مُ @urlifeisback Twitter profile | Pikagi

Pikagi

مُ

@urlifeisback

22,250

Followers

0

Following

141

Media

2,435

Statuses

عُدتُ مرةً أُخرى؛ أكتُب كي لا أُجَنّْ

Joined December 2020

Don't wanna be here? Send us removal request.

Pinned Tweet

@urlifeisback

مُ

3 years

إكتشفت أن صديقي المقرب لا يقوم بوضع إعجاب على صوري، ولا حتى تعليق ليمازحني كيف أن صورتي بمفردي لا تعجبه لأنه ليس معي بها.. في حين أنني كلما مررت علي صور آخرون وجدت إسمه بأول المعجبين، وأن كتاباتي لم تعد تبهره كالمرة الأولى التي حادثني فيها وألقى كَمَّاً كبيراً من الإعجاب بها..

70

1K

9K

Last Seen Profiles

@betailer852

@danbowenjourno

@abdulaziz_D86

@OfficialDadiAmi

@kbc_mishima

@shxtsngigs

@nilayhatuu

@TERIASMR

@OFCHQ

@Udin1224370690

@scdahlin

@Landon360329763

@drRabiye

@kadirbaykaln

@KakajekKak35902

@yslaveras

@bokeplokalmalam

@bokeplokalmalam

@itstaffyy

@wakakusa_ntv

@BarterBrata

@ger03_

@BarterBrata

@gdaigonArt

@vsalgadoe

@AmineAzzaz2

@BarterBrata

@PenikmatIbuIbu9

@ForeignHuncho23

@valldern

@bokeplokalmalam

@stw_pdg

@SukaBinorStw4

@soaskurdsoc

@daeng5059044008

@YourMissCirce

@urlifeisback

مُ

3 years

١- بقالي ٤ شهور منزلتش من البيت.. أول مرة أخرج من أوضتي وأطلع البلكونة كانت النهاردة.. البنت اللي ساكنة قصادي طلعت بلكونتها وشافتني قاعد.. إتوترت شوية وقررت أدخل أوضتي تاني.. لقيتها بتقولي "إزيك.. بتحب الشاي؟"، أول مرة أخد بالي منها وعيني تيجي في عينها.. هزيت راسي وقولتلها ااه..

159

803

14K

@urlifeisback

مُ

3 years

مبطل صلاة ليه؟!

Tweet media one

Tweet media two

Tweet media three

Tweet media four

14

3K

8K

@urlifeisback

مُ

3 years

١- البنت اللي قصادي في البلكونة بعتتلي جواب، جواب فيه جملتين؛ "إزيك؟ مبشوفكش ليه؟ البلكونة وحشة من غيرك، والشاي ملوش طعم.. إفتقدتك. ".. لقيته في البلكونة من شوية ممسوك بمشبك، الجواب ريحته حلوة أوي، وخطها رقيق وجميل زي ملامحها.. وقفت متلخبط شوية، وحسيت إن روحي خفيفة وبتتحرك..

64

270

5K

@urlifeisback

مُ

3 years

"الفرق بيني وبينك أنني في حزنك كنتُ أقف على بابك أنتظر أن تسمح لي بالدخول، وفي حزني تركتُ الباب مواربًا لأجلك ودخل كلّ شيء.. الناس والطيور والأتربة والمطر والرياح، إلا أنت."

25

971

5K

@urlifeisback

مُ

3 years

١- فيه بنت جميلة إسمها رنا شافتني إمبارح قاعد لوحدي في نهاية شارع ما وسرحان وحاطط الهاند فري، مكنتش بسمع حاجة بس كنت حاططها عشان مسمعش دوشة الناس، قالتلي أنا قاعده بقالي كتير في الكافيه وشايفاك لوحدك، انت كويس؟ هزيت راسي ب آه كويس شكراً، وأنا جوايا كان نفسي أقولها لأ انا مش كويس.

54

236

5K

@urlifeisback

مُ

3 years

١- إتخرجت من ٣ سنين بتقدير جيد جداً.. في آخر سنة خطبت واحدة كنت بحبها معايا في الكلية وبالعافية أهلها وافقوا عشان الماديات، وأبوها إتفق معايا إن قدامی سنة عشان أجيب شقة يا إما هيفسخ الخطوبة.. في خلال شهرين عملت أكتر من ٧٠ أنترفيو بدون مبالغة في شركات، لدرجة إن رجلي كانت بتورم...

157

131

4K

@urlifeisback

مُ

3 years

١- إزيكم.. النهاردة طِلعت البلكونة تاني في نفس الميعاد.. لقيتها واقفه مستنياني، الهوا بيحرك شعرها والطرحة اللي على كتفها، ووشها كان مُريح أوي وبتضحك.. معاتبتنيش إني مخرجتش بقالي يومين.. لقيتها جيبالي شيكولاته، وقالتلي دي جيبهالك، مكنتش عارف أتكلم بس لأول مرة أحس إني عايش وبتنفس..

45

163

4K

@urlifeisback

مُ

2 years

هيفضل أجمل نص قريته عن الحُب هو ؛ " رُبما لو سألتيني اليوم عن الحُب، لن تجدي تفسيراً واضحاً، لكنني سأخبرك شيئاً، أتعرفي كيف يسقط المطر على الأرض الجافّة فتبتل ثم ينمو العُشب والزهر فتسكنها العصافير والفراشات؟ هكذا كان حضورك، وكذلك كان قلبي تماماً.."

7

555

3K

@urlifeisback

مُ

3 years

٥- أنا دلوقتي قاعد بسمع معاها أم كلثوم من ورا شباك أوضتي اللي متفتحش من ٤ شهور.. وبفكر إزاي حد شعره حلو وعينيه لطيفة.. يكون مركز معايا ويحب ملامحي، ويكون سبب إني أتكلم كام كلمة متلخبطين، وأبتسم، وأرجع أحس بالأيام حواليا.. وكل ده "بضحكة صغيرة.. وكوباية شاي إدلق نصها عشان توصلي.."

