شهاده لايحتاجها الدكتور
لكن لكل مقام مقال
من خلال عملي وتنظيمي للمسابقه الرمضانيه لحفظ وتجويد القرآن بالجمعيه الطبيه
كان عبدالله السند من أول المشاركين وحريص على التواجد سنويا
لم يكن يبحث عن شهره
لم يكن متحدث رسمي بعد
والاخت تقول رياء
الله المستعان🙏🏼
#محشوم_دكتور_عبدالله_السند
شخص استودع اهله ..
ووطنه..
وكل عزيز ..
من اجل توفير لقمه عيش..
يادوب تكفي الحاجه..
وسفيه لا يرى به الا ضحيه لافراغ مرضه بس..
عسى الله يرحمه..
وعسى نشوفك معلق باقرب مشنقه باقرب وقت..
انا لله و انا اليه راجعون..
#مقتل_عامل_توصيل_طلبات
كلمه في موضع غضب لها من الجرح الكبير يبقى أثره حتى لو بعد سنين ..
اختر كلماتك بعنايه ..
احسن الى الناس .. وخاصه الاطفال .. تستعبد فلوبهم ..
ابداع استاذ سراج 🙏🏼
@SerajToon
16 سنه ..
اغتصب..
وحمّل..
وخطط و دبر..
وقتل..
وهرب وراح البر و احرق..
ورجع البيت و كأن لم يكن ..!!
ركز .. 16 سنه ..!!
انا بعمر 16 سنه كان طموحي بالويكند العب كره بنادي كاظمه بعد ماخلص واجباتي..!!
ربوا عيالكم الله ياخذكم..
ربوا عيالكم الله ينتقم منه و منكم..
👊🏼💦
#jullebeeranara
طريقه التفاهم بينك و بين مريض الصم و البكم..
عسى الله يشافيهم ويحميهم..
احس بكل مره ييني شخص من هالفئه اني ودي مايمشي الا و اهو مرتاح..
لاتكون انت و الدنيا عليه..
قدم جهد اكثر فقط عشان تلقى دعوه تمنع شر و تأتي بخير لك..
من ظهر غيب وانت لاتعلم..
🙏🏼🚶🏻♂️
كلمات تخرج من شخص محب لوطنه..
مخلص له..
رصاصات في صدر كل من أراد السوء لهذا البلد ..
ماقصرت يا بوثامر ..
لقاء جميل ممتع يشدك في كل ثانيه بجرئته و قوه حجته ..
ساعتين تمر كأنها دقايق
فالك المجلس بوثامر نفرح بعودتك كما عودتنا ..
👏🏼👍🏼
@ShuaibMuwaizri
#شعيب_المويزري
عظم الله اجرنا ..
يارب انك ترحمه..
نعم الانسان قبل ان يكون طبيب ومعلم و اخ ..
لاحول ولا قوه الا بالله ...
انا لله و انا اليه راجعون..
#عبدالعزيز_الحسن
@DrAsnaan
لما عبدالكريم الكندي الحضري..
يقول لبدر الداهوم العازمي القبلي..
كلنا عيال عمك..
شنو تبي الرساله تكون اكبر من جذي..؟
شنو تبي النسيج المجتمعي يكون منسجم اكثر من جذي..؟
كسبتوا موقف للتاريخ..
كسبتوا منهج ينشرح للاجيال القادمه..
بيض الله ويهكم شخص شخص
#بدر_الداهوم
#جلسة_القسم
عندما يتجرد الانسان من كونه"انسان"
وتتجرد غايتنا كبشر في رؤيه الامور بالدرجه الاولى "بانسانيه"
قبل دين و عرق وعرف..
درسنا النظريه النسبيه من يهودي
وتتلمذنا بالطب من كتب علماء يهود..
الاحترام للعقل..
وبعده يأتي الطوفان..
