ياحلمي الثاني وصلنا النهايات
ماودي اوادعك والقلب خافق
والمشكله من سابع المستحيلات
إنا بعد هذا الطريق نترافق
حنا وصلنا مفرق الاتجاهات
اكذب عليك ان قلت مانيب شافق
مرت سنه وانا معك في متاهات
وبتروح تلقالك ثمانين لافق
انا عرفت الحين سر النجاحات
بلقى منافق واتعلم وانافق
مع السلامه في
صدورنا فيها الهموم الكثيره
وعيوننا ماودها تذرف الدمع
لو نذرفه يمكن تروح البصيره
وتذوب كل عيوننا كنها شمع
المشكله فالاوله والاخيره
من تربيتنا نقمع دموعنا قمع
مانحسد الا اهل الدموع الكثيره
عيونهم فيها فرح عكسنا دمع
#سعود_بن_هذال
الي تعلمته من دروس الايام
اقسى الردود احيان رد التغاضي
المرتفع ماينتقزم للاقزام
ويصير قدره تحت سبع الاراضي
والوقت مايظلم ولاهوب ظّلام
ترا القدر مكتوب من خير قاضي
الرزق عند الله وموجود قدام
ماربي موديك في درب فاضي
#سعود_بن_هذال
المتابعين يعرفون اخلاق متسابقين الميركه ويارب يكون نجم الجمهور من اخويانا قولو امين صوتو لهم وصوتو لي معهم هذا رابط التصويت حذفت التغريده الي قبل عشان اجيبه🏃
التصويت الان صوتو للميركيين🤍
#جميل_العتيبي #صالح_البلوي #سلمان_بن_ملهي
🔗 : …
#الاستديو105
كل عام وانتم غير وانا بعد غير
كل شخص فينا شخص ماهوب عادي
واليا مدحنا نفسنا خير ياطير
الي يشوف انه خطا انسان غادي
مقدرين نفوسنا خير تقدير
نمشي على كبد الردي والمعادي
الي يحب الخير مع راعي الخير
واهل الدوادي عند راع الدوادي
كل الطيور الي مع اشباهها تطير
ماهيب حرن هايم بكل وادي
الي يشيل العلم والي يجي فيه
دايم يجيبون السوالف تهول
لو يسمعه راع العتب والمشاريه
وقف على بابك وقال لك حول
كلمه يجي منها وكلمه توديه
خدشن ورا علوم الخدوش يتجول
ًوالي كلام الناس دايم يمشيه
علاقته بين البشر ماتطول
#سعود_بن_هذال
يأصحابي الغالين رد الثناء دين
والي يسدد دين دنياه ماجور
وانا محب اكون مذكور بالشين
ياحظ من يبقى على الطيب مشهور
مرت ثلاث سنين وانتم لهالحين
اوفى جماهير دعمو نجم جمهور
#ذكرى_تتويج_سعود_بنجم_الجمهور
#نجم_الجهور #سعود_بن_هذال
باقي عن العيد سبع ايام
وبسبق الناس اعايدكم
يالصارمي دام عزك دام
ولادامت اعياد كارهكم
#عيد_الفطر
مرت عليكم ثلاث اعوام
ولا مر فيها منافسكم
معكم نبى نحطم الارقام
وابى اتقدم واجملكم
انا بعد دعمكم قدام
والصف الاول عوايدكم
ويالي تلاشو مع الايام
سعود هذال فاقدكم
#سعود_بن_هذال
باب الوصل من دون الاحباب مسدود
ياكثر احاسيس الندم عند بابه
من راح منه يجرب الناس ويعود
يلقى المشاعر بارده في عتابه
ويالي معك موجود مانيب موجود
ماكل من غاب يتعوض غيابه
لاتحسب ان سعود يغني عن سعود
سعود واحد والاسامي تشابه
#سعود_بن_هذال
ماهوب بس اليوم دايم حاضرين
من دون برقانا وعزوة روقنا
حنا عتيبه ماتردينا السنين
تطبخ طناخة روسنا وعروقنا
حنا عتيبه فوق في دنيا ودين
مافوقنا غير الله الي فوقنا
جرعة عنصرية
#اليوم_العالمي_للعتبان
اللهم إنها تشهد أنك لا إله إلا أنت، وأن محمداً عبدك ورسولك..اللهم إنّا نتوسل بك إليك، ونقسم بك عليك، أن ترحمها اللهم انقلها من مواطن الدود وضيق اللحود إلى جنات الخلود.
