ابنة لرجل عظيم رحل عن هذه الدنيا وترك طيب الأثر ..اللهم ارحم والدي سليمان داود الخريف وطيب ثراه ❤️ اللهم ارحم حبيب الوطن عبدالحسين عبدالرضا وارحم كل حبيب
خذيت قرار اعتبره كبير .. اني اشارككم صورتي حاليا .. انا مريت بفتره صعبه ومرضت الشهور الي طافت .. من الاشياء الي خسرتها شعري الحمدلله .. كان عندي عدم قبول وظليت البس سكارف .. لكن اليوم قررت اشاركم صورتي كأول خطوه اني اتقبل نفسي واحبها مثل ما اهي وعندي ثقه ان ربي بيشفيني ويرفع عني
اتي .. صارلها اكثر من ٧ سنين عندي .. اعتبرها اختي .. شالت عيالي معاي ومتعوده اتريق كل يوم الصبح معاها وناخذ قهوتنا مع بعض 💔مؤمنتها على كل شي بيتي وعيالي .. حاليا اهي بالمستشفى من مضاعفات كورونا ادعولها الله يخليكم ادعولها 😭🤲🏻ربي يشافيها
موكل الناس بيوتها شرحه ..مو كل الناس عندها وسائل ترفيه ..مو كل الناس عندها حديقه وحوش وسطح ..وعلى فكرة مو كل الناس عندها غرفه خاصه فيها .. بالنهاية مو كل الناس عاشت الحظر مع ناس ونيسه تخفف عليها ..وايد ناس عانوا فتره الحظر نفسيا ..عشان جذي الي بيطلع خل يطلع لأن ظروفنا مو وحده 💔
امس طالعين نتعشى بمطعم .. اول مره اركز عالاسعار .. للاسف تره في اشياء اسعارها حيل مبالغ فيها .. يعني شنو عصير ب٤ دنانير وشوي ولا ماي مادري بجم .. يعني محل العصير الي رزقه من العصير يبيعه بدينار .. اعتقد المطاعم لازم احد يراجع اسعارهم ولحد يقنعني ان كل شي غالي .. قاعدين يبالغون
الحمدلله الذي بنعمته تتم الصالحات .. صدر اليوم قرار تعيني مساعد عميد للشئون الطلابيه بنات بكلية العلوم الصحيه واسأل الله ان يعيني على هالأمانة 🤲🏻 اللهم لك الحمد
مع تعديل التركيبه السكانيه نعم ..مع اخراج المخالفين والعماله الهامشيه من البلد نعم ..لكن ضد الهجوم الغير مبرر عالوافدين ..اياكم وكسر النفوس ..الوافد فيهم الطبيب والمدرس والممرض..فيهم المخلصين الي وقفوا معانا بهالأزمه وغيرها خلاص بسكم تجريح كلنا ممكن نكون وافدين الله لايخفس فينا💔
قبل اسبوع يوسف ولدي فاجئني انه رجع الكويت ودخل علي بالمستشفى وانا ناطره امي بالعمليات .. وطبعا انا كان وضعي الصحي تعبان .. احس روحي ردت 😭😭شوفو ردت فعلي
عزيزتي البنت .. لحد يقص عليج ويقولج الزواج موضروري والرجل مو مهم والشعارات .. كوني على قناعة ان الزواج وتكوين اسرة هو سنه من سنن الحياة وهو قسمه ونصيب .. اذا كتبه الله لج بما تتمنين فالحمدلله واذا ماكتبه فالحمدلله .. ترضين وتستمتعين باللي ربي يكتبه وتبدعين في عملج واهتماماتج
انا فري وايد لكن تقولي البكيني من عاداتنا وتقاليدنا لا ياقلبي لا امهاتنا ولا يداتنا البسوه ..تتفصخون بشرم وتستشرفون بالكويت ..لاياعمري رحنا شرم ولاتفصخنا لبسنا بالكويت نفس لبسنا بره ..بتلبسين لبسي لكن لاتعممين ياقلبي ..سوو الي تبون لكن لاتجملون الغلط تره يظل الحيا حلو
في غرفة العلاج الكيماوي سويتش واحد يطفي كل الليتات فكنت بطفيه عشان ابوي ينام .. افتريت اسأل المرضى اذا ماعندهم مانع وكان في ريال يهبل سألته عمي عادي اطفي الليتات .. جان يقول طفيه يبه انتي نورج منور المكان كله❤️
ياحلو الناس الي كلامها جبر خاطر حتى واهي تتألم عسى ربي يشافيهم جميعا