ونتسائل من أين تأتي"داعش"
من أفواه "مثقفينا التافهين"👎🏼
انزين وبعدين؟
بعد الشكر؟
في بدل عدوى لهم؟ لا
في اجازات؟ لا
في مكافآت؟ لا
في استبدال لرصيد الاجازات؟ لا
في تعويض نقدي مقابل الاجازات اللي تنحرق من رصيدهم لانهم ممنوعين انه ياخذونها؟لا
في تنسيق بالعمل مثل كل الدوله؟ لا
المهم نقص عليهم بشكر؟
يالله مشكورين👎🏼
#شكرا_ابطال_الجيش_الابيض
نوال ماتغني..
نوال تعطيك جرعه راحه عند اللزوم و دواء تاخذه بين اغنيه و اغنيه..
نوال تاخذ جزء من يومك كئيب..
وترده لصدرك قابل للاستخدام..
نوال..
لها قدره في اخراج اجمل شعور عندك..
وتعلمه كم هو جميل لمن يستحقه..
🙏🏼🙏🏼🙏🏼
#نوال_الكويتيه
@NAWALalq8iya
حط مطبات
حط موانع حديديه
حط دوريه شرطه
حط كاميرات تنظيميه
خل محيط المدرسه فاضي و بعيد عن اي تجمع سكني ماهو بين شوارع ضيقه و مناطق
طبق اشد العقوبات على المخالفين
انشر الوعي بين السائقين..
الف شي و شي تقدر تسويه
لانضحك على نفسنا و نخلي اللوم على الناس..👎🏼👎🏼👎🏼
#يعقوب_أحمد_الجفيني
شخص غير مسلم..
يسمع قرآن..
يتأثر ..
نعكس الموقف..
شخص مسلم..
يسمع موسيقى جميله..
يتأثر..
اذاً..
نحن مجموعه من العواطف و الاحاسيس..
نعشق الجمال سواء صوت او صوره..
لادخل للروحانيات و الايمانيات بالموضوع..
اكثر من دخل الموضوع بكونك فقط..
انسان..
🙏🏼👍🏼
الحمدلله رب العالمين ...
الحمدلله الذي بنعمته يكون كل شي جميل ..
تم اجتيازي للبورد الكويتي و حصولي على شهاده الماجستير في طب الاسنان الشامل المتقدم ..
🙏🏼🙏🏼🙏🏼
انا مو فاهم الضجه اللي صايره على الامتحانات الورقيه..!!!
اي مستقبل تتكلم عنه وانت تبي تروح الجامعه معتمد على تقارير وحضور ..!!؟
ماكو مكان بالكويت مارحت له..!!!
وقت الامتحان صار صحتنا..؟
انتوا من صجكم..!؟
امتحن و قدم واقدم وخل الامتحان المحك الحقيقي لقدراتك..
بلا كلام فاضي..
👍🏼👍🏼
16 سنه و خلص شريط الاجرام كله ..!!!
البيت و الاسره ..
لحد يقولي صحبه السوء اهم السبب الاول ..
البيييييت و الاسره والاحتواء العائلي ..
لي متى هالعالم هاده عيالها جذي..!!
لي متى عقليه المراجل ياخذونها من الشارع..؟
لي متى في ناس في عقليه "فرخ و الشارع يربي"؟
#jullebeeranara
مريضه كبيره بالسن دخلت علي
اسمها شقى
استصعبت الاسم،سألتها عن سببه
قالت لي ابوها كان يبي ولد
وانا ييت
فا قال"يتنا الهم و الشقى"
ومن وقتها سماني شقى
انقمت قلبي من فكر هالناس وشلون يربطون مستقبل اطفالهم في رغبه انسانيه غبيه،ويحكمون عليهم طول العمر بذكرى غضبهم منهم👎🏼💔
#مريض_لاانساه
ندافع عن الفن واهل الفن في وايد مواضيع لكن لمه يكون الاسفاف والايحاءات واضحه لهذي الدرجة نكون أول من يهاجم ..
مشهد كل المنثلين اللي فيه كومبارس درجة اولى ويقدمون مشهد يشوه صورة الفن بأكمله أمر غير مقبول وأول من يرفضه المفروض أهل الفن نفسهم ✋🏻
العمر الافتراضي للقب "دكتور" هو ٨ ساعات يومياً في العياده والعمل ..
غير هذا انت الشخص الطبيعي جداً الغير مرتبط بأي تسميه او لقب..
