🔸️للفائدة للجميع والتوضيح
.
.
.
هذه الصورة منتشرة من عدة سنوات
بشكل واسع ولكن للأسف حبيت انزلها
ولاحظت فيها عدة أخطاء من يحددها
سنعمل نحن وإياكم على تعديلها ونشرها #نشاوركم
ابيات من قصيدة شاعر الوطن #خلف_بن_هذال
في قبيلته العزيزه على جميع القبائل #عتيبة
فينا صفات الطيب ( يابنت) واوصاف
ما تنطـبق في غــيرنا يا ( مليحـــه)
لنا مكان ودين وسلوم واعراف
بين القبايل كاسبين المديحه
صاحين صافين المشاريب واشراف
ماناكــل المتـردية والنطــــيحه
#عتيبه
صورة لمرض الهدب و الحمام
في الإبل قدمها لنا الأخ عابر سبيل
جزاه الله خير عنا وعن المسلمين
.
#امراض_الإبل
احتفظ فيها لتتعرف عليه
بسببه يقل اكل الناقه وشربها
وعلاج الهدب : تقطيع الزايد منه
وعلاج الحمام : ( تخزه - تفتقه ) بالأبره لين يدمي
وبعد علاجك تجرشه بالملح والماء وسلامتكم
🔸️
الريشه في الإبل
.
.
.
.
.
في حالة إصابة المطيه بالريشه
هذي احد طرق علاج الريشه في الإبل
واعراضها غصه مستمره فتره طويله حتى لو
غيرت العلف تبقى معها والتشخيص الصحيح مطلوب🔸️
🔸️شرح الصوره
.
.
.
للحيران عدة صفات
ثابته أساسيه لايمكن تتغير
وواضحه للمتابع دقيق الملاحظه ، منها :
.
فالصوره غارب الحوار مرتفع واطول من وروكه
لذالك هذه الصفه لايمكن تتغير
ولايمكن ان يطول وركه عن غاربه مهما كان سنه وبكذا يتضّح تسنّاد عمره من إنحداره من اول يوم #المستشار
🔸️الفرديه نجد
.
( عجلان ) بعير الطهيمي شاريه من حربي مجهول السلاله - باعه على الموسى
.عجلان جد الفرديه نجد
.ابوها ولد عجلان بعير عفاس الدعيس
باعها من مراحه ب١٦٥
وبيعت فالطوقي ب٤٥٠ تقريبا
شاركت في مزاين فالطوقي وأخذت ال٣ لقيه
ثم بيعت/الثعلي/ ال الشيخ /ابن جخدب/النهدي .
يعلن فارس بن دبيان السبيعي
عن مواقع الفحول و السراء #تسبيل_الفحول
عليان و عياله واخوانه فالسراء من ١ / ٥ /١٤٤٥
بيض الله وجيهكم عوايد ماهي جدايد
والله يرحم دبيان رحمه واسعه ويزيدكم من فضله
#اهل_الحجاز_ونعم
اهل الطايف
في رأيي ان مناخهم يختلف عن اهل الذيدان
وش رايك تستثنيهم يا
@HamedAlMuhayani
من المقيظ
..
ذيدانهم في براد
ولا ادري متى طيرت وبرتها
وحيرانهم ماتستدير من الرمضى
..
يصورون الابل متعكرشه
اكيد متعكرشه مادرت عن القيظ 😂
#مقيضك_مديد_حرش_العراقيب
💡 من أجمل فحول الجزيره
.. الرماني ( الزايدي )
للمالك عبدالله ال الشيخ الودعاني
ولد الفاخر بعير الامير سلطان بن محمد
ولد الكايد بعير بن عذل
ولد بعير سعيد بن هادي الزمامي
..
💡.. نادرا ما بعد دوج مع عرب .. 💡
🔸️من الخاص
.
.
.
.
نبي نسأل متابعينك حساب شاور
اللي جربو الطاقة الشمسيه هل تنفع للمكيف الاسبلت 18 والا المكينه افضل عن تجربه وكم تكلف ل مكيفين وثلاجه وأفضل شركه مكيف تصلح لها ؟ #نشاوركم
يقول راكان بن حثلين
تلفي على ربع عساهم عزيزين
اهل الشجاعه والكرم والعزومي
ربعي ضنا مرزوق بالعسر واللين
لطامةٍ للي عليهم يزومي
عجمان لا رد البرا للمعادين
حريبهم من همهم ماينومي
ماهي غريبه عليك وضع النقط على الحروف
حر من سلايل حرار ..
@faisal_rakan_
غريب امر #لطامات رغم حصولها على المركز الغير مرغوب فيه من قبل جماهيرها إلا انها حديث الإعلام #ترند على مستوا الخليج
#وداعا_لطامات
القبول من الله و #لطامات وجمهورها مقبول
و كما قال #المديفر #في_الصوره
جمهور #لطامات له جمهور بحد ذاته #براند_لطامات
حفيدة خزامه ابن قريع
بنت ولد خزامة - خزامه فهاد الفهاد
أعجبتني من بين منقية الفهاد وقت دخولها
ولا املك اي معلومه عنها واليوم تتصدر الساحه
اسمحولي امدح نفسي شوي 😂 👋
🔸️
.
