🔴 صار معايا موقف اليوم ماحنساه طول حياتي !
صحيت اليوم وخرجت من البيت الظهر على غير العادة وقررت اروح البحر امشي شوية رغم انه حر والاجواء ماتساعد ابدا ولكن حسيت اني محتاج اروح امشي وفي مكان ما مشيت فيه من زمان وفجأة اسمع صوت صراخ بنت من بعيد ! استغربت لانه المكان كان فاضي حرفيا!
وقتها عرفت انو كيف احنا بنمشي في هذه الحياة بحسب اقدار الله الي ربنا كتبها علينا بغير اي تخطيط بحسب الزمان والوقت الي انكتب في اللوح المحفوظ ،وكيف الحياة في لحظة ممكن تتغير ، والاسباب الي بتنحط في طريقنا برحمة ربنا 💗.
وبلطف من الله ورحمه قدرنا نخرج من المويا بعد ماكانت لحظات حرفياً صعبة وكلها توتر ! حرفيا بعد ماخرجت جلست اطالع واقول كيف ربي جابني هنا في هذا الوقت وفي هذا المكان بالذات وكيف الحمدلله كنت سبب في انقاذ ثلاثة اشخاص من الموت ! حسيت فيها لما البنت قالت لي انا ثانية وكنت حموت !!
و اطالع من بعيد والقى أم وابنها الصغير وبنتها الكبيرة في وسط البحر غرقانين ! في لحظة حسيت بصدمة ولا شعوريا صرت اجري بأقصى سرعتي في اتجاههم و وصلت ونطيت حرفيا بملابسي في نص البحر ومسكتهم وصرت احاول بكل قوتي اخرّجهم وارميهم في اتجاه الشاطئ ويحاولوا يتمسكو فيني وكل شي صار بلحظة !
في الامس كان من اجمل الايام واقربها لقلبي مع عائلتي الكبيرة في حفل تخرجي وبداخل قلبي وفاء وامتنان لكل من شاركني هذه الفرحة الجميلة ♥️🎓 و اتمنى للجميع ان يتوج اجتهادهم بفرحة تخرجهم♥️
كلنا عايشين بمرحلة حياة الجامعة وفترة الحرية الشخصية ومو مرتبطين بزواج وبيت ومسؤلية ونسوي كل الي نبغاه فعيشو هذي الفترة من حياتكم بكل تفاصيلها واستمتعو بيها ولا تسمحو لاي شي او اي اشخاص يشوهو هذي الفترة الجميلة من حياتكم ❤️ ما اقول الزواج مو حلو ولكن حتشتاقو لهذي الفترة من حياتكم
كذكرى لأيام الدراسة المليئة بالاحداث حبيت اوثق مرحلة حياتي الجامعية في الخارج في كتاب اعتبره الان اغلى شي املكه بعد انتهاء هذي المرحلة ومتحمس اوريه اولادي في المستقبل ❤️
الايام تحتاج فقط الى شخص يتقاسم معك فرحك ويهوّن عليك حزنك ويقف معك وقت ضعفك ويتشارك معك رحلة الحياة الطويلة ويكون رفيق درب لايكل ولا يمل فقط لا غير ذلك 🤍
بخصوص انه ناس كثير سألوني على كتب القانون ومن فين نجيبها ! تقدرو تطلبوها من تطبيق دار الثقافة للنشر الي حتلقو فيه كل الكتب الي تخص القانون بجميع فروعه 👏🏻
مره حينفع طلاب القانون الي يدور على كتب معينة .
اتمنى اني قدرت افيدكم ❤️
راحة بالك حتكون لما تعرف تتعامل مع كل الظروف الي تواجهك وثباتك فيها رغم انها حتكون في بعض الاحيان صعبة جدا بس انت بيدك بطريقة اخذك للأمور انك تخلي كل الي يصير بحياتك مايأثر على نفسيتك كثير و تتأكد انه بكرا حيكون احلى واجمل وانه مافي حزن مستمر ولا حال دايم ♥️
لازم تستوعب انه حيكون فيه يوم سيئ لدرجة تتمنى انك ماتكون موجود بالحياة وحيكون فيه يوم حلو وجميل لدرجة تتمنى كل يوم تعيش دا اليوم وتحس بشعوره الحلو لكن لازم تقدر تتعايش مع كل الظروف الي تمر فيها وتتعامل مع كل شي يصير معاك لانها اقدار وربنا كتبها علينا 🤍
مهما انشغلت في حياتك وبناء مستقبلك لا تنسى الغاية الاهم من وجودك في هذي الحياة والسبب الي ربنا خلقك عشانه وتذكر انه مافي اهم من علاقتك بربك وصلاتك وعبادتك وذكرك لربك مهما اخذتك الحياة بمشاغلها،
يَٰأَيُّهَا ٱلَّذِينَ ءامَنوا لَا تُلْهِكم أَموَٰلُكُم ولَآ أَوْلَٰدُكمْ عَن ذكر الله
ونشارك بمبادرة فريقنا ❤️
هذي تجهيزات مغترب في الحظر وبعيد عن اهلو 😂 يعني كلها افكار منزلية بسيطة عشان بهجة العيد ❤️
#مبادره_فرحه_التطوعيه
@muntaha_hope
لايضرني ولا يحزنني من اختار الرحيل من عالمي فأنا لست الطرف السيئ ولا بالشخص الناقص بل اعلم ان بداخلي روح تستحق التقدير والاحترام والكثير من المحبة واللطف، لا تستنقصوا من قيمة استحقاقكم لأي شيئ وكونوا على ثقة أن الله يعلم جمال قلوبكم وما تستحقونه.