7

94

3K

@urlifeisback

مُ

3 years

معظم الأذى الي إتعرضتله في حياتي كان من ناس خفت عليهم من الإحساس بالألم أو الفقد بسببي.. فسامحتهم علي حاجات محدش يتسامح عليها أو وثقت فيهم زيادة، أو حتى إديتهم حاجات مش من حقهم.. لكن في النهاية محدش إتأذى غيري.

12

882

3K

@urlifeisback

مُ

3 years

٤- قولتلها أنا مبعرفش أحكي.. قالتلي "عادي هستناك زي دلوقتي تشاركني سكوتك.. أنا هسيب كوباية الشاي دي عندك عشان أضمن إنك هتطلع تديهالي أعملك الشاي فيها".. ودخلت ، دلوقتي أنا في أوضتي لوحدي.. وهي فاتحة بلكونتها ومشغلة أم كلثوم "وعمري ما أشكي من حُبك .. مهما غرامك لوعني"..

8

93

3K

@urlifeisback

مُ

3 years

٦- أنا مليش حد يعملي حاجة، مبخرجش والأيام بتعدي بطيئة جداً عليا، أوضتي تقريباً اللي عارفة كل اللي بعانيه، وهي الوحيدة اللي بتكلم معاها.. النهارده اليوم عدى خفيف.. إتكلمت فيه كام كلمة وضحكت ضحكة خفيفة، وشربت كوباية شاي أول مرة أحس بطعمها من شهور.. أول مرة أحس إني لسه عايش النهارده

4

72

3K

@urlifeisback

مُ

3 years

أنا لا أُريد كثره الإتصال أنا أُريد بعض اللحظات الصادقة المليئة بالحب.. إكتشفت أنني شخص عابرٌ في حياة الجميع، وأنني قابل للإستبدال في كل الظروف، إكتشفت أنني أصبحت باهتاً مثل الاشياء القديمة التي ألِفتها أعيننا.. إكتشفت أنني لست المفضل لدى صديقي المفضل.!

10

498

2K

@urlifeisback

مُ

3 years

٢- أول مرة أتكلم مع حد من شهور.. قالتلي "ممكن أعملك كوباية شاي معايا؟ أنا بعرف أعمله كويس."، وقبل مقول إجابتي لقيتها راحت تعمله.. بعد كام دقيقة جات ومعاها كوبايتين شاي، وبعد محاولات مستميتة إنها توصلي الكوباية بتاعتي.. عرفت أخدها منها بعد ما إدلق نصها.. قولتلها شكراً.. راحت ضحكت.

2

52

2K

@urlifeisback

مُ

3 years

٣- قعدت تتكلم معايا في مواضيع عشوائية لدرجة إني حسيت إن الكلام بدأ يتسحب مني وبدأت أتكلم.. قالتلي إنها بتتبسط لما تشوفني وبتحب ملامحي.. إتوترت جداً.. معرفتش أرد.. يدوب إبتسامة خفيفة، وبصيت لعنيها.. كانت مُريحة جداً.. كملِت وقالتلي "أنا حاسة بيك، ومستعدة كل يوم أسمعك وأعملك شاي.."

3

65

2K

@urlifeisback

مُ

3 years

إكتشفت أن كلماتي ما عادت تلمس قلب صديقي المفصل، وأنه ما عاد يسرد لي يومه كالسابق.. إكتشفت أنه لا يهتم لتكرار سؤالي عن حالي حينما أتنهد طويلاً قبل أن أخبره أنني بخير وهو يعلم جيدًا أنني لستُ بخير.. وأننا يمكن أن نغيب لأيام طويلة ولا أكون بباله ولو لدقيقة واحدة..

3

280

2K

@urlifeisback

مُ

3 years

قريت حاجة تطمن شوية بتقول: "زي ما مشيت مشاوير كتير لناس مكسلة تعدي عشانك الشارع.. هتلاقي ناس يمشولك مشاوير بقلبهم وإنت ممشتش عشانهم خطوة واحدة.. من غير ما تحس؛ هتلاقي الجبر يجيلك من باب عمرك ما عملتله حساب.. كفاية بس إنك تكون راضي.. ودايما ربك عليه العوض.."

4

662

2K

@urlifeisback

مُ

2 years

١- البنت اللي قصادي في البلكونة رجعت من السفر النهارده.. بقالي كتير مبكتبش عنها عشان واضح إن القعدة في البلكونة كانت مُملة من غيرها ومفيهاش حاجة تتحكي.. أول ما رجعِت حدفِت طوبة صغيرة على البلكونة عشان أفتح.. طلعْت ولقيتها، لسه نفس الإحساس زي أول مرة.. إحساس هادي ومُريح ويطمن...

28

100

2K

@urlifeisback

مُ

3 years

الناس بعتتلي دول.. وأنا حبيت

Tweet media one

Tweet media two

2

32

2K

@urlifeisback

مُ

3 years

أبكي لعدم قدرتي علي إخبار عائلتي صديقتي شخصي المفضل بما يجول بخاطري. أشعر بالتوهان، وأن صدري ضائقٌ بي. أشعر بالحزن والوحدة وأنني لست المُفضل لأحد.

10

556

2K

@urlifeisback

مُ

3 years

مهما تطورت التكنولوجيا، لا يمكنها أن تعوض سحر لقاء الإنسان بالإنسان، الحضور، الهالة، النور الذي تنثره حولك، وقت ابتسامتك، درجة الصوت وخامته، الرائحة، الشغف، وقع الكلمات، الألوان التي تختارها، كلها لا تضاهي التطور البارد.. يكفي بأنك تشعر بدفء أنك إنساناً يلاقي إنسان..

5

512

2K

@urlifeisback

مُ

1 year

أعلم أن الرسائل التي بيننا لن تعود، وأن الأغاني التي أدمنا سماعها ستصمُت ، وأن المساء لن يأتي بك مرة أُخرى، وأن غيابك إن كُنت حاضر قد تعمق إلى غياب الشعور ، أعلم أن اللهفة في قلبك قد إنطفت والمواعيد التي بيننا أُغتيلت، وأن كُل المُسميات العاطفية لم تعد تَليق.