.
.
.
كلنا كملاك ابل نبيع حشو قصب
لكن كيف ��قدر ابيع بأعلى قيمه
مثل مانسمع بعض الحشو ياصل ال٨ و ٩ و ١٠
وش الطريقه و البرنامج و العلف الي يطلع فيها الحاشي بأفضل حال واستفيد اذا بعته #نشاوركم
🔸️عاااااااااااجل ' رساله نقدمها عامه
ماهو الحل الأمثل ماهو الحل الأمثل
للتخلص من الذباب و مضاعفاته وأضراره
.
يستفسر من الخاص لأهل الخبره
لعلاج عيون الإبل من الذباب و بياض العين
وماهو الحل للتقليل من أضراره ؟؟ #نشاوركم
#وصف_الصوره
🔸️الإذن
وصفها ( خرعا - شماليه )
وكذالك موقع الإذن - منبتها
والي يلاحظ انها نازله عن موقع العين
ومرتخيه خلاف وشكلها قريب من شكل الحلقه
ومن مميزات الإذن لو ناحر لك بوجهه ماشفت إذنه
.
🔸️صنقر البعير - قفى راسه ممسوح ومستوي
🔸️عرض القّله ( هامة راسه - دماغه ) طيب
تحت مبادرة
#تسبيل_الفحول
سعود الباتلي ولد عليان الحيسوني
وعدة فحول أخرى وخدمات السراء
الشبوك و الأعلاف و الضيافه يقدمها
رجل الأعمال : مشعل بن جدعان الزيادي لأهل الناقه
🔸️
صدام ل أبناء لفاء الجلاوي
من أجمل فحول الجزيرة
.
.
تميز واجتمع فيه قوة زين السلاله الباتليه
و التكامل في وصف المغتر من رق وطفاح نادر واعتدال
تميز بغياب عذاريب و ملاحظات السلاله الباتليه
.
صدام نموذج وخط جديد مختلف عن غيره من الفحول من هذه السلاله النادره المتميزه .#الباتل
🔸️مزايا بالتفصيل 👋
.
.
.
من اهم المميزات فالمغاتير
والتي نراها واضحه فالصوره في الحاكمه
🔸️تسناد الغارب و إرتفاعه عن مستوى الورك 🔸️
فلو إفترضنا
إرتفاع الورك عن الأرض ١٨٠ سم
ستجد ان الغارب إرتفاعه ٢٢٠ سم تقريبا
🔸️. تمامي .🔸️
تبقى سلالة تمام سلالة متجدده
سلالة الرونق و الحلا ووفرة الزين
ولها بصمه حضور ولها نصيب كبير من الجوائز
من دون أي وهج إعلامي .
.
.
البعير للمالك ال عيار المخاريم على بعير عبدالله بن عويفي .
ولده القعود الحاصل على المركز الثاني في شوط المفاريد وضح .
🔸️من الخاص
.
.
.
.
.
ياطويل العمر عندي بعير وقعود لقي يجذع الشتاء الجاي وابغى اجهزها للبل وابغى افضل مقيض لها بحيث انه يجي وقت الهداد وهي باأتم عافيه ووش تنصحوني بالطعام والتجهيزات لها الله يعطيك العافية #نشاوركم
منقول
يقال أن الملك عبدالعزيز طيب الله ثراه عندما طلب من أرامكو مد السكة الحديد بين الرياض والمنطقة الشرقية عام 1947 قالوا له أن المشروع يتطلب مدة طويله من الرفع المساحي لاختيار المسار الأمثل بأقل ميول ممكن
فأشار عليهم بإستخدام الإبل لإختيار هذا المسار لأنها غالباً تسير في
🔸️
.
.
.
.
.
هل ل سهيل ارتباط
صحي بينه وبين العشاير ؟
واستمرار ولدها معها بعد سهيل يضرها ؟
وليه الشيبان الأولين يعزلون الحشو في سهيل بالتحديد ؟ #نشاوركم
🔸️من نوادر الفحول فالجزيرة
.
.
الزعفراني ل ابن طواله الشمري
ولد سلطان الصفر وأمه الزعفرانه
من ابل حياه دبيان السبيعي رحمة الله عليه
من لديه معلومات عن نوادر انتاجه يشاركنا 👋
💡 الباتلي الزعيم
بعير خشمان العبسي العتيبي
ابو القعود النادر
قعود محمد بن خالد الدلبحي
وابو القعود النادر
مخوف ل ابراهيم بن ناصر التويجري
وابو القعود النادر
ل متعب بن مسفر الحربي
سلاله فاخره وانتاج نادر الله يبارك لهم