كان لازم اشاركم اللحظة اللى حسيت ان جالى lag فى الدماغ، جاللى النهارده و النهارده بالذات هديه و احلى مفاجأة ♥️....جدعااان ....اخيراً! انها الحقبه الجديده...انه ال playstation 5!
جماعه، عارفه انه شئ بديهى، بس لما بنسلم على حد نعرفه و يبقى معاه حد منعرفوش بنسلم عليه برده و مش بنعتبره هوا علشان ديه مش قله ذوق بس ، دى قلة ادب و وساخه ! شكراً.
صباح الخير ، عدى شهر و اسبوع على اخر مره خدت فيها قرص منوم بعد فتره كبيره من اعتمادى الكلى عليه♥️ مش مكسوفة و انا بقول كده، بس حبيت اقول انه اه التغير مقدور عليه فى اى حاجه طول ما انت عايز ده بجد! و اه البلوزه جديده و فرحانه بيها😂 #توثيقات_بطاطسيه
فاكره انى عملت حفله فى عيد ميلادى ال ١٣ من سفخاتشر سنه و عزمت الفصل كله و ماما ساعدتنى و عملنا الكيكه و علقنا الزينه ..و محدش جه! بس ساعتها مضايقتش و فاكره اننا ضربنا الكيكه انا و ماما و نزلنا جبنالى هديه، ماما الله يرحمها علمتنى جبر الخواطر، عيد ميلادى ٢٣/٧ و هى ٢٩/٧♥️😁
مقصدش اعكنن على حد، اولاً كل سنه و انتم طيبين و بخير و وسط حبايبكم، ممكن تدعوا لبابا حبيبى بالرحمه على الفطار هحبكم اوى و احتمال اعزمكم على كنافه بالكريمه او بالمانجا 😁♥️ ، رمضان كريم ♥️
صباح الخير ، عدى شهر و اسبوع على اخر مره خدت فيها قرص منوم بعد فتره كبيره من اعتمادى الكلى عليه♥️ مش مكسوفة و انا بقول كده، بس حبيت اقول انه اه التغير مقدور عليه فى اى حاجه طول ما انت عايز ده بجد! و اه البلوزه جديده و فرحانه بيها😂 #توثيقات_بطاطسيه
فيه افلام ممكن نوصفها انها "Timeless" ، يعنى مهما يعدى عليها الوقت او السنين ترجع تشوفها و متحسش ان الفيلم عدى عليه سنين و بأه قديم و مش مناسب للوقت الحالى اللى عايش فيه ، سواء فكره اخراج قصه او تصوير و مؤثرات ، منهم فيلم Inception
عم سيد من اطيب الشخصيات فى مكان الشغل ، دايما يصبح عليا و يقولى صباح الخير يا دودو ، عم سيد تعبان شويه الايام ديه و بياخد جرعات علاج و هيخلصها ان شاء الله الاسبوع ده ، ياريت لو اتكعبلت فى البوست ده تدعيله بالشفا و انه يرجع شافى معافى لبيته و ولاده الحلوين ♥️ #عم_سيد_القمر
دايماً من و انا صغيره شايفه ان الابتسامه هى قوه خارقه، من و انا صغيره شايفه ان عندى قوه خارقه لما ابتسم لحد من شباك ميكروباص لحد فى الشارع، او لحد من شباك المترو لحد واقف مستنى فى المحطه ،او الكاشير فى شيفت زحمه ، لست شايله ابنها و كام شنطه فى يوم برد او حر، بحس انها طوق نجاه
حقيقى اترددت كتير قبل ماكتب اللى هكتبه ده، لأنى مش شايفه اهميته للناس قد ماهو مهم ليا..ابويا توافاه الله امبارح. هتكلم عن ذكرى محدده لشم النسيم معاه...كان دايماً ياخدنى و يشترلى ورد ابيض و نتمشى على الكورنيش يومها.(١)
بوست اهداء لروح ماما حبيبتى، اللى و الله لسه عايشه معايا ♥️ كنت بحب "كفته الرز" من ايديها علشان كانت دايما تعمل بالعجينه كفته على شكل عروسه ليا انا بس ، قد ايه دايماً كانت بحاجات بسيطه تحسسنى انى انسان مميز و عزيز على قلبها
مش اصنام خيو خيو خيو لأ😂 ربنا يرحمك يا حبيبتى
جدعان ايه المسلسلات اللى بتح��وا ترجعولها كنوع من انواع "الة الزمن" ،لزمن مخك شايفه جميل و بسيط ؟
ملوش علاقه بال trauma response و الجو ده ، انا بتكلم فى حاجات بتحب تشوفها لمجرد انها مرتبطه بذكرى او وقت معين.