9

255

2K

@urlifeisback

مُ

3 years

إكتشفت أن صديقي المقرب لم يعد صديقي المقرب.

8

334

2K

@urlifeisback

مُ

3 years

إكتشفت إن فيه صور كتيرة للصبر، وأفضلها هو "الصبر على نفسك".. إنك تصبر على نفسك وانت بتمُرّ بأوحش حالاتك.. وترفق بحالتك وهي في أشد أوقات ضعفها.. تتفهم إنك مجرد إنسان.. وتهدى تماماً ومتختارش تجلد نفسك.. جملة "ربنا يكفينا شر نفسنا ويصبرنا عليها" طلعت حقيقة جداً وليها معنى عظيم.

4

663

2K

@urlifeisback

مُ

3 years

٥- الإنسان اوقات كتير بيبقى هش وضعيف، ممكن يلاقي نفسه رافض أي حاجة، وفي وقت معين يتعلق في أي قشاية تنقذه، الانسان ممكن يعدي ويتحمل يوم صعب وقاسي بسبب كلمة حلوة اتقالتل، أو حد شجعه، او شخص لطيف هون عليه اليوم ومشي.. الكلمة اوقات كتير بتبقى وردة حنينة.

3

217

1K

@urlifeisback

مُ

3 years

٤- مشيت وأنا حاسس أني فعلاً بقيت أحسن، ولو حد سألني انت كويس؟ هقوله آه من غير ما أكون بكدب.. أنا مش عارف هنتقابل تاني ولا لأ، ولا عارف هي هتشوف وتقرأ الكلام ده ولا لا؟ بس أتمنى لو صادفها في يوم تعرف إنها كانت سبب إن يوم تقيل في حياتي يعدي سهل عليا.. وإني من النهارده بحب إسم رنا.

7

43

1K

@urlifeisback

مُ

3 years

بحب أسمع من وقت للتاني إن وجودي مرغوب فيه.. خاصةً في العلاقات القريبة مني.. لإني بخاف أكون تقيل على اللي قدامي، وبخاف أروح مكان الناس مش حابة وجودي فيه.. فبخاف أكون في حياة حد وهو مش حاببني في حياته.. فلازم أسمع من وقت للتاني إني خفيف ومش عبء.

7

375

1K

@urlifeisback

مُ

3 years

الآن.. أرخيت يدي عن كل شيء.. لا أريد أن أختار مرةً أخرى.. أسألك أن تكون المُختار لي، فرؤية الأشياء من خلالك هي النجاة بعينها.. وأنا لا أريد إلا النجاة يارب.

2

525

1K

@urlifeisback

مُ

3 years

٢- أنا كنت نسيت إحساس إن حد يهتم لأمري، أو كنت فاقد طاقتي والخوف مالي روحي لو حد قرب مني.. بس هي بتعرف تقرب.. بتعرف تخليني أتكلم.. بتعرف دايماً تخليني حاسس بشعور حلو مش مفهوم.. مكنش ليا حد يشاركني حتى كوباية الشاي.. لكنها بقت تعملهالي وتشربها معايا وتفتقدني جداً لو غبت..

1

55

1K

@urlifeisback

مُ

3 years

مبعرفش أتخطى غياب حد كان في حياتي بسهولة.. أنا بتعلق بالناس بشكل طفولي، وبتأثر برحيلهم عني ودي الحقيقة.. أنا مبيهونش عليا العِشرة، ولا الذكريات، ولا الأيام.. وللأسف أنا آخر حد ممكن ينسى.

7

311

1K

@urlifeisback

مُ

3 years

كنت عايز أقولكم حاجة كده : "مش البعد بس الي بيعلم الجفا.. القسوة في المعاملة بتعلم الجفا.. رد الفعل الغير متوقع بيعلم الجفا.. الزعل بالكام يوم وكأنك بتربي الي قدامك بيعلم الجفا.. إحساس إن وجودك مش فارق بيعلم الجفا.. تكرار مواقف الخذلان بتعلم الجفا.. عدم التقدير بيعلم الجفا.."

10

375

1K

@urlifeisback

مُ

3 years

١- مش عارف لسه فاكرين ولا لأ، بس أنا رجعت البيت بعد غياب أسبوع لقيت البنت اللي قصادي في البلكونة مستنياني أول مخرجت البلكونة، أول ما شافتني حسيت كأن أم لقيت طفلها اللي بقاله شهر غايب عن البيت.. تنهيدة طويلة، وابتسامة عريضة، وإيدها على خدها، وبتسألني: "إزيك.. كنت فين؟ فكرتك مشيت..

16

79

1K

@urlifeisback

مُ

2 years

١- من ٤ سنين تقريباً كنت لابس بدلة بحبها، وراكب باص وراجع من مشوار مهم، مكنش فيه غير كرسي واحد بس جنب بنت باصه ناحية الشباك ووشها زعلان، قعدت جنبها وسيبت مسافة كبيرة بيني وبينها حرصاً انها متتضايقش ، كانت ماسكة الموبايل في إيديها ومستنيه مكالمة، لما رن فتحت وقعدت تتكلم وتعيط.

16

84

1K

@urlifeisback

مُ

3 years

حد قالي مره متندفعش وتدي كل الحلو اللي فيك لحد، لإن مفيش حد بيُشكر، وفي الآخر هتبقى عملت زي ماعملتش.. بتمُر الأيام والسنين وأنا متجاهل كلامه وبضحي وبتنازل وباجي على نفسي مرة واتنين وألف.. وفي النهاية إكتشفت إن من بين كل العلاقات والتجارب اللي دخلتها.. طلعت فعلاً عملت زي ماعملتش.

