الحمدلله و بفضل الله حفله تخرجي من كليه الطب البشري و معي سر نجاحي الوالده و جدتي الغاليه ربي يعطيهم الصحه و العافيه و يطول في عمرهن و لكل مجتهد نصيب و ما التوفيق الا من عند الله ❤️
كم انت كريم يالله🎉🎉 و الله اكبر و الحمد لله نجحنا و خذينا بكالريوس طب و جراحه عامه هذا الفضل يرجع الى الله أولا ثم دعاء والداي و جدتي اللي حفزوني وعطوني العزيمه و اسرتي الكريمه و شكرا لكل حد صبا معايا 💙 واخيرا الحمدلله نقولها: معاكم الدكتور زياد مهدي بوزريدة 🩺💙
الحمدلله ان اي حد غلطت في حقه مشيت و اعتذرتله في اللي مشيتله لعند حوشه و راضيته والله الواحد مايعرف امتى ينتهي عمره 💔 تصالحوا و اعتذروا حتى لو ماقبلش عذرك انت قدام ربي انك درت الخير...و تقعد درت الخير معاهم كلهم و متريح في قبرك اللهم حسن الخاتمه🤲
جاني شايب يشكي قالي مشيت صيدليه اخره نسأل فيه الباكو الاحمر شنو و الأزرق و الاصفر شن وظيفته و رد عليه الصيدلي قاله مش محل خضره يا حاج فاا وجعاته...عاملو الناس الكبيره كويس و خلو عندكم أسلوب..لانه لما تجاوبه و تساعده ربي ايساعدك و يعطيك الخير ....
الله اكبر الله اكبر ولله الحمد نجحنا و خشينا خامسه طب بشري سنه التخرج هذا الفضل يرجع الى الله أولا ثم دعاء والداي و جدتي اللي حفزوني وعطوني العزيمه و اسرتي و عمامي و عماتي و اصحابي شكرا لكم❤ اللهم وفقني في مشواري و #كن_معي_دائما_يالله ✌
الحمدلله و بفضل الله خويا نجح من خامسه و قعد دكتور ❤️❤️ ربي يحفظك يا غالي و حققت حلم امك و باتك انك قعدت اول دكتور في عيلتنا ❤️ و الف مبروك لدفعه 44 و 43 شهاده لله دفعه ترفع الرأس ❤️
والله كانت أجمل لحظه في حياتي ساعات من القرايه و التعب و الأرق و الإرهاق و الحزن و الإحباط والصبر و التأخير و الفرح الحمدلله ان ربي جبر بخاطرنا و عطانا القوة ان نوصلوا لنهايه المشوار الدراسي هذا فضل من الله أولا و فضل باتي و أمي دورهم كبير في نهاية مشواري الدراسي❤️🎓🎉
نحنا ثلاث شباب و للاسف ماعندنش خوات فا نساعدو في امنا ...انا واحد من الناس اللي نغسل حتى فالفرش و ننشر فيه يعني حاجات عاديه مهما نديرو مانقدروش انوفو دور الام ❤️
ياريت كل اسره تجيب لفطور لعيالها سندوتشات زي باقي الناس لان تقعدو تعطو فيهم فالموز و البرتقال و مكسرات و الشكولاطات يمشو بيهن للمدرسه...في اللي ماعندهمش و العيل الصغير يبي كل شي اشوفه و يقعد ايقول نبي هذن و تحرجو في هلهم اللي دخلهم محدود..و اغلب الاخصائيات يشكن من الموضوع هذ..
تقعد في امان الله مروح من الجامعه مواقف هذن ديمه ما يجن الا قدامي يقعد يحكي معاها و هي تبكي و يعدي و تقعد بروحها تنهار من البكاء والله ماني عارف شن ظرفهم لكن شهاده لله توجع ان شخص قاعد بروحه و يبكي من عبرته والله الواحد ياريته ماخطم من طريقها
حمد الله نجحت و صفيت البارا بتقدير ممتاز و المايكرو بجيدجدا و خشينا رابعه 😍 هذا الفضل يرجع إلى الله و باتي و امي و دعاء جدتي و دعم المعنوي من خوتي و الأقارب و الاصحاب و كان نهايه سعيده حمد الله🤲 #ريمونتادا #قرينتا
مانبي الا نقعد دكتور ممتاز متمكن من مهنتي اللي ايجيني مريض نعالجه مانرده الا و هو صحته كويسه ان شاء الله ربي ايحققلي حلم هذا اللي كنت نراجي فيه من صغري ❤
تخايل تزوج وحده و يصيرلك ظرف تنقص عليهم شويه فالمصروف و تقعد انت تشتغل ليل نهار و تنقلك و ماترضش ب امر الله و تقولك انت مقصر نبي نمشي لحوش هلي خير ...اللي اتحبك صح اتصبي معاك و تصبر عليك و ترضا ب امر الله 💙
في لقطه صامط ديمه ايديرن فيها عيت حنه بالذات فالمكتبه يعني مالقيتيش مكان مافيش داعي تسكني للمشرف بيش ايحول كتابات حد و تاخذي مكانه ...لانه مراتا طلع ايجيب في شيت او خذا ريست او طلع بعذره مالقيتش مكان نصيبك مره اخره تعالي بدري..ماتكسرهش في واحد جاي بدري واخذ مكانه و تاخذيه
تعبنا و سهرنا و تعطلنا من 2016 و نقرو فالجامعه توا جاء دورنا نفرحو و نغنو الحمدلله ان ربي جبر بخاطرنا و وصلنا لنهايه المشوار❤️🥳🎉نار و دخان هذا برومو بس مازال ماشفتو شي😎 #الدفعه_45_طب_البشري_بنغازي 🎉 ماعلى الله صعيب و لعقبال كل طالب🥳
بسم الله الرحمن الرحيم (يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ وَاللَّهُ بِمَا تَعْمَلُونَ خَبِيرٌ)و ماتوفيقي الا من عند الله أدعو جميع الأصحاب و الأحباب لحضور حفله تخرجي من كلية الطب البشري جامعه بنغازي و كل أيامكم مسرات ان شاء الله❤️
اللي عجبتني في دفعه 46 طلعو متحضرين و رايقيين رغم انهم قادرين انهم ايصكرو الابواب بالسلاسل و بالغصب ماحد يمتحن لكن ماداروهش و قعدو كلمه وحده انهم مايخشوش للامتحان ❤️
والله عيب عليك تضحك ع بنات الناس و كل مره مع وحده و قصتك قصه فكرن مش اي واحد ايقولك معجب بيك اتصدقيه وقتي كان يبيك ل دق علي باب حوشكم وقال اللي عنده 😊 #نصيحة_اليوم