انا عندي قريب ال 60k متابع في الثريد ده
نزلو المشاريع الصغبرة العملتوها في فترت الحرب عشان تساعدكم وتساعد اسركم
انا حشير ليكم وان شاء الله كل الناس حتشير
بيت التراث ده كانت اول دعوة تجيني في حياتي بي اسم سولجا كانت لي بيت التراث
واول مرة اتعامل كفنان في الزمن داك ما كان في زول بيعرفني غير اسرتي واصحابي مشيت قابلت ناس كنت بسمع بيهم وبشوفم في السوشل ميديا بس رجعت ما قدرت انوم من الفرح
خالي دكتور اسماعيل بعد سنين طويله في الغربه رجع وعمل مشروع كان حلم حياتو في السودان ال هو (بيت التراث) في الخرطوم ٢، خالو باحث في الثراث ودكتواره في الفلكلور، من استلامنا للمبني وبدينا فيهو الصيانه والترتيب والفرش، انا وماريل اهتمينا بكل التفاصيل وبقي عندنا ارتباط شديد بالمكان
بالنسبة لكمية الناس البتقول كان تعمل الحفلة ساي ماف زول كان حيسألك
وبالنسبة لي كمية الاورقنايزرس الحيتواصلو معانا الفترة الجاية لي حفلات بالچابس في ظل ما القرار ده قائم
اسف شديد انا ما شايف اني بقل حاجة عن فنانين الصف الاول .
طيب بغض النظر عن انك شتمتني وواضح انك ما متربي
حرد عليك لانو كلامك فيهو شوية منطق من واحد متصور جمب مكتبة وعامل نفسو مثقف وبيستخدم كلمات زي الاكثر نقاء وايدولوجية والحاجات دي ما مشكلة انا زاتي كنت زيك لمن كان عمري 19
المهم الطبقية وحدة من سياسات العالم الانت عايش فيهو والثوابت الماحتتغير والحقد الطبقي ممكن يبقى دافع كويس في حال حيكون حافز انك تشتغل على نفسك وتطلع من الطبقة الاتولدت فيها لكن كونو الله خلقك في اسرة فقيرة او منطقة مهمشة ده ما بيديك الحق انك تقتل الناس الله خلقهم في ظروف احسن منك