د جعفر قاسم الأخ والصديق استلمنا رئاسة اقسامنا مع بعض وخلال فتره الرئاسة اختير كعميد مساعد للشؤون الاكاديميه وكان من اكثر الناس تفاني بالعمل وكان الصديق المحب النصوح ..مستحيل يمر يوم ومااروحله مكتبه و من ادخل يضحك لما يشوفني😭 هالكلام اكتبه لي لما خلصت فترتي بقروب الكليه 💔
لحد يتفلسف ويقول ربوا عيالكم تره الزمن هذا زمن صعب والواحد مهما يربي الله سبحانه اهو الهادي .. ياما بيوت محافظه وتعبوا على عيالهم و عيالهم يطلعون عكس التربيه واكبر مثال الانبياء وابناؤهم ..الي بايدنا نوجههم وندعي الله يهديهم لأن كل شي كتبة الله ومانحكم على الناس لان الدنيا دواره
كنت ذات حظ عظيم .. عشت تحت جناح ابوي الغالي لاكثر من ٤٤ سنه عاملنا كالأميرات وكان مصدر الحب والقوه لنا.. اللهم انك تعلم انه ادى امانته بنا واحسن الينا وكان نعم الأب والسند لنا ولأبناؤنا .. فارحمه واعفو عنه واجعل قبره روض من رياض الجنه 🤲🏻😭ياحبيبتي ونور عيني يايبه
توني راده من 360 كنا بالسينما .. منظر البنات الصغار الي اعمارهم ماتجاوزت ١٣ سنه يعور القلب من لبس ومكياج وحركات ويتمشون بروحهم .. عزيزتي الام وعزيزي الابو تره ماكو اي سبب يستدعي بنتكم تتمشى بروحها بهالمجمعات ولا تفهمون التفتح والحريه غلط هالعمر اصعب عمر شدو عليهم شوي ولاتخسرونهم
حبيبي بل جاري .. فوق ال٨٠ سنه عمره وعنده امراض بالقلب فاهو من الفئه الي ممنوع يطلعون لان المرض خطير عليهم ..يحطلي لستة الجمعيه تحت الباب وانا اروح اشتريله الاغراض واحطهم عند بابه.. يارب لك الحمد شكثر احنا محظوظين بالكويت ❤️❤️النعمه الي احنا فيها وايد ناس فاقدينها
انا لله وانا اليه راجعون
انتقل الى رحمة الله سايقنا وعشرة ١٤ سنه
محمد زبير
بسبب مضاعفات كورونا .. اللهم اجرنا في مصيبتنا واخلف لنا خيرا منها
الله يرحمك 😭كسرت قلوبنا
دامك مافقدت اخو ولا ابو ولا بنت بالغزو لاتتكلم عن التسامح .. في ناس ليلحين جرحها كبير وفي ناس توها استلمت رفاة عيالها من جم شهر ..وفي ناس لي اليوم ماتدري وين عيالهم مدفونين .. الغزو مانمحى من الذاكره وصح في وايد مالهم ذنب لكن الي بسامح ولي مايبي بكيفه.. لاتتدخلون بمشاعر بعض
كلمة حق لما كنت اودي ابوي الله يقومه بالسلامه الاشعاع كل الي يشتغلون من الجنسيه المصريه والهنديه
ناس نفوسهم حلوه وبالهم طويل مع المرضى ودايما يحاولون يرضونهم .. يداومون من ٧ ويظلون لين يخلصون اخر مريض لي ٤ او اكثر .. قبل لاتذمون الوافدين فكروا بالناس الي قاعدين يخدمونا بطيب خاطر
شغله بقولها لأول مره بحياتي .. كدكتوره اقدر اعرف كل المعلومات الطالب الي عندي .. ربي يشهد علي عمري مافكرت اشوف جنسية اي طالب او طالبه عندي .. واتعامل معاهم كلهم انهم عيالي وفي كل موقف يصير اتخيل ان يوسف او مريم عيالي اهم الي بهالموقف واتعامل معاهم بمثل ما احب ان عيالي يتعاملون
السيستاني مرجع للكثير من اخوانا الشيعه، غير هذا اهو رجل دين وصاحب علم ..احترامه واجب وان اختلفنا .. احترامه من احترام اهلنا وتقديرا لعلمه .. ونرفض ان يمس أو يتم عنه الحديث بأي طريقة غير لائقه
ممكن كلامي الي بقوله مايكون مقبول عند الكثير ..لكن لو لم اكن كويتيه وكان عندي فلوس كنت راح ادفع عشان اشتري الجنسيه الكويتيه ..اشتري الكويت واشتري اني اعيش على ارضها .. لاتحاسبون الي اشترى الجنسيه حاسبوا الي باع الهوية الوطنيه وباع الكويت عشان الفلوس .. حاسبوا الي باع مو الي شرى👌🏼
