اللهم ارحم أبي واغفر له وأضىء قبره بنور الجنة واجعل لقبره وملامحه نورا الى يوم القيامة ربي اجعل والدي الطيب في عليين ومنازل من نور وحدائق مما يشتهي وتطيب بها نفسه اللهم وسع قبره وآنسه بقربك ولطفك يا كريم اللهم اجعل ما اصابه رفعة له في درجته يا أرحم الراحمين
اليوم شفت واحد بشبه بابا الله يرحمه لدرجة فكرته هو كان ماشي بالشارع وانا بالسيارة ركب سيارته ضليت الحقه وهو مصدوم وقفته وركبت جنبه وتصورت معه وطلبت رقمه وضليت ابكي طلبت منه اعرفه ع اهلي عشان يشوفوه ووافق عنده بنت وحيدة قلي اليوم صار عندي بنت تانية
طبعا لو الشب عنده سترتش ماركس وجسمه مترهل وخواصره زحل وشعر وجهه شبه الشعيرية الباكستانية بحقله يتشرط لانه رجل مفكر حاله
gods gift to women
اما البنت كيف تكون مخلوق طبيعي عنده سترتش ماركس ؟ لااا بتصير مخالفة لمواصفات ومقاييس الين ديلون وببطل يتجوزها اله القوة والخصوبة والجمال
بعد هالفيلم مستحيل تلاقي أي نهاية فيلم تصدمك اشي ما بتخيله العقل فيلم قاسي جداً وبخليك تحس بظلم وقهر وتلعن اشياء كتير في العالم الشعور بضل مع الواحد فترة طويلة قهر لدرجة التحطيم لما تتخيل انه هاد آشي ممكن صار وممكن يصير مع اَي انسان . بس الفيلم على قوته مستحيل ينحضر مرتين :(
يخي بتحب النحيفة دور ع نحيفة بتحب السمراء تعرف على سمراء بتحب الطويلة لا تخلق حديث مع مربوعة بتكره المحجبات لا تتقدم لمحجبة مش تقتحم حياة حدا وتسوي فيها جنتل مان بعدين تفرض مواصفاتك ومقاييسك ع اساس انك الين ديلون
ليش في هذا الكون الواسع اللي فيه مليارات البشر ما في ذا ون فور ايفري ون ؟
ليش ناس بتوصل عمر الثلاثينات ولسا ما صادفوا لو حتى انسان واحد بس يكون صادق بمشاعره معهم ؟
ليش في ناس طول حياتها ما جربت ولا لقت حب حقيقي وصادق؟
ليش في ناس رح تعيش عمرها وحيدة ورح تموت وحيدة ؟
طالما أنا ماشية على السرعة المحددة مش من حقك تقعد تزمر وتضويلي عشان افتحلك طريق حتى لو اني ع أقصى الشمال وحتى لو ما في كاميرات سرعة انا بدّي امشي قانوني لما تركب وي وي فوق سيارتك ساعتها بفتحلك طريق
وانا اول مرة طلعت بسيارتي وليلت الدنيا وواحد ضل يرمشلي ويزمر ويعمل بايده حركة بفكره بعاكس اخر شي صفيت بقلي ليش مش ضاوية ضواوك قلتله اَي ضواو 😂 قلي انتي ماخدة الرخصة جديد وانا انبهرت كيف عرف وضوا الضواو وقلي انا خايف عليكي والله وتسهل 😢وضليت شهر افكر بأسماء ولادنا
قلتله انت بتشبه بابا الله يرحمه نفس وجهه وعيونه وتجاعيده حتى الشامة تحت عينه نفسها نفس شعره ونضارته حتى أذنيه نفس طوله وهيئته نفس ابتسامته اللي بشوف بفكرهم توأم حتى لما بعتت الصورة ع الجروب التخموا مش فاهمين هاي صورة قديمة ومتى ووين هاد بابا ولا لا
ضليت الاخم بين السيارات عشان اوصل عنده والنَّاس بتزمرلي زي المجانين سكرت الشارع عشان اوصله بالعادة بروح من دخلة تانية ما بعرف شو خلاني اغير الطريق مع انها ابعد يمكن نصيبي عشان اشوفه
لقيت زلمة كبير بالعمر واقف ومعه كياس كتير سالته وين طريقك قلي مكان قريب عنا وعرضت عليه اوصله وطلع ساكن بمكان اول مرة اسمع فيه وطرق عتمة ولا مخلوق ولا سيارة بالشارع والرعب اللي عشته لحد ما نزل ما رح انام اسبوع من الخريعة ومش قادرة ادعس بنزين من الرجة ولا عارفة ارجع ع البيت
الصغار تحت المطر رايحين مشي ع المدرسة تذكرت بابا لما كان يوصلنا بالشتا كان ينادي ولاد الحارة الماشين ونندحش بالسيارة عشان يوصل اكبر عدد ونمر اكتر من مدرسة الله يرحمك يا بابا يا حبيبي
