرة مليار براحتك في ضعف المدة.. بس حايبقوا 20 مليار
- 🤨🤨🤨
عندنا استاذ الجامعة ممكن يعيش ويموت مابقدرش يشتري شقة ملك حتى الا اذا كان عنده دخل من شغل خارجي او سافر برة.. أو فاسد بقى وبكسب فلوس من طرق غير مشروعة.. مابالكم بالموظفين البسطاء
اكتبوا على جوجل السيسي يفتتح مشروع حايطلع فيديوهات كتير انتاج حيواني وزراعي وثروة سمكية
انتاج المشاريع دي بيروح فين؟ المشاريع دي مملوكة للجيش وتكاليف الانتاج منخفضة لان الارض والعمال ببلاش ومافيش ضرايب ولا جمارك.. ليه الانتاج مابينزلش السوق المصري بسعر معقول
مين بقى التاجر الجشع
سؤال يطرح نفسه.. هو قرارات بيع الأصول المصرية الأخيرة للإمارات/أولاد العم.. مين وافق عليها غير السيسي؟
يعني مثلا اتعرضت على مجلس الشعب؟ .. ولو من باب استكمال الشكل الديموقراطي ؟؟
كان عندنا حالة صعبة وطلبنا مدير المستشفى اللي هو برضه رئيس القسم ورئيس كل الاقسام.. الراجل بعد ما جه واحتاس.. قال ياجماعه انا مش رئيس القسم ولا المدير.. ولا حتى دكتور.. انا عسكري الأمن اللي كان بيحرس البوابة
روحت مكتب رئيس القسم النهاردة لقيته بيعزم عليا بشيكولاته فخمة جدا من طبق شيكولاته مهول الحجم.. وبعدين لقيته بيقوللي اتفضل كمان.. دي الشيكولاتة دي المفروض تكون بتاعتك.. جابها المريض اللي انت عملته وكان بيسأل عليك النهاردة
أنا:.. ايه ؟؟
اعلان كوميدي جدا على dmc عن حياة كريمة.. جايبين شوية صور لبيوت ريفية ومساكن شعبية مدهونة بألوان مشخلعة.. وبنت صغيرة بتغسل وشها من حنفية في الشارع.. وبيقولك المشاريع دي اتكلفت اكتر من ٧٠٠ مليار جنيه 😏
أكتر شيء مضايقني قوي إن شخص نكرة زي ده يقدر لوحده يدمر اقتصاد بلد بحجم مصر ويسجن عشرات الآلاف من الشباب ومنهم كتير ماتو في السجن ويدمر حياة ملايين غيرهم بسوء التعليم والبطالة
بس الواقع انه مش لوحده.. معاه الآلف اللي وافقوه وساندوه ونفذوا تعليماته لأنهم متواطئين او خايفين او جهلة
فيلم سي عمر العبقري انتاج ١٩٤١ بيوصف اللي بيحصل حاليا في البلد بالظبط..
عزبة فيها ١٥٠ جاموسة و٩٠ بقرة مايبانش فيها كوباية لبن؟ كوباية؟ فراخ وحمام ووز وبط.. مابيبانش فيها ٤ او ٥ بيضات.. نحل زي الغمام يسد عين الشمس.. ومافيهاش معلقة عسل.. كله مشفوط أول بأول
أومال فين انتاج المزارع السمكية اللي خوتونا بيها من كام سنة؟ قائد خط الجمبري منزوع الرأس وقائد خط السبيط؟ والا بيصدروا الانتاج أول بأول وياخدوا الفلوس في جيوبهم وسايبين الناس جعانة؟
وفين الإنتاج الحيواني؟ مش ناسي لما كان بيفتتح مشروع وبيفرجوه على اللحمة وعينه حتطلع عليها 🙄
لا تعطني سمكة تحت اسم أي مبادرة
ولا تعلمني كيف اصطاد.. فأنا بأعرف أصطاد احسن من اللي خلفوك ١٠٠ مرة يابو ٥٠٪
ولكن لا تحتكر البحر.. ملك الجميع.. ولا تصادر سنارتي أو شبكتي..ولا تسطو على سمكاتي.. وسيبني أعيش في حالي يا ابن التيييييييت 😠😠
- الناس بتسأل سيادتك يافندم هل ممكن تسد الفجوة الدولارية دي بأي صندوق سيادي؟؟
😎 لا طبعا يا كامل ماينفعش.. الفجوة مدورة والصندوق مربع..