لكل شخص كتبلي كلام طيب تحت هالتغريده من القلب شكرا لكم دايما تغمروني بمشاعركم .. الحمدلله انا زينه وكانت فتره قاسيه وعدت وللتوضبح انا ماكان فيني كانسر كان فيني عارض صحي آخر وسويت عمليه والحمدلله انا بمرحلة التشافي بفضل الله .. اعتذر اذا في احد مارديت عليه واحبكم وربي يحفظكم
خذيت قرار اعتبره كبير .. اني اشارككم صورتي حاليا .. انا مريت بفتره صعبه ومرضت الشهور الي طافت .. من الاشياء الي خسرتها شعري الحمدلله .. كان عندي عدم قبول وظليت البس سكارف .. لكن اليوم قررت اشاركم صورتي كأول خطوه اني اتقبل نفسي واحبها مثل ما اهي وعندي ثقه ان ربي بيشفيني ويرفع عني
الحمدلله على سنين مضت وربي باركلي بسنيني القادمه واكتبلي ماتحب وترضى واحفظ لي احبابي واجعلني ممن يشكر نعمك يارب العالمين .. اللهم حنن قلبي على خلقك وطيب بالذكر لساني واملأ قلبي بالحب ولاتجعل به ذره حقد او كره واجعلني راضيه دائما بما كتبت لي
ونقول هلا بال٤٤ عام ❤️🙈الحمدلله
عقدة الشيعة ماراح تنتهي عند البعض .. احنا مو دورنا نحدد منو مسلم ومنو كافر ..احنا دورنا نحترم المذهب الآخر .. انا سنية من أب وأم سنه واستنكر كل كلمة انقالت بلقاء الخميس واراها مادة اعلاميه الهدف منها اثارة الفتنه والجدل وزيادة المشاهدات والمستفيد الوحيد اعداء الوطن .. تسويق فاشل
لو لم يكن للملكة العربيه #السعوديه اي انجاز الا تنظيم موسم الحج كل سنة فهو أعظم انجاز عرفناه .. دمتي لنا يابلد الحرمين سند وعز وحفظ الله المملكة وملكها وحكامها وشعبها من كل مكروه 🤲🏻 دمتوا لنا اخوه ❤️
الفتره الي طافت كانت اصعب فتره بحياتي .. انا اعاني من وضع صحي شوي صعب ومرض ابوي الله يحفظه لعب بنفسيتي وساءت حالتي وايد .. انعزلت عن الناس وماقمت اكلم احد لكن وصلت لقناعه اني لازم اقوم واعين نفسي عشان نفسي وعيالي وعشان اوقف مع ابوي والحمدلله رجعت بفضل الله ❤️ولهت عليكم
اعتقد اخوانا الشيعه مو معترضين على ان جمع التبرعات النقديه مخالف للقانون .. اعتراضهم على الطريقه المشينه الي تعامل فيها الشيخ ولازم كلنا نرفض هالشي سواء كنت سني ولا شيعي ولا حضري ولا بدوي .. لان احنا مو بدوله بوليسيه ولكل انسان قدر وكرامة
اخواني الشيعه .. اي شخص يخرج في هذه الأيام ويحاول اثارة الفتنه والجدل .. سفهوه وحقروه.. طول عمرنا واحنا متعايشين وعلى قلب واحد ..لاتخلون احد يفرقنا .. تره الكويت محسوده على هالنسيج الاجتماعي .. وتآلف القلوب .. قتلو الفتنه وخلوها بمكانها ولاتعطون أحد اكبر من حجمه .. ومؤجورين 🤲🏻
في شغلة بقولها بقلبي.. وايد ناس تغيروا وقامو يكشخون بحكم ان احنا ديره كل من يكشخ فيها .. وطبعا الاشكال صارت يمكن اجمل واذرب.. لكن مع اي موقف تطلع شخصية الهلاقه وقلة الأصل والسنع.. نصيحة مومهم تكونين شايله جنطه بألف ولا لابسه ساعه بعشر آلاف.. المهم انج انسانه وقيمتج الحقيقيه تكون
#البدون حتى لو ماعنده بطاقه صالحه .. عياله لازم يدرسون والمريض منهم لازم يتعالج .. هالشغلتين لازم توخرونهم عن السياسه الوصخه 💔 التعليم والصحه حق لكل انسان
ماعليكم امر ريتويت ❤️ خل يوصل لأكبر عدد ❤️