انا بحب "بكيزه و زغلول" جداً😂
@CurlyHairGal
it's like getting hit by a lightning strike, ، او زى ما تلاقى حبة كاچوه فى وسط اللب، او تلاقى بسكوتة "نواعم" مش متكسره، انت فى حقل او مكان احتمالات فيه الوقوع فى الحب بعيده ..بس تحصلك انت ! مش عارفه اشرحها عِدل😂
صباح الخير، عم سيد الحمدالله تحاليله زى الفل ربنا يديم عليه نعمة الصحه، تداعيات المرض وقعت سنه من سنانه الحلوه اول امبارح ركب سنه جديده و فرحان بيها، هو بيدعلكم دايماً لكل حد عارفه♥️ قلت اروق عليكم فى يوم الحد
عم سيد من اطيب الشخصيات فى مكان الشغل ، دايما يصبح عليا و يقولى صباح الخير يا دودو ، عم سيد تعبان شويه الايام ديه و بياخد جرعات علاج و هيخلصها ان شاء الله الاسبوع ده ، ياريت لو اتكعبلت فى البوست ده تدعيله بالشفا و انه يرجع شافى معافى لبيته و ولاده الحلوين ♥️ #عم_سيد_القمر
اكتشفت كنز الصبح ، زمان ماما الله يرحمها حبيبتى كانت دايماً تيجى تقولى تصبحى على خير و نسمع انا و هى "الف ليله و ليله" كل يوم بعد نشره الساعه ١٠ بليل على الراديو فى محطة "البرنامج العام" و كنت بروح فى النوم و تاخد الراديو و هى ماشيه لقيتها كلها على spotify اللينك تحت معلش رغيت ♥️
اتسألت (مش اوى بس بتلكك) من كذا حد عن اجمد ساوند تراكس فى الفيديو جيمز فهذا الثريد لو مهتم هيبقى فيه أجمد ساوند تراكس فى رأى المدندش عن كده ، متنسوش الاسبوع ده فى ويك اند طويله فسبب للظأظطه هى بال ط صح؟ ، لو حد عايز يزود ياريت، يالا:
صناعه الفيديو جيمز ، صناعه بقت من اكبر الصناعات اللى بتجيب بلايين، بس الموضوع فيه إنَ و فى بلاوى ورا الاستديوهات صاحبه الالعاب الشهيره، تعالوا ندعبس كده و ننكش عن الموضوع 👀
ياجماااااعه 😍 السيت اب حجى، و متبصولوش بعين رضيه شوف اللى احيه احيه ادفع فيا 😂 شقا عمرى و هدايا من حبايبى و فاليو 😂😂!
بوستر God of war اللى عملته فناتنا ♥️:
@RedMarker2611
و نرجع من الخروجه اللطيفه ديه نسمع فريد الاطرش و هو بيغنى اوبريت ادى الربيع...ربنا يأنس وحدتك يا حبيبى و يجمعنى بيك على خير انت و ماما ، ارتحت من زيف الناس و قسوتهم اشوفك على خير يا بابا(٢)
للى بيحبوا ال blue cheese فى قلبى والله، الصوص ده من ابو ٣٠ جنيه و حاجه و ربنا high end ، صوص ظريف جمب الشيبس او ناتشوز او من غير حاجه😂 لقيته فى كارفور