#دعوة_لوالدة_احساس
شعب السعوديه ثلاثين مليون
ويتابعك مليون وشوي منهم
يعني ترا شهرتك في نسبة الكون
من الي العالم مايدرون عنهم
دو��ت في قصايدي الوطنية شي حصري ومالقيت غير هالبيتين وهجاء بعد🙃🏃🏃🏃
#سعود_بن_هذال
عاين ب نجم السما والكوكب الذري
وتعرف على وين يمكن يسري الساري
حقك علينا قعود وهرفين حري
وحقك ليا جا التنافس والسهم فاري
موال تعجيز ولا قافن مسري
تفهق عن عتيبه اليا جتك من ضاري
#سعود_بن_هذال #اليوم_العالمي_للعتبان
من بعد توفيق الله ثم دعمكم ومحبتكم كان اول الحصاد هي الشهادة والأن بعد توفيق الله صدر الترخيص الإعلامي الخاص بي الصادر من وزارة الاعلام لهم جزيل الشكر والتقدير وشكراً لصحيفة نبض على التهنئة والجميع والله يبارك بالجميع
.
#سعود_بن_هذال
فالطريق الي لقيته في طريقي
مالقيت الي يصلي ويتسنن
صرت مدري من عدوي من صديقي
كني الصاحي في مستشفى المجنن
كل داعم ماهو ب داعم حقيقي
هو داعمني على شان يتمنن؟
#سعود_بن_هذال
اتقدم انا #سعود_بن_هذال
بخالص العزاء والمواساة للوطن وللشعر وللشعراء في فقيد الوطن الأمير #بدر_بن_عبدالمحسن اسال الله ان يرحمه ويغفر له ويعفو عنه ويكرم نزله ويوسع مدخله ، إنّا لله وإنا اليه راجعون.
@omar_hathal
كنت مبدعًا وكاملًا. بالتوفيق في الخطة الجديدة وبالتوفيق لزملائك الشعراء. وضعة بصمة في #شاعر_المليون11 ستبقى راسخة في أذهان الناس عند ذكر اسم البرنامج.
2024
اتمنى لكم عام جميل يأصدقائي انا متأكد ان هذا العام مميز ويحمل احداث جميلة في المستقبل القريب اسأل الله ان يحقق احلام الجميع🙂
#سعود_بن_هذال #عام_2024
@ah_madd97
مشاعري من طحنهم صارت طحين
تبعثرت بين الهوا مثل الغبار
انا بدون احساس عايش من سنين
ترا ماكنت احس في كل شي صار
اسوي بين الناس يعنني حزين
لو اني ماطقيت للحزن اعتبار
واضحك من الفرحه وافل الحاجبين
يعنني اضحك بس ضحكي مستعار
@rg_s11
شكراً ياعام الفين وثنين عشرين
الظاهر انك ماتكفيك شكراً
صحيح مازدنا مع اهل الملايين
((لكننا زدنا اعتزازاً وفخراً))
اهديتنا خوة رجالن مسمين
معهم على انتصارنا نزيد نصراً
راجس وراجس مانخلق مثله اثنين
مع خوته زدنا اعتزازاً وفخراً✨
@ah_madd97
صح لسانك واستلم
خابرك ياحمد كفو ماني بحاجة دليل
والخوي مثل الاخو فيه ازيد مفاخرَه
مامدحتك كنت ادور كثير ولأ قليل
مادحك وقتك وسمعتك سمعه فاخره
اثبت اثبت ياجبل وانت ثابت ماتميل
ناظر كبار الدعاوي بنظرة ساخره