فرصه وظيفية لأخواننا الممرضين من غير محددي الجنسيه - ذكور وإناث - للعمل بنظام الساعات لدى شركة كويتيه - للمهتمين يرجى ارسال الCV على الواتس أب على الرقم
56505051
رساله لكل دكتور او مهندس او غيره ..يرز الدال والميم واللقب جدام اسمه وشهادته ماهذبته .. شهادتك مومهمه بدون اخلاق ..فالله سبحانه رفعنا بالعلم لترتقي نفوسنا مو عشان نشوف نفسنا على الناس ومن تواضع الى الله رفعه .. تحياتي💕
شنو هالمستوى والكلام ؟ لا حشيمه لا احترام .. ولا حتى اخلاق بالتعامل وخوف من رب العالمين .. الأعمار بإيد الله سبحانه مو بإيد البشر .. حسبي الله ونعم الوكيل
الحمدلله الذي بنعمته تتم الصالحات انتهت اليوم فترة رئاستي لقسم المختبرات الطبية .. ٤ سنوات مرت كانت من اجمل السنين .. بناتي الغالين كنتوا بالنسبه لي شي كبير وغالي و كانت مصلحتكم اهم شي عندي عشت بينكم ومعاكم .. سامحوني اذا بدر مني اي تقصير واتمنالكم كل التوفيق يا اجمل طالبات 🌷
أقسمت وبريت بالقسم وأثبت انك قد ثقة صاحب السمو .. كفيت ووفيت وبذلت كل الي تقدر عليه .. وكانت الكويت والكويتين أولوياتك .. والله يعلم باللي شفته .. قلوبنا معاك والله يثبتك ونعدي معاك لبر الأمان 💕 د باسل الصباح ..الرجل المناسب بالمكان المناسب ولا عزاء للحاقدين 👏🏻
اذا كان سجن #جمال_النجاده بسبه الفويس الي انتشر الي المفروض اهو فويس خاص .. فاحنا بخطر كبير .. الناس تتحاكم على اشياء المفروض تكون اسرار .. منو فينا بحزة غضب مايطلع منه شي ممكن يدينه بيوم ؟ وصلنا مرحله خطره .. الله يفك عوقج ويارب فتره وتعدي .. ماعرفج ولا اتابعج بس الي صار موصح
لما كنت طالبه بالجامعه ورئيسه الرابطه سعينا على الغاء الامتحانات في عاشوراء ومن درست بالكليه كل سنه احرص من بدايه الكورس اني اسأل الطلبه عن اي يوم يصادف عاشوراء وبهاليوم احرص ان مايكون فيه امتحان وتنعاد كل المحاضرات.. انا ربيت ان هاليوم مهم لأهلي الشيعه وكبرت على احترام شعائرهم
طالبتكم طلب .. الحين ابوي واخواني بالمقبره لدفان الغالي على قلوبنا محمد زبير هالانسان عاش طيب وراح وترك سيره طيبه .. عشرة عمر ماشفنا منه غير الابتسامه والحب والله لوما ظروف الوباء جان الكل راح وصلى عليه .. تكفون الي يقدر صلو عليه صلاة الغائب وادعوله بالثبات 😭ياربي ترحمه برحمتك
تعلمت من ازمة كورونا
🌷ان العالم كله مرتبط فلا تتمنى الشر ل��يرك لأنه سيصيبك
🌷ان الحكومه الكويتيه قول وفعل وان الكويت ماكو مثلها وعيالها فخر وعزوه
🌷ان كل الماديات صار مالها قيمه مقابل اساسيات الحياة
🌷 ان البعد عن الكويت يذبح 💔وماتحس بالأمان الا فيها
انتو شنو تعلمتوا؟
#التطبيقي وايد ناس عيالهم تخرجو من الثانويه وموعارفين وين يروحون .. ونسبهم قد ماتدخلهم جامعه.. نصيحه اي شخص عنده ولد او بنت تخصص علمي وموعارف وين يروح.. اخذ فكره عن كلية العلوم الصحيه بالتطبيقي .. التخصصات الموجوده للكويتين والوظائف متوفره ومطلوبين بسوق العمل .. واي استفسار حاضر
اذا تطعيم ٨٠٪ من الشعب بردنا لمرحله الصفر .. ليش طعمتونا ��يل؟؟ نبي خطط وحلول صح .. الحين المفروض انتو صار عندكم دكتوراه بادارة الازمه والاعذار الي كنا نعذركم فيها في بداية الوباء ان مرض يديد وتقبلنا تخبطكم ماراح نقبلها الحين .. نعم الوباء مازال موجود لكن التعامل معاه لازم يختلف
