ما رضيت العام بالصف الختامي
ومستحيل اكون بالصفحة الأخيرة
يا اوقّف موقف يناسب مقامي
ولا شمت وشومة الاحرار خيرة
لي مكان ولي مقام واسم سامي
و سيرتي ماهي بحيّ الله سيرة
يا يعدوني مع كبار الاسامي
يا يبدّوني على الناس الكبيرة
يجينا شعور يطول الروس والاعناق
شعور الفخر فينا على طول متنامـي
وهجنـا مع أهل الطيب دايم وهو براق
قبل يعرفـون العالم الوهـج الإعلامي
سنا مجدنا يحرق قلوب الخصوم إحراق
و تاريخنا يحرق تواريخ واسامــي
وأنـا دون ربعي كل ما نشفت الأرياق
افاخر .. واحامي لا احتما كل متحامي
الله حكم بانّا نكون كبار
وراك واقف ضد حكم الله
ياللي ترمّينا بدون اضرار
الضعف خلّه و الرمي خلّه
حنّا عليك ابعد من الاقمار
واقرب على المحتاج من ظلّه
نختار للرفقة طوال عمار
والي بقى نرمية ف السلة
ما مشينا على طوعك ولا طوعه
و الردي من خلقته .. ما يدانينا !
لو يشيل الحقد في داخل ضلوعه
ساعة الشـدّة شفه .. يفتخر فينا
لا تعقّد عند الأجناب موضوعه
ما قضى موضوعه إلا .. بأسامينا
وش ذنبي إن كان العيون العور
ما تقدر تشوف الكبار كباااااار
وتقول الارض من الأوادم بور
ماهو على شان القبور كثااااار
( اللي دفنـاهم بدون قبووووور
أكثر من الموتى بتسع أعشار )
#مساء_الخير
يا وجهي اسلم من تقلاب الوجيه
ومن الشكوك ثقالها وخفافها
كم واحدٍ في باله انه ما يتيه
وهو يمد ارقبته لسيّافها
حنا من الشيمه نعاف اللي نبيه
تعيش اسامينا على مشرافها
ماعاد يغرينا الملام وما يليه
نعطي لخملات الرجال الحافها
حتى الرفيق اللي جمايلنا عليه
الناس شافوها وهو ما شافها
شجاعٍ حذف لك بندقه والرصاص يثور
ولا تذبحينه عقب ما سلّم سلاحه
يعرف القصيد اللي : يحرّك به الجمهور
ويعرف القصيد اللي : يوازن به الساحة
تبور المعادن والذهب مستحيل يبور
ومن يضمن أن عنده ذهب يضمن ارباحه
يوم منت بتحتمي كلمتك .. كان استخرت
لا تجي من عقب هدّارها .. رغّايها
والا انا من راسي اقولها ولا استشرت
الضعوف اللي من الناس تاخذ رايها
ان بغيتك فالشدايد بفزعه .. واعتذرت ؟
بالرخى بلّ المعاذير .. واشرب مايها
ازدحم ديجور الافكار والهاجس جزيل
واطبّخ في راسي الدم ياعيال الحلال
ياسلامي يارفيع القدر زبن الدخيل
ياولد عودٍ يجمل على مُر الليال
وانت ياناصر مسلّط على الرجم الطويل
والله ان لك هيبه وسلطةٍ بين الرجال
ابتجح يالراس الاصوك ويالسيف الصقيل
دام ربعك محزمٍ لك مروين السلال
انا ولد من عطانا .. / حاله وماله
سجلنا فالكرم والطيب يحسب له
ينصونه ربوعنا .... لاكبرت القاله
يدرون في عينه ان المعضله سهله
من دون ربعه ما خلا شي ماطاله
بالموقف الطيب وبالفزعه العجله
الوالد عسى الله يطول بعمرة ❤️
قد دحمنا اهل المناكب والجمل و جنوبه
لين طاع وطاعنا اللي وده يطوعنا
ما نخاوي غير منهو للخصوم اعقوبه
مايقول ( امن المشاكل فكنا وامنعنا )
ما تبعنا الا الرسول و سيرته ودروبه
والفخر و العز والمجد الابي يتبعنا
من يلقي غاربه للواجب و عرقوبه
مايعد امن الرجال ولا يقلّط معنا
مهما تسوي في الخلايق من جميل
يلغون تاريخك .. على سبة خطا
͏
لكل حاجه في الزمن تلقى بديل
اصبر ولو صبرك على الجمره وطا
احدٍ ليا منه زعل ينشر غسيل
واحد وحتى لو زعل .. ستر وغطا
͏
اعط السماح وخذا من العفو القليل
ترى الحياه بكبرها اخذ وعطا
ابك انا ماني لحالي لو لويت ذراعي