لجميع الاشخاص من حولنا، ترا احنا مو اغبياء او ساذجين وعندنا ذكاء كافي يخلينا نعرف جميع تفاصيل الاشياء الي تصير حولنا لكن نختار نسكت ونسوي انفسنا ماندري .
احيانا ممكن نبكي بشدة على شي واحد من امور الدنيا عشان ما كانت من نصيبنا ونحزن وهذا الشي جعلني افكر كيف حيكون موقف الانسان الي ماكانت الجنة نصيبوا؟💔🥺 ذلك هو الحزن والحسرة والبكاء الحقيقي
ربي يجعلني واياكم من الذين تكون الجنة هي نصيبهم ♥️
من اقبح الصفات الي ممكن تكرهني باي شخص حتى لو ما اعرفه هو اسلوبه لما يكون انسان لسانو بذيئ وتصرفاته فيها كم كبير من الوقاحة ويتصرف بشكل مؤذي لكل الي حوله ولا يعمل حساب او عتبار للمكان الي هو فيه او الناس الي جالس معاهم ويجبر الناس انهم يذمّو وجوده بينهم لسوء اخلاقه وتسلط لسانه
دايما الحياة حتعطيك اسباب عشان تيأس وتتعب من كل شي وتصير فاقد الامل من حياتك وكلنا حيجينا دا الشعور لكن لازم احنا نعطي الحياة الف سبب اننا نستمر ونكمل مشوار حياتنا بإرادتنا لانه مافي شي اقوى من ارادة الانسان على وجه الارض 👏🏻
الناس لما تتعود انك دايما تكون المبادر راح يستغربو جدا لما يصير موقف وتقرر المره ذي انك ماتبادر لأنك عودتهم إنك دايما تبادر ومبادرتك صارت من المسلّمات بالنسبة لهم وهذا خطأ بحق نفسك ، لازم الجميع يتعلم يبادر ، المبادرة لازم تكون من جميع الاطراف .
خوفك من الله الذي يمنعك عن فعل الكثير من الامور التي تسوّل لها نفسك وهواك هو الذي سوف يوصلك للمكافأة العظيمة الذي وعدك بها الخالق
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ فَإِنَّ الْجَنَّةَ هِيَ الْمَأْوَىٰ
بعض البشر يدخلون حياتك على هيئة رحمه انزلها الله لك من السماء السابعة، يمسحون على قلبك و يداوون كل جروحك، قُربهم أُنس، وصلهم نعيم، صوتهم حياة ، ضحكتهم جنة، ابتسامتهم سعادة، وجودهم راحة.🤍
افضل مايمكن انك تقدمه لغيرك انك تراعي حالته النفسية، ودايما تحط اعذار للناس لانك ماتعرف الوضع الي جالس يمر فيه او الفترة الصعبة الي ممكن هو فيها، لاتضغط على احد وانت ماتعرف احواله، كونوا كالنسمة اللطيفة في حياة غيركم 🤍.
يوم ممتع و جميل بكافة تفاصيله وسعيد جدا بجميع الذين التقيتهم اليوم في حفل تكريم الفرق التطوعية المشاركة في #اليوم_العالمي_للتطوع برعاية معالي وزير الاسكان و وزير الشؤون البلدية والقروية ومعالي امين محافظة جدة
شكرا مقدم الحفل الجميل استاذ محمد صدقة ♥️
@M_sadakah
@muntaha_hope
الدافع الي يخليني دايما احب البساطة بكل شي بحياتي ، انه في ملايين من البشر يتمنو يعيشو جزء بسيط من الحياة الي انا عايشها، وعشان كذا لازم نشكر ربنا على كل النعم الي احنا عايشينها ومو حاسين فيها، ونكون ناس بسيطة ونتعلم الرضى دايما 🤍.
بعض المواقف ماحتقدر تسامح فيها شخص غلط في حقك و أذآك كثير لدرجة قلبك مستحيل يغفرلو بس افتكر ربنا لما قال وليعفوا وليصفحوا ألا تحبون أن يغفر الله لكم ؟ تخيل ربنا يقولك ماتحب اغفرلك ؟ يقولك سامح وحسامحك اغفر وحغفرلك ،اتعلم انك لما تسامح حتسامح عشان نفسك ورضى ربك 🤍