3

272

979

@urlifeisback

مُ

3 years

٢- فكرتها هتمشي بعد مقولتلها إني كويس، لكنها قالتلي هتضايق لو قعدت هنا شوية؟ معرفتش أرد بس هزيت راسي بإني مش هضايق، قعدت جنبي وخدت الهاند فري، وضحكت عشان مش مشغل فيها حاجة، قالتلي قولي مالك بقى كده؟ أنا ممكن أسمعك في أي حاجة، وكده كده منعرفش بعض ومتقلقش مش هزهق من حكاويك..

1

32

974

@urlifeisback

مُ

3 years

١- بَعد ما خذلني صديقي المُقرب، توقفت عن رسم أحلام يكون فيها الآخرون معى، وإعتدتُ أن أفعل الأشياء بمفردي، ولا أحد يشاركني التجربة.. كنت قد توقفت عن ذلك وجعلتُ أحلامى تنحصر عليَّ أنا ، لأنه فى كل مرة كان يختفى أولئك الذين أردتهم هنا.. حتى صديقي المقرب لم يجعلني صديقه المُقرب..

7

231

981

@urlifeisback

مُ

3 years

نفسي الناس تفهم إن بجد محدش مضطر يبين حزنه للناس عشان يثبتلهم إنه مكتئب وعنده هم ما يتلم، وإن اغلبنا بيحاول قدر المستطاع يبين his good/happy side عشان ميخليش حد يحسسه انه ضعيف/مكسور أو إنه شخص كئيب.

1

304

910

@urlifeisback

مُ

3 years

السكوت بالنسبالي عُمره ماكان علامة رضا.. أنا سكوتي زعل وحزن وانطفاء وفقدان شغف.. سكوتي دايماً بيبقى وجع وفقدان طاقة الكلام والنقاش.. أنا لما بكون سعيد وكويس مببطلش كلام.

3

306

891

@urlifeisback

مُ

3 years

٣- ضحكتلها وقررت إني أحكي معاها.. كلامي كله كان ملخبط وهي سمعاني بإهتمام من أول مبدأت لحد الآخر، بعد مخلصت ردت كل حاجة حكيتلها، وقعدت تحكيلي هي شوية، بعد مخلصنا سلمت عليا وقالتلي أنا إسمي رنا ومبسوطة أوي إن سمعتك، انا باجي هنا على طول ياريت أشوفك دايماً.. ضحكتلها وودعنا بعض..

2

25

895

@urlifeisback

مُ

3 years

" أكتوبر كان شهر صعب جداً علَيّا ..."

Tweet media one

29

104

884

@urlifeisback

مُ

3 years

آخر مرة كنت هنتحر فيها كانت من شهرين، الموضوع كله فشل بسبب ضحكة طفل جالي وأنا قاعد في الشارع بفكر هنهي حياتي إزاي، قعد يضحكلي ويمد إيده يمسك إيدي. مسكت إيده كأني بعمله اللي هو عايزه، لكن في الحقيقة أنا اللي كنت محتاج ده.. كنت محتاج أحس إن فيه حد حواليا ومعايا حتى لو كان مجرد طفل.

18

66

889

@urlifeisback

مُ

2 years

١- مريت بأزمة نفسية كبيرة خلتني أنعزل عن الناس، دايرة صحابي نسيتني بسرعة مؤسفة وبقيت لوحدي، مبقاش حد بيسأل عليا غير بنت واحدة كل فترة، كل مرة كانت بتتحايل عليا إني أحكيلها وتطمني.. فجربت أحكيلها عن أزمتي الأخيرة وإكتئابي، وبعدين أشكرها عشان هي الوحيدة اللي بتسأل عليا وبتسمعني..

41

71

878

@urlifeisback

مُ

3 years

٥- أنا من ساعتين بالظبط شربت أحلى كوباية شاي في حياتي، ونسيت الحزن اللي كان متملكني ومش مخليني قادر أتحرك لأيام.. أنا دلوقتي مبسوط شوية، وكل اللي بفكر فيه.. إزاي ممكن إنسان فاقد كل طاقته، والخذلان مالي قلبه، يتبسط وينسى الحزن.. بضحكة بسيطة، وجواب خطه حلو.. وكوباية شاي مظبوط.

0

27

895

@urlifeisback

مُ

3 years

نفسى أبطل النظرة الطفولية الساذجة اللى ببص بيها للناس دى وانا شايفهم كلهم كويسين وطيبين ومستحيل يأذوا حد عشان أنا اللي بتأذي في الآخر.

4

302

873

@urlifeisback

مُ

3 years

إلى الأصدقاء الذين لم يعودوا أصدقاء؛ الذين فقدناهم على جوانب الطُرقات، نعتذر، كنا نود لو أن الأمور تختلف؛ لو أننا لا نفترق، لو أننا لم نتوقف عن الحديث وإرسال الأغنيات، لكنها الحياة والفراق والبلاد.. إلى الأصدقاء الذين لم يعودوا أصدقاء؛ أحببتكم ومازلت أتذكر التفاصيل.

8

229

858

@urlifeisback

مُ

3 years

مبعرفش أعبر لحد عن إحتياجي ليه مهما كان كبير.. مبعرفش أبين تعلقي الشديد بيه، مبعرفش أبين تمسكي بالاشياء والحاجات اللي محتاجلها.. فببان دايماً إني مش فارق معايا حاجة، أو إني بتخطى الحاجات بسرعة.. رغم إني في الحقيقه بيفرق معايا جداً، وحاجات كتير مبتخطهاش.

3

290

838

@urlifeisback

مُ

3 years

ساعات مبنامش بسبب كلمة إتقالتلي من أسبوع ولسه مش عارف أتخطاها.. ساعات بعيط عشان حاجة اتكسرت بقالها مُدة ومتصلحتش.. ساعات بشطب وبقع على الأرض بسبب موقف فات عليه كتير، لكني بكون مش عارف أتخطاه.. مش كل الناس بتحس زي ما انت بتحس.. مش كل الناس بتقدر تقاوم زي ما بتقاوم.. كلنا مختلفين.

