في جنوبي ركب جمبي في المواصلات وقعد يحكي لي عن قصتو مع التهريب وكيف نهبوه في جبال الكسارات وفي نص الحزن والمأساة قال لي "تصدق والله بعد شفتو في كسارات دا تاني مكسرات ما ناكل"
قبل دقيقتين بفكر متين حنرجع الخرطوم فجأة التويتة دي قررت تظهر في وشي بدون ادنى سبب
بديت اقتنع انو السوشيال ميديا مصممة عشان تعجن صحتك النفسية بس كل تطبيق باسلوب خاص
في الروضة كنت مكرش على وحدة عشان اسمها سمح ساي وبحاول اظهر بمظهر الجنتل قدامها لحدي ما يوم عضيت الابلة عشان ما خلتني اطلع برا لامي وبقيت متوحش في نظرها وانتهت العلاقة قبل تبدا للأسف
اغنية بحري السموك سر الهوى دي بتخليني احس اني اترعرعت فيها وعشت فيها اجمل لحظات حياتي وانا ما مشيت الا مرتين وحدة المستشفى والتانية مع صحبي كان ماشي يجيب تمباك
ديل تفاحتين وحدة منهم ما واثقة في نفسها قامت دخلت دورة تنمية "فواكهية" بقت الصباح كل يوم بتعاين في المراية وتقول انا شمامة انا شمامة للأسف في نص الطريق فقدت الشغف وبقت لا لامة في هويتها الاصلية كتفاحة ولا بقت شمامة، والتفاحة التانية عاشت مبسوطة بهويتها الأصل 🙏🏾
@OsamaAltayeb10
شفت قصة الزول القال زمن الانجليز جدي كان بحارب فيهم قام غردون باشا قطع راس جدي وقعد يحارب تلاتة ايام بدون راس ما عرف راسو قطعوه الا لما جاء يخت سفة؟ يلا قصتك دي سواقة اكتر منها
ما علاقة حب بس علاقة روميو والفريدو في عهد الاصدقاء كانو زي الاخوان، كنت بحاول اقنع اخوي انو نبقى اصحاب زيهم وبنمثل الدور ساعتين وبنرجع اعداء لحدي ما يوم دقيتو من الغبنه عشان ما بقينا زيهم فترة طويلة
خلوكم واقعيين ولد البرهان ما عندو علاقة بعمايل ابوه وممكن هو زاتو رافض التصرفات دي عادي, مالكم عاملين زي حركات الvillains في الافلام حقت "لديك عائلة جميلة"
مشاكلنا مع البرهان شخصيًا يعني لما البرهان شخصيًا يعمل حادث نفرح وننبسط ساي لكن ولدو لا
يا جماعة والله الالحاح في الدعاء دي حاجة عظيمة شديد وانا صغير عمي كان بناديني الحلبي وكنت بتضايق فبقيت ادعي "يارب ابقى عب" وسبحان الله مع مرور السنين الشمس حرقتني ولوني حلف يرجع طبيعي
النتائج طلعت بعد عدة مراجعات وتصحيح، الشايف نفسو في خانة النط يقوم ينط والشايف انو محتاج مراجعة دكتور غالبًا ما عندك قروش المقابلة فامشي نط مع الباقيين 🙏🏾
وحدة من الخارجيات جاني دعامي بليل دق لي الباب قال لي دايرين مربى عندنا اخونا الصغير ما بتعشى الا بمربى والدكاكين مقفلة لمن اديتو شكرني شكر ما طبيعي المهم الصباح دق لي الباب تاني واداني طقم ملاعق هدية
عندنا واحد يومي بجي قبل الفطور بشوية ويقعد يكورك ويشحد في نص الشارع بأعلى صوت، امس غاب واتوقعت يكون لقى شغل ولا حاجة بس طلع بطور مهاراته والليلة ظهر وجاب معاو مايكروفون عشان يسمّع الاطرش برضو ❤️
اقسم بالله المصريين بتاعين خارجيات مستحيلة وما بتسترو زاتو
راكب مع اوبر صعيدي في امان الله بنتونس فجأة يطلع التلفون يبدا يتكلم مع صاحبو عن خطة القنْل وكيف يجيبو ثار صاحبهم ويقتلو القتلوه 💀 كنت عايز اشارك بس خفت الخطة تتحول علي
ياخ رجعوني السودان كيف يعني اكون راكب ركشة في امان الله فجأة يظهرو شفع من العدم يجدعو لينا الطلق جوا الركشة!!
يحليل زمن كانت اكبر همومي الشفع ما يسكوني بالسلك اللماع