- فعلا سيادتك يافندم 🫡
😎 ففهمناها سليمان.. ففهمناها سليمان
من فلوس الشعب عامل مؤتمر 7 ايام مالوش اي 30 لازمة.. ومن فلوس الشعب عامل دعاية انتخابية فيها ملايين الصور متلطعة في كل حتة
ومن فلوس الشعب بيأجر بلطجية يثبتو الناس ويضربوا اي حد عاوز يعمل توكيل
ولسة…
وييجي يقولك طب ماتتبرعوا بالدم عشان تعرفوا تعيشوا
ما شوفتش بجاحة كدة بصراحة 🙄
طبعا اللي احنا فيه مش سببه الكورونا ولا الحرب.. السبب الوحيد سياسات النظام.. من يوم ما بدأ احتكر اي نشاط اقتصادي بيجيب فلوس وحارب اي مستثمر عشان ياخد منه البيزنس.. وأرباحهم مش بيرجع منها شيء للبلد لإنهم لا بيدفعوا أجور للعساكر ولا ضرائب.. وفي نفس الوقت زودوا الاسعار…
@AhmedZaky
الممرضة برة كانت بتنادي رئيس القسم باسم الدلع Norm.. بدون القاب وهي قاعدة من غير ماتقوم.. وانا طبعا كنت بأقف على حيلي واقوله Sir 😏
واحد تاني برضه كنت اقوله Sir يقوللي
Don’t call me sir.. call me James
ودول فطاحل في العلم ومن المشاهير في العالم
العقد دي عند الفشلة بتوعنا احنا بس
-الموظف: الحمد لله التبرعات دي جت في الوقت المناسب وأنا عملت لحضرتك قايمة بالإحتياجات العاجلة: الأدوية ومستلزمات العمليات والمعامل وسراير للمرضى. تحب نبدأ بإيه؟
•مدير المستشفى: نبدأ بإستراحة المدير وكبار الأطباء
-واحتياجات المرضى يافندم؟
•نعملهم جامع يصلوا فيه عشان ربنا يشفيهم
حالة نادرة قعدت في المستشفى كذا شهر وكانت بتموت حرفيا.. والعبد لله بفضل الله شخصها.. بعد ماكل الناس غلبت فيها.. والحمد لله اتحسنت وحاتخرج من المستشفى وفي اجتماع القسم اتفتح النقاش عليها وكان في لسه ناس بتقاوح بس قدرت اقنعهم وافحمتهم 💪
الرئيس #السيسي معلقًا على أزمة #الكهرباء: "يمكن وقف #تخفيف_الأحمال بشرط مضاعفة الفاتورة 3 أضعاف، أي أن المواطن الذي يدفع 100 جنيه سيدفع 300.. إذن، نخفف أحمالاً أم نضاعف فاتورة الكهرباء 3 أضعاف؟".
#الشرق_مصر
#الشرق_للأخبار
شعرت بغصة في حلقي عندما شاهدت ذلك المتغطرس يرتجل من السيارة الفارهة التي لا ولم وماكان ليملكها ويعامل أناسا أشرف منه بإحتقار وتكبر غير مدرك أنه خادما لهم وليس سيدهم ☹️
لقيت صفحة على فيس بوك اسمها احمد رجب ومصطفى حسين.. الصفحة تقريبا عليها كل الكاريكاتير اللي عملوه سوى.. المهم انها مش بس تحف كوميدية.. لأ كمان تعتبر تأريخ لكل الاحداث اللي حصلت في البلد في السنين اللي فاتت
#الرفق_بالمواطن
#التسريبات فكرتني بتصريح الريس نفسه في أحد لقاءاته الجماهيرية إن اللي بيشتغلوا في رياسة الجمهورية بياكلوا على حسابهم مش على حساب البلد. حفاظا على المال العام ☹️✋
- العملية نجحت الحمد لله
• والمريض
- حالته سيئة قوي
• إزاي يا دكتور بتقول العملية نجحت والمريض حالته سيئة؟
- إشمعنى لما هو بيقول لكم الإصلاحات الاقتصادية نجحت بس إحنا فقرا قوي بتصدقوه
- 🤨🤨🤨
البلد بتدار بعقلية بواب.. اللي هو قاعد قدام العمارة مش سايب ضيف ولا بتاع دليفري طالعين الا لما يوقفهم ويطلع منهم بسبوبة.. ولا يسمح لأي حد يشتري حاجة ولا يعمل اي مصلحة الا عن طري��ة عشان يكسب منه قرشين.. وبيتجسس على السكان ويعرف اسرارهم.. واللي يعترض بيحبسه ويمكن يقتله
إدارة المستشفيات دلوقتي بقت علم يدرّس.. والمستشفيات الكبيرة مش بتعين أي مدير إلا لما يكون معاه MBA في إدارة المستشفيات.. مش مجرد دكتور عادي
تخيلوا بقى لو عسكري الأمن بقى مدير المستشفى.. ممكن يعمل فيها إيه؟ طب تخيلوا لو العسكري ده بقى مسئول عن إدارة دولة بحالها..