5

243

813

@urlifeisback

مُ

3 years

١- البنت جارتي اللي بتستناني كل يوم في البلكونة بتاعتها، سألتني النهاردة "هو إنت برج إيه؟"، ضحكت شوية لأني عمري ما اهتميت بالأبراج، ولا حياتي ألطف حاجة إني أهتم هيحصلي إيه جديد، فقولتلها أنا مش بفهم فيهم، فقالتلي قولي بس برجك إيه؟ فجاوبتها وأنا ببتسم...

11

51

801

@urlifeisback

مُ

3 years

ولا أُخفي عليك سراً يا صديقي، الوضع سيءٌ للغاية وطاقة التحمل أوشكت على الإنتهاء، مازلتُ صامداً لكني أسرفتُ كثيراً في الكتمان والتظاهر، حَولي ثابتٌ لا يتغير وأنا الذي أتغيّر.. أنطفأ أكثر وأُستهلك.. التعب يزيد ولست ثابت يا صديقي.. إنني أميل.

5

258

793

@urlifeisback

مُ

3 years

من أوحش الحاجات إنك تبقى مضايق من حاجة معينة بس ملكش حد تحكيله، أو مش كل يوم هتخش تقول للناس اللي في حياتك نفس الكلام، وانك مضايق من نفس الحاجة ولسه متخطتهاش، وتتحرج تحكى عشان هيزهقوا منك، ومعندكش حاجة جديدة تقولها، فتخاف تسمع نفس الكلام منهم.. وتاخد جنب لوحدك وتقعد تعيط وحيد كده

8

227

793

@urlifeisback

مُ

3 years

٣- الدكتور قالي اني حصلتلى مشكلة في العصب السمعی وإن العلاج هيطول وهیکلف.. لما أهلها عرفوا خلوها تفركش الموضوع، وبعد شهرين إتخطبِت وبعد فترة إتجوزت.. حياتي إتحولت لأكل ونوم وعلاج.. مبقاش ليا أصحاب في الحقيقة، ولا أعرف حاجة عن حد ولا عايز حد يعرف حاجة عني..

24

16

787

@urlifeisback

مُ

3 years

The only connection you can trust ❤

Tweet media one

3

155

783

@urlifeisback

مُ

3 years

يوماً ما.. أتمنى أن أقع في حب من لا يستطيع تجاهلي مهما حدث بيننا.

5

161

765

@urlifeisback

مُ

3 years

٣- بقالي أسبوع منزلتش، ولا خرجت حتى البلكونة، أوقات بحس كل حاجة تقيلة حواليا.. لكن بموقف واحد معاها بنسى كل الحاجات اللي كانت تعباني.. بحس الزمن واقف عن القسوة بتاعته.. استنيت شوية لحد ما طلِعت.. مش قادر أنسى ضحكتها أول ما شافتني.. قولتلها أنا كويس.. ومشربتش شاي من يومين برضه..

0

18

767

@urlifeisback

مُ

2 years

١- في أول فراق لينا.. كنا بنطمن على بعض من الظهور والاختفاء الإلكتروني. بعد يوم بعتتلي رسالة؛ "مساء الخير.. اليوم أختي الصغيره التي تحبها قد أكملت العامان، كما أن أخي الأصغر قد علمها العدّ حتى خمسة.. أعلم جيداً أننا إفترقنا ولكنني اعتدت أن أشاركك كل شئ فاستصعب عليَّ الأمر.. آسفة"

5

80

738

@urlifeisback

مُ

3 years

٤- قفلت كل حاجة ليا ع السوشيال ميديا، وعملت الأكونت ده، كل اللي عليه ناس معرفهمش ولا يعرفوني.. صرفت كل الفلوس اللي حوشتها على العلاج ورجعت أسمع بودنی تاني.. من شهر بدأت أنزل شغل مبحبوش بيستهلكني نفسياً بس دا اللي لقيته متاح.. لما بزهق بخش الحمام أعيط وأرجع أكمل شغل عادی تاني.

10

13

738

@urlifeisback

مُ

3 years

هي قد خمنت لوني المفضل من أول محاولة.. في الحقيقة.. أنا لم يكن لدي لونٌ مُفضل.. لكن حين صرخت هي "الأزرق".. كانت متحمسة للغاية وتبتسم كالطفلة.. لذا أخبرتها أن إجابتها صائبة، ومنذ ذلك الوقت، أصبح الأزرق هو لوني المفضل.

7

106

732

@urlifeisback

مُ

3 years

مفيش حاجة تقدر تخليني أحبك غير كونك إنسان حنين عليَّا.. الحنية بالنسبالي دوا.. مفيش أجمل من كونك حد ليِّن، كلامك سهل، روحك حلوة، مش بتعرف تقسى..الحنية هي المفتاح الوحيد لقلبي.

3

207

731

@urlifeisback

مُ

2 years

١- مساء الخير.. محتاج أحكيلكم عن يوم النهارده مع بنت الجيران، لقتني في البلكونة وأنا بقرأ كتاب، نادت عليا وقالتلي "هاي اليوم شكله هيبقى جميل عشان شوفتك".. وقفت القراية وإبتسمتلها وقولتلها شكراً جميل بوجودك.. إبتسمت وفضلت بصالي والكون واقف حوالينا وهادي تماماً..

16

62

735

@urlifeisback

مُ

2 years

أنا مش في حالة كويسة إطلاقاً.. العالم رغم إتساعه ضيق أوي على قلبي، ورغم كل الألوان في الكون، كل الحاجات قدامي باهته، حتى كمان مبقتش قادر أكتب وأعبر عن اللي بحسه، ولا بكتب يومياتي العشوائية هنا زي زمان، حاسس إني مشطب طاقتي، ومش عارف أخرج من الضغوط اللي حواليا.. أنا تعبت.

1

229

731

@urlifeisback

مُ

3 years

٤- ضحكِت وقالتلي "أنا مشربتش من آخر مرة شوفتك فيها، استنى دقيقتين هعمله واجيلك"، هزيت راسي والابتسامة على وشي، وهي عملتلي كوباية شاي وقالتلي "متغيبش كل المدة دي تاني.. انا بحب اشوفك، يلا احكيلي شوية".. فضلت احكي كلام كتير وأنا مش حاسس بنفسي وبفكر إزاي حد بيفتقدني لو مشافنيش...

