كنت طالب حاجة وجَت على غفلة ومكنش معايا كاش -مستورة الحمدلله- فا استلفت من ماما عادي لحد ما اسحب، عدى يومين وانا ناسي فعلًا فا ماما بتتكلم مع خالته ف الموبيل بتقولها "انا معرفش ازاي الواحد ممكن يجيله نوم وهو عليه فلوس، زمن ايه ده"
انا:
عندي مشكلة صغيرة وهي ان بنت اخويا زعلانة مني وعمالة تشتكي للناس كلها اني مبقتش بلعب معاها "بوليس وحرامي" وانا محرج ادافع عن نفسي واقول انها بتخليني ابقى الحرامي كل مرة وانا ببقى عايز ابقى البوليس فا بتقبل الانتقادات عادي :D
ماما كان عندها مشكلة ف ديبت كارد البنك اللي انا شغال فيه -هي مش مشكلة بصراحة- فكانت قالتلي عليها الخميس بس انا نسيت - بسبب ضغط الشغل طبعًا😰- فا دلوقت بتقولي "متعرفش حد صحابك شغال ف بنك يشوفلي المشكلة دي؟" وحقيقي لم اكن مستعدًا لتلقي طعنة مبكرة كده! :D
معايا زميل ف الشغل -علاقتنا تسمح- بقابله كل يوم واسأله عامل ايه فا يقولي "والله ف نعمة" فا برد اقوله "طب ما تجيبلنا ساندويتشين ههخه" ونضحك احنا الاتنين على الافيه المتخلف الرخم ده كل يوم بجد :D
عملت فيها اخ كبير واديت شريف اخويا الكريديت كارد بتاعي وهو نازل يشتري حاجات -قالي هاخده احتياطي مش هستخدمه- كل شوية يجيلي مسدچ من البنك -اربعة لحد دلوقت- وابقى عامل كده
حسن حسني -ربنا يرحمه- كان عامل ملحمة ف فيلم الباشا تلميذ ومن غيره الفيلم مكنش هيقوم فعلًا، المشهد وهما بيخطبوا أمل ربة الصون والعفاف -مع الرائع سعيد طرابيك- من اجمل المشاهد ف تاريخ السينما والله :D
ف اخر اسبوع من السنة دي تقريبًا حابب اقول ان الحمدلله كلنا ف نعمة مهما كان اللي حصل السنة دي من حاجات غير متوقعة او خطط تم تأجيلها غصب عننا، بس طول ما احنا كويسين واللي بنحبهم موجودين حوالينا كويسين برضه فا احنا ف نعمة لازم نحمد ربنا عليها.
في واحدة من أجمل التعريصات ف عام ٢٠٢٠ -نظرًا لقلتهم طبعًا لحد دلوقت- فيه عميل ف البنك قال بصوت عالي شوية "هو انتم ركبتم لمبات جديدة ولا استاذ طارق رجع من الأجازة؟" ومنتهى حُب الناس والله :D
انا مؤمن جدًا ان الناس بيكونوا محتاجين حد يتطمّن عليهم بطريقة معينة، بعيدًا عن الأمور الحياتية المرهقة، زي نمت كويس النهاردة؟ شربت ميّه كتير؟ أكلت فواكه ايه النهاردة؟ صغائر الأمور الجميلة دي والله :D
فيه فود بلوجر اسمه محمد حازم، عامل ريڤيو لمطعم اسمه هيروز باين بتاع فرايد تشيكن وكده وقايل انه اقرب مكان لكنتاكي، فا صدقت كلامه بصراحة وحسيت ان لازم اجرب.. المهم لما روحت لقيت كلامه صح فعلًا وان كنتاكي فاتح جنب المكان بالظبط فا الراجل مكدبش وثقتي فيه زادت عمومًا.
فيه عميل بيتخانق عندنا ف الفرع -لسبب لا يعلمه الا الله- فا وسط الكلام وهو بيزعق قال "يا جماعة سيبوني اتكلم ولا اقلع البلوڤر شكله هو اللي محررني" فا مش عارفين نتصرف ازاي بجد :D
عايزين ننورماليز ان حد يتصل بيك بعد فترة ليست بالقليلة علشان عايز منك خدمة عادي مش شرط انك وحشته، احنا مبنعملش كده ااه بس مفيش مانع اننا نخدم بعض لو فيه امكانية بجد.
واحد صاحبي كان مسافر السويس امبارح -صد رد ياكل سمك 🫤- فا كلمني من شوية ننزل -ف الحر- فا سألته "الدنيا هناك عاملة ايه؟" قالي ان كل حاجة هناك ماشية بسويس وقعدنا نضحك باقي المكالمة على تقل الدم ونسينا النزولة الحمدلله :D ✌🏻
انتصار باهت جميل طبعًا بس يحضرني مشهد الزعيم عادل امام مع توأمه ف التمثيل سعيد صالح ف فيلم سلام يا صاحبي لما اتقبض عليهم وقاله "ده احنا هناكل علقة" بجد
انا مازلت عند رأيي ان الغالبية العُظمى من الناس لُطاف جدًا، وان لو صادفت وقابلت حد بدَر منه تصرف مش لطيف فا ده ممكن يكون علشان انت قابلته ف وقت صعب بالنسباله/مش احسن ايامه، انما هو العادي بتاعه لطيف جدًا.
شباب لو حد مستني خبر حلو، فاكرين وانا خارج من نفق الازهر وخدوني مخالفة اني مش رابط الحزام وانا رابطه اصلًا وقدمت تظلم؟ التظلم اتقبل والمخالفة اتشالت بجد
بين قوسين من النهاردة دي بلدك انت متسيبش حقك، مترميش حاجة ف الشارع، قوم اعملنا شاي 🤝
المهم بقى ف حوار الڤويس تويتس كده، كل يوم الساعة ٧:٤٥ ص تختاروا خمسة منكم -محل ثقة- يعملولنا اذاعة مدرسية على خفيف كده ويقولولنا فيها اهم الأخيار ونختمها بتحية العلم. كل يوم خمسة مختلفين ااه علشان محدش يزعل 🤝
روحت اغير الأربع فردات كاوتش بتوع العربية علشان بقالهم اربع سنين يعني -حسيت انه كتير- فا الراجل قالي "ما شاء الله يا باشا العجل جديد لسه شكله، هي ماشية كام كيلو؟" فجاوبت بحُسن نية "٢٦ الف كيلو" فا اداني واحدة "باشا خُد العربية وامشي اتفضل" زي بوشكاش محفوظ كده :D