طب وتتخيلوا ليه🙄
الريس في دول العالم المتحضر.. فضيحة والا اتنين بالكتير.. ويقع على الأرض يفرفر.. ويمكن يتحاكم ويتعزل.. عندنا ماشاء الله.. 100 فضيحة وفضيحة.. وتلاقيه مستحمل زي السبع.. وكمان يرشح نفسه لفترة جديدة
- ايه توجيهات سيادتك يافندم بخصوص الميزانية
- اكتب عندك:
مواكب فرعونية ١٠٠ مليار
مؤتمرات شبابية ١٠٠ مليار
افتتاح عاصمة ادارية ١٠٠ مليار
- والمستشفيات يافندم؟
- جهود ذاتية
- وتطعيمات الكورونا؟
- يدفعوا تمنها
- والتعليم؟
- يعمل ايه التعليم في وطن..
- ضايع يافندم؟
- اسم الله عليك
مش اكتر شيء مضايقني انه بني آدم زبالة وعمال يخرب في البلد وياخد قرارات ضد مصلحتها ومصلحة شعبها.. مسيرة يغور في داهية.. اللي فعلا مضايقني قوي اننا شعب مسلوب الإرادة ولا نملك أي وسيلة فعالة لإيقاف ظلم وجبروت بني آدم واحد زي ده او اللي حاييجي بعده.. والموضوع ده شكله مكمل معانا 🙄
@Ahmed_Ameen_
انت بتتكلم عن الناس المحظوظة اللي لسه بتشتغل وعندهم دخل يكفي جزء من الشهر.. مابالك بالناس اللي رفدوهم لما مصانعهم قفلت او البيزنس فلس وقاعدين مش لاقيين شغل.. غير اللي طلعوا عالمعاش وخلاص مش قادرين يشتغلوا وكان معاشهم بيكفيهم زمان ودلوقتي مايكفيش عيش حاف..
- اخبار المريض ايه يا دكتور؟
• صرفنا عليه ٥٠٠ الف جنيه ادويه وعمليات..
- يعني بقى كويس؟
• ٥٠٠ الف جنيه ادوية وعمليات صرفناهم عليه..
- وحالته استقرت؟
عليه صرفنا ٥٠٠ الف جنيه ادوية وعمليات..
- ده الممرضة بتقول بيموت!!
• أحذركم من التشكيك في انجازاتنا الطبية 👈
@S_a_Maryam
@_____WAR
من كام سنة كنت راجع انا واسرتي من الغردقة وعلى الطريق لقينا لجنة كلهم لابسين ملكي.. وقفونا وقالولي انت اتصورت رادار.. ١٣٠ كم/س
رديت وقولت والله ابدا.. انا مازودتش السرعة عن ١١٠.. وصوتي كان عالي
قالولي هش وطي صوتك.. عدي عدي خلاص
لا كانوا لجنة ولا بوليس اصلا وبيشتغلوا الناس
😎 خير يا كامل؟
- الكهرباء سيادتك يافندم.. مستحيل تكفي الجمهورية الجديدة.. impossible
😎 طب اقطعوها عن الجمهورية القديمة.. سهلة أهه
- تمام يا فندم 🫡 I possible
@manalelasuty97
الحمد لله انه ماعملش بتر وان ربنا ألهم مراته ترفض توقع.. واللي حصل من دكاترة مستشفى حورس ده شيء محزن جدا.. ان الدكتور مايحطش مصلحة المريض في المقام الأول
أظرف حاجة دلوقتي على الجزيرة واحدة اتصلت بتقول للمذيع عيب عليك تبقى مصري وتشجع الثورة على السيسي اللي انقذ مصر و... و... و...
المذيع "اسمه مجاهد تقريبا" سأل الضيف د.محمد الصغير إيه رأيك في الكلام ده؟؟ الضيف قاله السؤال ده ليك انت يا أستاذ مجاهد 😂😂😂