يارب ان كان يومي قريب أحسن خاتمتي
و أجرني من موت الغفله و ألحقني بالصالحين
ولا تقبض روحي إلا و انت راضي عني
اللهم توبه قبل الموت و شهادة عند الموت
و جنة بعد الموت
ياوليف الروح يا حلو الوصايف
يابعد من شافت عيوني عيونه
ايه احبك غير عن كل الولايف
حب صعب ان الاوادم يعرفونه
الغلا لك والمحبّة وانت شايف
كيف عذّال الهوى منك مغبونه
وانا قبلك من ظروف الحب عايف
لين شفتك واخلف الخاطر ظنونه
أطنخ تدلل دام انا وأنت حيين
تفداك روحي كان روحي تسدك
بلدك قلبي و الشوارع شرايين
تمشي مع الشريان من حيث ودك
مره تمشَى داخل العين ياعين
ومره تخش الفكر ومحدٍ يردك
ومره تخيم بالحشى بين ضلعين
وعلى غدير الود ترشف بيدك
أنت الذي جيت لي وأعلنت بلسانك
أنك على شوفتي جايع وعطشاني
صدقت هرجك ومنطوقك من لسانك
وأقبلت لك مندفع من كل وجداني
ما كنت أفكر يجي في يوم نسيانك
وأنساك وأنت معاهدني ما تنساني
أقرا رسايل ماضيه كنت وياك
و اتأمل اللي صار من ذكرياتي
و أراجع اللي فات من حلو ذكراك
و تضيق فيني كل الاربع جهاتي
هلت دموعي يا حبيبي بلياك
وانت الذي لا هل دمعي تحاتي
شف حالتي من يوم ماحان فرقاك
ضاعت مع فرقاك كل امنياتي
شرعت لك بيبان قلبي ورحبت
قلت الله الله بقلب شافك أمانه
تركت كل الناس ما همني إلا أنت
ضميتك لصدر تباهى بحنانه
علي أنا بالذات وشلون مالنت
هزمتني وقلبي مايرضى الإهانة
غلطت اني بقلبك تعشمت
وانا خسرت اليوم قلبي ورهانه
من قسوة أفعالك تراني تعلمت
كل الجروح تهون إلا الخيانه
مشتاق لك و الشوق واصل حده
لكني ماراح أكرر غلطتي و أجيك
رديتني و أنا كلي مشاعر و مودة
و كسرت قلب كان بالحيل يغليك
يسألوني عنك قلت ماصان وعده
رحت و تركتني أنا و أحزاني نحتريك
أدري بك تقول حكي منت بقده
رح جعلك تحب واحد مايدانيك
لا تتصل ماني على الصوت شفقان
مرواح جدّي جعلك أتلى همومي
ياما فقدنا من حبايب .. وخلان
بدري على الفرقا ترخّي عزومي
أبشرك ؛ طيّب ، ورايق ، وطربان
شفني بعد فرقاك زانت علومي
من باعنا بعناه بـ اطفاس الاثمان
يا نفس صدّي عن هواهم وشومي