لاتربط عملك في طريقه تعامل الناس معك..
مهما كبرت في الاكبر..
ومهما تواضعت بترتقي اكثر ..
🙏🏼👍🏼
يوم المرأه..؟
قول يوم الحياه..
يوم كل شيء جميل..
يوم الشخص التي منها واليها تعود..
يوم القوه لديها وقت الضعف..
يوم الشموخ بين يديها لحظه الانكسار..
الام الاخت والمستقبل ..
كل عام وكل نساء العالم بكل خير..
🙏🏼🙏🏼🙏🏼🙏🏼
#يوم_المرأة_العالمي
احنا اشطر دوله بالعالم تسوي اوبريتات حق الترقص ..
ولا انتهى الاوبريت نرد حق عالمنا الحقيقي المضحك المبكي ..
بالضبط جنك طايف الاشاره وانت مغمض عيونك..
تبي تعيش اللحظه حتى لو بعدها داش بشبه .. 😅😂
لو بفلوس الاوبريت و الترقص هذا مساعدين جم أسره محتاجه مو احسن؟
#الكويت_فعلا_غير
لما ييني مريض من الاطفال مع اهله ..
واسنانه تكون متدمره تماماً..
نتيجه اهمال من الاهل يتحمله هالطفل المسكين..
والقى رد الاهل يكون "دكتور خلص اسنانه كلها ورانا طلعه"
ييني شعور انه انتوا مو كفو يكون عندكم هالابناء..
لانه شوفتكم للدنيا اهم من شوفتكم راحه حقه..
👎🏼👎🏼👎🏼
جزء من جمال اي اغنيه تأديها نوال
يكمن في كونها ماتكلم اذنك
تكلم كل ذكرى بحياتك
تكلم كل مكان لقى
تكلم كل ابتسامه تشوفها
تكلم كل تفصيل بسيط يمر مرور الكرام لهم
بس لك
له وزنه وقيمته ودك تحوفه حوف
تحفظه من أي أذى
ام حنين
سنين ضوئيه بينك وبين من حولك🌻🌻
@NAWALalq8iya
#نوال_الكويتية
عندكم فكره..
انه الچباتي الاحمر..
اهو ثروه قوميه في بلادي الاندلس..؟
وانه تصديره جريمه يعاقب عليها القانون..؟
وانه يسبب الادمان وتعاطيه يدخل الفرحه في قلبك يامسلم ياكويتي..؟
😍😍😍
ساعات تسكت..
مو لانه ماعندك رد..
كثر ما احساس داخلك يخليك تقول "سكوتي اجمل من شوفتك معصب"
خصوصاً في المعارك الخاسره..
اللي الكلام فيها حتى لو كان واقع..
هو مضيعه للوقت..
🙏🏼🍃🍂
وقسما بالله احس انه طاقتي لمشاهده الصور و التسجيلات لعمليات القصف و الضحايا انتهت ولاني قادر اتجاوزها ..
شلون بالناس اللي عايشه هاللحظات..؟
يارب عفوك و رضاك و انتقامك من هالخنازير الصهاينه و اشد عذابك لهم ..
#فلسطين
#طوفان_القدس
من تدش اي مكان حكومي اخذ رقم حتى لو انت ماتدري شالسالفه..
لانه على ماتدري شالسالفه بيكون عالاقل جدامك ٧٠ اسم فا اختصرت ٣٠ اسم عالاقل ..😂🙏🏼
#علمتني_الحكومه
فيلم soul ..
ابداعه و بساطته تكمن في نقله لتصور مابعد الحياه..
وطريقه التعاطي مع المتغيرات..
وكيف كون الشخص حر في اختياراته ..
تصور جميل جداً لمنطقه لطالما كانت غامضه..
ابداع جديد من العملاق دزني ..
👏🏼👏🏼👏🏼
احنا عايشين حياتنا ببركه الستر ..
الستر من المرض ..
الستر من الحاجه ..
الستر من طلب العون من الآخرين ..
الحمدلله رب العالمين على هالنعم اللي موحاسين فيها وماخذينها من المسلمات ..
🙏🏼🤲🏼
وبعد التقدير و الاحترام..