الحمدلله ماقام يغريني اي شي مادي .. يعني حتى لو يعجبني شي مايفرق معاي شريته ولا لا .. صارت السعاده بالنسبه لي بالصحه والعافيه والوقت الحلو الي اقضيه مع الناس الي احبهم .. الحمدلله على نعمه الأهل والاصدقاء المخلصين ❤️
الحمدلله اني من زمن بنات الفريج ..زمن اللعب بالسكه الحيله واليمعات بالفريج .. زمن نطرة الباص من الفجر ..زمن الجار يطق باب الجار ويزوره بدون اذن وموعد .. زمن العيال كلهم بمدرسه وحده .. زمن الي نعرف الفريج كله من اول بيت لي اخر بيت ..زمن الي فرحنا واحد وحزنا واحد ..الزمن الذهبي ❤️
موقف جميل اثر فيني وايد ..السنه الي فاتت نفس هالوقت يتني طالبه مع اختها وكانت اختها تكلمني عشان اساعدها بالتسجيل وساعدتها بالي اقدر عليه وقلت لها انا ودي اسوي اكثر لكن والله انا مو صاحبه القرار..جان تقولي يارب تكونين صاحبة القرار ..اليوم بعد سنه دخلت نفس البنت وانا مساعد عميد ومن
طالب دكتوراه سعودي بجامعة نيوكاسل مايعرفني الا من خلال اسألتي له عن كذا شغله من محلات الحلال واليوم عرف اني هني بروحي و اعتذر مني لأنه ماكان عارف وماخدمني وحلف علي ما اروح الحلال ولا اتعنى واهو يشتريلي الي ابيه واييبه لي عندي 💚💚 وقالي انا اخوج اي وقت تكلميني ..تلومونا بحبهم ؟
قصه حقيقه
وحدة توفى زوجها وكانت تاخذ معاشه ..بعد فتره تزوجت ومابلغت انها تزوجت وظلت تاخذ المعاش من دون علم زوجها الحالي وبتشجيع من ربعها .. ان استفيدي ومحد بيدري.. طاحو عليها وصارت عليها مديونيه وكانت بين هم المديونيه وهم ان زوجها يدري..المهم ان ربعها الي كانو يشجعونها كلهم تخلو
راح اقولها لأول مره واهي ضد قناعاتي .. اختاروا صح ولاتتبعون قلوبكم ..اختاروا الشخص الي يكون معاكم ويسعدكم و الي انتوا اولويه عنده .. اختاروا الشخص الي يضيفلكم والي يحسسكم انكم مهمين لاتظلون مع شخص لمجرد انكم تحبونه وهالشخص متعبكم .. الحياة اقصر مما تتخيلون 💔تصبحون على ماتتمنون
مرضى السرطان الي ياخذون الاشعاع يعانون .. مافي مواقف قريبه من المستشفى من الزحمه ويطلعون بالشمس يعني فوق حراره الاشعاع الشمس مؤذيه لهم والجو قاعد يصير اسوء .. الحل ان جلسات الاشعاع تكون مساء منها الزحمه تكون قلت ويطلعون ماكو شمس .. نرجوا النظر بالموضوع
@DrAlsaeid
@KUWAIT_MOH
ببريطانيا عدد من الطلبه قاعدين يكملون دراستهم بمنح من اشخاص اغنياء او مؤسسات خيريه .. بيث صديقتي منحتها الدكتوراه متكفل فيها فنان بريطاني
ليش عندنا مايتكفل كل شخص غني بعدد من الطلبه #البدون عشان يدرسون سواء بالجامعات الخاصه ؟ هذا الاستثمار الحقيقي الي عوايده بتظل معاك العمر كله
قبل اقل من سنه وحده اذبحت زوجها بالمطرقه .. لاتحولون الموضوع الى قضية نسائيه ..جم خادمه ماتت على ايد معزبتها .. وجم رجل مات وانقتل على ايد رجل .. الفكره ان الجريمه زادت بالمجتمع لعدم وجود رادع ولثغرات بالقانون ..لاتضيعون الفكره وتحولونها فقط ضد النساء القاتل يجب ان يقتل ايا كان
الوافد والبدون بالكويت وايد فيهم ناس ماعندهم ثمن العلاج اذا مرضوا .. هذول اولى بصدقتك وزكاتك من الجمعيات الي كل شغلها بره الكويت وماتدري يوصل للناس الصح ولا لا .. نصيحه التفتو حولكم تره في ناس وايد متعففه ومحتاجه .. خل صدقتك وزكاتك تروح المكان الصح 👌🏼