0

18

737

@urlifeisback

مُ

3 years

أنزع من رأسي كل الأفكار المخيفة يا الله، ومن قلبي كل المشاعر السيئة، ومن عيني كل ما لم تقسم لي به، ومن يدي كل ما يقودني إلى حال لا ترضاه لي.. يارب؛ أنا راضٍ عنك مهما يكن قضاؤك، لكنني أخاف ألا أرضى عن نفسي، ألا أغفر أخطائي، أن تأكلني الحسرة، ويُخيفني ألا تنظر إليَّ بعد هذا كله.

1

303

721

@urlifeisback

مُ

3 years

"كنت كلما أحببت شيء وهبته جزء من روحي، لا أستغرب كل هذا الفراغ الذي يحيط بي من الداخل تجاه كل شيء الآن.."

2

185

715

@urlifeisback

مُ

3 years

٢- لأول مرة أحس إن الهوا بيوصل لروحي.. ضحْكِت هي وقالتلي وإنت جبتلي إيه؟ فين الكوباية الفاضية بتاعتي عشان أعملك فيها الشاي.. رفعت إيدي اللي ماسكة الكوباية لفوق من غير منطق، وإديتهالها.. قالتلي دقيقتين والشاي يكون عندك جاهز.. حسيت لثواني إني في فيلم قديم والعالم هادي حواليا..

0

15

723

@urlifeisback

مُ

3 years

٦- دلوقتي قبل ما انام كل ما أحس إن الحزن بيحاول يستحوذ عليا.. أقوم أقرا الجواب تاني وأشم ريحته وأبتسم نفس الإبتسامة وأبقى كويس.. بحسه زي المُسكِن اللي بيسكن الوجع.. أنا دلوقتي ورغم اي حاجة فاتت.. جوايا طاقة بتقاوم كل حاجة وحشة وكل إنتكاسة عشان أنام مبسوط..

2

26

726

@urlifeisback

مُ

3 years

٢- في الآخر إشتغلت شغلانة مبحبهاش لأن كنت محتاج الفلوس عشان ألحق أجيب تمن المقدم بتاع الشقة.. إشتغلت لیل ونهار وأوفر تايم، حتى الأجازات كنت بنزلها عشان البونص.. بعد ٦ شهور روحت البيت بليل مصدع جداً ونمت.. قمت مش سامع حاجة بودني اليمين..

0

11

719

@urlifeisback

مُ

1 year

عزيزتي سارة.. أكتب لكِ كمحاولة أخيرة للنجاة.. كآخر ورقة بقيت في دفتر مذكراتي.. قلبي رُبعه أمل، وثلاثة أرباعه يأس.. لكني أتمسك بالأمل الضعيف وأكتب لربما تقرأي رسالتي صدفة.. أنا حزينٌ وفقدت كل شيء. حتى نفسي أكاد مرات كثيرة أن أفقدها للأبد.. لكني أتذكر صورتك وصوتك فأكتب لكِ من جديد.

6

87

698

@urlifeisback

مُ

3 years

٦- أنا مكنش عندي حد يعملي حاجة، حياتي كانت فاضية لدرجة تخوف جداً.. يومي النهارده كان سيء جداً الصبح ولسه هيترتب عليه باقي الأيام أسوأ.. وبرغم كل ده دلوقتي سرقت شوية سعادة وسط الحزن، وخوفي إختفى شوية.. مكنتش عارف إن ممكن كل ده يحصل بضحكة رقيقة، وكوباية شاي كل مرة بيدلق نصها..

2

33

702

@urlifeisback

مُ

3 years

" أريد أن أُحادثك عن كل شيء يمر بي، أن أقول لك أنني أحبّك وأن الوقت الذي يمضي بدونك بغيض وأنك هُنا مُستقرٌ بداخلي وبين ثنايا روحي، أريد أن أقول لك كل شيء يطرأ على عقلي دون خوف دون أن أُفكر بما سيحدث بعد ذلك.."

4

165

690

@urlifeisback

مُ

3 years

وقعتُ في حب شخص جعلني أعيدُ النظر في أن العالم كله قد يُباع لو كان ثمنه دقيقة بجواره.. الأمر في بدايته جعلني أشعر بنشوة بداخلي وكأن أعضاءُ جسدي تحولت جميعها لقلوب.. أصبحتُ ودوداً ولطيفاً وثابتاً في عالم لا يحتمل سقوط وردة عليه كي لا يختل توازنه.. "الحُب جميل".

9

102

679

@urlifeisback

مُ

3 years

مُحزن جداً إنك تبقى موجود في حياة حد وبعدها تكتشف إنك لم تترك أي أثر في حياته، وجودك وعدمه مبيشكلوش فرق، سهل الاستغناء عنك، وكل اللي عملته إختفى.. الطرف الآخر حَطك ضمن عداد الناس العاديين جداً، في حين إنك خليته شخص مهم في حياتك.. الإفراط في التوهم والتوقع مؤذي ومؤسف وقاسي شويتين.

4

185

681

@urlifeisback

مُ

3 years

بالأمس كتبتُ: "أنا حزين للغاية" وذهبت بعدها للنوم.. فقرأها أصدقائي، وعائلتي، والشخص الذي أحبه.. وفي الصباح.. كان صندوق رسائلي فارغاً.. وقلبي أيضاً.

9

139

685

@urlifeisback

مُ

3 years

الحاجات الحلوة اللي بقدمهالك مش مستني منك حاجة غير إنك تقدرها بس.. مش شرط تردها، يكفيني تقدر قيمتها.. أنا شخص بيعامل الناس بالحلو اللي جواه، لكن مش بقدم الحلو عشان أخد منك مُقابل حلو زيه.. كل اللي ببقى عايزه في الآخر إنك بس متخدلنيش.

0

223

672

@urlifeisback

مُ

3 years

ببقى كويس وفجأة بحزن وبنطفي من غير أي سبب جديد.. التراكمات اللي جوايا بتقرر تعاقبني كل ليلة.