ياريت التفاته بسيطه على اقل مطالبهم ..
السماع لهم..
اخذ الجديه في كلامهم..
لانه صفقتين و اغنيه و بوست بانستجرام والله مو كافي لهم ..
😊
يبلش دوامك ٧الصبح
يخلص دوامك ٢الظهر
حظرك يبلش ٥العصر
يعني يومك كله عباره عن ٣ساعات تسوي فيهم كل شي كا شخص طبيعي!!
على اساس نشتغل على ديزل احنا
مكاين ٨سلندر مو بشر
ومحرومين من الاجازه وبيعها ومحروقه ايامنا الزايده منها
كان الله بعونكم ياطاقمنا الطبي
#الحظر_الجزئي
#وزارة_الصحة
👎🏼
@fatmaalsherazi
لحظه..
في عقليات عايشه بينا تشوف هالشي طبيعي و عادي ..؟
لانه اللي يشوف هالشي طبيعي و عادي محتاج اعاده تأهيل 30 سنه عشان يطلع للمجتمع و فوق هذا تخاف منه ..
اعوذ بالله الناس استخفت ولا شنو..؟؟!
لحظه لحظه ..
في خمه عبالهم اهم كيوت اذا كانوا على الحياد و قالوا حرام اللي قاعد يصير ..؟
تفو بحجم السماء يالحناطير ..
💦💦💦
اللي قاعد يصير بفلسطين هو اباده .. تطهير عرقي ..
عرفتوا ياكلاب..؟
الموضوع مو موضوع يمكن ومايمكن ..
الموضوع حق و باطل
خلك آدمي لو مره وحده بحياتك ياسافل
انا بدون شي عندي هالممثل من التوب 5 ممثلين اللي احبهم ..
هالمره تسوي جذي بعد ..؟
معلق علم فلسطين و طاق الدنيا كلها بالطوفه ..؟!
والله زلم زلللللم ..
ولاعزاء لربعنا المتصهينين ..
🇵🇸🇵🇸🇵🇸
#فلسطين
#غزة_العزة
#غزه
محرومين من الاجازه
محرومين من بيع الاجازه
رصيد الاجازات يروح عليهم وينحرق
ماخذوا اجازه من سنه
مواجهه مع المرض يومياً
كلهم تحت رحمه رب العالمين من اللي يواجهونه
وبالاخير شخص مو عاجبه فقط انه يكون لهم فرصه بالكلام!!
اذا اعطي الامر لغير اهله
هذي النتيجه
👎🏼👎🏼👎🏼
#محشومين_اطباء_الكويت
الشخص الوحيد بالكويت..
الي حملته الانتخابيه..
مو محتاجه الا انه ينزل صورته..
ويعلن ترشحه..
مومحتاج تعرف كلمه عن برنامجه الانتخابي..
بس روح صوت له و انت ساكت..
😍😍😍
#عبيد_الوسمي
مهم جدا..
لما يطلبني عامل او شخص بسيط اني اعالج احد من اهله وييني العياده معاه ..
احرص كل الحرص انه معاملتي له تكون بكل احترام و تقدير خصوصا امامهم
لانه بالنسبه لي هو شخص بسيط وعادي ..
بس بالنسبه لهم هو الرقم 1 في أعينهم ولايمكن اني هز هالمكانه له امامهم ..
🍃
@SerajToon
قمه السخافه و حب الظهور ..
قمه القذاره والرياء ..
ولا علاقه له بالدين نهائياً ..
لم يأمرنا به النبي ولم تكن سنه من تعاليمه ..
جهل مركب في صوره تجعل مفهوم بر الوالدين في التظاهر بهذه الاعمال الشاذه تماماً عن ديننا الحنيف
👎🏼👎🏼👎🏼
اعوذ بالله من التعود على النعم ..
الى فقدان الاحساس بها ..
والاستهتار بوجودها ..
والتبذير فيها وعدم الشعور بالمحروم منها ..
اللهم ارحمنا ولاتبلينا بما فعله السفهاء منا ..
🙏🏼🤲🏼
#العيد_الوطني
#الكويت
#الاحتفالات_الوطنية
صباح الصباح ..