رنيت ع حدا وطلعت مخربطة بالرقم بقله تلفون فلان قلي لا غلطانة بالرقم يا أختي رجع يرن يقلي هاظ اللي بدك ترني عليه مين بكون ؟ فلان إيش ؟ صار بده يساعدني اعرف رقم فلان يخي شعب نخوجي شغل فزعات حتى لو رنيت عليه بالغلط بحب يكون جزء من حياتك ♥️
في شركات/شركة قاعدين بروحوا م��ظفينهم الجداد اللي الهم ٣ شهور او اقل بسبب الحظر الشامل اللي بحكوا رح يكون لمدة شهر فعشان ما يدفعولهم راتب الشهر بالحظر روحوهم وبنفس الوقت عّم بعملوا إعلانات توظيف وبقابلوا موظفين جداد يشتغلولهم فترة تدريب غير مدفوعة وهذه قمة الوساخة اللي بتمرق علي
المعلمة مجد شراري ساعدت ١٣ طالب يتسلقوا الصخور وهي ما عندها أمل بالنجاة ومش شايفة غير الموت قدام عيونها من الساعة ١ لساعة ٨ واقفة بتواجه الموت وبتثبت أيدين الأطفال ع الصخور بنتها كانت تقلها انا خايفة عليكي وهي توعد الأطفال رح يجوا ياخدونا وفي ناس قاعدة بتدعي عليها بالموت
ما عندي انتماء لوطن ولا محافظة ولا مسقط رأس ولا لأي اشي ولا بفرق معي شو بنحكى عن بلد مش قادرة أعيش فيها بكرامة وبدون خوف واستقرار اصلا بعرفش كيف الإنتماء بكون ولا شو هو الإنتماء المطلوب ونعم الوطن فندق والخدمات سيئة ولا أملك رفاهية المغادرة
٩٥ ٪ من طلاب الصفوف اول لحد خامس ابتدائي انعطبوا رسميا سواء مدارس خاصة ولا حكومة لا فاهمين انجليزي ولا عربي ولا رياضيات بتعاملوا معهم كانهم طلاسم وبحكيلك نجحنا في التعليم عن بعد
جماعة الصيف والشتا مشكلتكم مش مع الفصول مشكلتكم مع المصاري لو معكم مصاري كان بالصيف بتقضوها مسابح وسفرات وبتطلعوا والمكيف شغال عشان لما ترجعوا يضل البيت بارد وما بتسالوا عن فواتير وبالشتا بتقضوها مشتريات ولفحات واكل عند الفاير بليس وبتركوا التدفئة شغالة ٢٤ وبتستعملوا سيارتكم 4*4
٢٠٢٠ والناس في الاْردن عّم تضطر تقبل تشتغل برواتب أخذوها اول ما تخرجوا براتب أول وظيفة بحياتهم وكأنه الزمن عنا بمشي بالعكس
The curious case of wages in Jordan
رضيت اشتغل براتب ٣٠٠ ليرة وانا التزاماتي الشهري�� قدهم ٣ مرات من مبدا ولا القعدة ومن كتر ما العالم المريض بسالوك انت ليش قاعد اشتغل اَي اشي وكانه الواحد لاقي شغل بالاردن يكفيه بنزينه حتى ومن لما اشتغلت وانا كل يوم باكل خازوق يوميا حرفيا دفعت بسبب هالشغل ضعفين الراتب خوازيق وبنزين
أنا بعرف أنجح وأحقق اهدافي بس ما بعرف أحافظ على النجاح اللي بوصله طول عمري نفسي أشتري بيت وأعمله على زوقي وبعد ما اشتريته ودفعت فوق القرض دم قلبي وتحويشتي عشان اركب مطبخ وأعمر مخزن وغرفة غسيل واحط مرجيحة في الترس وازبط الكراج هي البيت رح يروح ولا كأنه كان
لما يكون في حج كبير بسوق على مهله لا تقعد تزمرله وتصرع راسه اعتبره ابوك ولا تزمر وتشبرله بايدك شوية احترام لكبار السن بدل التعامل الحقير وكأنه مش من حقهم يسوقوا سيارة ولما تشوفوا حج او حجة بحاولوا يقطعوا الشارع وقفوا ومرقوهم حتى لو مش شارع مشاة ما أنتوا خلقة مش ملتزمين بقوانين
والله والله والله ما بتقدروا تعرفوا شخصية بني آدم من اكاونته ع تويتر لا بايو ولا تغريدات ولا منشن ولا أفاتار ولا شو برتوت ما بتقدر تعرف ١٠٪ من شخصية حدا هون
اللهم ارحم أبي وأكرمه كما أكرمني غاية الإكرام وتفضّل عليه كما تفضل علي ، يارب أحسن إليه بفضلك واجعل له جنة الخلد وكوثرها وأنهارها وظلالها حيث النعيم الدائم الذي لا ينتهي يارب أجعل قبر أبي في سعةٍ وسلام ونور وضياء إلى يوم يبعثون .