3

228

664

@urlifeisback

مُ

3 years

الحنية من ملامح الجنة على الأرض.. هي الحاجة الوحيدة اللي ممكن تهون العيشة.. كون إنك عارف إن ليك شخص حنين عليك.. ملاذ آمن ليك، وكتف حنين بيشيل آلام راسك، وثابت في حنيته مبيتغيرش مهما الزمن إتغير.. دي أعظم حاجة في الكون.

5

204

661

@urlifeisback

مُ

3 years

إكتشفت إن العتاب والزعل بيبقى ليهم مُدة صلاحية؛ يعني الموضوع مش هيستمر طول الوقت، هييجي وقت وهتلاقي الشخص اللي قدامك دا بقى ساكت، لا بيعاتب، ولا بيجادل، ولا حتى بيقول إنّه زعلان منك.. هو خلاص كدا إتقفل منك، وشاف إن الجُهد المبذول في العتاب ده ملوش لازمة، والأولَّى يوفره لنفسه.

1

186

653

@urlifeisback

مُ

10 months

القلق والتوتر يأكلانِ معدتي، والخوف يأكلُ عمري، ياربّ آمن روعاتي.

2

264

648

@urlifeisback

مُ

3 years

النهاردة شوفت صورة أكتر واحدة أذتني في حياتي.. بتضحك ومبسوطة وبتجهز للفرح بعد كام خطوبة ليها مش موفقه.. أنا كنت فاكرني نسيت، لكني حسيت بسكينه بتطعن قلبي ومبتطلعش.. إزاي حد مقدمتلوش غير كل حاجة حلوة يردلك الأذى والجرح ده؟ أنا حاسس إني رجعت لنقطة الصفر وعايز أعيط كتير تاني.

15

48

640

@urlifeisback

مُ

3 years

١- عايز أحكيلكم حاجة عشان مليش حد في الدنيا أحكيله.. النهارده روحت أول جلسة عند الدكتور النفسي بعد ما إكتشفت إني مصاب بإكتئاب حاد من مُدة طويلة.. كنت خايف ومتردد وبتهته في الكلام.. حكيتله إني بقيت لوحدي ومفيش غير ناس معرفهومش ولا يعرفوني بيقروا كلامي هنا صدفة، ويمكن ميقروهوش...

34

46

629

@urlifeisback

مُ

3 years

١- إكتشفت من ٣ سنين إني بعاني من عضلة قلب ضعيفة، بعدها بشهر حد عزيز عليا مات وحصلتلي أزمة نفسية وصحية كبيرة، مقولتش لحد على تعبي غير البنت اللي بحبها، أنا فاكر قولتلها إيه: "الدكتور قالي إني عضلة قلبي ضعيفة، ودلوقتي حاسس بتعب كبير بعد الوفاة، وأني بقيت وحدي.. فخليكي دايماً هنا.."

14

51

642

@urlifeisback

مُ

3 years

أنا معنديش صحاب بقالي فترة كبيرة، ومبخرجش من البيت لأسابيع كتير، وإحساس الوحدة بيقتلني.. النهاردة نزلت إتمشيت لوحدي، وفضلت أبص للسما وأقول يارب أنا حاسس إني لوحدي، لقيت ٤ كلاب جم لعبوا واتنططوا معايا ووقفت لعبت معاهم، وأكلتهم من الحاجة اللي معايا، وحضنتهم ومشيت.. أنا مبسوط أوي.

12

55

619

@urlifeisback

مُ

3 years

١- دراعي إتكسر من ٨ شهور كده، وقعت عليه جامد وأنا بعدي الشارع، والموبايل بتاعي وقتها إتكسر، قومت وأنا مش قادر أحركه.. الراجل اللي قومني قالي أتصل بمين يجيلك؟ لكني مكنش عندي حد يتصل بيه أو يجيلي فعلاً.. سكت وأنا بهز راسي وأقوله مفيش حد.. وجعي وقتها كان أشد من وجع دراعي المكسور..

10

60

616

@urlifeisback

مُ

3 years

حين تعرضتُ للخذلان أول مرة، بكيتُ كثيراً، وعشت أياماً قاسية من فرط غضبي فيها كنت أريد كسر الأشياء كلها.. كما حدث مع قلبي، وحين خذلتُ للمرة الثانية.. قل البكاء قليلاً.. وغضبي أيضاً.. ثم حين توالت المرات، تدريجياً تأقلمت، تأقلمت مع حقيقة أننا جميعاً عابرون في حياة بعضنا.. لا أكثر.

2

179

619

@urlifeisback

مُ

3 years

٥- الشاي خلص، وهي سابتلي الكوباية تاني عشان أطلع بكره البلكونة وأديهالها.. من شوية فتحت بلكونتها وشغلت أم كلثوم "مبقولش في حبك غير الله الله الله".. اليوم الوحش بينتهي نهاية قادرة تزيح الحزن شوية.. كل مخاوفي بدأت تتشال من دماغي شوية.. لليوم التاني ورغم كل اللخبطة، أنا هنام مبسوط.

1

15

623

@urlifeisback

مُ

3 years

قضيت أياماً طويلة دون أن يعلم أحد بما أشعر به، مرت أسابيع كثيرة، وأشهر طويلة.. ولم يلمح خرابي حتى أعز أصدقائي.

2

175

616

@urlifeisback

مُ

3 years

قبل نهاية اليوم ده حبيت بس أعترف إني بمُر بنوع حزن جديد أول مرة أمُر بيه.. ورغم كل المحاولات المُستميته للخروج منه يومياً، إلا إني مش قادر أتجاوزه.

6

186

608

@urlifeisback

مُ

2 years

١- فضلت طول الليل إمبارح بعاني من أفكار إنتحارية كتيرة، عيطت كتير وفضلت أدور في موبايلي - اللي إتكسر مني في آخر أزمة- على رقم حد أتصل بيه أحكيله أو يقف جنبي ملقتش، الليلة عدت بصعوبة وصحيت لقتني ركبت وسافرت إسكندرية لوحدي، بقالي سنة وشوية مليش حد ومبطلعش من البيت لأسابيع كتير.

