الحمدلله والله✨
بشوف التويت دي وأنا واقفة في مطبخ بيتي الكوزي الدافي،بسمع مزيكا جميلة،مرتبة الأطباق في ال dishwasher تتعقم,بدون اي مجهود مني،والباذنجان في air fryer عشان أعمل ألذ صنية مسقعة هيلثي لحبيب عُمري.
الحمدلله إن أحلامننا بتتحقق❤️
والله العظيم أحيانًا " دلوقتي" ببقي بعيط من كُتر الإمتنان،أنا بحب كريم أوي أوي،مشوفتش حِنيه في حياتي كلها قد حنيته عليا،ولا حد بيهتم براحتي قده،و لا حسيت بدفا غير في حضنه.
بَحلم معاك بسفينة
وبمينا ترسينا
ونبحر تاني
الريح تعاند وألاقيك
في عينيك وإيديك
شطي وأماني
العالم كله بأسراره
عايش ويايا
عايش جوايا
طول ما انت
في الرحلة معايا.
إمبارح بليل كان عندي ارق،كُنت بفكر في شكل الحياة ولقيت إنها ما هي الا سلسلة مِن التجارب المبتورة،الي متكتبلهاش نشوفها بتكتمل،ازاي الحياة بتعصف بينا وتبدل كُل أحلام وأمال بشوية فراغ وتوهه؟معنديش أي فكرة،بس ممكن في يوم نِقدر نِخلق حاجة من أحلامنا المبتورة.
صباح الخير.
مؤمنة ان ربنا بيضع مكانة الناس في قلب ناس تانية بحاجات محدش غيرهم شايفها، ممكن تبقي شايفة نفسك عادية وانتي بالنسبة لشخص تاني احلى وأجمل حاجة في الدنيا، ده مش كلام انشا هي ماشية كده فعلاً.
قسوة الحياة بتعلم قيمة اللين واللطف،معتقدش إن في إنسان سَوي جرب إحساس زي الأذي والعنف والظلم، وعارف كويس وقعهم علي النفس وهيسعي يكون سبب في إن غيره يحسهم زيه.