مع شعله النشاط الممرضه ..
لمن لايعلم ..
معشر الأطباء يضيع في ملكوت العمل .. اذا التمريض ماكان موجود .. لانه فعليا they are who drive the train ..🙏🏼
صباحكم كل خير ..
What a beautiful day .. to save some teeth ..
🦷💉💊
@Mstahlekq8
@kuwmun
ابحث عن السبب ..
جزء من من يضطر يبني مساحات كبيره بالبيت..
يكون لمستقبل عياله و اسكانهم
حرر الاراضي..
قلل وقت انتظار بيت العمر..
كما هو معمول في دول الخليج..
وبعدها لكل حادث حديث..
👍🏼
فرحتي بخسارتهم
اكثر من فرحتي بفوز غيرهم
🙏🏼🙏🏼🙏🏼🙏🏼
صفاء الهاشم
احمد الفضل
عوده الرويعي
علي الدقباسي
صلاح خورشيد
عسكر العنزي
صلاح عاشور
فراج العربيد
سلطان اللغيصم
خلف دميثير
خالد الشطي
عمر الطبطبائي
ماجد مساعد
محمد الجبري
حمود الخضير
محمد الجبري
فيصل الكندري
خليل ابل
البابطين
لازال عندي قناعه ..
انه فارق العمر له شأن كبير في التعامل مع من حولك..
قله خبره حياه..
وطريقه رؤيتهم للامور..
حتى تأثير البيئه وعقده النقص في أُسرهم..
تعطيك مؤشر كبير في مدى فهمهم لما يقتضيه اي حوار ..
لاتجادل..
ارتقي..
انت افضل بكثير من فقط رؤيتهم بانهم يستحقون حديثك لهم..
🍃🍂
اهو ماقالها عبث..
ماقالها لشيء في نفسه..
قالها و عنده قناعه انه في شعب حر..
شعب غير موجهه..
شعب يؤمن بمبدأ..
وفعلا انتفض هالشعب و داس على كل فاسد..
احسنت بوثامر..
🙏🏼🙏🏼🙏🏼
لما تطلب من بريد توك..
وكيكه بوعدنان توصلك بالغلط..😬
تكون بين حاله استغلال الفرصه..
وبين انك تتعوذ من ابليس وتستحرم هالشي..
كيكه بوعدنان وراك وراك حتى لو ماتطلبها ..
😂😂😂
@Bo3dnan84
لحظه لحظه..
انتوا اللي هامكم الحين انتحار وتبون توجهون الناس حق هالتفكير..؟
مو هامكم انه في روح فُقدت و طالبه توفت عندكم وانه الموضوع وايد اكبر من اني اخلي سبب على سبب؟
موهامكم مشاعر اهلها؟
انتوا صرح اكاديمي وهذا تفكيركم ..؟!
الله يعينا عليكم ..
👎🏼👎🏼👎🏼
#كليه_العلوم
#جامعه_الكويت
اذا في واحد او اثنين متطوعين قليلين ادب..
مو متربين..
مو معناها المتطوعين كلهم على نفس الشاكله..
في ناس قاعده تعطي من قلبها بصوره مشرفه..
ياريت مانعطي هالصوره عنهم..
قواهم الله و يعطيهم الف عافيه ..
🙏🏼🙏🏼🙏🏼
عبدالله النفيسي..
مبدع للثماله..
انتهيت من متابعته بكل اجزائه..
وجاري اعاده المشاهده من اول وجديد..
علامه تسير على الارض..
وحضاره من المعلومات السياسيه العريقه في كل زاويه..
👍🏼🙏🏼
#الصندوق_الأسود
#عبدالله_النفيسي
جانب من حياتك تحييه و تعيشه من وقت الى وقت..
لانك تحس نفسك في nostalgia لازم تعيشها من وقت لي ثاني ..
تذكرك بحقبه و بمكان و بأشخاص وزمن ..
أغنيه الرجوع للبيت ..
تكلمك في ابسط التفاصيل بأسهل الكلمات وتوصلك لآخر عمق في كيانك ..
🍀🌻
@NAWALalq8iya
#نوال_الكويتية