32

35

583

@urlifeisback

مُ

3 years

١- إزيكم.. عايز أحكيلكم عن اللي حصل النهارده.. في طوبة صغيرة إترمت في باب البلكونة من شوية، طلعت أشوف لقيت بنت الجيران واقفه في بلكونتها وبتبصلي وتضحك.. شكلي كان ملخبط.. وإتوترت معرفتش أقول إيه، لقيتها بتقولي.. "الظاهر كده إنك هتخلص الطوب بتاعي عشان تطلع وأشوفك.. بتغيب عني ليه؟."

17

52

596

@urlifeisback

مُ

2 years

١- بقالي كتير مكتبتش ليكم عن بنت الجيران.. بعد شهرين أو أكتر هي رجعت من السفر النهارده، أول حاجة عملتها لما رجعت إنها رمِت كام طوبة صغيرة علي البلكونة.. إستغربت وقلبي إتحرك من مكانه!! مفيش حد بيسأل عني او بيرمي طوب ع البلكونة غيرها، إتحركت ببطء ناحيتها بس قلبي كان بيتحرك بسرعة..

18

49

573

@urlifeisback

مُ

2 years

كان في حد لطيف قبل كده قال إنه إذا الإنسان حس إن يومه عدى من غير إنجاز لأي سبب وبدأ يشعر بالإحباط، ممكن يذكر الله، لأن الذكر ممكن يغفر ذنب، يكتب حسنة، يرفع درجة، يبني بيت أو يزرع نخلة في الجنة،، يعتق من النار، وكل دي إنجازات جميلة، والأجمل إن ربنا بيذكُره.. "فاذكروني أذكركم".

1

169

579

@urlifeisback

مُ

3 years

٤- حسيت ساعتها وشها بينور من الإبتسامة.. قالتلي متنساش تسمع الأغاني اللي بشغلهالك بالليل في البلكونة، إوعى تكون نايم.. انا بشغلهالك مخصوص.. ضحكْت ومقولتلهاش إني سمعتها كلها المرة اللي فاتت.. قعدت تسحب مني الكلام وكالعادة محستش أنا قولت إيه ولا رغيت قد إيه..

0

9

569

@urlifeisback

مُ

3 years

٣- وقت بسيط عدى ولقيتها في بلكونتها عاملالي الشاي وجاية، كالعادة بنحارب عشان الكوباية توصل من بلكونتها لعندي، وكالعادة بيدلق نصها وبنفضل نضحك بعدها.. قالتلي "ها إزيك؟ كويس؟".. ورغم اني يومي كان سيء جداً.. لقتني بهزر راسي وبقولها "اه كويس وببتسم.."

0

13

567

@urlifeisback

مُ

3 years

إذا أحببت أحدهم يوماً .. لا تجعله يُغادر وفي صدره كلمات كثيرة.. عانقه للمرة الأخيرة، حدثّه عن أسبابك، أخبره عن حُبّك له وعن عجزك.. لا تشعره بأنه لم يكن كافياً.. العلاقات وجدت رحمةً للإنسان ولطفًا بهِ.. لأ أحد على وجه الأرض يستحق أن يشعر أنه ليس كافياً.

4

132

547

@urlifeisback

مُ

3 years

السنة دي كانت من أكتر السنين الصعبة اللي مرت في حياتي، وكانت مؤذية جداً بالنسبالي.. لكن عملتني كتير أوي.. وأهم درس عملتهولي؛ إني عُكاز نفسي دايماً، ومستناش حاجة من حد.

6

202

521

@urlifeisback

مُ

3 years

كنتُ دائماً حريص على إبقاء مسافة أمان بيني وبين اﻵخرين.. المرّة الوحيدة التي سمحت لأحدهم باﻹقتراب مني، مازلت أدفع ثمنها حتى الآن بطريقة مؤذية جداً.

2

142

525

@urlifeisback

مُ

3 years

أتمنى في يوم خصام بيني وبينك متسبنيش لدماغي، أو تقولي كلام يوضحلي إني كنت ولا حاجة بالنسبالك، لأني ممكن اقطع علاقتي بيك وإنت ولا هنا.. أنا بس بخلي نهايتنا لطيفة عشان نفتكر بعض بالخير.. بس لو هونت عليك تسيبني، هتهون عليا أخسرك.. لأني مبكرهش في حياتي قد الناس القاسية.

3

142

525

@urlifeisback

مُ

3 years

قبل ما تقرب من حد بزيادة، إعرف إنك هتشوف جزء منه هو مخبيه عن الكل.. جزء مش دايماً مُبهج ولا مليان طاقة، منطقة مليانة بالشكوك فى نفسها وفى معظم الأشياء.. فيا تكون مستوعب إنك مش هتعيش على طول مع الحاجات المُبهرة إللى شدِتك.. يا تلتزم بمكانك البعيد من البداية.

1

134

512

@urlifeisback

مُ

3 years

أنا معنديش مُشكله مع النهايات ولا الخُسارة، لكِن عندي مُشكله مع الحاجات اللي بتفضل مُده طويلة حلوة وبعدين بتنتهي بشكل بهتان ملوش ملامِح ولا أسباب منطقيه .. هو صحيح كله بيعدي ، بس يا ترى بياخد معاه قد إيه صحة وأعصاب وطاقة وهو ماشي؟

2

152

513

@urlifeisback

مُ

3 years

"على الأقل يجب أن يمتلك المرءُ منا كتفاً يمِيل عليه وقتما تميل الدنيا فوق رأسه، أن يكون لدى كل منا شخصاً واحداً قادراً على الإختباء فيه من سخافات أفكاره.. ألا يحارب الإنسان منا وحده.. ألا ينتهي يوم أحدنا دون أن يجد من يخبره كم أن قسوة الحياة كانت لتقتله لولا وجوده.."

7

166

514