صاحبتي طالعة مع الحب ع مكان بعيد زي مطل والجو رومانسي نجوم وقهوة وأغاني وهو صافن فجاة قلها بتعرفي لو أذبحك هون ما حدا بدرى عنك ولا بلاقيكي 🥺وبتمسخروا علينا لما نحكي الجملة المعهودة " امانة اذا متت رح تزعل علي "
قبل فترة لقيت حج بعز الشمس ماشي وضهره محني وحامل كياس قلتله خليني أوصلك ما رضي شوي بدّي أترجاه يطلع صار يحاول يسرع مشيته وبعد عني وصرت اعيط واحكي مع حالي ليش ما رضي وكتير بخطر ع بالي
ميرفت أمين تجوزت ٨ مرات سعاد حسني ٤ مرات سهير رمزي ٨ مرات لولا صدقي ٩ مرات تحية كاريوكا ١٤ مرة يا ساتر نجوى فؤاد ١٢ مرة مريم فخر الدين ٤ مرات صباح ٩ مرات ليلى طاهر ٦ مرات وانتوا مستحين تعترفوا للكراش
اقسم بالله كتير اشي مقرف اللي بتعملوه كل ما واحد كتب شغلة بتبلشوا كوت تويت إهانات وتكذيب على اساس دمكم خفيف ولا شخصيتكم قوية ولا كاشفين المستخبي مستلمين كم حدا هون شو ما كتبوا لازم تفردوا عضلات واذا ردوا عليكم بنفس أسلوبكم بتطلعوهم هما الغلط والمتنمرين ارحموا العالم من شركم
كل محاولاتي بالهروب من الحزن فاشلة حتى وانا بضحك وبلهي حالي بكون بفكر كل التفاصيل بتذكرني صوته وصورته قدام عيوني من لما اصحى لحد ما انام بتمنى اشوفه بالحلم ولما احلم فيه ما بتزكر تفاصيل بعرف اني حلمت وما بعرف شو الحلم
كنت بدور على عنوان ومش عارفة اندل لقيت واحد وسالته وصفني وفجاة قلي اصلا انا هناك طريقي امشي وراي مع انه كان صاف وبده ينزل ! مشيت وراه وطول الطريق مقشعرة واسولف مع حالي يا الله محسن الناس اللي بتساعد والخير في امتي الى يوم الدين . بس وصلنا الا هو نزل يطلب رقمي
والهادئ اللطيف الخجول الخلوق اللي متربي سبعين مرة اللي راح يخاف الله فيكي بس مشكلته بعرفش يعبر ولا يقرب ما رح تعرفي انه كان في الوجود ولا رح تلاحظيه الا بعد فوات الأوان لما يسلخ الحمدلله الذي بنعمته تتم الصالحات
أقوى مشاهد في مسلسل #تانغو كانوا ل #دانا_مارديني
مشهدها وهي عّم تاخد سيلفي
مشهدها وهي سكرانة مع طلال
مشهدها لما سامي عرف انها بتاخد كوكاين
واخر مشهد لما سامحت عامر
هالممثلة ابدعت بشكل مرعب فعلاً بتستاهل مليون جائزة عن هالدور
تذكرت هذا الكلام لأديب وروائي فرنسي ولد وعاش في مصر
"يولد المصري وفي قلبه ورقة بردى مكتوب عليها بحروف ذهبية، أن السخرية هي المنقذ من اليأس"
- جيلبرت سنويه
الي عشر دقايق بحاول اصيغ تويت مفادها انه الشعب المصري هو الي مخلي العرب يضحكوا من ورى خفة دمهم ولولاهم كان اثقل من دم العرب مفيش ..
اعطوني الصيغة المناسبة
قبالي مراهق عمره قريب ١٤ سنة بنط وبشقلب وبعمل حركات بالبركة وبتطلع علي بنص عين انه شوفيني وانا مبدع وببتسملي ابتسامة خجولة قبل كل حركة بتطلع علي يتاكد ازا رح اشوف وانا بتطلع عليه وبعطيه نظرة اندهاش وهو فرحان وانا فرحانة بفرحته
صباح الخير مين ممكن يساعدنا نلاقي شغل لست اربعينية سكان ماركا معها توجيهي فقط وما عندها خبرة ومضطرة على الشغل وضعها صعب ممكن اي شغل بس يكون ما في وقفة طويلة
#مساعدة
قعد يسولف عن حاله انه مهندس متقاعد من * نسيت من وين * وحيد ومرته توفت بالسرطان وما جابت اولاد ونفسه يكون عنده ولد وبده ادورله على عروس مرة يحكي انه عايش لحاله مرة يحكي بس نوصل ازا الحجة صاحية بننزل نشرب شاي قلت بس هذا اخر شاي رح اشربه في حياتي