ذاخرن روس النشاما مثل ما تذخرني
بيض الله وجه منهو ينشد من اوضاعي
كل ما طالت طويل بطيبته يغمرني
اتذكر كلمةً له راسخه ب اسماعي
انسني وقت الرخا واليا بلشت اذكرني
ذاك راعي الموقف الطيب طويل الباعي
افتخر به واشكره لو قال لا تشكرني
اللهم لك الحمد حتى ترضى ولك الحمد إذا رضيت ولك الحمد بعد الرضا
لقد تم قبولي في تخصص ( تكنلوجيا التصنيع )
اسأل الله العلي القدير التوفيق لي ولكم 🌹. #قبول_التطبيقي
قد سمحنا من كلامً ماعليه شفاقه
علّم اللي يقفي من الهينه لايقبل
لايغره من يقول الباب مثل الطاقه
الليالي تكشف الصامل من المستهبل
لو رجعنا نكشف احداث الزمن واوراقه
يوم كان الرمي خادم والمشوك يسبل
اكثر اللي بالدراهم محتمين الناقه
نصهم وقت الحرايب [ مايردّون البل ]
الكلمة اللي تضايقنا نعديها
وإن جاتنا من سفيه العقل طنشنا
مادام نقدر نمشيها ,, نمشيها
من خوف نبلش مع الجاهل ويبلشنا
لو كل عوجا تجينا نلتفت فيها
ماكان نمشي مع العالم ولا عشنا .
ربينا على كسب الجمايل وفعل الطيب
الأفعال تنصفنا ، والامجاد تكتبنا
ً
ولو شفتنا عن هيّنات الامور نغيب
ترانا عن كبار المواعيد .. ما غبنا
ينادي علينا الصاحب ونحتزم ونجيب
ونطنخ على صوت العزاوي و تطربنا
وش ذنبي ان كان العيون العور
ماتقـدر تشـوف الكبـار كبـار
حتى ايش لو تشهد شهادة زور
وتحط راعي البيت مثـل الجـار
ما جيت ابي ذكرك وانا مذكـور
لو ماني بشاعـر مـع الشعـار
ابــوي قـدامـي خـذالــه دور
ماشغـل فلوسـه مـع التـجـار
يلمهـا ويحطهـا فــي قــدور
ويشب من حـدر القـدور النـار
مايذم الطيّـب الا الردي والحاقدين
والردي خيره لنفسه لكن شره يعم
والسنافي لو تشين الليالي ما يشين
تدعمه يمناه ماهوب في حاجة دعم
المواقف تفرق الناس والطيب يبين
والله وما قال ما هـيـب: والله والنعم
والزمـن مشبوه بس الـرجال الطيبين
شوفهم فـوق البسيطه من كبار النُـعم
نجتهد ونحث الاقدام ونشد العزوم
لو ظروف الوقت جار�� بنا مانشتكي
بالكرامه حافظين المبادىء والسلوم
وفي المواقف للحمول الثقيله نرتكي
مانعرف نقبّل اكتاف ونقبّل خشوم
ولا نحب اسلوب خلك مع العالم ذكي
نعرف اللي في اللوازم يسدون اللزوم
ونعرف اللي بس ماعندهم غيييير الحكي
ما مشينا على طوعك ولا طوعه
و الردي من خلقته .. ما يدانينا !
لو يشيل الحقد في داخل ضلوعه
ساعة الشـدّة شفه .. يفتخر فينا
لا تعقّد عند الأجناب موضوعه
ما قضى موضوعه إلا .. بأسامينا
يقول الإمام المناوي رحمهُ الله:
"ما فُتِحت مغاليق الأمور بمثل قولك: لا حول ولا قوة إلا بالله، ولو يعلم صاحب الحاجة ما في هذه الكلمة من العون والتوفيق والسداد ما تركها."
أبشروا ..
كان رسول الله صلى الله عليه وسلم
يحب البشارة ،،
ويُكثر من قول: ( أبشر )
"بشّروا ولا تنفّروا ويَسّروا ولا تُعسِّروا"
اللهم بشّرنا و من نحب بـ ما يسرّنا ..
لا تباعد .. دام حنّا ساترينك
يمكن الاجناب معها ما اتوالف
والله انّا فاللوازم .. عاذرينك
وبايحينك فالمهايط والمحالف
لاتسولف عن فعولك خابرينك
والله انه .. ماوراك الا السوالف!
العتب ما يلحقك يلحق بياض احلامي
قبل اعرف ان الدروب اللي تجيب تودي
'
ذاخرك توقف معي . . لا وقفوا قدامي
واثرك اول من تردى بي و وقف ضدي
'
كنت أعدّك بالمواقف بندقي . . وحزامي
واثر ما انت بقد وقفاتي ولا انت بـ قدي !